انا والمستحيل!! ساعدوني خواتي

الله يفرج همك قلبي

فديتج موضوعج جدا صعب

تخيلتي باجر عيالج بيكونون (( بدون ))

حرام تظلمينهم :(

بيتمون يلوموونكم على زواجكم وظلمكم لهم

صج صعبه انكم تتركون بعض وكل واحد يحب الثاني اكثر من نفسه.. بس فكري ببكره والعيال

×××

بالنهايه حابه اقولج شي يمكن يريحج

لا امج ولا ابوج ولا خالتج ولا اختج ولا اخوج ولا اي شخص بالدنيا حتى انتي نفسج


محد يوقف بوجه النصيب

كان ربي كاتبه لج ومن نصيبج راح تتلاقون حتى لو بالصين

كل شي مقدر ومكتوووب يالغلا

...

لكن الحياه الواقعيه صعبه وايد


الله يعينج ويكتب لج اللي فيه الخير ان شالله

وبعدين لو رفضته وماصار نصيب لي مع حبيبي فيمكن ما القى بعدين شخص افضل منه


عزيزتي أولا ربنا يفرج همك و ثانيا لازم تعرفي انه نصيبك في الزواج حيتم من حبيبك أو من غيره اللي ربنا كاتبلك ايه حتشوفيه ....... خليكي قريبه من ربنا صلي قيام الليل ركعتين و ادعي ربك و اعلمي انه عسي أن تكرهوا شيئا و هو خيرا لكم و عسي أن تحبوا شيئ و هو كرها لكم و ربك المستعان ان شاء الله

نصيبك راح تاخديه

بس تقدري تقولي لاهلك مااريده وخلاص بس قبل كلمي الانسان الي تحبيه

قولي له لازم تعمل خطوه اجابيه الان حتى لو رفضوه خليه يجرب ويتقدم

واذا انتي تحبيه من قلبك وواثقه فيه بجد بنتظري عمرك كله

بس انتي شكلك اختي بدئتي تملي من الوضع الي انتي فيه وحابه تنخطبي

وهذا من حقك بس صلي استخاره مره ومرتين وثلاث واذا شايفه انه الشخص

الي تحبيه بيظل كذا ومابيقدر بيوم يتقدم لك خلاص قولي بسم الله ووافقي

وربنا يوفقك وبالفعل موقفك صعب جدا

قصتج مثل قصة صديقه لي بالضبططططط

عندي صديقه كانت تكلم واحد على النت لمدة 4 سنوات من يوم كنا في ثانوي لما دخلنا الجامعه وهي تسولف لي عنه
و بصراحه كانو يحبون بعض وااااجد حب صاااااااادق و هو من بلد ثاني بس خليجي طبعا .. وجا تقدم لها بعد صبر و معاناه 4 سنوات بس اهلها رفضو رفض قاطع ان بنتهم تتزوج من اجنبي و تسافر برى الديرة ...
طبعا هذا من حقهم ما يقدرون على غربة بنتهم و فراقها
و ظلت صديقتي سنه تقريبا بعد رفض اهلها له و هي تعاني من حبها له الي ماله حل !!!

و في نفس الفتره تقدم لها واحد شاب ما ينعاب فيه كل المواصفات .. و وافقت عليه لان ما فيه حل ثاني
ما تقدر تاخذ الي تحبه .. وما تبغي يطوفها قطار الزواج و يمكن ما يجيها واحد مناسب بعدين

وافقت عليه و صارت الخطوبة و الملكه و بعد الملكه قطعت علاقتها مع حبيبها القديم

والحين هي متزوجه من سنتين و عندها بنت ما شاء الله

وسالتها من فتره عن حبيبها القديم

تعرفين شنو قالت لي ؟؟؟

قالت لي صحيح هو كان شاريني وانا كنت احبه لكن الحين اقولها بكل عقل
الحمد لله اني ما اخذته و اخذت زوجي ابو بنتي احبه و يحبني و نسيت كل المشاعر القديمه و هالخرابيط و الحب الي بدون عقل
و اخذت واحد ما فيه مثله يحبني و محافظ علي و عنده انا و بنته بالدنيا كلها و الاهم من هذا عايشه قريبه من اهلي ...


استغربت من كلامها مع انها كانت بتموووووووووووووووووت لما اهلها رفضو تتزوج حبيبها !!!


