مجلسي الخاص صار (ورشه )

انا ابغى اخذ رايكم في موضوع
انا ساكنه شقه صغيرة وعندي صاله نجلس فيها جلستنا العائليه ومجلس استقبال واحد تخيلو هالمجلس انا اشتريته بثمانيه الاف كانها طالعه من قلبي المهم زوجي قلب المجلس مخزن لاغراضه ومساميره وصار المجلس كانه ورشه سيارات والكنب انعدم وكل مااقول يالله نرتب هالمكان يغير الموضوع والحين جاراتي ناويين يزوروني ومدري وين استقبلهم وتخيلو مره زارتني وحده من معارفنا وزوجها معها وجلس زوجها بالصاله وانا ويا الحريم بالمجلس قصدي بالورشه والله اني تفشلت لا وابو الشباب جالس بالصاله وماهمه الموضوع والله بموت قهر :mad:المشكله عنده بيته الاول وفيه قراش واماكن يقدر يخزن اغراضه فيها ومع ذلك مضييق علي كانه متقصد والحين انا على ذا الحال لي سنه كل ماكلمني احد بيزوني اصرفهم بس لي متى
مع العلم انه مقتدر من بكره يقلب الوضع :ss:
وانا فكرت ابيع من الذهب حقي وارتب جلسه سنعه لضيوفي واشيل اغراضه برا
وهو على فكره مايستقبل احد في بيتي
تفشلت ونفسيتي تعبت ناس ظروفهم اخس مننا وبيوتهم احلى
وهو كل ماكلمته قال انتي محد يزورك مدري كييف يبيني استقبل الناس
الحين زبدة الكلام تنصحوني ابيع من مجوهراتي وافرش المجلس وارتبه والا لا