مضايقة احد يساعدني

الله يفرج همش ان شاء الله

غربة بلا عنوان;8947621:



واللة كلة اقولة جذي
اقولة الا يحب مايسوي حق جذي حق حبيبتة
واقولة لا تسوي لي جذي
يقوم يعتذر وايام تدمع عيونة
يقول لي مو قصدي اذا عصب مادري شنو قاعد اسوي وانتين تعرفين شلون انا احبج

وكلة يقول خلاص بعصب بس يرد الشي يتكرررر
حتى اقولة انا خلاص مابغي اتزوج بنظل جذي
اخاف اتزوج وتزيد المشاكل


حبيبتي احنا الخطوبة هي زواج نفسها
بس اني ماسكن في بيت عمييييي عالطول

بعد كم شهر راح اتزوج واسوي حفلة وانتقل الى بيتهم
احنا جذي مجتمعنا
ومشكورة

عارفه ليش لانك كل مره تسامحيه وتقولي طيب اخر مره لا وهوا يقول يلا انا اراضيها وهيا ترضى

خذي منه موقف مو لو بكي لو ايش عمل لاتردي خلييه يعرف انك عند كلامك وانتي كمان ازعلي وعصبي وشوفي

انا هذا رأي اذا تشوفي انه يناسبك اعمليه

الله يعينك ويوفقك

كل ما يعصب او يسوي شي سكتي عنه ولا تتكلمين يمكن يحس على نفسه .. والله يبعد عنج المشاااااكل يااااارب

لما تلاقية متعصب

اسكتي وقولي الاذكار في سرك

وقولي اللهم سخر لي قلب من احوجتني اليه

بدل ما تردي عليه وتعصبية زيادة

معاكي الحل بالادعية في الوقت دا

هوة انتوا لما كاتبين الكتاب وبتتقبلوا مع بعض لوحدكم
وانتى قلتى انكم بتتعاملوا معاملة الازواج لية مش عايشين مع بعض لية ؟؟؟؟؟؟؟؟؟؟

جواز مع ايقاف التفيذ


طيب لو ما اتفقوا يبقى ظلاق

تحمل لقب مطلقة

اي لو الله لايقوله ماتفقوا تحمل لقب مطلقه :)

هلا اختي .. الصراحه الموقف الاول اللي ذكرتيه عاادي جداً

يعني واحد راقد وقعدتيه اكييد بيقول هالكلام حتى لو قالج تعالي الحيين .. يعني راعييه شووي

واحمدي ربج انه ياالج فووق ماكمل ارقاده بالصاله .. يمكن تعباان عشان جي ماقدر يقاوم النوده ورقد

وبخصوص العصبيه ترى الرياييل اغلبهم جي ومايعرفون حد اذا عصبوا وفي الاخير يقولون لج

احنا سوينا جي؟ واحنا كسرنا؟ يعني ينسوون وهااي الشي مب بيدهم

حاولي تمتصيين غضبه بإبتسامه او كلام حلوو ترى له اثر كبير وانتي وشطارتج ..

يعني لاتعصبين وتصارخين خلج ساكته ومبتسمه .. وبالتوفيق

مشكوررررررررين خواتي لردودكم
بس اني تعبت ويا هالرجال
مادري وش الحل وياة

ساعات اسكت عنة يقولي ليش ساكتة هههههههههه
يعني وش اسوي
ساعات اظل يوم كامل احقرة واسكت ومارد علية ينقهر ويعصب علي زود

واني اصلن معظم الاوقات اذا عصب اسكت عنة وهو يهذر بروحة ويكسر الاشيا ويطلع برا البيت

بس الحمداللة حاليا الوضع هادىء خخخخخخخخخ


بس تدرون
لما هدىء شوي امس
يقول لي
اني ماحس روحي طبيعي واني اتصرف وياش
قبل كنا غير
هو صحيح قبل كنا غير ماكان عندها هواش ولا مشاكل ولا يكسر الاشيا
واذا عصب يستحمل عصبيتة ومايصارخ علي

قلت لة يمكن ضغط الششغل
اخذ لك اجازة بس المشكلة مايقدر ياخذ اجازة

اممممم

وامس يقول لي احنا احس الا فينا عين
احد حاسدنا
كل من يشوفني يقولي حصلت لك خوش مرة بعد وش تبغي
هو صحيح الكل يشوفنا ويقول ماشاء اللة عليكم
وربعة كلة يقولون لة حصلت لك خوش بنية بعد وش تبغي من الدنيا كل شي عندك
دائما يقولون لة هالكلام
حتى مثلا لما احمل سلة الثياب بغسلها في بيتنا
يشوفونا
ويروحون يقولون لة
بعد مدلعينك وش تبغي يغسلون ثيابك ومادري شنو
دائما الناس تطلعنا
بس اني ماحط ببالي واقول فية اللة فوقهم
بس هو امس لما هدىء الاوضاع
يقولي انا مادري شفيني احس روحي مو طبيعي واجد صارخت عليج هالفترة واحسها عين صايبتنا

