4D ULTRASOUND, التصوير الرباعي

اذا الله اعطاني ان شاء الله اقولكم عن كل شي...

هلا اختي

بحملي ببنتي صورت رباعي ابعاد بالاسبوع ال16
وصورت بالاسبوع ال33 اعتقد يعني مرتين
واعوطني صور ودي في دي حلوو

كل فتره اجلس اشوفه

باول مره كان 500 ريال وثاني مره تقريبا 800 ريال

الله يسهل لكل الحوامل

يعطيج العاااااااااافيه اخت مفتون


بس حبيت اسالج في اي مستشفى اقدر اسوي هالتصوير اذا تعرفين

فالشارجه او دبي ؟؟؟

يعطيج العااافية يااارب
ربي لاتذرني فردا وانت خير الوارثين

ماريا .. ان شالله تحملين قريب و تشاركينا القصه :) مشكورة عالمرور..


--

اريج .. تسلمين عالمرور والافادة .. حلو بعد انج سويتيه مرتين .. الله يخليلج عيالج :)


--

بحور الشوق .. حبيبتي كل العيادات الزينه تسويه .. انا بسويه ان شالله عند طبيبتي الدكتورة ماريا اللي في عيادة ميسون القيسي في حمر عين .. و تقدرين تسوينه بعد في مستشفى ان ام سي اللي ورا صحارى بس كله بمواعيد .. بالتوفيق :)


--

Lovely lolo .. حياج الله حبيبتي و يارب يتقبل دعواتج ان شالله :)

أنا سويت التصوير الرباعي مرتين

مرة بالشهر الخامس و مرة اول الشهر الثامن

قيمته بالكويتي عند دكتورتي 25 دينار و صراحة أنا ما همني

السعر أهم شي اذا في شي بخاطري سويته :)

وترا اللي يسويه راح يستانس وايد لانه فعلا يبين الملامح

وحتى جنس البيبي حيل يبين :)

والله ماجربته بس ان شاء الله بجربه علشان اطمن على النونه على الشهر السادس

يارب يثبت حملى ويقر عيونى برؤيته ويجعله من حفظه كتاب الله

مرحبا
بالنسبة لي انا ان شاء الله راح اسويه في بداية الاسبوع الجاي
وبكون في الاسبوع 34
بسوي عند الدكتورة فوزية كمال ب 30 دينار بحريني...

موضوع حلو مفتون تسلم ايدك
راح اسويه ان شاء الله واخبرك

انا سويته في الاسبوع 29 عشان بس نشووف البيبي بوضوح .. بس تبين انه الماء حوالين البيبي قليل و كانت زيارتي للأشعه موفقة الحمدلله ، لأن لو مارحت ما بعرف انه الماء قليل .. بعد 10 ايام رجعت سويته و الماء زاد الحمدلله و شفت البيبي بوضوووح حاط يده على راسه و بعد شوي عطانا ظهره ما يبي نشووفه خخخ !


شي ممتع فعلا و انصح كل حامل تسويه !

ان شاء الله بسويه وبقولكم احساسي

مشكورة على الموضوع

إن شاء الله راح اسويه

انه سمعت في الشهر السادس بعد اوكيي

وراح اسويه عند فوزيه كمال بالبحرين

بصراحه الموضوع وايد حلو وبعد كل البنات راح يستفيدون من استفسارات البنات واالاجوبه..........

عني انا سويت التصوير الثلاثي عند الدكتوره فهيمه المطوع واخذت لي سي دي
وكانت الصور كلش واضحه واتبين كل شي والبيبي كان ماشاءالله يشبه ولدي عبودي عدل عدل فحلو انش تتذكرين هالاشياء الحلوه بعدين وبعد عشان تتطمنين على وضع البيبي واذا فيه مشاكل لااسمح الله..
السعر كان 30دينار ......وسويته في الاسبوع 29....
والله يسهل عليي وعليكم يارب..

حلو الموضوع ان كل حد يحط تجربته ...لان احساس التصوير البرباعي حلو لكثرة الوضوح...انا جربته قبل وبسويه عقب اسبوعين لو الله كتب...مشكورة يا مفتون على الموضوع

مفتون تسلمين وان شاء الله اسويه لان في خاطري صراحه اشووووف البيبي

هلا واخت مفتون
سبقتيني في الموضوع انا كنت بنزل الموضوع لاني كنت افكر فيه


انا بجد متحمسه اني راح اعمله بس انتظر الاسبوع 24 يعني باقي شهر

بنات البحريييييييييين الله يخليكم تزودوني بمعلمات عن أفضل دكتورة تسويه وبكم سعرها اللي جربت؟؟

وبعد اسم ورقم العيادة ..

أنا من السعودية وودي أروح أسويها عندكم لأن دكتوري ارتفعت اسعاره وصار السعر 1000 بعد ماكان 600..

لا تخيبوني بلييييييييييييييييييز..

ومشكوووووووووووورة صاحبة الموضوع ..

أنا بحملي الأول سويته عند دكتوري بمستشفى سعد وكان سعره 600 ريال لكن ماعندي غير صور عادية مافي دي في دي ولا شي..
وسويته بالأسابيع الولى على 17 اسبوع وكانت بنتي صغييييره بس رووووووووووووعة حبيتها وعشت معاها الجو خخخخخخخخ..

وايد حلو ال3D او 4D
انه سويته ببداية الشهر السابع .. وكان ب 35دينار
وكان وايد حلو .. لان بنتي طلعت تشبهني .. وكانت اتمص يدها ,, وتتثاوب وكانت اتبين ملامح وجهها عدل
حتى ان فيها غمازات في خدودها