جبتي بنتين ورا بعض

بقولك يا قلبي !

الضنا غالي ، كان بنت و الا ولد !

و نعمة رب العالمين نحترمها و نشكر و نحمد عليها ، و ما ننتظر ردات فعل الآخرين و آرائهم فيها !

الحمدلله انتي بتصيرين أم لبنتين صالحتين ان شاء الله ، زوجك باين انه مو مهتم بدرجة اهتمامك انتي بالموضووع ، و الاشخاص الثانية لا تهتمين لهم ، مو هم اللي بيربون و بيتعبون !


و الله أعلم بصلاحك ، يمكن لو جا ولد يكون مريض لا سمح الله أو اي شي ثاني .. و ان شاءا لله المرة الجاية يتحقق اللي بخاطرك !


قولي الحمدلله يا اختي .. تعرفين ؟ انا اعرف قصة لحرمة اردنية عندها بنت و حملت و عرف زوجها ان اللي فيها بنت ، اخذ جهاز السونار و كسره و ضرب الدكتورة و ظل مسجون لفترة ولادة زوجته !

و بعد ما ولدت الزوجة بنتها تعبت و ماتت بعيد الشر ، كل هذا بسبب الاعتراض على حكمة الله !

الحمدالله على كل حال والله ماني معترضه بس محتسه شوي اني كنت حاطه في بالي شي وصار شي ثاني يعلم الله لما قالت لي الدكتوره بنوته اني قلت الحمدالله على طول ,, بس افكر بزوجي واللي حولي فهمتيني ؟

اختي الحمدلله على كل حال
اولا الرزق من الله
2 تحديد النوع مو من الحرمه ولا من طريقة حملها للبيبي من الزوج يعني انتي مالك دخل

3 الناس مالهم دخل
4 البنت زي الولد في كل شي تبي تربه وتبي تعليم وتبي زي الولد

5قولي لزوجك البنات ستر لابوهم يوم القيامه من النار يقفون على ابواب جهنم لحماية من النار اذا احسن تربيتهم
وفي الحديث الآخر عن عائشة –رضي الله عنها– قالت: "دخلت علىّ امرأة ومعها ابنتان لها تسأل، فلم تجد عندي شيئاً غير تمرة واحدة، فأعطيتها إياها فقسمتها بين ابنتيها ولم تأكل منها، ثم قامت فخرجت، فدخل النبي –صلى الله عليه وسلم- علينا، فأخبرته فقال: "من ابتلي من هذه البنات بشيء فأحسن إليهن كن له ستراً من النار" أي حجاباً ووقاية من النار ، متفق عليه

يعني لا يزعل اذا جاءت بنت


واسفه للاطاله
ولا يهمك كلام الناس
الناس غايه لا تدرك


اذا اعجبك ردي قيميني

اختي الله يقومش بالسلامة

اني جبت بنتين ورى بعض

وكان حملي الأول متعب وحملي الثاني خفيف والكل قال لي انش بجيبين ولد ،، لكن الله كتب وجبت بنت

ولله الحمد ،، أهم شي جبتها بنت سليمة وصارت تعلب مع أختها

وأكيد الرجال خاطره في ولد ،، بس ترى الرجال يحبون يدلعون بالنات أكثر!!

والحين صاروا في نفس السن ،، يعبون مع بعض ويلبسون مثل الشي << ربي يحفظهم

ماعليش من كلام الناس !!!!!

مادري ليش تحسبون حساب للي حولكم بشي انتي مالج يد فيه

تحديد جنس المولود من بعد الله يكون على عاتق الرجل

المرأه جميع بويضاتها تكون (( X )) اي انثى

اما الرجل فيحمل ال (( Y .. X )) يعني الذكر والانثى

واذا تلقحت البويضه ب Y يكون الجنين ذكر

اما اذا تلقحت ب X يكون انثى

بالعربي انتي مالج دخل بالموضوع .. زوجج هو المسؤل

..

