ابي حل يرضي الطرفين

احمدي ربج انه ريلج مب متشفق ع اليهاال وانتوا توكم يعني سنتيين مب وايد

استانسي واطلعي وونسي عمرج ولاتغلطين غلطتي عرست وانا يااهل وحملت بسرعه وتحسفت

لانه في ال 9 شهوور عذاااب وتعب ونادر مااطلع وكان ظهري كله يعورني والحين عندي بيبي صعبه اراعيه وانا صغيره

مااستانست في ايام زواجي ولاتهنييت ولاسافرت والله والله للحين متحسفه استغفر الله العظييم ..

بس يالله انشالله اعوض الحيين ولابفكر في الحمل الا عقب انشالله

عبالج الحمال وناسه الا غثى الله يكره النسااه لاا .. وعقب جابلي البيبي 3 شهوور مع حنته وصياحه والله غثى

حبيبتي متى ما الله كاتب بيصيير .. نصيحتي استانسي الحيين لكن عقب اذا زادت السنوات

فلازم تقنعينه بإنكم محتاجيين لبيبي يملي عليكم حياتكم قوليله باييب واحد وبحط مانع قوليله ابي اجرب في خاطري .. والله يوفقج

بصراحه انا مش فاهمه يعنى ايه ياهل لو توضحى يمكن اقدر افيدك
عموما ربنا يوفقك يارب ويهدى بالك

ياهل يعني = عييل يعني بيبي .. فهمتي هههه

اختتتي سنتيين وايد شوووي ..قعدي كلمييه وقلي له ماتبي اجييك بيبي يقول لك يابا وهو قطعة مني ومنك وجي كلااام او زعلللي او لا تعطيينه وجه الا لين رضضضى تحملين

حبيبتي
تريي على ريلج شوي
يمكن هو يبا يرتاح فتره من اليهال وعوار الراس
يبا يستانس معاج وبعدين بعدج صغيره عاليهال تريي سنه زياده او سنتين
وعقب ييبي وبعدين اذا الله راد بتييبين لو برضاج او لا لان وايد متزوجات يابن عيال وتحسفن
وفي بنات ما يابن عيال ويتمنن وبعضهم يكونون توهم مربيين وبالغلط تحمل بعد الاربعين وتقعد تولول
المهم لا تستعيلين على الحمل خليه ايي بروحه وريلج بنفسه بيقولج ان في خاطره ياهل
فلا تحطين في بالج واايد هالفكره خليها على الله

يا محرقية يا خويتي آنه مثلاتج متزوجة تقريبا صار لي سنتين ونص وكنت آنه وزوجي رافضين فكرة اليهال لأنه آنه وهو ما نحب اليهال بس مثل ما نقول هذا الله وهذي حكمته حملت الحين بدون سابق تخطيط مني ومنه وفي الفترة الاولى حسيت روحي مصدومة وظليت على طول ابجي وزوجي واهلي اهمه الي وقفوا يمي واقنعوني والحين وكلما تطور الحمل وحسيت بالياهل افرح وااااااااااااايد واحس ان محد قدي كأني اول وحده تحمل بالعالم ههههههههههههههه
بس نصيحتي لج اصبري بعد شوي وكل شي في وقته حلو لما زوجج يوافق بعدين ييبي عيال بس الحين دام اهو رافض الفكرة انتي حاولي ما تفكرين بالموضوع وفكري بالإيجابيات ترى الحمال صعب واليهال صعبين وايد وبمجرد دخولهم على الحياة كل شي يتغير وتصيرين ما تملكين وقت حق نفسج علشان جذي استغلي هالفرصة واستانسي وسافري مع ريلج وسوي الي تبينه لأن بعدين ما في هالكلام والله يوفقج ويرزقج بالذرية الصالحة يا حلوة

اختي ترى أهم شي الإتفاق في هذي المسألة

يعني زوجك يمكن هو في الوقت الحالي ما يفكر يمكن يكون لأسباب ومنها عدم تحمل المسؤلية في الوقت الحالي وخاصة ان الأطفال يبغي لهم شوي . . .

حاولي تفهميه وتقنعيه بالإنجاب ولكن بأساليب حلوة ومقنعة وما تخليه يضايق وينزعج من الفكرة بحيث انه ما يحب يتكلم فيها من جديد

بس إذا كان زوجك رافض في الوقت الحالي بشكل قاطع ما عليج إلا الصبر والتوكل على رب العالمين والدعاء له أن الله يغير ما في نفسه بهذا الخصوص

والله يسخر زوجك لج ان شاء الله ويرزقكم الذرية الصالحة ويسعدك في حياتج

ياقلبي
والله اذا ربك كتب حمل وحملتي ماهو قايل شئ بيزعل يومين بعدين يرضى
صاحبتي كذا وزعل وقوم الدنيا والحين يموت باولاده
لا تقكري بالموضوع تحرقي بنفسك على الفاضي

الله يرزقج بالذرية الصالحة ان شاء الله .. ويهدي زوجج لليهال...

قوه

الصراحه ماقصرتو كثرتو ووفيتو حسستوني اني صج من اهل المنتى عسى ربي اوفقكم انشالله عن موضوعي انا قعدت مع نفسي مثل ماقلتيلي اختي وراجعت نفسي وجفت من السلبيات والاجابيات ومثل ماقلتو توني اصغيره او بالاخص تو الناس خني استانس وستغل هل فرصه اهم شي زوجي راضي عني وحبني وذا الله سبحانه وتعاله كتبلي اني احمل باحمل لابعلى كيفي ولا علا كيف زوي مشكورين مره ثاني

الله يرزقج بالذريه الصالحه

الله يسعدك ياااارب