دعوة للنقاش بموضوع مهم ويقهر(دخول الاطفال للعرس )

اوووووف هاذي معاناه
انا اكره اللي تجيب عيالها عرس وخاصه عرس ناس ماتقرب لهم مره
مادري ليه هالطبع في بعض الحريم ،،، اذا ماعندك احد تخلين عيالك عنده خلاص ماله داعي تجين اقعدي مع عيالك ولا تخربين عرس الناس

والله فيه حريم من وجيهم مغسوله بمرق اذكر رحت عرس والله ان لو اقولك 10 عربات شوي
لا وكل كوم ولما تجيب الشغاله والعيال طيب ليه ؟؟؟؟؟؟ ابغى اعرف خليها هي والعيال في البيت

والمشكله الكُبرى لما يجوون وينسون عيالهم مايدرون عنهم ؟؟؟ اوف ياكرهي لهالنوعيه من الحريم همجيات بصراحه

معليه طلعت اللي في خاطري لاني مره مقهوره

ميرسي جميعا

موووووووووضوع فعلا تحفة

تصدقي اكثر شي يقهرني بس شكلي راح تجي على راسي في عرسي

من كثر ما اكرة هذا الموضوع جاتني فكرة رهيبة

الواحد يعمل حضانة في العصر جنب الصالة ورسومها تكون بسيطة عشان اللي تجي معاها طفل

وما في عندها احد يهتم فية تحطة في الحضانة واذا ما رضت تأخذ ابنها والا بيتها وتروح بيتها افضل

شووووووووووو رأيك بهذي الفكرة؟ طرحتها على اهلي بس محد ايدني كثير

لكن ولووووووووووووووووووو راح انفذها بأذن الله

هههههههههههههههههه الصراحه عرس في ياهل موحلو بس اذا كانو من الأهل يزعلون ليش ماتبون عيالنه او انه مويايه من بي يود عيالي
صدقيني ياختي انه مسويه بطايق حق اليهال 40 بطاقه اهل ريلي عشرين وصوبنه عشرين
يعني بي صير عرسي عيدميلاد ، بس ان شالله بتعدي الليله على خير
بس انه أيد العرس اللي مايكون في يهال احسن وأفضل

أأأخ يا قلبي ذكرتوني بحفلة خطوبتي...اللي اختربت بسبة اليهال...والله تميت طول الحفلة معصبة ومطنقرة بسبتهم...يعني صج الحريم اللي يايين ويه عيالهم مايستحون...انزين يبتوا عيالكم سكتنا وماقلنا شي عاد يودوهم وجوفوهم مو تخلونهم جذي وتخربون فرحة غيركم...لا والقهر انه اليهال بكل ثقة يرقصون عالمسرح ومو معطين حق الكبار مجال عشان يرقصون ووين امهاتهم عنهم ماندري...والله كل ماتذكر حفلتي اتييني الصيحة... وتميت منقهره اسبوعين من عقب الحفلة بسبة هالعفاطي...وحذرت امي خطيبي وامي وحتى خطيبي اني مابي اجوف ولا نص ياهل في عرسي...

دمع الليل;8960643:
السلام عليكم ورحمة الله وبركاته

انا معاج الغالية الاطفال مع ان همه حلى المكان بس يغربلون في الاعراس يا مكسرين او معفسين و مخربين

بنت خالتي كسروا لها ليتات التصوير وصار المكان ظلمة ع الكوشة ...
وبنت خالتي الثانية كسروا لها كؤوس الكريستال ...

بس اذا كان رضيع ما تجاوز سنه ال2 ممكن حزتها تاخذه الام لانها مضطرة ترضعه وجي

في أمان الله

كلامج صح

تصدقو عاد انه مرة بعرس اخوي وحدة قايلة لاختي مدري شلبس بناتي بالعرس مع انها توها تتكلم معها عن الاطفال يعني شين وقوة عين ياربي الغثا لا وخلي تجي اعراسهم تبدا الفلسفة

انا يوم خطوبتي صادتني نفس المشكلة قلت حق ام خطيبي مابي يهال وحرصت ع السكيورتي وعقب اكتشفت انا مابقى ياهل مادخلته وسو لي العرس عيدميلاد
فحق العرس متجهزه لهم عدل واللي فية خير يدخل ياهل وقلت حق ام خطيبي مافي يهال والل بيزعل يزعل اهم شي انا اكون مستانسه

تسلمون حبيباتي نورتو الموضوع

صاجة أختي صج ودي افقصهم اذا أشوف يهال ايراكضون حدي انقهر .. لكن العتب مو عليهم الشرهه على أهاليهم الي ما يستحون اييبون يهال ... يعني بذمتهم هاذي عرس ولا عيد ميلاد ... أنا من رأيي أي وحدة عندها يهال اتخليهم عند أحد واذا ما عندها أحد يودهم اقول اتيود روحها وعيالها عن الفشيله أبرك لها .... وأنا ان شاء الله اذا الله بلغني وانخطبت باتعمد اسوي خطوبتي ليلة مدارس وأمتحانات وأشغال علشان افتك من اليهالووو ههههههههه لكن المشكله الميهل الي امهات سنتين وثلاث سنين اكيد بيرزون الويه هههههههه مافي حل عيل الا أخلي بنات سكيورتيات ايشوفون الي عندها ياهل ترجع مكان مايات يالله يالله ايفيد :D

يعطيكن العافية ياحلوات

السلام عليكم و رحمة الله تعالى و بركاته،

أنا هالموضوع يرفع ضغطي:mad2:.. العرس كلش مو مكان للأطفال .. يعني إللي مقربين حدهم مثل أخوان المعرس أو أخوان العروس و بشرط بعد إن يضبطون عيالهم و ما يخلونهم يتنقزون و يلعبون و يراكضون في المكان ..

