ايش رايكم ابغي ارضع يتيم ويعيش معي

الله يعطيك على قد نيتك
والله لك الاجر من اليتيم الي بتربينه وما تعرفين يمكن يكون فاتح خير لك ولعائلتك
لاتترددي دام زوجك ما عنده مانع توكلي واكفلي يتيم
والله يجازيك خير حبيبتي

موفقة وبارك الله فيك

توكلي علي ربج وماعليج من كلام الناس الناس مهما سوينا راح يتكلمون أهم شي تهتمين فيه وايد غلاتي وحتي أنا هاي امنيتي مادري بيتحقق ولي لا والله يوفق الجميع ان شاء الله

الله الله الله
على قلبك ونيتك الطيبه والصافيه
قمة الأيمان والشعور بالغير والطيبه ما فكرتي فيه.
قسما بالله انا احسدك على عزيمتك وطيبة قلبك وهالفكره الاكثر من رائعه
حبيبتي لا تخافي من كلام الناس لو فعليتها الله بيحرسك من الشر انتي وهاليتيم
ولك في الدنيا دعوات المؤمنين وفي الاخره المراتب العاليه من جنات النعيم
والله يوفقك يارب بما نويتي وتكوني قدوه صالحه للكثير.
فالمسح على رأس اليتيم له عند الله اجر عظيم فكيف لو كفلتي يتيم وارضعتيه وربيتيه
صدقيني بيكون فاتحة الخير عليكم والله بيوسع رزقكم على رجله

تحياتي

يا سلام .. :)

تصدقين زوجي كان يفكر في هالموضوع وكان بالذات يبا يتبني ابن شهيد من شهداء غزة .. انا وايد حبيت الفكرة بس مثلج ترددت بسبب المجتمع .. احس انه بينظلم بين الناس ..

بس بصراحة انتي حمستيني برد اكلم زوجي فالموضوع .. انا كنت افكر انه يوم اربي بالسلامة وبنتي تكون في سن بنتج يكون وقت زين انه ناخذ هالخطوة عشان ما اظلم بنتي ولا اظلم اليتيم ..

ماشالله عليج والله ايسر لج اللي فيه الخير ..

انا ريلي كان يتكلم عن يتيم ولد .. ماعرف ليش بس هو كان يفكر بولد .. مادري عنج انتي

رأيى من رأى أخواتى توكلى على الله وربيه لكن حبيت أنبهك لحاجة يمكن تكون غايبة عنك "ادعوهم لأبائهم" يعنى يكتب فى شهادة الميلاد والأوراق الرسمية بإسم أبوه الحقيقى مش باسم زوجك وبعدين والعيال كلهم صغيرين فهميهم إنهم كلهم إخوات ولما يكبروا عرفيهم أحكام الرضاعة خلى بالك التبنى حرام فى الإسلام الحلال هو التكفل يعنى إنك تراعى كل شؤونه زى أمه وأبوه وهو مكتوب بإسم أبوه الحقيقى ربنا يوفقك لعمل الصالحات ويرزقكم رزق هذا اليتيم

يعني بهالسهوله ممكن تتبنون طفل؟؟؟؟ اعتقد لزم في شرووط ؟؟؟ ما ادري بس الله يعطيكي على قد نياتك اختي انا اذا بنصح انصح انك تتكفلي بمصاريفه بكل مايحتاج وهو بمكانه لان من الصعب انك تربيه مع ابناءك لبد ياتي يوم ويتم رفض الفكره خاصه لو كبر ويبي يتزوج؟؟؟؟؟الله يسر امورك اختي

هذا حلمي والله
انتي لو مقتنعه بهالشي توكلي على الله وسويه
وما عليج من كلام الناس ولا تفرقين بينه وبين عيالج
ولا تبينين له انه يتيم والله معاج

لآ تتردي .. اذا كنتي واثقة انك بتقدرين على تربيته .. وبتعاملينه معاملة سوية مع اطفالك الاصليين دون تفررقة ..
أنآ مووت أتمنى أربي يتيم .. كأمنية بس .. لكن ادري صعبة جداً ولأني اعرف المجتمع مستحيل يقبل وانا اصلا مو قد المسئوولية ..
مرة رحت مع المدرسة رحلة لمركز الايتام .. ياربي اي قد يعورون القلب ويكسرون الخآآطر مووت .. مساكين شو ذنبهم في هالدنيا ..
المصيبة الناس تنظر لهم نظرة دونية :( ..


اذا كان زوجك راضي .. ربي طفل يتيم .. وشوفي الاجر اللي بتحصلينه ان شاء الله في الآخرة ^_^ ..
واذا كلش كلش .. ممكن تتكفلين انتي بتكلفة الطفل اليتيم ماديا كآمل .. وتزورينه بين فترة وفترة >> اعرف كثير هيك ^^ ..

الله ييسر لك للخير يارب .. ومافي اروع من رغبتك في تربية طفل يتيم .. انتي شقد حنونة ماشاء الله .. الله يخليك لأطفآلك وللطفل اليتيم اللي بتربينه ان شاء الله ^_* ..