خواتي ساعدوني...الزواج وخوفي من الطبخ!!

حبيبتي عادي لا تخافيين
كلنا مكناش نعرف نطبخ قبل الزواج ودلوقتي كله تمام
ماما شوية من النت شويه والاصحاب
كله بالتعود ابتدي اتعلمي شوية شوية
وربنا معاكي ويجعله زوج صالح ان شاء الله

عيون الفهد s;8950648:
ااااااااااااااااخر همي الطبخ وزوجي اول همه الطبخ >>مملكين

يعني يحب انو يقول لاهله انو انا اعرف اطبخ مثلا اروح لهم زياره يقولي اعملي معاكي وجيبيه وانا غثيتهم بحلا جوز الهند ههههههههههه

ولسه قبل 3 اسابيع كنت رايحه عشى لاخوه عملت كيكتين وحده اتفتفتت والثانيه حمرت بزياده خخخخ قصدي انحرقت ولما رحت قلت لهم انو كنت بجيب كيكه بس انحرق والتانيه اتفتفتت سار شي قالو شي زعلو قالو اني مااعرف اطبخ لا الحمدلله >>قولو ماشاء الله دحين تتصل عمتي تقولي ماتعرفي تطبخي هههه

عن نفسي كل مااجي ادخل المطبخ اكسسسل اقول لسه خليني ارتاح جايني الهم جايني

بس اعرف اطبخ ولما يجيني اجرب فيه ههههههه وصدقيني الرجال اي شي يعجبه مع شوية تزين ومقادير مزبوطه


وايش فيها لو انحرق الاكل ولا مازبط ؟؟؟؟؟؟؟؟؟؟ بيقتلك ولا بيطلق ولا بيقول عنك ماتعرفي تطبخي !!!

داايما بابا يذكر ماما بالدجاجه الي نسيتها في الفرن واكلوها محروقه وماما تقوله انت ماتعرف كانت محمره شويا هههههههههه

وزوجي دايما يقولي الله يستر منك شكلي بسكن جنب مستشفى عاادي ضحك وبس

واحيانا لما يذوق شي انا عاملتو يجلس يقوول لاااا مره مو حلو ومدري ايش بس يرفع ضغطي وانا كانك حاطتني بثلاجه عاادي وفي النهايه يطلع يمزح

كبيرها تكبر صغريها تصغر في الزواج اشياء تشيلي هما اكثر من الطبخ صدقيني

وانتبهي لما تتزوجي تهتمي بالطبخ وتنسي الباقي وبكدا زوجك يزعل ويتكلم

ههههههههه حلوه غثيتهم بحلا جوز الهند الله يوفقك يارب ويسعدك مع زوجك يارب

صادقه يااختي في كلامك..صدقيني انا الحين اتعلم منكم ومن ردودكم بإذن الله رح آخذ الموضوع ببساطه ياليتني من زمان قلت مشكلتي لكم:)

كنت خايفه وبحاجه انه احد يقول لي لاتخافي انا عارفه اناهالشي تافه لكن فيني خوف احاول اتجاوزه،كلامكم ريحني كثير الله يسعدكم جميعا بلا إستثناء

monaamor;8950699:
حبيبتي عادي لا تخافيين
كلنا مكناش نعرف نطبخ قبل الزواج ودلوقتي كله تمام
ماما شوية من النت شويه والاصحاب
كله بالتعود ابتدي اتعلمي شوية شوية
وربنا معاكي ويجعله زوج صالح ان شاء الله

:)