وربي يرزقج بالذريه الصالحه هاي اهم شي

والبنات رحمه من ربي ^__^

انا جبت 3بنات ورا بعض والحين حامل ولسه مش عارفه ايش فيني والله البنات ما في احلى منهم وما علي من كلام الناس واللي يجي من الله حياه الله والحمد لله...صح انه الزوج يزعل والاهل يتكلمو بس انا اسمع من اذن واطلع من الثانيه والحين بناتي ما شاء الله صارو كبارويلعبو مع بعضهم ويقولولي ماما جيبيلنا بنت مانبي ولد فديتهم والله.... الله يحفظهم لي واشوفهم عرايس...

الحمدلله انا بكري بنت والحين حامل في بنت مايمهني وايد شعوررررررررر ريلي يهاالشي لان العطية من الله والحمد واجب لله والحمدلله الزوجة لما تكون نفسيا متقبلة حملها ترا هذة الراحة تبين ع وجهة الزوج وصديقتي الله يحفظها حملت ابنتين والثالث جابت ولد الله يتمم لج الحمل بالهون واليسر وماعليج من نظرة الناس هذي كتبت الرحمن تجيبين بنت وعسى ربي يكتب لج برها

اولا مبرووووك
وثاني شي اختي الحمدلله بنت ولا ولد نعمة
اعرف وحدة متزوجة الحين 20سنة وتتمنى ياهل بس الله ماعطاها
وانا جبت اول شي بنتين ورا بعض
بالعكس تعالي شوفيهم الحين دوم مع بعض
الله يخليهم ان شالله..
ولاتهتمين حق كلام الناس ترى كلامهم مايخلص

انا عندي بنوتة _الله يحفظها _ والحين حامل ببنوتة برضه .... ونفسك حسيت حملي مختلف وكنت اتمنى ولد حتي يكون عندي النوعين وارتاح عليهم شوي ليما افكر احمل تاني وفي نفس الوقت اسكت عني الناس ... بس ربي كتبلي البنت ... لما خبرني الطبيب انها بنت ما اخفي عليك قلت الحمدلله على طول ... بس جواااااااااااااااااا في قلبي زعلت شوي ... بس الحين اتقبلت الموضوع عااااادي ... بالعكس لما اشوف بنتي وحيدة تلعب لحالها وافكر اني راح اجيب لها اخت ورفيجة _راح يكونوا متقاربين بالعمر ان شاء الله الفرق بيناتهم سنتين_ افرح وينشرح قلبي

الخلاصة اختي ... اهم شي انك تتقبلي الموضوع حتى ما يأثر فيكي كلام الناس ... وما عليك منهم

تبادلين؟!! خخخخ انا بكر وحامل بولد ومن قلت لزوجي ولد حسيت بالضيق استغفر الله بوجهه وقال انا كانت حلمي البنت .. بس قلت له احمد الله وولد يصير صديقك ويخاويك ويحمل اسمك.. ولين الحين انا تقبلت وحبيت ولدي ويالسة اجهز لولد بس انا وزوجي في خاطرنا البنت وكل شي صلاح من الله..
حبيبتي اذا تبين تتفادين كلام الناس لا تقولين لهم من الحين، سوي كأنج ماعرفتي شنو بتييبين ووقت الولادة اذا انتي بخير والبنت بخير الكل بيتقبل الامر الواقع ولا بيكون عندهم وقت يتكلمون وبتشوفين السعادة بعين بنتج لا يبتي لها اخت، انا عندي اخت وحدة ومن زود ما احبها اخاف اجيب بنت في الدنيا بلا اخت وهي عندها بنت وولد وكلما تشوف بنتها قالت يا حسرتي صار عمرها 5 سنوات وما عندها اخت تحبها وتهتم فيها مثلي..
الحمد لله انج ضمنتي خوات لبعض وان شالله الولد جاي في وقته..

اللهم انا نسالك حسن الخلق والخلق

حبيبتي لا تحاتين بنت ولا ولد محد بيرربيهم غيرج واذا اي حد فر عليج كلام قوليله جي يعني الناس لابتتعب في تربيتهم ولا مصاريفهم يعني مالهم دخل ولا تقوليلهم شو قالولج لين تولدين بالسلامة لان الحامل تبي راحة تامة وخصوصا النفسية.

ثاني شي ريلج اكيد مب زعلان لان جنس الجنين منه مب منج وانا احمد ربي على هذا الشي لان الحريم مساكين لو كان جنس الجنين منهم شو كانو سوو

ثالث شي الريال يحب البنات اكثر احنا ماشاء الله عندنا في العائلة الرياييل يتمنون بكرهم يكون بنت حتى ريلي من فترة يقولي انا اتمنى يكون عندي كله بنات عشان يدخلوني الجنة.

