كل ما يتعلق بمنتجات افون (الجزء الثانى)

roro cat;9291521:
تقريبل ب 60 يا مريم ولما تشيلي خصم العضويه اكيد هتفرق طبعا

mariam87;9291274:
بنات لو نزل عرض في ايفون على رير بيرلز لو نزل عليها عرض قولولي عشان حمستوني اجيبها

ميااده2006;9291444:
ما انا عارفه نازله بنص التمن بس تقريبا نازله لازم اكون جيبه حاجات ب 100 مدفوع عان اجيبه
زى انكانديسنس و البرفيون الجديد لازم على الاقل 100 جنيه لسعر حاجتى مدفوع
اصل لما روحت لقيت بنات كتير بتقول ان في برفانات نزله كذا وحده على كل 100 مدفوعه
عشان ينفع اجيب البرفن

roro cat;9291493:
يا بنتي لو كل حاجه هيقولوا كده ده مش صحيح يبقى هتعملي اوردر باءيه والنبي؟ لما اوردرك هو اساسا كده هتجبيلهم منين حاجات ب100 ج هو هيبقى ناقص حاجه بيتهياءلي دي اشاعات مش اكتريعني تعملي بقى اورد ب200 ج عشان تجيبي 2 برفيوم؟ لا معتقدش

ميااده2006;9274507:

بنات روحت ايفون وجبت انكانديسنس بس بكود وحده صحبتنى لانها

كانت جيبه حاجات ب400جنيه ولكل 100 مدفوعه واحد انكانديسنس
والحمد لله جبتها ريحتهااااااااا تحفه كنت هموت لو مجبتهاش وجبت
الماسك المطاطى السولفر ماسك بتاع كلير سكين هو حلو اوى وكمان بيقلل
المسام وبينظف والتونر بتاع المجموعه دى جبته حلوو بينظف وفعلا بيقلل مسام
البشره بس انا استعملته عشان اشيل الميكياج بيه لانى حسيت انه قوى شويه على البشره
وريحته معجبتنيش حساها زى السجاير معرفش ضربه في منخيرى سجاير بس بينظف كويس
وجبت ماسكرا بامب اب حلو اوى بتكثف الرموش وتقلها
ووالبروشور الجديد نازل فيه حاجات حلوه اوى وحاجات جديده هبقي احاول انزلكم العروض
بس عشان تعبانه شويه وهحاول انزل صور بس اشوف كبل الاسكنر بتاعى معرفش ماله
هبقي اجيب واحد
ونسيت اقولكم انكانديسنس بنات كتير جيباها وبتاخد منها كنت ممكن اموت فيها لو مجبتهاش
والايشدوا الجديد الصراحه صغير اوى بس الوانه فظيعه انا شفتها بس مجربتوش على ايدى
بس جميل لمعته والوانه تحفه والبرفيوم الجديد شميته بس في الكتالوج منزلين حته نشمها في الورق
بتاع الكتالوج ريحته حلوه وفي برفيوم رجالى نازل جديد جميل جدا وبرفيوم كريستيان لاكور الرجالى عليه تخفيض

بجد ريحته راقيه اوى اوى هموت واجيبه لخطيبى وفي ايلينر للعين نازل جديد عامل زى قلم الالوان وفي مزيل مكياج سائل كده بيشيل المكياج المقاوم للمايه عجبونى اوى هبقي اقولكم الاسعار شويه كده

amatalrahman237;9282123:
بصوا يا بنات اسكندرية، انا عايزة اشتري حاجات العرض دة ب 53جنيه بس وب 40 جنيه بعد الخصم
لو في اي واحدة عايزة حاجات برضه والفلوس مش هتكمل معاها ممكن نتقابل في الشركة ونجيب مع بعض

كمان انا في العرض الجديد - تسلم ايديكي يا ميادة بالمناسبة ومستنيين الصور- عايزة اجيب برفان نوار وممكن اجيب منه 2 وعايزة واحدة سريندر والعرض بتاع الرول اون ...... يعني كله برفاانات زي ماانتو شايفين، فكركم هينفع ولا لأ؟

