كيف أستخدم استشوار المشاغل ؟؟؟؟

dreams.aziz 28-02-2009 11 رد 5,740 مشاهدة
d
السلام عليكم .... كيف حالكم يا أخوات .....
أنا عضوه في المنتدى بس أول مره أكتب موضوع ... بس تكفون لا تخيبوني ...
أنا أبغي مشورتكم في استشوار المشاغل .....
أنا سمعت إنه يثبت الاستشوار أكثر من الاستشوار اللي معاه فرشه .....
ومن فتره عزمت ورحت نزيه وشريت أفضل استشوار عنده :tongue:...
وحاولت استخدمه أكثر من مرة بس للأسف إلى الآن ماعرفت اضبطه :confused:..
واللي أبغاه منكم ... اللي تستخدمه أو تعرف طريقة استخدامه تساعدني لأني محتاجته مره وشعري مايضبط بالاستشوار العادي
وماعليش طولت عليكم ... بس كنت أبغى أسأل إذا في وحده جربت الأملج مع السمسم للشعر واستفادت منه ياريت تفيدنا
م
بالنسبه يااختي للإستشوار مااعرف والله شكله عشان اعرف طريقته :D

لكن بالنسبه للأملج بصراحه انا استخدمه مع خلطتي اللي كتبتها بموضوعي

وبصراحه النتيجه روعه ولله الحمد:wink:

اتمنى افدتك
ح
والله مااعرف استخدم استشوار المشاغل سوري ياقلبي

بس الاملج روعه للشعر انا استخدمه وحلووو ينعم الشعر :)
d
مشكورين على المرور وراح أجرب الأملج بإذن الله
ح
وش ماركة الاستشوار ؟

ابحثي في اليوتيوب يمكن تلاقين الطريقة
هو يبي له تمرين فترة لين تتعودين عليه
d
استشواري ماركة elchim أحمر وأسود
ح
نفس استشواري هههه

اول شي لازم عندك فرشة استشوار ايطالية وشعراتها تتحمل الحرارة العالية
الفرشاة البلاستيك بتذوب من الحرارة

وقسمي شعرك زي الكوفيرة
من قدام 3 اقسام << من عند الاذن الى الاذن
باقلي الشعر قسميه 4 او 5 اقسام
طبعا بتبللين شعرك ببخاخ المويه زي المشاغل وتحطين سيروم حماية من الحرارة

تبدين من الاقسام اللي ورى اول تاخذين خصلة
تحطين الفرشاه فوق الخصلة وتمررين الاستشوار وتسحبين الفرشاة عشان تفردين الجذور
وبعدين تحطين الفرشاة تحت الخصلة والاستشوار فوقها وتمشينه على الخصلة
اهم شي الاستشوار ماتوجهينه لفروة الراس ولا مستقيم على الخصلة
لا خلي الهواء اتجاهه بالخارج

مدري مسموح روابط من منتديات ثانية او ممنوع ؟

دعواتك لي بالزوج الصالح
d
ولازالت المحاولات جاريه ....
الله يجزاك خير ويزوجك الزوج الصالح ... بصراحه أفدتيني كثير
d
مرايا ... حاملة الإيمان... أحب أقول لكم اني استخدمت الأملج مع السمسم ... في بداية الأمر خفت لأني لماغسلت شعري مشطته تحت الماي لأن الأملج مايروح بسرعه فتساقط بكثره .... خفت وطلعت وغسلت شعري بزمزم من الخوف .... بس بعدين شفت الوضع عادي ومشطته بعد مانشفته بالفوطه ماتاقط قلت بعيد المحاوله لأني حسيت إن الكسرات اللي في شعري خفت شوي وقلت مع الاستمرار بتخف أكثر .....

حبق .... أبشرك المحاوله نجحن 80% بس المشكله اني اذا بمجرد ما أخلص من الاستشوار وأفتح شعري ينفش بسرعه( وكنك يابوزيد ماغزيت ) .. مع اني أعطي كل خصله حقها ولا أنتقل للثانيه لماأتأكد ان الأولى نشفت ونعمت وكمان أحط كريم مثبت قبل الاستشوار وبعده وأزيته بين فتره وفتره وأستخدم بعد الستشوار كريستال ... بس مافي فايده
ا
ما عندي علم
اسفه
ح
حلو
مبارك النجاح

معناته شعرك جاف ويبي له ترطيب
حاولي تسوين حمام كريم مرتين في الاسبوع
والزيوت خليها على فروة الراس بس
وحطي قبل تغسلين شعرك بكم ساعة كريم بالمرز الاصفر
d
بجرب ... الله يجزاك خير وينولك اللي في بالك
X