ربنا يسعدك يااختي

الله يجزاك كل خير على ردك اللي يريح

حبيبتي انا يوم كنت مخطوبه صارحته وقلت له تراني مااعرف اطبخ ولاشي حتى الرز
قال معليش انا اصلا نباتي
ويوم تزوجنا بعد اسبوع قال خلاص اطبخي بالبيت ماعدنا شاريين اكل من برا وصرت اخبص له يعني ماعلي منه انا قلت له من البدايه لكن يوم من الايام طلبنا سمك من برا والرز اما طبخته بالبيت وهو على باله ان الرز جاي مع السمك قال السمك لذيذ لكن الرز وع مو حلو طعمه والله كأن احد معطيني كف قلت له انا اللي طابخه الرز قال هاه لالا حلو حلو يعني بيرقعها على باله وجلست ابكي لين قلت بس من الفشيله وبعدين اشتريت كتب طبخ وتعلمت والحين الحمد لله اطبخ حتى الاكلات الشعبيه والبركه بالمنتديات والاخوات اللي يساعدونا اي طبخه تبين تتعلمينها اسألي الاخوات بالمنتدى وهم حاضرين والله يوفقك وترى الزواج مو طبخ وبس يوم اطبخي ويوم حاجه خفيفه ويوم من برا ويمشي الحال
الله يوفقك
اسفه على الاطاله

حبيبتي انا تزوجت وبعد زواجي بأسبوعين سافرت مع زوجي امريكا وانا مااااااااااااااعرف اسوي غير بيض مقلي وشاي !!!

يعني ما اقدر ادق على امي كل اشوي واسأل هههه
بس كنت اكتب اسم الطبخه اللي ابغيها واطبق الطريقه بحذافيرها والحمدلله نصيحه ابدي من الحين وجربي االاكل اللي بالصور واشوي اشوي بتتعلمين...

والحين خلاص الحمدلله اطبخ وطبخي الحمدلله زين لا تحاتين ....

حبيبتي حمدي ربج انه تعرفين تطبخين ترى عاادي مو كل زوج يتشرط ومادري شنو ولازم طبخه تصير اوكي وطبخه لا انتي لا تفكرين في هالشي لما تتزوجين تقدرين تتفاهمين مع زوجج هو شنو يحب وشنو يبي ياكل ينوع ولا عادي وبعدها تنضمين نفسج وعلى الطباخ اكيييد ما بتصير كل طبخه مضبوطه حتى لو كنتي متمرسه . اما انا عن نفسي مخطوبة وما اعرف اطبخ ما اعرف الا اشياااء كلش بسيطه وسالني خطيبي تعرفين تطبخين صارحته اني ماعرف وقال لي تعلمي ولحد اللآن ما تعلمت شي ههههههه عيااره ....

حبووووبه كلش عاااااااادي ولاتخافين ولاشي ترا بالعكس اهو يمكن يدلعج وقولج لاتطبخين وابي راحتج بس

انا بصراحه مااعرف اطبخ خير شر؟ كنت احاول اتعلم بس امي وابوي كانو يخافون علينا انا وخواتي وااايد ولايرضون انه نلمس شي فيه نار مااقول انه بالمره الحين ماادخل لا اشياء خفيفه اسوي اي جاي اسخن ماي بيض هالأمور هاذي وحتى في تنظيف البيت ماالمس شي بصراحه بس اعرف مو ماعرف يعني بس صادني كسل شوي ههههههههههه

وانا الحين مخطوبه وقلت لخطيبي ترا مااعرف اطبخ يضحك وقولي يالله جربي فيني والمستشفيات ماتقول لا للمريض ههههه عادي حبوبه اخذيها بطريقة ضحكه معاه ومشي الأمور لين تتعلمين

وهذاني الله وكيلج كل يوم اقول بدخل اتعلم طبخه من عند امي وانشغل ورجع تعبانه من الشغل وقول مالي خلق ولابتعلم وكل شي حزتها يصير غصبنا عني ههههههههههههههه

وعادي حبوبه حتى امي ترا والله لحين ساعات تحرق الأكل يعني تخليه على النار وتندمج في التلفزيون او اي شغل ثاني في البيت وماتشتم اله ريحت الأكل طالعه وركيض عالمطبخ هههههههههههههه اله الأكل لا احترق بس نموت عليها من الضحك انا وخواتي لانها تكون خايفه من ابوي وتفتح نوافذ البيت كلهم وتبخر البيت عشان الريحه تروح ويالله يالله تلحق تطبخ شي ثاني ههههههههههههههههههههههههه وجوفيها الحين عندها خمس عيال وكلنا متزوجين وللحين اتصيدها هالمواقف وحنه الي تونه ماتصيدنه هالشي

الله يوفقج ولاتحاتين شي وكل شي في وقته حلو ياحلوه.

