تجمع اللي اجهضوا وحابين يرتاحون قبل ما يفكرون بالحمل مره ثانيه حياكم

حد منكم خذ دافلون 500

ادعولي يا بنات نزلت عليي الدورة من يوم الاحد وبعد يومين أغتسل

يا رب ارزقني وارزقهم الحمل السليم والمعافى يارب

السلام عليكم

أهلا بنات شخباركم
ما شاء الله زاد عدد المجهضات !! الله يعوضكم جميعا يارب ويارب ما نشوف حد ثاني غيرنا و الله يرزقنا و يرزق كل محرومة


اليوم جتني الدورة بعد عناء 35 يوم من بعد الاجهاض

طبعا انا اجهضت مرتين و احس الآن جسمي ماله طاقة ابدا و خاصة ظهري و بدأ الألم فيه يزيد مع الدورة ..الله يساعدنا و يساعد الجميع وتعبانة نفسيتي من الامتحانات وألم الدورة الي تنزل لي بكتل مثل شبيهة بكتل الاجهاض و حاسة بدوخة و كسل كبير

بنات متى مخططين تحملوا مرة ثانية ومتى تاخذوا الفوليك اسيد هل ممكن ناخذة قبل 6 شهور من الحمل ؟

ب

انا اخذ فوك اسد الحين بس احيانا انسي اخذه
اخذ جلوكفاج لاني معي تكيس
من الدوره ياياه خلاص بحاول احمل
ريحت الشهر خلاص

الله يرزق الجميع

اهلين بنات شخباركم ...محد حمل فيكم ههههه
انا لحد الآن لم تظهر نتيجة تحاليلي لانها تاخذ وقت و ناوية أريح نفسي شوي مع انة زوجي مصر علي بتكرار حملي في هذه الاشهر ولكن ادعي بصلاتي الله يصبره و ينسيه الموضوع مؤقتا للراحة

أهليييين بنااات كيفكم ؟؟؟

أنا أجهضت قبل شهرين وما أدري قاعده أفكر بالحمل بس خااايفه تنصحوني أنتظر ولا أتوكل على الله لاني أخاف يتكرر اللي صارلي لاني حملت بكيس بدون جنين ومررره ميته على مايجيني بيبي يسليني زهقت والله زهقت من التفكيير بالحمل تكفووون بنات أنصحوني ؟؟؟؟

هو افضل ان تكون المدة 3 اشهر اقل شيء ..لان يكون احتمال تكرار الاسقاط وارد اذا كان فترة اقل من هذه
تفائلي بالخير اختي وان شاء الله بتحملي و بتجيي درازن يهال

ولادة مرتين ولا تسقيط مرة ..الله يعين

ماسه حبيبتي ريحي شهر بعد زي ماقالت لك فجر المفروض اقل شي راحه للرحم 3اشهر

وان شاالله بيعوضنا ربي خير

بنات من جاها ألتهاب ما بعد الاجهاض
وقت الجماع يجيكي ألم في بطنك او في خواصرك او في الرحم ..اعاني من مثلي تخبرني شنو سوت وراح منها الالتهابات

الله يعوضكم حبايبي
انا سقطت واكلت ادويه شعبيه وحملت بعدشهرين الله يتممه انشالله

بنات شخباركم ...دعواتكم لي أحس بآلام بأسفل ظهري ما بعرف شو بسوي يمكن يكون الاجهاض المتكرر هو السبب :(

صباح الخير

الحمدلله حصلت هالموضوع لاني كنت ادور بنات نفسي توهم مسقطين وحابين يرتاحون قبل الحمل مره ثانيه ..

انا توني مسقطه ماصارلي اسبوع وحابه ارتاح شهر واتمنى بعده احمل اذا كان لي الخير فيه وكل شي بيد رب العالمين
واللهم لا اعتراض ..

بخصوص الالم انا كل يوم اتالم خصوصا اخر النهار يعني فليل يزيد علي الم بطني وظهري ..

يارب احصل منكم تفاعل في هالموضوع ..

السلام عليكم بنات .. الله يعوضنه اجمعين ان شاء الله ويرزقنه بالذريه الصالحه انا لي ثاني حمل واجهضت في شهرين ونص والحمدلله على كل حال انا قالت لي وحده مصريه حطي حلبه مع ماي يطبخ وحطي معاهم دبس لتقويه الظهر وايد زين بس تبين الصج ما جربته خفت من ريحة الحلبه لاني سمعت ان لها ريحه تطلع في الجسم بس ياريت اللي جربتها تفيدنه وعقب التسقيط رحت للدكتوره وقالت لي تقدرين ترتاحين شهرين وعقب الدوره الثالثه اقدر احمل بس انا معزمه ان شاء الله اروح الحج مع زوجي فأجلت الحمل وقالت لي استخدم الفوليك اذا فكرت احمل قبلها بشهرين والله يرزقنه واياكم يارب ومكشوره الغاليه على هالتجمع الحلووو وان شاء الله نتجمع حوامل يا رب ويعطيج الف عافيه ... (y)

الله يعوضج خير اختي .. والله يكتب للكل الحمل المعافى السالم في القريب العاجل

مادري شسالفه بنات بس انا ووايد اروح الحمام يمكن لاني اخذ حبوب واشرب بعدها ماي
ويمكن لان بطني فاضي واحس بالجوع
مع اني متعشيه الساعه 7 بس كلت شوي :(

انا توني مسقطة للمرة الثانية وناوية ارتاح 6 اشهر


من سويت عملية التنظيف للحين صار ليي تقريبا 12 يوم ومأذتني الافرازات الصفرة اله تنزل استحاضة تقريبا


ياريت في حل حقها وافتك لان اذية الصراحة


وبالنسبة لالم الظهر فأنا على طول ظهري يألمني وهالمرة اكثر يمكن لاني سقطت مرتين ورى بعض مادري

[QUOTE=أموت بعيونه;9449067]السلام عليكم بنات .. الله يعوضنه اجمعين ان شاء الله ويرزقنه بالذريه الصالحه انا لي ثاني حمل واجهضت في شهرين ونص والحمدلله على كل حال انا قالت لي وحده مصريه حطي حلبه مع ماي يطبخ وحطي معاهم دبس لتقويه الظهر وايد زين بس تبين الصج ما جربته خفت من ريحة الحلبه لاني سمعت ان لها ريحه تطلع في الجسم بس ياريت اللي جربتها تفيدنه وعقب التسقيط رحت للدكتوره وقالت لي تقدرين ترتاحين شهرين وعقب الدوره الثالثه اقدر احمل بس انا معزمه ان شاء الله اروح الحج مع زوجي فأجلت الحمل وقالت لي استخدم الفوليك اذا فكرت احمل قبلها بشهرين والله يرزقنه واياكم يارب ومكشوره الغاليه على هالتجمع الحلووو وان شاء الله نتجمع حوامل يا رب ويعطيج الف عافيه ... (y)[/


QUOTE]

لا تنسين تدعين لي خيو لما تروحي الحج ...حياج الله بالتجمع ان شاء الله نقرأ قصص ولادتنكم يارب

اهلين بنات شخباركم


عندي سؤال
انا اليوم راح عني الدم .. متى اقدر اجامع زوجي؟

الله يحييج أختي بقايا فجر ما قصرتي فديتج وان شاء الله الله يبلغني وادعي لج وان شاء الله نسمع اخباركم كلكم حوامل يارب .. وانا تشرفت بهالتجمع الحلووو وكلنه خوات وحبايب ..