شوفو العريس بيعمل ايه ؟؟؟؟؟؟؟؟؟؟؟؟؟؟؟؟

كل ده كلام بيحصل بينكو وانت لسه مش وافقتي عليه ولا ايه مش فاهمه......يعني ايه فترة بتتعرفو على بعض؟؟؟يعني ممكن بعد شويه ترفضيه وكل واحد يروح لحاله...مش فاهمه حاجه بصراحه..

ميرسي لكل البنات القمرات اللي ردوا عليا و الله كان نفسي ارد عليكم واحدة واحده بس الكمبوتر عندي بايظ و بدخل كل مابعرف من عند اخويا ...بجد ميرسي اوي ليكم و ربنا يخليكم ليا يارب و مايحرمنيش منكم ابدا و الله بعتبركم كلكم اخواتي و بحبكم في الله ..
بالنسبة لاخباري المفروض اننا صفينا الخلاف بس هو برده متغير في معاملته و النهارده اتقابلنا و كان معانا ماما طبعا و ماماته و اتكلمنا و هو مصر برده انه مش غلطان و انه اتعصب كده عشان انا اتعصبت و عليت صوتي مع اني و الله عمري مابعلي صوتي بس هو متعود علي نبرة صوتي الهادية وانا متعصبة طبعا نبرتي مختلفة ..بس انا حاساه مكبر الموضوع و عامال يقولي انا اتصدمت و نبرة صوتك و انتي متعصبة مش بتفارق وداني و الموضوع انتهي و خلاص بس انا باخد وقت شويه عشان ارجع عادي زي الاول عشان ماكنتش متوقع كده خالص و ماتقلقيش مشكلة و عدت بس كلامه ضايقني عشان حسيت ان انا بحاول اقرب وجهات النظر مابنا و هو متمسك برأيه ...بس الحمد لله المرة دي حسيت اني مرتاحة لما شفته و اتكلمنا و ان شاء الله اول ما بابا يرجع من السفر هو هيجي يقابله...
بس عاوز اخد رئيكم في حاجة...انا خايفة اوافق ان يبقي في حاجة رسمي و احنا طبعا لسه ماعرفناش بعض و بعد كده يحصل حاجة لاقدر الله يعني احنا يدوب قعدنا مع بعض مرتين و المرة التالته جي هو اهله كلهم عشان يتعرف علي بابا و كده عاوزة رئيكم بجد اتكل علي الله ولا استني شوية نعرف بعض اكتر لاحظو ان دي مش هتبقي اول خطوبة ليا..
مستنية ارائكم و دعواتكم طبعا ..
بحبكم في الله

بصي يا جوجو... انت قلقانة من الارتباط الرسمي جدا عشان انت اتخطبتي قبل كدا .. و خايفة تتحسب دي عليكي تاني خطوبة...بس أقوللك نصيحة حتى لو قعدتي شهر تعرفيه قبل الخطوبة برده مش حتعرفيه كفاية و برده ممكن لا قدر الله ما يحصلش نصيب.. دي حاجة في علم الغيب و ربنا سبحانه و تعالى لوحده اللي عالم...نيجي بقى لدورك انت عشان تبقي داخلة الموضوع و انت حاطة في بطنك بطيخة صيفي...
الواجب عليكي تعملي ايه لما يتقدملك عريس... بتعدي معاه اللي هي الشوفة الشرعية..عندك مرة و اتنين و مايزيدوش عن كدا و طبعا في وجود الأهل.. و بعدين صليتي استخارة...و سألتي كوييييس عن العريس...ارتحتيله و تحريتي فيه الدين و الأخلاق .. العيلتين اتقابلوا .. استشارتي أهلك و مفيش من جهتهم أي رفض و بالعكس وافقوا و باركوا الزواج..اذا رضا الولي متوفر...هو كمان اهله موافقين و راضيين و مباركين الزواج.. يبقى خلاص توكلي على الله لان انت كدا عملتي اللي عليكي و أخذتي بالأسباب و ما قصرتيش .. و تتخطبوا رسمي و تراعي ربنا في الخطوبة لحد ما ربنا يأذن و تتجوزوا باذن الله .. أو ربنا لا قدر الله يقضي أمرا آخر و حيكون له حكمة من كدا عز و جل.. و أي قضاء ربنا يقضيه أكيد فيه الخير حتى لو في ظاهره حزن.. عايزاكي بس تثقي بالله و انت بتوافقي و انت بتستخيريه ..ربنا بيقول (انا عند ظن عبدي بي) مش ممكن ربنا حيعمللك حاجة غير و فيها خير... انت توكلي على الله.. و صدقيني عمرك ما حتعرفيه...عمرك ما حتعرفي عريسك .. مفيش حاجة اسمها تعرفوا بعض من غير خطوبة رسمي.. سبحان الله انت الوضع عندك عكسي .. أنا عشان اهلي كانوا مسافرين كانوا طالبين مني اعد معاه و معايا حد من اخواتي و اتعرف عليه كويس و كدا لحد ما اتخطبله. و أنا كنت رافضة المبدأ ده .. و كنت رافضة اني اتكلم معاه قبل ما يكون في حاجة رسمي .. و كنت مفتنعة اني طالما ماشية صح يبقى ربنا مش حيسيبني...
من الآخر توكلي على الله و لو كل المؤشرات خييير و مبشرة يبقى توكلي على الله .. و بلاش الكلام غير و انتوا مخطوبين رسمي يا بنتي .. ساعتها الراحة حتكون أكتر و تتكلمي براحتك اكتر.. و ربنا يوفقك لما فيه الخير