السلام عليكم ورحمة الله وبركاته

غاليتي ...

الوالدة طول عمرها كانت تخاف علينا انا واختي من المطابخ والسبة اختي وهيه صغيرة كانت قاعده مع بنت عمي وهيه تسوي محلبية و طاحت عليها واحترقت ريلينها وتمت تعاني معاها لين تشافت بإذن الله بعد مدة طويلة فحرمت علينا من حزتها دخول المطابخ ان شاء الله لو لسلق بيضة ...

انا خذيت زوجي ما اعرف اسوي الا اختراع واحد الي هو " سلطة "... حتى يوم مرة سويت لنا بيض مسلوق في بيت عمي تحت جدام خواته كل ساعة اقول لهم متى يستوي البيض وعادي كانوا يضحكون معاي ويتغشمرون ... ولا على بالهم

لكن الحمد لله شوي شوي وبالتعود قدرت اطبخ .. من السهل للاصعب .. والمنتديات ما تقصر وخصوصا منتدى عروس قسم الطبخ .. صرت اطبع الطبخة الي ابيها واخلي الوالدة تساعدني فيها او تشرف علي واكاه صرت اعرف ما اقول لج فنانة .. لكن شنو هوه الطباخ غير خلي مقدار ع مقدار وخليه في الفرن وطلعيه واكليه


والزواج مو قائم ع المعدة بس ترى هذاك اووووووووول .. احين اهم شي ثقافة المرأة ومعاملتها واسلوبها وطيبة قلبها وسعة صدرها وتدينها ومعرفتها لربها... والا الطبخ مقدور عليه

في أمان الله

لا اتخافين حبوبة أنا مثلج بالضبط .. أعرف أطبخ الأساسيات .. أما الحلويات مب لين هناك

مع هذا ما أحب أيلس فالمطبخ أكثر من ساعة أحس خلاص كاره الأكله إلي أسويها وودي اطلع بدون ما

أكمل الطبخه .. ولما انخطبت قلت لامي لا اتقوليلهم أني أعرف أطبخ .. ( من كثر ما أنا خايفه من السالفه هذي) بس أمي عاندتني و خبرتهم كنوع من المدح فيي .. بس الحمدلله تزوجت و جربت أسوي حلويات حق ريلي ( لاحظي الشي إلي ما أعرفه (الحلويات) .. هو طلبه بنفسه) .. كنت امخبرتنه أني فالحلويات مييييح وحاولت أسوي حلويات و الحمدلله من نفسه دخل وياي المطبخ وحاول يبسطلي السالفه و سوينا الحلويات مع بعض .. مرة بعد مرة انضبطت و قام يطلبها كل كم يوم .. وأي طبخه يديده عليي كنت أقوله بجربها مب أكيد والحمدلله كانت إيده في إيدي ..

يعني لا اتخافين واتوكلي على الله .. و خبريه من البدايه شو الأكلات إلي متعودة اتسوينها وإذا كنت مب متأكده أو خايفه من ردة فعله قوليله من زمان ما سويتها عاد أنت وحظك .. ( مجرد كلام .. عشان يساعدج فيها) صدقيني تراهم ما يعقدونها بالعكس بتلاقينه هو يبدأ فالطبخه قبلج.. ^^

الله يوفقج و ييسرلج أمورج يارب وخوزي عنج هالوساوس ترا مالها داعي .. اتعبين أعصابج عالفاضي.


واسمحيلي طولت عليج ..

