مممممممممم
قريت موضوعج الاول وموضوعج هذا بعد
لو كنت مكانج كنت بستناه لين هو يدق علي من ذاته او يرسلي مسج او اي اتريى اي شيء يدل انه يقدر يكلمني
اكلمه ولا كأن في شيء صار
واعبره عن شوقي واطمن عليه وسوالف وضحك وانتهينا
حببتي لا تفكرين شو تقولين له وشلون تعرفين اللي كان فيه واللي كان عنده وشلون تحسسينه ان اللي سواه ما عجبج
لان الريال ما يحب الحرمه اللي تحت تزن وتحن
ثانيا
انتي قلتي انه كتوم وتعرفين انه كتوم
انزين دامج تعرفين هالنقطه ليش تحرجين عمرج وتسألينه
انا كتوومه وااايد
وساعات اسوي مثل ريلج
ما احب اي وحده من ربيعاتي او اهلي يكلموني وانعزل تقريبا عن الكل لما يكون في شيء شاغلني
ولا يكون لي مزاج اكلم احد ولا ارد ع المكالمات
والاهم من كل هذا ماحب ان احد يسألني ليش سويتي جي وليش طنشتي وليش وليش وليش ....
لاني باختصار ماحب هالاسلوب لاني احس عمري مجبوره ع الكلام ( و وقتها احس اني مب قادره اعبر وان الكلام مايطلع مني وحتى لو ابي اتكلم مقدر اعبر واختصر الجواب او اتحجج بأي شيء ثاني )
وعقبها بفتره طويله يمكن اقول لاختي او احد جريب مني عن اللي كان فيني فترتها
بس من ذاتي وبدون اي ضغط
لا تضغطين ع ريلج وخليه ع راحته ولما يبى يقولج بيخبرج
هو يمكن مب متعود انه يقول لاحد ع اللي يدور بخاطره
وانتي تبين مره وحده يغير نفسه عشانج
ونصيحه مني خليه ع راحته وبالصبر والاسلوب الزين بيكون كل شيء تمام
ولا تكبرين الموضوع
واخيرا
انصحج تشترين كتاب الرجال من المريخ والنساء من الزهره
بيفيدج وايد في شلون تتصرفين ويا ريلج
وحالات الكتمان والغموض اللي في الرجل
نصيحه اشتري نسخه لج ونسخه له وعطيه كهديه
وحاولي تتناقشين وياه عشان تشجعينه ع قرايته
والكتاب تلقينه في مكتبة الجرير في السعوديه
انا خذيته من معرض الكتاب
ونصيحتي الاخيره لج
لا تسالينه وايد واختاري اوقات معينه لاسئلتج له ولا تكثرينها
خلج مره ودلوعه وسوالف وضحك بحدود انوثتج لان الناس الكتومين يحبون هالشيء و كذا من شخص لاحظت فيه هالنقطه
ومايحبون اللي تفكر بقلبها ومشاعرها طول الوقت فكري بعقلج وخلي المشاعر ع صوب لما تناقشينه
والسموحه يالغلا لو قسيت عليج بالرد
واتمنى اني افدتج واللي ييسر امورج دنيا واخره
ادعي بالرحمه لوالدي وان الله ينولي اللي في بالي