ساعدوني الله يجزاكم خير ...اعتبريها صدقه ردك!!

الله يعينج اختي ويقومج بالسلامة.. انا بنتي 4 شهور الحين وماتبي الصناعي بالمرة وانا بداوم بعد كم اسبوع.. يعني حالتنا مثل بعض.. ان شالله يتفاعلون معانا الامهات ويعطونا الحلول

الله يعينك,, بس ماحبيت اطلع من دون ماارد,,,

ربنا كريم ان شاء الله يتعود

والله ما عندي فكرة انشالله يفيدوك الامهات اللي مارين بهذه التجربة

هلا خيووو ،، ربي يقويكِ ويصبرك

لانه يبغى طولة بال صارت لي السالفة نفسها وبنتي صغيرة قمت اقطع عنها بالتدريج مو مرة وحده
يعني قمت احط لها عشبة اسمها (مُرَّه) على الحلمه لانه طعمها ماتحبه وكنت اقول لها انه توتو وموزين
وشوي شوي كرهته وعانيت بالليل نفس ماقلتي وصارت شوي تشرب وصرت احط بكثر من المرة وتتذوقه
وتتركه (يكسرون الخاطر) وعن الببرونه لما يعطشون يشربون بعد لما يحسون مافي امل او مصدر ثاني غيرها
هي مسالة اياااام وتعدي ان شاء الله على خير اني تقريبا اسبوعين واني اعاني لاني ماكنت عازمه بس
حسيت بتي ينقص وزنها والاسهال ومرضت واني مرضت بعد فعزمت علشان صحتها وخوفا عليها

ربي يعطيك الف عافية وان شاء الله اكون افدتك

:
:

ام تامي .. تحياتي

ماعندي فكره ان شالله الامهات يفيدونج انا ام جديده ومن ربيت بديت اعطي ولدي صناعي مره فاليوم عشان لسمح الله صار شيماتعب معه انتي يوعيه وعقب عطيه اشوي اشوي بياخذها

في دوا عند الصيدلية بعد طعم مب حلو للفطاام مخصص

ولما مايشربون ببرونه ياكلون اكثر فاستغليها بالتعويض بالاكل والشرب بالكاس

"
"

ام تاامي .. تحياتي

أولا مبروك الحمل أختي وربي يتمم لك على خير..

الشي الثاني.. ممكن أختي تفطمي طفلك.. خلي على صدرك مرة او لون يكون ولدك يشمئز من الطعم.. أنا لما كنت آبي أفطم ولدي .. كان أبوي مسوي عملية وكنا مشغولين معاه طول الوقت فكنت أشوف ولدي بفترات قصيرة ولما أرجع من المستشفى يكون هو شبع من الأكل اللي عطوه وخلاص مايبي الرضاعة. فحاولي أختي تبعديه شوي عنك وزيدي كمية الأكل فبعدها خلاص مايبي الحليب منك...

مثل الي مريت فيه مع بنتي بس الفرق في العمر كانت اكبر من ولدك بشهرين
طبعا رضعتها اول 2 شهرين
بس تقريبا مت او هلكت لدرجه اني ما كنت اقدر اوقف
بس بعدين اتخذت القرار وحطيت لصقه على صدري وكلمتها بهداوه كم مرة ان خلاص ما في رضاعه
ويا عيني عليها في الييل بكت كم مرة
وفي نفس الوقت رفضت الببرونه وصارت مثل الكبار تشرب الحليب بالكوب

الله يعينك حبيبتي بناتي عمرهن 10 شهور

بس بعدنا عالطبيعي مادخلنا عالفطام

بس ماحبيت اطلع بدون رد

الله يساعدش اختي

الله يعينج حبيبتي والله انا من الاول عودت ولدي على الصناعي ماكدر افيدج بشي اسفه

اختى اولا ربنا يكمل عليكى حملك على خيير

ثانيا الفطام يكون تدريجى فى النهار يكون بعيد عنكى اغلب الوقت مع امك او

حماتك او اختك حد قريب منكى علشان يهتم به كويس يشربونه من البيبيرونه

او كوب الاطفال و هو فى عمره ياكل فشويه شويه يشبع وينساكى طول

النهار وبالنسبه لليل هو اصعب شىء طبعا ينام من غير ما يرضع منكى

سهريه لحد ما ينام من التعب ولما يصحى باليل تكونى مجهزه عصير يحبه او

كوب لبن دافىء او مشروب للاطفال لو مارضى باى منهم يكون ماء ويكون

التعب اول يومين فى الليل وطبعا لازم تضعى على الحلمه شىء مر مثلا بن او

كمون اوشىء شكله وحش..

وربنا معاكى

الله يكون في عونك..


انا الى الحيم مامريت بمرحلة الفطام...


بس اتوقع انه يبي له صبر يعني لاتستسلمي وترضعيها على طووول..

واذا جاعت راح تشرب الرضاعه...


وحاولي بالتدريج,, لانه مستحيل راح تتعود مره وحده...


والله يتمم حملك على خير...

احنا عندنا نبات يسمونه (صبر) طعمه مر تحطينه على الحلمه الله يتمملج على خير والبيبي الياي عوديه على المرضعه وشكرا:87457::87457:

اختي حاولى تحطين ع صدرج شي مر وحطي عسل على حلمة المرضاعة او اي شي حلو عشان تتعود على المرضاعة هاي الل اقدر افيدج فية

حبيبتي في شي اسمة صبر زي شكل المر تحطينة بموية بس تكون كمية الموية قليلة شوي وتحطين علية صبر حجم وسط كسرتين
وتمسحينة

على حلمة صدرك راح انشاء الله يصبر الطفل امهاتنا كانو يستخدمونة ولاعاد راح تطلب صدرك

لان طعمة مو حلو وريحتة كريهة والله يكون بعونك وعونها

دعواتك اختي بتسهيل ولادتي وان الله يسخرلي زوجي

الله يجزاكم كل الخير ويوفقكم لما يحب ويرضا
عاد ان انشاء الله بحاول اني اطبق نصايحكم وباذن الله يعاف صدري ويحب الببرونه...ساعدني ياكريم