فكره يبيلها تأييد وتضبيط

السلام عليكم

خواتي ....

شخباركم ...

عندي فكره اكتسبتها من خبراتكم ومن تجاربكم ومن الاشيا اللي في خاطركم تعملونها ...

خواتي نحن مجموعه كبيره من الاشخاص اللي عندهم افكار وخبرات واللي عنده فلوس واللي عنده فن التعامل والمواهب من صناعة و شغل ...

انا فكرتي كالتالي ... كل مجموعة من البنات في بلد معين يتجمعن حتى لو عن طريق النت كشغل مبدئي و يقولن شو يقدرن يسون ..

يعني مثلا انا من بوظبي بامكاني اتعامل مع اللي فالامارات بشكل عام وبشكل خاص مع بنات ابوظبي نتجمع وكل وحده بخبراتها تفيد الثانيه.. واللي من السعوديه يتجمعن بعد ويفكرن مع بعض ... لان اللي اكتشفته ان فيه افكار كثيره عندكم بس مو عارفين كيف نستفيد منها.

لين ما نكون لنا مشروع او جمعية نجمع فيها فلوس حتى لو مبلغ رمزي عشان نسوي لنا مشروع


لو الكلام عاجبكم ردوا عليه ... وحطوا هم افكاركم ..فكرتي ع فكرتكم راح نكون ونطور افكار ..والله يوفق الجميع ان شاالله ...

من هالقعدات نستفيد بصداقات ومعرفة الناس الطيبه وهم تمنية الفكر وتطوير المهارات :)


الله يوفقنا ويوفق الجميع
طبعا هالكلام راح يكون موثوق عشان محد ينأكل حقه ...