عزيزتي حاولي ماتكبرين الموضوع ...صدقيني اذا يوم ماطلعت الطبخة عادي ولا فيها اي شي ...
لان حتى الطبخة اللي انتي ضابطتها 100% يمكن تطلع عندج في يوم مو ذاك الزود..لان الطبخ بعد يعتمد على النفسية..

الله يرزقج ان شاء الله الزوج الصالح اللي مب همه الاكل عشان ترتاحين..

اختي لا تخافي ابدا حتى انا بالذات في الحلويات مو فنانة كثير وتخيلي خطيبي يعجبه الحلى
بس عادي نتعلم وما ضبطت مرة مرتين اكيد في الاخر بتضبط :)

خلي ثقتك في نفسك عالية وبعدين انتي تعرفي تطبخي
انا عندي بنت عمتى ما كانت تدخل المطبخ ما تعرف شي الحيد بعد ما تزوجت
تعالي شوفيها محد مصدق انها بتطبخ الحين والاكل الحى اشكال والوان

فخليكي كول يا قلبي :)

هههههههههه طيب انتي يمكن بتعرفي تعملي حلويات انا مش بعرف خااااااااالص واهو مخطوبة والحمد لله بس ناوية بأذن الله اني اتعلم

عارفة اية اللي ممكن يبعد خوفك ده انك تمارسي الطبخ كل يوم في البيت وبكده هتوكني واثقة مش هيكون شيء جديد عليكي بأذن الله لما تتجوزي

عاااادي ياقلبي لاتخافين ..

الحين الزوج مايهمه زوجته تعرف تطبخ .. والله تغير الزمن ..بس قبل كانوا لااااااازم المره تعرف تطبخ ..

بس ع الاقل لازم تسوي كم من طبق يذوووقه:wink:

انا لما كنت في بيت هلي كنت ماعرف الا الاومليت وياكثر ماكنت تحترق علي والا الملح يكون وايد عااادي

بس كنت اتفشل ومره بليفت جايبه الاومليت لهلي وكانت 3 مره اسويها لهم واطيح انا وياها ع ظهري ورااااح جهدي خساررره :tongue:خخخ

و كنت بعد اعرف كم من سويت:D ..

لما تزوجت البيت فيه انا وام زوجي وعندنا خدامه فهي اللي تطبخ ..

بس انا شطارتي تطلع في رمضان "كنت اسوي اكلات بسيطه .. سلطااات ..سويتاات":o

بس الشي الوحيد اللي مااعرف اسويه الرز :confused:ميح وان شاء الله اني بتعلم ..

يعني ياقلبي لاتخااافين موشرط كل يووم قول لك ادخلي المطبخ بس لازم تخلينه يشوووف انج طبااخه وشيلي هذا الخووووف منك وبيكون طباااخج(y)

ياماما ايش فيجججججججججججج ادربي من الحين الرجال ماهمه الا بطنه
خذيها نصيحه قدك بيبيت اهلك ادربييييييييييييييي

عزيزتي لا تخافي
ان شاء الله مايصير غير كل خير
ليش هالقلق والخوف
اتعلمي في بيتكم واهي المنتديات مليانة وصفات وحلوة كمان
جربي ولا تياسي وبكدا راح تتعلمي
انا كنت لما اسوي شي ومايضبط معي لا اهتم لاي كلام واقول في نفسي لازم تجربيه مرة ثانية
وبكده المرة الثانية يضبط معي وبفرح
عزيزتي احسنلك انك تتعلمني في بيتكم وستسالي امك واخواتك
ولاداعي انك تكبري السالفة وهي قصيرة ههههههه
امزح لا تشغلي بالك بضري نفسك
وان شاء الله جوز المستقبل تعجبه اي حاجة تكون من ايدك وحتى ان كانت مو حلوة :)
بالتوفيق اختي

الحمدلله انه عندج خلفية عن الطبخ يعني مب ميييييح

عاادي حبيبتي لاتوسوسين وتفكريين واايد وخلي ثقتج بنفسج عالية

عييل اللي مايعرفون يطبخون شيقولون ؟!