و حاجة كمان عايزة أنبهك ليها.. انت لازم تبقي عارفة برده و محددة ايه صفات شريك حياتك اللي بتتمنيها .. و كل مقابلة مع خطيبك لازم تطلعي بحاجة من شخصيته تاخدي بالك كريم وللا بخيل .. آراؤه في المواضيع اللي بتفتحوها ايه .. بيحب يتكلم بس و ما بيسمعش اللي قدامه.. كل حاجة تاخدي بالك منها .. و انت بتبقي أدرى حد بالشخص اللي أدامك .. و لو انت مش مقتنعة بيه تقدري ترفضي... و لو مقتنعة توكلي على الله.. و حتفضلي أول فترة في الخطوبة خايفة و مترددة و مش عارفة اختيارك صح وللا غلط .. و هو ده الانسان اللي حكمل معاه حياتي؟ و يا ترى انا استعجلت؟؟ و يا ترى هو يستاهل تضحياتي عشانه و كدا.. كل ده حتكون وساوس في دماغك طبييعي و خصوصا انك مريتي بتجربة قبل كدا.. بس انت خليكي ذكية و حاولي تستفيدي من تجربتك السابقة دي فانها تديكي خبرة أكتر في التعامل مع خطيبك .. و في فهمه .. بس بدووون ما تقارنيه بالأولاني .. ماحدش يحب انه يتقارن بحد...ربنا يوفقك و لو افتكرت حاجة تانية حبقى اجي و اقول علطول ان شاءالله
ربنا معاكي و ابقي طمنينا

ربنا يحليكي يا منايا و الله ارائك بتعجبني جدا و بحس ان كلامك منطقي ربنا يحميكي
بس المشكلة انا مش قادرة احدد يوم احس نه انسان كويس و اقول اتكل علي الله و يوم احس اني مخنوقة جدا و مستحيل الموضوع ده ينفع و احس اني هبقي مش مبسوطة ..بجد تعبانه اوي و نفسي اعيط حتي و مش قادرة...
حاجات غريبة بقي بيعملها مخليني قلقانة اوي ادعولي يا بنات بجد ممحتاجة دعواتكم
ربنا يستر بجد حاسة اني مدمرة و حياتي كلها هتبوظ لو مخدتش القرار صح :ss:...ربنا يستر