لكن وش اسوي
ياللة
كم يوم تهدىء الاوضاع
بعدين تشتعل الحريقة هههههه

مشكورين ماقصرتون عالنصايح

حتى مثلا لما احمل سلة الثياب بغسلها في بيتنا
يشوفونا
ويروحون يقولون لة
بعد مدلعينك وش تبغي يغسلون ثيابك ومادري شنو

من اللي يشوفج

ربعه !!!

عاداتكم في البحرين غريبه

احنا لو في قطر وحده سوت جذي الدنيا كلها تنتقدها

اصلا عندنا عيب البنت تروح بيت خطيبها حتى لو في عقد شرعي بينهم

اختي احنا عندنا زواااااج يعني فية عقد شرعي
ومسوين حفلة والناس كلها تعرف
ويكون الزواج بعد مدة مثلا انا مدتي 10 اشهر وبعدين بنتزوووووج وبسوي حفلة ثانية الا هي الزواج واسكن في بيت عمي عالطول
اما الحين عادي مثلا اني اروح ابيت اهناك ونام كم يوم عادي ازورهم على راحتي كانة بيتييييي خلاص
انا اعتبر نظر مجتمعنا متزوجة

عيل ليش تتعبين نفسج وتسوين عرس دام انتي تنامين وتقوممين وتدخلين وتطلعين وكأنج في بيتج
اصلا خلاص الحين الفتور بيتسلل حياتج لانج خلاص تعاملينه كأنه زوجج وماتعتبرين في مرحلة خطوبه
ومعروف ان بعد الزواج الزوج يتغير

وبعدين بخصوص مشكلتج
المفروض ماتعصبين عليه لان الرجال مايحبون حد يقعدهم من النوم
يمكن كان تعبان او مرهق وحط راسه ونام

هاي بدل ماتغطينه بلحاف وتخلينه يرتاح بنومته

عموماً اللي يوفقج

آيسكريم;8955658:

حباااااااايبي العضوااات احنه عندنه بالخليج وبتكلم عن البحرين بالأخص اذا وحده تقدم لها واحد وتمت الخطبه وصار عقد القرآن (الملكه) تعتبر زوجته شرعاً واشهار عند الكل يعني الخوات الي قاعدين يقولون للبنت خلوه وبروحكم وحرام واذا حملتي ... إلخ ترا هي حلااااااااال عليه مو شي بالحرام او بالخش قاعد يصير هالشي.

يعني في مصر مثلا عندكم كتب الكتاب يعني انكم تقرون فاتحه وتعتبرين انتي مخطوبه (محجوزه ) للشخص الي تقدم لج بس للحين ماصار اشهار عندكم ولا في شي رسمي ومااخص مصر بس والدول الثانيه الي بنفس هالطريقه هني انتو صح اهو مو محلل عندكم. بس احنه بالبحرين لا كتب الكتاب يعني ( زواج شرعي واشهار قدام الكل) يعني نعزم ونسوي حفلة كبيرة هذي خطوبة وتكون البنت حلال زوجها.

سوري على الأطالة بس حبيت ابين لكم لانكم قاعدين تتهجمون على البنت وكانها مسويه شي حرام او غلط. وسوري حبوبات وانشالله محد يزعل ومجرد توضيح لكم لا اكثر.

واختي صاحبة المشكله، عصبيت زوجج كأنج تتكلمين عن اخوي بالضبط اخوي نفس الشي ولا اخوي اذا زوجته تسكت عنه اعصب زود وقولها ليش ساكته ردي علي لووول :ss:

ومع هذا اثنينهم احبون بعض موت ولا احد فيهم يقدر يستغني عن الثاني وبس احملت زوجته وصار عنده ضنى هدء شوي وقلت عصبيته، يعني حبوبه دامه يحبج واثقه من حبه لج :wink:لاتضايقين كلش ودامج اتحبينه اكيد بتتحملينه لو شنو كان والحمدالله بس عصبي صدقيني بس تتزوجين وصير عندكم عيال الله بيهدي انشالله وبخف عن هالعصبيه.

وحاولي تجين معاه بالهدوء حتى اذا عصب سفهي صدق مانقدر نتحمل وخصوصا اذا مو غلطانين بس تحملي وسكتي وحاولي تسكتينه وتهدئينه.

