بلوشيه وإلا (( لا للزواج )) !!!

ان شاءالله الخوات يساعدونك ماعرف كله على النصيب

خليه يقول الي يقول لين يجي نصيبه

بس نصيحه يااختي انتي لاتدخلي بالموضوع ولاترشحي له اي بنت

لان بعدين لاقدر الله وتغيرت الزوجه الي اخترتيها له او شي بيقولو انتي

السبب وانتي الي ماعرفتي تختاري فالافضل خليكي بعيده بهذا الموضوع

يعني شنو بلوشيه ؟؟؟

المهم خيتو مثل ما قالت لك الاخت خلك بعيد بعيد عن هالموضوع ما تدرين بكره ويش يحمل لك معاه

مشكورات ع الرد ..


واطمنكم أنا بعيده عن الموضوع .. بس حبيت آخذ رايكم ..

الله يوفقكم ويسعدكم دنيا وآخره يارب

دام اصله بلوشي ليش معترضين؟؟؟

خلاص خلوه ياخذ نفس اصله مافيها شي

دوروا له وحده من ثوبه عشان مب عقب اتعايره و اتقول انا احسن منك و بعدين عشان انتوا ما تبتلشون

اختي وش معنى بلوشيه؟
اخبر اهل ايران عندهم بلوشيين!!

هل اصله إيراني يعني؟!!

خلوه يتزوج اللي يبي علشان لاصار شي بعدين مايحطها في راس اهله

^

^

^


في ابلوشيات على حسب يعني ف الخليج

ومن باكستان وايران بس مب كل البلوش يعرفون يتكلمون لغتهم وبعضهم يختلف لغتهم ع حسب

وبعدين ف منهم حضر وهم اكثرهم فالخليج

يعني ابلوش وما يعرفون يتكلمون ابلوشي

وبعضهم عاداتهم وتقاليدهم مثل البدوو :wink:

وامممم ماعرف شقولج بعد هااي اللي اعرفه

و

ردي ع الموضوع

دام انه ابوه ابلوشي خل ياخذ وحده من صوب اهل ابوه بنات عماته :)

ولا ما يصير ؟؟

والله ما فيهاا شي ؟؟ لوو ياااخذ بلوشيه .. وبعديين تعالي تراااه صغيير ع الزووواج الله يخليج صكوو عالموضووع وااايد احسن لا اتخلوون الولد يشطط .....

الله يكتب اللي فيه الخير .. شنوو اصل الولد ؟

فديتكن والله ..


المشكله نحن ما نعرف أي حد بلوشي .. ومن جدى ابوه حتى ما نعرف ..


واللي قالت انه صغير <<< هو اللي يبا يتزوج هب نحن قلناله :)

حبيبتي دام هو راغب بوحدة بلوشيه الأصل مافيها شي أهم شي يلقى له بنت الحلال الشريفة والتقيه ..

خل يكلم أبوه اذا في إتصال بينهم وبينه ويخبره إنه يريد يخطب وحدة من جماعتهم وان شاء الله يلقى له " بنات عمه-بنات عمته والخ ..." - خل يتصل بأهله وعمامه اذا له إتصال معهم ويخبرهم


الله ييسر أموره ويستر عليه

ودام هو راغب بالزواج زوجوه خل يستر نفسه ,, دام هو رجال آدمي ويخاف الله وكل مقومات الزواج فيه خل يتزوج بس هو يتحمل نتيجة إختياره؟؟

مشكوره غلايه ع الررد الطيب ..

خلللي عمتج تسال ناس عن بنت بلوشية فاكييد بعرفووونها وبتصيير اتعرفها

يعني معقولة البلاد كلها مافيها ...!!

يعني معقولة مول ماصادفتن ولا وحده بلوشية ...!!!!

حبيبتي اللي يسأل مايضيع ..! واذا سألتن حد من معارفكن يعني مني مناك ان شاء الله بتحصلن

ولا توقفون ضد رغبة الولد ،، دام هو خاطره اف وحده بلوشية خلاص دوروله وحده بلوشية !!

لاتنقون وحده ع هواكن وهو ماله رغبة فيها .!

الله يكتب اللي فيه الخير

20 وتدورون له عروس؟ ههههههههه

صغيرون بعده الله يهداكم ..


عالعموم على شو مستعيلين .. دوروا بعدكم

نحن يوم بغينا نخطب حق اخويه خذنا 3 سنين

كأنه البناات يختفون يوم تدورين عروس ههههههههه

والحمدلله عقبها الله وفقنا وحصلنا اللي يناسبنا ...


نصيحتي لا تستعيلون .. و نصيبه بيلقاه جدامه يوم الوقت بيكون صح :) بالتوفيق

شوفي اختي انتو لا تبينون له انكم رافضين فكرة زواجه من بلوشية لكن قولو له دورنا وما لقينا الي تناسبك و اذا اعجبتكم وحده اقنعوه يروح يشوفها يمكن سبحان الله يرتاح لها ويشيل الفكرة من راسه

الله ييسر اموركم

انا من وجهة نظري اشوووف انه اول شي هو صغير على الزوااج وبعدين ياختي لازم تفهموه انه البنت مو باصلها وفصله البنت بعقلها واخلاقها يمكن ياخذ له وحده بلوشيه ماتكون طيبه وتطلع له عينه مع انه والنعم بكل البلوشيااااااات وانا منهم....بس هذا مجرد مثال وبعدين يااختى لازم تكووني بعديده عن الموضووووع لا تصيرر مشاااااااااااكل ...واذا انه مصمم ياخذله وحده بلوشيه يكلم ابوه وابوه يدورله من اقاااربه والزواااااااااااااج قسمه ونصيب .....اتمنى كل من يقرا رردي بان يدعيلي بالزوج الصالح عاجلا غير اجل انا وجميع بنات المسلمين والدعاء لاخيك المسلم بظهر الغيب مستجااااااااااب وكل من يام بامين ياتي مللك ويقوللك وللك بالمثل.... سبحان الله وبحمده سبحان الله العظيم ...استغفرالله واتوب اليه

والله البلوش بلشه ... و احنا بعد ما ناخذ الا بلوووش ليش ..؟ خاطري اعرف ليش ..؟ نبا نغير اشوي بس ما نقدر .. يالله الحمدالله على كل البلوووووووووووووش .. فديتنا والله عندي خوات تبين هههههههه أسولف