في عرسي كان أهم شي عندي إن ما يكون في أطفال و بما أن هالشي يتناقض مع واقع حياتي لأني أحب الأطفال و يحبوني و كان في مجموعة من بنات خالاتي و من الأهل (9 أو 10 بنات) وايد متعلقين فيني و كنت بكسر خاطرهم إذا منعتهم .. فالحل كان إني سويت لهم فساتين مقاربة لفكرة فستاني و لونها أبيض و عطيتهم ورود في دهم مثل لون باقتي و خليتهم يمشون معاي في الزفة أو بالأصح خليتهم يدخلون قبلي و حددت لهم مكان على المسرح يقعدون فيه على جانبي المسرح و هددت عليهم إن ما يرقصون إلا إذا أذنت لهم .. و إن طول الحفلة لازم يسمعون كلامي و كلام أختي .. فإستانسو و حسوا إنهم مهمين و إن لهم دور في الحفلة و الحمد لله كانوا ملتزمين بالإرشادات .. و خليتهم يتجمعون حواليني و صورت معاهم صورة و صورناهم صورة بروحهم فكان شكلهم حلو و مكمل لجو الحفلة ..

و عندي الأفضل الوحدة تقعد في البيت مع عيالها و لا إنها تروح تخرب على الناس فرحتهم و ترتيباتهم .. و الله إن عرس بنت خالي مارحته و السبب عيالي ما عرفت أتركهم مع أحد .. و عادي المفروض يتفهمون موقفي بس لأن صدق العرس مو مكانهم ..

و الحل ما في غير تحطون سكيورتي عند الباب و تخلونه يمنعهم و أي تليفون من أحد غريب لا تجاوبونه في وقت الحفلة منعاً للإحراج .. و بعدها عادي إللي يزعل يزعل .. يعني عشان هم ما يزعلون أزعل نفسي و أخرب عرسي .. إذا يهتمون لأمري و جايين يساندوني في فرحي المفروض ما يرضون يقهروني و يخربون حفلتي

اي والله انه للحين منقهرة على زفتي الي خروبها اليهالوو تخيلوو وانه يزفووني يركضون في نص الزفة والله حدي انقهرت وللحين منقهرة شرط من سنة ونص مخطوبة هههههه :mad:

معاج حق
هذا اكثر شي كان شاغل بالي وقت زواجي
لكن سويت كروت خاصه للاطفال
بس للعائله ...

السلام عليكم و رحمة الله و بركاته

هلا اختي صج موضوعج يبيله كلام!!
اففففففففففففففففف منهم هاليهال ركوب على الكوشة و تدميرها.... نتف في الورود.... تخريب الطاولات... غير الله يعزج اذا رجعوا (فرغوا) على الأرض :sm215:
و غير كذا من احسن المواقف انه العروسة تدخل على انغام صياحهم:cry:
يا إلهي!!!
على كثر ما احب اليهال على كثر ما اكره حضورهم للأعراس! و صراحة جربنا الرجاء عدم إصطحاب الأطفال على البطافات بس و الله لو تكتبينها على كبر البطاقة بعض الناس ما راح يهتمون..
أنا ابي اعرف ليش يجيبونهم و الله حرام عليهم شفت في أعراس وايد يهال ما كملوا السنة شلون يتحملون هالطبوووول و الله تشوفين ويهه متسندر حده و الخدامة متشبهره اتطالع فاللي يرقصون(ذبحتهم) و لا تدري عنه:no:
يا رب ما شوف ياهل و احد في عرسي و يارب يكونون نايمين مستريحين في بيتهم و الله يحفظهم

و أخيراً رساااااااااااااااالة لأم العيال بليز فكروووووووا في عيالكم و فكروووووووووووا فاللي حاشمتكم و عازمتكم على عرسها و عيب ثم عيب ثم عيب ما تلتزمون باللي مكتوب على البطاقة لأنه هالشيء يعد من باب عدم الإحترام للي عطاج هالدعوة ...

انا عرسي بعد شهرين بكتب في البطاقه ممنوع اصحاب الاطفال والله اذكر خربوا عرس اختي كرهتهم هذاك اليوم

انا ارفض وبشده دخول الاطفال واحس ماله داعي ابد يجول للزواجات
بس بعض الامهات الله يهداهم يحبون العناد

آآآآآآآه :sad:

هذا همي ماادري وش اسوي بملكتي غثوني وماادري وش راح يسوون بالعرس

فكرت اجيب العاب او اسوي افكار تخليهم يربضون......:mad2:

تصدقو يا بنات لو يسوا ملاهي بتاع القصر ومعها مربيات يكون احسن للطرفيين ولو كمان يجبو مرضعات الله يسعدهم حيكون احلى فرح اول المهات مبسوطين مطمنيين على عيالهم ورجال مستانسين والاطفال كمان وتصدقو حتكون اغلى قاعه في العالم
ههههههههههههههههههههه