ياريت تاخذين العبره من هالقصه

[GRADE="FF0000 008000 FF0000 008000"]
جوفي حبيبتي أنا مر علي هالموضوع ومن ناس عزيزة على قلبي وايد ... تقريباً قصتها نفسج

1) فكري في مصير الأطفال اللي راح يجون راح يكونون بدون" أبسط حقوق المواطنة راح ينحرمون منه" وخصوصا انتي ماتضمنين انه بيحصل على الجنسية

2) انتي تقولين انه من دول ثانية هل تضمنين ان أهلج راح يوافقون عليه؟؟ وهل تضمنين إنج تقدرين تتركين ديرتج وتعيشين برع ديرتج؟؟؟ ترى الكلام سهل بس وقت التطبيق وايد صعب والله وأصعب من ماتتخيلين!! صج بتكونين بين أهل زوجج إن حبوج واحترموج بس مالج عنى عن أهلج

3) أنا ما راح أشكك لج في الرجال ومصداقيته بس بقولج شي .. وايد ناس سوووها وحبوا من برع وحزة الصدق طارت الطيور بأرزاقها.. إنتي تقولين ان أهله مارح يخلونه يآخذ وحدة من برع البلاد ؟؟ يعني بتواجهين مشاكل من أهلج وأهله وإحتمال تكونين منبوذه بينهم؟؟ وتحملي ونصيحة اللي تآخذ واحد بدون راضة اهلها او أهله ماراح ترتاح طول حياتها...


فكري مليون مرررررة بعقلج وبقلبج .. لأن العقل مايقدر يختار بدون القلب والعكس...
الله يوفقج ويسهل أمورج يارب

عندي وايد كلام بس مو قادرة أكتب لأن فينين غصة بقلبي ذكرني موضوعج بماضي وحدة تعز على قلبي وايد وايد ..
[/GRADE]

خواتي كفوا ووفوا ماشاء الله عليهم
ودعواتي لج بالتوفيق أختي

والله يا بنات مخليتو شي نقوله وكلام الاخت بحرينيه وافتخر عين العقل فكري بيه نقطه نقطه وحطي الايجابيات والسلبيات وقرري والله يوفقج يارب

حبيبتي الغاليه
اعتقد ان البنات كفو ووفوا واكثر من رأي اقوى واصح من رأي واحد
كلهم قالوا لك ما ينفع لك والعقل بقول ما ينفع لك والمستقبل بعد يقول ما ينفع لك
بكره لو بعد كل هالتعب خطبك واهلك رفضوا بيكون الوضع اصعب
وحتى لو وافقوا بتكون حياتكم صعبه جدااااااااا
لان بتعيشين في بلد ثاني ومع شخص بدون يعني كل امورك معسره وبيكونوا عيالك بلا هويه
وانتي عارفه وش مشاكل البدون .
هذا غير انك ما تعرفي اهله عدل يمكن يتعبوكي وووووو
اشياء كثيره لو اجتمعت تهدم اقوى حب في العالم
صدقيني الحب الحقيقي هو الي يكون بين قلبين والظروف تكون لصالحهم
ولو بشكل بسيط وساعتها هالحب بينجح ويكبر ويتكلل بالزواج
بس بوضعك انتي صعب جدا ان يبقى هالحب بدليل بغى يجيكم وما قدر
وبغى يبني ملحق وما قدر
وبكره بكل شي ما يقدر لحد ما انتي خلاص بتكرهي الوضع كله وبتعيشي في مشاكل لا حصر لها
................
نصيحتي لك امسحي رقمه من جوالك وتوكلي على الله وقولي بنساه وحتى لو ما تزوجتي
انسيه لان كفايه عذاب لقلبك ولقلبه في قصه نهايتها معروفه وهي الفراق
ولا تقولي مااقدر انساه او بتزوج وقلبي معه لا لا حبيبتي
انسيه وبتشوفي كيف بتتزوجي وترتاحي مع زوجك لان نيتك صافيه اتجاه الله فبيوفقك.
ومن ترك شئ لله عوضه الله بخير منه وانتي اساسا علاقتك فيه غير رسميه .
تحياتي

اني اقول اليش اذا الشخص الي متقدم اليش زين في كل شي تزوجيه ونسي الي تكلمينه

وحتى لو ما صار نصيب بعد اقول اليش انسى الي تحبينه واقطعي علاقتش فيه لانة اوضاعه صعبة واجد هذا اولا

وثانيا يمكن ما يكون صاااااادق وياش
يعني مهما انتين الحين واثقة فيه وتقولين ما اليه اي هدف في انه يعلقني وخاصة انه في بللد غير وما بيستفيد شي لانكم ما تقابلون بعض ولا شي بس اقول اليش في ناس تسوي جددي نذالة مو لازم تكون مستفيدة وكفاية المكالمات والفضفضة والسوالف ويخليش جدي معلقة
هذاي راي بكل صرررراحة

وفكري عدددددددددددل

والله يوفقش في حياتش

ياحبيبتى البنات قالوا اللى فيه الكفاية وأزيد عليها صلى إستخارة من النهاردة وكل يوم لغاية ما تشوفى الأمور هاتمشى إزاى وربنا يصلح حالك ويوفقك للحل الصواب

دائما ربي يقدر الحلال للانسان لكن يستعجل وياخذه بالحرام ليه مصره تكوني في علاقه حرام صعب انها تتصحح وتصير بالحلال مع انه الحلال صار بين يدك ومتيسر ارضي ربك وباذن الله ربي راح يرضيكي

السلام عليكم ورحمة الله وبركاته

اختي الغالية

انصحك : صلي استخارة لرب العالمين

وفكري بالعقل في كل الامور

ليش اهو تغير كلش ليمن قلتيله عن موضوعج؟ وليش هالفترة الطويلة؟ 4 سنوات !

