بنات ساعدوني.. زوجي منعني من زيارة أهلي..

ما عليه اختي زوجك خايف عليك....سايريه هذي الفترة وبعدين يمكن هو برحه يخليكي تروحي

مشكورة حبيبتي روبا..

اسمعي كلام زوجك وهالفتره لاتفتحي الموضوع معاه

لين يهداء شويه حاولي تتفاهمي معاه وهذا من حقه بصراحه

كل زوج ماايحب احد يقول كلمه على عرضه وانتي

غلطتي باانك ماخبرتيه وسكتي لان هذا عصبه اكثر

وربنا يكون فعونك

اختتتي احس سالففتج يبي لللها صببر صبري وربي يوفققج

[quote]
اطيع ريلي في قطع صلة رحمي .. اللي هم اهلي لحمي ودمي؟!

خير انشالله عسى مااشر .. مااعتقد وحده فيكم يابنات تصبر عن امها وبيت اهلها

الرياال اللي يمنع مرته عن اهلها مب رياال ومافيه خيير بعد

حبيبتي اصبري جم يوم وكلميه على اساس تروحين لهلج .. هاذيلا اهلج مالج بد منهم

اختاري الوقت المناسب وكلميه .. وقوليله انه انتي مالج شغل في عمتج .. صراحه قطع الوصل هذا مب حل .. والله يعينج
[/QUOTE

واذا عمتج تابت المفروض تكونون معاها ،، الله سبحانه وتعالى يغفر حق عباده التوابين و يسامحهم شلون احنا الناس !!

وأكبر غلط انج قلتي له من قبل عن عمتج مفروض سترتي عليها " من ستر على مسلم ستره الله دنيا وآخره "


ومن رأيي الشخصي اذا انا مثلا كنت متزوجه ريلي ماله حق يقول كلمه وحده عن عمتي لان سمعتي من سمعتها ولا له حق يمنعني عن هلي ،، عقب ماربوني وكبرونني وصرفوا علي و استروني وزوجوني أرووح أقطع صلة الرحم !!!!!


الله يهدي الجميع ويسخر لج ريلج ،، انا اقول الافضل انج تقعدين معاه لما يكون مب معصب و تفاتحينه بالموضوع

حبيبتي بقولج شو تسوين عشان تهدين فيه زوجج
اول شي :
يوم بيرد من الدوام حاولي تغيرين جو البيت سويله غدا او عشا اللي هو يحبه
ثاني شي :
قوليله كلام حلو عشان نفسيته تتغير ويحس براحه ولا تفاتحينه بالموضوع
لو شو ما صار لان هالشي بينرفزه وانا ادري لان في بيتنا نفس الحاله
ثالث شي :
قعدي معاه سولفوا باي شي غير هالموضوع اللا اذا هو فاتحج بالموضوع ها شي ثاني
رابع شي :
لاتزورين اهلج هالفتره لين ما ريلج يقولج ولو اهلج يبونج بيون بنفسهم وقوليلهم بالموضوع
بس بطريقه حلوة شوي عشان ما تستوي مشاكل بين ريلج واهلج
خامس شي :
بعد مرور اسبوعين قولي حق ريلج وقت اللي هو رايق يعني العصر
( حبيبي ممكن اسير بيت اهلي ساعه ولهت عليهم اذا ما عندك مانع )
وشوفي شو بيقولج اذا وافق عطيه بوسه واشكريه بس لو ما وافق
لا تقولين شي قوليله ( على امرك ) وقفلي الموضوع

ان شاء الله اكون ساعدتج

اختى الكريمه فعلا موضوعك صعب الله يكون فى عونك بس لاتخلى زوجك زعلان منك اهم شى الان انك تصالحيه لانك غلطتى لما ماخبرتيه بالموضوع وسايريه لابعد الحدود اعتدرى منه وقولييله انك خبيتى عنه الموضوع خوفا من زعله وانك ماكنتيش تتوقعى ان يزعل لهدرجه ولازم يحس ان اهم شى عندك الان هو رضاه وان الامور ترجه وى الاول بينكم ولا تفتحى معاه موضوع اهلك الا بعد ايام من مصالحتكم وقولليله ان هو عنده حق بس انتى ماليكش دنب او امك انها تنحرم من شوفتك وادا رفض اطيعيه ولا تصرى عالموضوع واكيد حايجى يوم هو اللى يطلب نمك انك تزوريه وممكن تخبرى امك بالموضو بس ماتخليش اهلك يدخلوا بينك وبين زوجك هو على حق والمفروض جدك مايخليهاش تسكن لوحدها لانه بهالطريقه كانه يقوللها ارجعلى للضلال ربى يهديها عمتك ضرت عليتك وعيله اهلها وحتى اختك اللى مش متزوجه هتاتر عليها لان للاسف هدا مجتمعا الشرقى و العربى مش ممكن يتغير
ربى يوفقك ويهديلك زوجك
اختى الكريمه اكثرى من الدعاء والادكار خصوصا قبل قدوم زوجك للبيت وقبل ماتكلميه ربى يكون فى عونك

خبيبتي ان شاء الله تكونوا تصالحتوا ابعتيله مسج وقوليله ترى هالدنيا ظلام بعيوني وإنتى زعلان مني والله أنا كلي مالي لازمة أعيش وحبيبي مو راضي علي
وخلاص سيبي الباقي عليه

حبيبتي هدئي نفسج ترى زوجك خايف عليج ويبي مصلحتك

ومو قصده انه يمنعك انج تزورين اهلج بس يمكن كان معصب ورده فعله بتكون طبيعية في هذا الحالة
بس انتي الحين خليه يهدأ كم يوم عشان هو مضايق ومعصب الحين صعب تتناقشي معاه

لمن تحسي انه صار اوكي وقادره انج تتكلمي معاه افتحي معاه موضوع اهلج بأسلوب تبيني له انج

صعب تقطعي صلة رحمك وتفهميه ان ما بينك وبين عمتك اي علاقة وانك تحاولين تزورينهم في

الأوقات اللي ما تكون موجودة

والله يهدي الجميع ان شاء الله ويفرج لك اختي ويريح بالك

مشكورات حبيباتي على الردودكم.. والله إنها تثلج الصدر...

اختي انا راي انك تطيعين زوجك هذا دليل على انه يحبك ويخاف عليك

حبيباتي إلي ما تعرفونه أن أنا شبه يومي كنت أروح عند أهلي فتخيلو فجأه أنقطع عنهم.. والحمد لله أنهم هذا اليومين راحين أبوظبي.. يعني هم موب في البلاد..

بادن الله مشكلتك تنحل قبل مايرجوا اهلك بس انتى حاولى معاه برفق ولين وماتنسيش الدعاء

المشكلة أنه مو راضي يكلمني يطلع ويدخل البيت حتى السلام ما يقوله...

حبيبتي اهم شي انو زوجك هو الي على الصح فلهذا طعيه وديري بالك على بيتك ليخرب