طب واحدة واحدة كدا .. ما ينفعش تقولي حاسة اني مش مرتاحة و خلاص .. طب مش مرتاحة لييييه؟؟يعني بصي جيبي ورقة و اكتبي فيها عاجبك ايه فيه و ايه اللي مش عاجبك فيه..
و بعدين الحاجات الي مش عاجباكي دي.. تمسكيها واحدة واحدة و حددي أهميتها بالنسبة ليكي.. هل هي حاجة يمكن التغاضي عنها و التعايش معاها.. وللا ممكن تعرفي ازاي تتعاملي معاها و تعالجيها.. لان بصي خدي بالك مفيش واحدة حتلاقي واحد تفصيل زي ما هي عايزة بالضبط لكن ممكن تلاقي واحد فيه 30% او 50% او 75% مثلا يعني .. من اللي هي عايزاه.. و كل ما كانت النسبة أكتر يبقى اختيارك كدا أحسن و أقرب للصح..يعني مثلا انا لما يتقدملي عريس .. عارفة انه فيه صفات ممكن أستغنى عنها و صفات تانية لأ .. يعني مش عاجبني فيه انه بيدخن .. طيب ايه اهمية النقطة دي بالنسبة لي .. لو أقدر أتعايش معاها يبقى النقطة دي مش مهمة و خلصنا منها.. أو أه اقدر اتعايش بس لو مش حيدخن ادامي و تكون بقيت صفاته عاجباني تخليني اتغاضى عنها ...و ساعتها برده حتعدي النقطة دي لو اتفقتي معاه على شروطك بخصوصها..أو لأ انا مستحيل أتحمل اني أعيش مع واحد بيدخن .. مهما كانت صفاته سواء بقى مش بترتاحي نفسيا .. بتقرفي .. و ما هو مش معقول تتجوزي واحد حتقرفي منه .. يبقى ساعتها حسمتي امرك و رفضتي الموضوع لان العيب اللي فيه ده .. بالنسبة ليكي مهم و خطير جدا... انا كل الحكاية دي بحكيهالك عشان عايزاكي بس تحددي أهمية العيوب الل ي انت شايفاها فيه .. و بالتالي أهمية المميزات اللي شايفاها ... يمكن كدا تقدري تحددي أكتر انت عايزة ايه... لكن لو مجرد شعور بالتذبذب كل شوية و خوف من اتخاذ القرار .. فأنا رأي الشخصي ان كل ده لمجرد ان كان ليكي تجربة قبل كدا فخايفة تختاري غلط تاني.. و أنا عن نفسي فضلت فترة طويلة مع اني كنت خلاص وافقت .. بس كنت بحس بالتذبذب و ساعات كنت أعيط .. و ساعات أقول لنفسي انا اختارت صح وللا غلط .. و كل ده كان بيدور في بالي و خف عندي بالتدريج.. و عايزة أقوللك ان خطيبي كمان من غير ما يحس كان هو السبب في ان الوساوس دي تخف من عندي .. لما احس بتمسكه بية اكتر ,لما تحصل مواقف تكبره في نظري اكتر, لما يتأكدليي انه بيحبني و شاريني .. شوية شوية بتحصل حاجات يا اما تخلي الخوف اللي عندك ده بيقل .. أو بيخلي الخوف ده يزيد...
بسسسسسسسسس ادي نفسك فرصة تعرفيه و تفهميه.. و اسمعيه كتيييييير...بسسس برده في ايطار رسمي.. و في نطاق الخطووبة..عمره ما حيبان من الأول اذا كان بيحبك فعلا و شاريكي وللا لأ ..اعدي قاعدة أخيرة مع نفسك .. فكري طيب و تخيلي نفسك رفضتي الموضوع .. و الانسان ده اختفى من حياتك .. غمضي عينك 5 دقايق و فكري في كدا .. و شوفي حتحسي بإيه .. هل حتحسي انك نفسك تشوفيه تاني و نفسك تتكلمي معاه وللا حاسة انك ارتاحتي أكتر؟؟؟
أنا بحاول أساعدك أو أديكي مفاتيح تفكري بيها و مش عارفة انا كدا بلخبطك اكتر و بحيرك وللا بساعدك ..بس بحاول انقللك تجارب .. حصلت..و ربنا يهديكي للصواب.. و مش حوصيكي انت كمان تدعي ربنا و قولي كل اللي نفسك فيه.. ادعيه يهديكي و يبينلك الطريق الصح.. قولي اللهم دبرلي أمري اني لا أحسن التدبير يا مدبر الأمور.. و اللهم اختارلي ما فيه الخير لي ...أنت أعلم به مني يا رب.. و قولي كل حاجة نفسك فيها و ربنا يتقبل ان شاءالله هو سبحانه و تعالى مش بيضيع حد مد إيده ليه و دعاه و طلب منه حاجة..و لما تحسي انك عايزة تعيطي.. روحي عيطي بين ايديه و اشكيله كلميه كإنك بتكلمي حد و تفضفضيله باللي انت حاساه.. صدقيني حترتاحي.. بس ما تكتميش في نفسك..

أه و خللي بالك كمان العيوب اللي شايفاها دي .. عيوب دائمة وللا عيوب تنتهي بزواجكم و وجودكم مع بعض؟؟ يعني مثلا في بنات تشتكي انها بتتخانق مع خطيبها بسبب عدد المكالمات في اليوم او طول مدة المكالمات او عدا يومين ما شفتوش .. أنا من وجهة نظري دي حاجات وقتية يعني بكرة حتكونوا مع بعض ان شاءالله في بيت واحد فمش حيكون في مشاكل من النوع ده بس ده في حالة انه مش بيبقى قاصد يعمل كدا.. يعني مش قلة اهتمام بيها او طناش لأ بيكون لانشغاله او لأسباب اخرى منطقية مثلا عشان ما يتعدوش حدود الخطوبة فبيقللوا مقابلاتهم .. منعا للفتنة او الغلط .. في ناس كدا .. او لانه لسة مفيش خطوبة تربطكم ببعض عشان يقدر يتعامل كخطيبك و يكلمك في التلفون علطول و كدا .. فاهماني؟؟...