شنو مصير عيالكم في المستقبل؟ انا بقولج على شي واحد بس ومن خلاله راح تعرفين ايجابيات وسلبيات هالشخص اللي تحبينه ويحبج!

هاتي ورقة وقلم

واكتبي ايجابيات ارتباطك فيه:
1-
2-
3-

ونفس الشي بالنسبة للسلبيات

صدقيني صدقيني راح تقتنعي بهالطريقة - انا اخوي علمني هالطريقة وقال

القرار قرارج بس حطي في بالج

انك كل ما بعدتي عن عيوننا راح يصعب عليك

تطلبي مساعدتنا وتدخلنا كل مااحتجتي لنا ..

مالج الا ابن بلادج يعزج ويقدرك والحب بيجي بعد الزواج بإذن الله ..

الله يوفقج وييسر امورج كلها ..آمين

انا ما فهمت زين قضية الجنسية بس اقولك رايي
ادا ما فيه عوائق مستحيلة لاجتماعك مع حبيبك انطريه الحب احلى
بس ادا فيه عوائق مستحيلة شوفي الي جاك وتزوجي وهيك ولا هيك ما راح تاخدي الا نصيبك وانصحك بالاستخارة والله يقدم لك الي فيه الخير

البنات ما قصروا بردودهم

أختي مدام جالك الشخص اللي شاريك ودق باب بيتكم وفيه خير في دينه وخلقه
فحرام انك ترفضيه من غير سبب وتعلقي نفسك بحلم ما تدري يمكن يتحقق او لا هنا لازم تفكري بعقلك قبل قلبك

وعلى فكرة قصتك نفس قصة صديقتي بس هي اختارت بعقلها بالاخر والحين ما شاء الله عليها
سعيدة ومبسوطة مع زوجها

ربي يوفقك ويسعدك

حبيبتي انتي ماكتبتي مشكلتك وفتحتي قلبك لنا اله انك ظايعه ومتردده وموعارفه شالحل وبالاخص محتاره تسمعين كلام عقلك وله قلبك

ويمكن الكلام الي نقوله ماراح يعجبك ويمكن يعجبك

بنسبه لي اذا بنصحك بقولك صفحه وشققيها ...مو اطويها بس....... شققيها.... انك تتزوجي من الي تعرفتي عليه وظليتي تكلمينه بسر سنتين بغض النظر انه بدون او يحمل اي جنسيه اخرى بس فكرت الزواج من انسان تعرفتي عليه وكلمتيه كل هاذي الفتره ممكن بعد الزواج تعملك مشاكل بحياتك ....وبصراحه اكثر انا اسميها علاقه فاشله لاتزعيلن مني بس هاذا المسمى الوحيد لها ......
سنتين تكلمينه لو هو يبيكي زوجه له وام عياله ماكان كلمك كل هالسنين كان على طول تقدملك وقدم حسن النيه بالخطبه والزواج

ولو ناتي لموضوع الجنسيه ونبعد موضوع انك تعرفينه قبل الزواج ايظا بنلاقي وراه هاذا الموضوع مشاااكل كثيره ومعاناة لكي انتي الها اول مالها تالي ....

والموضوع الاخر تقبلين تنتقلين للعيش ببلد غير بلد اهلك.؟؟؟ وبحكم عدم امتلاكه الجنسيه بتالي لايملك الجواز وبعد الزوااج احتمال يرفض سفرك لاهلك .......كل شي جااااايز لاتقولين طيب وحبوب


العقل
المتقدم من نفس البلد
سنه مناسب
عنده شهاده ويعمل وخلوق ويعرف ربه وانتي قلتي

"
المهم، الشخص اللي تقدم لي شهادته حلوه وموظف في اكبر شركات البلد
عمره مناسب لي
وهو خلوق وملتزم ويخاف ربه وهذا اهم شي عندي "

وبالاخير انتي عطيتي الحل بس مانتبهتي

"وهو خلوق وملتزم ويخاف ربه وهذا اهم شي عندي "

اخر ملاحضه اقولها لج:
حبيبتي اقل شي باجر لو صار ماصار تقدرين تلجاين لاهلج ولايقولولج هاذا اختيارج وتحملي<<<<< لانه مسيرهم بيعرفون

والله يوفقك اختي الغاليه وربي يهديكي لصالح
واعذريني على الاطاله

اخذي المعرس اليديد وتركي الماضي هااي كلام العقل

ربنا معاكي وفعلا البنات مقصروش ربنا بجد يوفقك لطريق الخير

اختي حب قبل الزواج وتليفونات ملها خرابيط..استغفري ربك وتوبي..واذا يبيك يتقدملك وحرما ترفضين شخص عشانه..وهو ماتقدم نقطه..