ميااده2006;9286040:
بصوا يابنات انا الشهر الجاى هجيب برفيوم ليتل دريس وايت وهجيب سريندر لخطيبى وهجيب مزيل المكياج ابو 16 عجبنى اوى وهجيب محدد العين اليه ب 27 جنيه هو يابنات عامل زى قلم الالوان كده عجبنى اوى
كتبين انه بيدوم ل 16 ساعه وبفكر اجيب ماسك الشعر بتاع البلانت سبا
حد جرب ماسك الشعر بتاع البلانت سبا ولا ملوش لزمه اجيبه

roro cat;9290904:
ايوة والله عندك حق كل مااحطها الناس تسالني عليها مع اني مش كنت فاكراها واو كدة يعني

رير بيرلز مع انها تقيله بس فعلا جميله طب اقولك حاجه انا شخصيا بتدوخني ريحتها هههههه بس لما بشمها على اخواتي بحبها جدا بتكون هديت وهما كمان لدرجة اننا احيانا كمان كلنا مع ان انطباعنا واحد نساءل بعض هو انتي حطه برفيوم ايه؟ مش بنبقى مصدقين ان دي رير بيرلز هههههه فعلا لما بتهدى بتبقى مشكله غير كده بقى ودي ميزتها ثابته جدا وبتفضل فيا لهدوم ويمكن ده البرفيوم الوحيد اللي فعلا مفيش حد بيشمه عليا الا لازم يساءلني عليه هههههههههههههههه سبحان الله وانا كمان بحب اشمه على اخواتي بيخلى ريحه المكان حلو واخواتي يقولولي بردو بنحب نشمه على غيرنا يعني بمعنى اصح لو عندك مناسبه وعايزه تظهري حطيه وانتي مطمنه هتبقى نجمه الحفله وهتلفتي انتباه الكل والتجربه خير برهان وابقى ادعووووووووووولي
وعلى فكره نفس المقوله دي بتنطبق على ميلينيا بس بصراحه مش زي رير بيرلز لاني فعلا مفتكرش مره خرجت برير بيرلز الا لما حد ساءلني عليها او كمان وقفني يساءلني عليها بس ميلينيا كده بس لاحظت ان يلينيا بتتفاعل اوي مع ريحه الجسم وبتاخد منها عشان كده مش بشمها على كل الناس زي بعض اشمها على ناس توب وعلى ناس لاء حلوه عليا وعلى صاحبتي واخواتي والناس تساءلنا عليها ولاد خالي حطوها بصراحه مكنتش مصدقه ان دي ميلينيا اكتشفت انها بتتفاعل مع ريحه الجسم نفسه وعشان كده بتختلف

dandana;9296907:
تقريرك هايل ياميادة
تسلمى ياقمر
ماعرفتش اقيمك لانى قيمتك قبل كدة
الماسك انا جبته لكن ماجربتوش
بس سمعت انه حلو اوى
لما اجيب منه تانى هبقى اجربه اصل التانية شايلاها



رورو انا ناوية اجيب رير بيرلز
انتى طمنتينى

واللى بيتكلم عن فاراواى باراديس هى فعلا حلوة
انا جبتها وغير فاراواى خالص



ايمى فى انتظار تقريرك

dandana;9296915:
اه وناوية اجيب ليتل وايت دريس كمان

وكنت ناوية اجيب الايشادو بس رجعت فى كلامى
من كلام ايمى


انا هعمل اوردر ب 150 ومش هجيب انكانديسنس لانها عندى اصلا
اى واحدة من بنات اسكندرية عايزاها تقولى وانا اجيبهالها معايا

dandana;9296915:
اه وناوية اجيب ليتل وايت دريس كمان

وكنت ناوية اجيب الايشادو بس رجعت فى كلامى
من كلام ايمى


انا هعمل اوردر ب 150 ومش هجيب انكانديسنس لانها عندى اصلا
اى واحدة من بنات اسكندرية عايزاها تقولى وانا اجيبهالها معايا

dandana;9296907:
تقريرك هايل ياميادة
تسلمى ياقمر
ماعرفتش اقيمك لانى قيمتك قبل كدة
الماسك انا جبته لكن ماجربتوش
بس سمعت انه حلو اوى
لما اجيب منه تانى هبقى اجربه اصل التانية شايلاها



رورو انا ناوية اجيب رير بيرلز
انتى طمنتينى

واللى بيتكلم عن فاراواى باراديس هى فعلا حلوة
انا جبتها وغير فاراواى خالص



ايمى فى انتظار تقريرك

dandana;9296943:
كويس انى عرفت عشان اعمل حسابى من هنا
اجيب حاجات تانية غيره