يمكن ماافدتج وايد بس انشالله الله يهدي لج زوجج.

وسوري على الأطاله مره ثانيه. :)

ياحبيبتى إنا مصرية من القاهرة والكلام اللى قلتيه عن كتب الكتاب فى مصر فيه سوء تفاهم اللى إنتى وصفتيه ده اسمه فى مصر مقرية فاتحتها وبعدين الخطوبة بتبقى إنه يلبسها الذهب اللى إشتراه لها وكده تبقى مخطوبة رسمى لكن كتب الكتاب عندناهو العقد الشرعى للزواج بس بدون دخلة ويكون فى حفلة ويتم وقتهاالإتفاق على ميعاد الفرح أو الدخلة ممكن يكون اليوم اللى بعدها أو بعدها بكام شهر أو ممكن كام سنة أو يكون كتب الكتاب فى نفس يوم الفرح يعنى زى عندكم بس اللى عندنا إنه المكتوب كتابها ماينفعش إنها تختلى مع زوجها فى شقة واحدة لغاية يوم الفرح لأنه لغاية اليوم ده ممكن يتم فسخ العقد وتتفركش الزواج وساعتها تفضل البنت بنت مش مدام ولا حامل واللى فهمتوإنكم عندكم نفس النظام إن البنت بتبقى مسؤولة لو حصل حمل يعنى اللى ماينفعش عندكم فى البحرين هونفسه اللى ماينفعش عندنا فى مصر مش لأنه حرام لكن لأن العرف هو اللى بيرفض كده ده تعليقى على الأخوات البحرينيات نرجع للأخت صاحبة المشكلة فى عندى كام سؤال ياريت تجاوبينى عليهم
إنتى وزوجك حصل بينكم العلاقة الحميمة؟
إنتى عندك كام سنة ؟
إنتى عصبية ؟
عندكم فى البحرين المملكة لما تفسخ عقد زواجها بيبقى حالها زى أى مخطوبة فسخت خطوبتها ولا بتبقى زى المطلقة مش بتجيلها فرص كويسة بعد كده؟
الإجابة على الأسئلة دى هاتفرق فى ردى عليكى لو سنك صغير وماحصلتش علاقة حميمة بينك وبين زوجك و إنتى عصبية المملكة لما تفسخ عقدها بيبقى عادى عندكم يبقى نصيحتى تصلى إستخارة وتتوكلى على الله وتدخلى حد صالح بينك وبين زوجك علشان زوجك يحط حد لعصبيته لأنه كده فى حكم القرآن ناشز (مش الست بس اللى بتبقى ناشز)ياستى عصبى على عينا وراسنا طبعه كده هنعمل إيه لكن يحترم نفسه وما يهينكيش بسبب أسباب تافهة ممكن تعصبه لما هو لسة مابقاش زوجك رسمى وبيعمل كد آمال لما تعيشى على طول فى بيتك وتخلفى عيال هايعمل إيه هايشربك (آسفة فى اللفظ)من التواليت وبرده تسكتى بس المرة دى علشان العيال ياماما الحياة مش طرف واحد بيتنازل على طول علشان المركب تمشى لأ لازم تنازلات من الطرفين لكن كده يبقى هو مش على قدر المسئولية ولازم يتربى ويحس بغلطه ولو ماتعدلش معاكى بعد تدخل طرف ثالث يبقى ساعتها توكلى على الله وافسخى العقد لأنك إن صبرتى مع الأشكال دى وتزوجتى بيه يبقى مصيرك من حاجتين ياإما تروحى مصحة نفسية أوتدخلى المستشفى تتعالجى من كسور وغيره ياإما تتطلقى وترجعى بيت أهلك ومعاكى عيل ولا إتنين يبقى طلاق بطلاق إطلقى دلوقتى وإنتى على البر لكن لو كانت إجابتك على أى سؤال عكس اللى ذكرته فى ردى يبقى ساعتها لزم تصبرى معاه شوية وتحاولى تنفذى نصايح البنات وزى ما قلت لك صلى إستخارة وزى ما الأمور ماهتمشى يبقى ده الخير ليكى أنا عارفة إن فى أخوات هايشوفوا إنى بولع الدنيا بينك وبين خطيبك لكن يعلم ربى إنى والله بقولك الكلام ده عن كذاتجربة شفتها بعينى وشفت آخرتها كانت ماتسرش عدو ولا حبيب وأنا ماتمناش لأى أخت من أخواتى فى عروس البهدلة وربنا يصلح حالك ويهدي زوجك من غير أى مشاكل