والله يسهل عليج حملج وولادتج يارب

انا اعرف وحدة قريبة لنا جابت اربع بنات سبحان الله وربي بارك لهم برزقهم وبعد الاربعة جابت ولد وربي جعل لكل شي سبب وابوهم ماشاء الله مرة يحبهم

لاتحاتين لايعلم بجنس المولود الا الله أنا عندي البكر بنت وهم قالو بحملي الثاني بنت لكن تفاجئت وقت الولاده قالو ليي جبتين ولد

يا اختي .. لا تعترضي على حكم الله ... والله انا افضل 7 بنات متعافيات وبصحة جيدة من طفل يكون مريض ..
يا اختى اهم شي العافية واللي يجي من الله كله تمام ...
والله ان البنات اكثرهن اهتمام باهلهن من الاولاد ... الولد ما له غير مرته وبيته ام البنت ما تقدر ابدا تتخلى عن ابوها وامها وعلى استعداد تخدمهم وتعيش معهم ولو معها درزن عيال ... اما الاولاد ما عندهم اهتمام ..

انا لما كنت حامل زوجي كان نفسه في بنت ... وانا كنت اريد ولد ... وهو كان نفسه الله يعطيه 3 بنات وحتى لو ما في ولد مش مشكلة .. ليش ؟؟ يقولي البنات هم اللي بايهتمو فيني لما اكبر مش الولد ..
الان انا بعد ما جبت وسام اتمنى اجيب تاني بنتين وربي يوفق ..

قولي الحمدلله على كل حال...انا اتمنى يكون عندي بنت او ولد بس الله ماكتب لي..احمدي الله على النعمه ترى غيرك محرووووم..

ما في أحلى من ان الام تجيب بنتين ورا بعض

و راح تحسين بالهشىء لما يكبرون

و يصيرون على طول ويا بعض يلعبون و ينامون و ياكلون ويا بعض

و ما اعتقد ان اي احد بتقولين له انج حامل ببنت راح يقولون شىء من وراج او قدامج

الموضوع كله بيد رب العالمين

و كل اللي يجيبه رب العالمين نعمة
و الحمدلله

حبيبتي ,,, انا نفسج بالضبط عندي بنت والحين حامل في بنت ,,, فديتهم الله يحفظهم لي يارب ,,,,,,,:)

حلو بكره اذا اكبروا مع بعض ودخلوا مدرسه وكل شي مع بعض ,,, احلا من ولد وبنت ؟؟؟؟ وجهة نظري :)

اول شي اختي مبروك الحمل ويارب يرزقج الذريه الصالحه ان شاء الله

اختي لو بس تفكرون ثواني وتحطون نفسكم مكان الناس المحرومين كان والله استحيتي تكتبي الموضوع حتى ، غيركم يتمنى لو طفل واحد يشوف الدنيا فيه وانتي تقولين عادي ولا مو عادي اجيب بنتين ، إنشاء الله عشر اهم شي الصحة والسلامة وان الله رزقكم بهالنعمة

ولاتجهزين كلام حق اهل زوجك ولا شي اذا هم ناقصات عقل انتي تصغرين عقلج معاهم وزوجك ماعنده سالفة يحمد ربه وش وظهر لأن عنده نعمه من الله غيره مو لاقي واهو يتبطر عالنعمة

اسفه اختي اذا كان كلامي شوي قاسي بس صج مااقدر استحمل هالتفكير البايخ وكأن العبد هو الذي يخلق مافي الارحام

انه اميي جابت خمس بنات ولا جابت ولا صبي

والحمد الله على كل حال وعايشين وكلنا حواليها

حتى ابوي اليوم يلي مانمر علييه يسال ويقول ليش ماجيتوو نشتاق لكم

ولا مره سمعناهم يقولون نبي ولد او قال ابوي خاطره في ولد

واللحين اهمه مستانسين في ولاد خواتي ولله الحمد



فكريي شوي لبعيد


البنت رحمه لامها وابوها

اهيي يلي بتشيليش في كبرش

والحمد الله على عطيه رب العالمين