منايا والله ماعارفة اقولك ايه يعني بحد مهما قلتلك مش هوفيك حقك ...بجد ربنت يكرمك و يجعله في ميزان حسناتك و بجد متشكرة جدا لكل البنات و ليكي بالذات..
و احب اطمنكم انا جاية النهارده اشاركم الاخبار الحلوة زي ماشاركتكم حزني...الحمد لله هو جه النهارده هو و اهله عشان الاسرتين يتعرفوا علي بعض و الحمد لله اهله كانو مبسوطين مووت و ماكنوش عاوزين يمشوا وانا كمان اهلي مبسوطين اوي و الاسرتين حسوا انهم يعرفوا بعض من زمان..
اما انا و هو بقي....ف بجد يا بنات عندكم حق حاسة ان الموضوع اختلف تماما لما جه البيت و هو بصراحة بيحاول يبينلي انو شاريني رغم انهم لسه ماتكلموش في حاجة رسمي بس كل كلامه معايا علي المستقبل و ان شاء الله هنعمل...بجد حاسة اني مبسوطة جدا جدا جدا و حتس حاسة اني اول مرة اشوفه شايفاه مختلف خالص ...بس خايفة...اصل انا لما بفرح بخاف اوووووووي و خايفة من الخطوات اللي جاية لما يتكلمو في الجد بقي..ادعولي يا بنات بجد حاسة ان دعواتكم ليا وصلتني ربنا يخليكو ليا و يفرح قلب كل البنات و يفرج هم كل مكروب...

*GOGO*;9042897:
منايا والله ماعارفة اقولك ايه يعني بحد مهما قلتلك مش هوفيك حقك ...بجد ربنت يكرمك و يجعله في ميزان حسناتك و بجد متشكرة جدا لكل البنات و ليكي بالذات..
و احب اطمنكم انا جاية النهارده اشاركم الاخبار الحلوة زي ماشاركتكم حزني...الحمد لله هو جه النهارده هو و اهله عشان الاسرتين يتعرفوا علي بعض و الحمد لله اهله كانو مبسوطين مووت و ماكنوش عاوزين يمشوا وانا كمان اهلي مبسوطين اوي و الاسرتين حسوا انهم يعرفوا بعض من زمان..
اما انا و هو بقي....ف بجد يا بنات عندكم حق حاسة ان الموضوع اختلف تماما لما جه البيت و هو بصراحة بيحاول يبينلي انو شاريني رغم انهم لسه ماتكلموش في حاجة رسمي بس كل كلامه معايا علي المستقبل و ان شاء الله هنعمل...بجد حاسة اني مبسوطة جدا جدا جدا و حتس حاسة اني اول مرة اشوفه شايفاه مختلف خالص ...بس خايفة...اصل انا لما بفرح بخاف اوووووووي و خايفة من الخطوات اللي جاية لما يتكلمو في الجد بقي..ادعولي يا بنات بجد حاسة ان دعواتكم ليا وصلتني ربنا يخليكو ليا و يفرح قلب كل البنات و يفرج هم كل مكروب...

الحمد لله يا جوجو

ربنا يسعدك ويتمملك على خير يا قمر
انتى تستاهلى كل خير

ربنا يوفقك ياجوجو

انا ما اعرفش حكايتك من الاول

بس بالنسبة للموضوع دة ماينفعش تحكمى عليه من دلوقت
لازم تتكلموا مع بعض اكتر عشان تعرفوا بعض ودة هيجى مع الوقت

بس عايزة اقولك على حاجة مهمة اوعى تحكمى عليه
من خلاال مكالمات التليفون

ربنا يسعدك ويتمم لكى على خير ياجوجو

منايا تفكيرك ما شاء الله
ربنا يحفظك ويحرسك يارب

الله يسعدك ياااارب

مشكورة

ألف مبروك يا جوجو ربنا يوفقك و يسعدك يا رب .. و ميرسي ليكي انت و ايمي اليكس .. انا ما عملتش حاجة احنا اخوات ...و انا مجرد اني نقلتلك تجربتي ... بس الحمد لله ان اليوم عدى على خير .. و ربنا يوفقك و يوفق كل البنات يا رب.. و على فكرة الخوف اللي انت فيه ده عااادي و طبيعي .. و حيقل بالتدريج ان شاءالله .. :)

الله ييسر امورك ياقلبي

لية متعملوش قراية فاتحة الاول و تتقابلوا كام مرة تانين و بعدها بشهر مثلا خطوبة

بني ادم غريب هيجنني معاه بيعاملني بمنتهي البرود كأنه بيأدي واجب عمال يستفز فيا و انا بحاول امسك اعصابي بالله عليكم تدعولي ربنا يسرلي امري و يفك كربي و يرشدني للصواب و ينور بصريتي

*GOGO*;9065911:
بني ادم غريب هيجنني معاه بيعاملني بمنتهي البرود كأنه بيأدي واجب عمال يستفز فيا و انا بحاول امسك اعصابي بالله عليكم تدعولي ربنا يسرلي امري و يفك كربي و يرشدني للصواب و ينور بصريتي