هههههههه عيل انا لو اقولكم شو سويت حق ريلي شو بتكون ردت فعلكم هههههههه..

انا سويت له مجبووووووس بورغر هههههههههه

لييييش..لاني اخاف اقطع الدجاج وانا كان خاطري في اكله..ويوم يتذكر هالمجبوس..يقولي الله لايعود هذاكي اليوم ههههههههه..



انا من تزوجت من شهرين طالعه من بيت اهلي ماعرف اسوي رز ابيض..بس اعرف اسوي معكرونه واتفنن

والحمدلله تعلمت من النت برياني التونه واكلات ثانيه..بسييييطه حتى لو مخربه..اقوله تراني اول مره اسويه عسب جيه اخترب ههههههه..

هونيها وتهوون..


بعدين اول الزواج انتي مابتطبخين على طول..يمكن تسافرين شهر العسل..بيكون اكلكم من برا..واذا ماسافرتي 90% بيكون الاكل من برى..


انا عشقي الطبخ..بس ماعرف اسوي وايد اشيا..

بس الاشياء البسيطه اللي اسويها اتفنن فيها..وماتطلع بسيطه..

مثل البيض اخلطه ويا جبنة الموزريلا واقليه..واسويه سندويجات..

تطلع وجبه^_^..وبعد انتي تفنني سوي روحج تعرفين حق المقبلات وبتبدعين^_^

السعاده بالعباده;8951120:
حبيبتي انا يوم كنت مخطوبه صارحته وقلت له تراني مااعرف اطبخ ولاشي حتى الرز
قال معليش انا اصلا نباتي
ويوم تزوجنا بعد اسبوع قال خلاص اطبخي بالبيت ماعدنا شاريين اكل من برا وصرت اخبص له يعني ماعلي منه انا قلت له من البدايه لكن يوم من الايام طلبنا سمك من برا والرز اما طبخته بالبيت وهو على باله ان الرز جاي مع السمك قال السمك لذيذ لكن الرز وع مو حلو طعمه والله كأن احد معطيني كف قلت له انا اللي طابخه الرز قال هاه لالا حلو حلو يعني بيرقعها على باله وجلست ابكي لين قلت بس من الفشيله وبعدين اشتريت كتب طبخ وتعلمت والحين الحمد لله اطبخ حتى الاكلات الشعبيه والبركه بالمنتديات والاخوات اللي يساعدونا اي طبخه تبين تتعلمينها اسألي الاخوات بالمنتدى وهم حاضرين والله يوفقك وترى الزواج مو طبخ وبس يوم اطبخي ويوم حاجه خفيفه ويوم من برا ويمشي الحال
الله يوفقك
اسفه على الاطاله

هههههههههه
ضحكتيني يااختي بسالفتك بس صدقيني استفدت من تجربتك :)

وصدقيني انا عارفه الطبخ ماهو اهم شي بس هذا الخوف اللي ماهو طبيعي متعبني لكن الحمد لله بدى يخف بعد ردودكم الله يجزاكم كل خير يارب ويسخر لكم أزواجكم جميعاً

مفتاح قلب;8951188:
حبيبتي انا تزوجت وبعد زواجي بأسبوعين سافرت مع زوجي امريكا وانا مااااااااااااااعرف اسوي غير بيض مقلي وشاي !!!

يعني ما اقدر ادق على امي كل اشوي واسأل هههه
بس كنت اكتب اسم الطبخه اللي ابغيها واطبق الطريقه بحذافيرها والحمدلله نصيحه ابدي من الحين وجربي االاكل اللي بالصور واشوي اشوي بتتعلمين...

والحين خلاص الحمدلله اطبخ وطبخي الحمدلله زين لا تحاتين ....

جزاك الله خير اختي على نصيحتك معاك حق والله..الله يسعدك يارب وجميع الأخوات:)