فينكم يا بنات مصر الجزء (12 )للاستفسارت عن الميك اب

ميااده2006;9078554:
دى علبت الايشدو الكريمى كانت ب 15 جنيه
من سنه جبتها بس للاسف الاسم اتمسح من عليها واليه على الجمب ده بلاشر كريمى بس مش بستعمله
المهم الايشدوا جميل جدا وبيثبت طول اليوم وديما بحب ادمج لونين مع بعض
بس للاسف مبحطش منها غير كل سنه مره لانى مبنزلش غير بحط بودره بسيطه وكحل
فقط لاغير بس الوانها واضحه وحلوه

أنوش;9085721:
تسلمي يا قمر
ولو عايزة حاجه من اسكندرية عادي قوليلي وابعتهالك والله (f)
وبخصوص التقييم لا سيبك خالص انا مش ببص للحكاية دي المهم اننا نفيد بعض وبس

وعشان انتي بتحبي الصور ادي يا عسل صورة السابوو والشنطه

دا صورة المانكير الابيض اللؤلؤي بتاع اماندا اللي قولتلكم عليه

jasy2008;9086031:
مش عارفة اعمل ايه فى شحن
اوريفلام الحاجة جت ناقصة ومتعلم عليها فى الفاتورة
وكانوا قافلين انهارده

coffeerose;9086516:
بصي سانستيفانو فيه محلات الميكب الغالية
زي وجوه مزايا فورتشن الحاجات دي
حتى لو في محلات معقولة اعتقد حتبقى الحاجة فيها اغلى من برة
انت عرفة الايجار بتاع المحلات حيطلعوه منين

بصي شركة كامل لو انت واقفة على محطة ترام الابراهيمية ووشك باتجاه محطة الرمل
وعلى شمالك شارع لاجيتيه يعني اللاجيتيه يبقى الناحية التانية مش في نفس الناحية اللي انت واقفة فيهاامشي طوالي تقريبا حتفوتي شارعين اول ما يحقابلك شركة اسمها ناصر للجملة واخدة قمة شارع دي كملي طوالي على اخر الرصيف حتلاقي شركة كامل برضه واخدة قمة شارع دي نفس النظام بس انا بحس شركة كامل انضف بكتير من شركة ناصر
يعني بالضبط شركة كامل بين محطة كامب شيزار ومحطة الابراهيمية
عشان ماتوهيش
يارب تكوني فهمتي حاجة

أنوش;9084915:
هااي يا حبايبي
وحشتوني والله :15::o

رورو انا سألتلك على البلاشر الوردي والوانه وطلع فعلا زي ما قلتلك افتح لون هو اللي انا جيباه رقمه 1
وسألت عن الشادوهات ومش لقيت من الماركة دي شادو

وكمان سألتلك يا سارة على الفلومار لكن تقريبا مش بتنزل في اسكندرية أو لو نزلت هتكون في محلات كبيرة لان سألت كذا واحد وقالي لا مش موجوده

وشوفت علبة الشادوهات بتاعة ميادة كتيييييرة في السوق اسمها العلبة المروحة موجوده في كل محلات الزنقة الواحده ب 10 جنية جميلة وحلوة لكن الوانها مختلفة يعني مش مديين اللون حقة الازرق لون واحد الاخضر لون واحد وكده وانا كنت عايزة التدرجات بتاعة الالوان

بالنسبة للشادو الموف اللي جابته سارة انا لقيته بردو ونفس الماركة بس كان مختلف ان الباليت فيها لونين مش 3 وياريت اللونين متناسقين لأ دا مثلا واحده فيها اخضر وبني وواحده فيها ازرق سماوي وبمبي وانا مكونتش عايزة كده انا كنت عايزة كل لون في باليت لوحده ومعاه تدرجاته

المهم روحت عالمحل اللي بجيب منه وقلتله عايزة شادو كريمي حلو ويكون اللون معاه كل تدرجاته لقيته جابلي علبه كده كبيرة بيقولي خدي دا على ضمانتي ولو مش عجبك رجعهولي تاني

سميت بسم الله واخدت واحد منهم وبجد اتوهمت والصور هي اللي هتتكلم









شكل العلبة من برا



الواقع يا بنات احلى مليون مرة والله الالوان هتنطق وملمسها ناعم زي القطيفه وكريمي موووت لما رجعت البيت حطيت منه بيتفرد بسهولة جدااا ومش بيبهدل تحت العين مكان ما بحطه انا جبت ال 3 علب دول كان فيه كمان درجات الاسود يعني اسود ورمادي غامق ورمادي فاتح وابيض وكان عنده منها بردو تدرجات البني للدهبي وووووووووهمممم (y)(y)(y)

بقوله بكام قالي ب 6.5 اخدتهم وانا طايرة من الفرح :D

بعدين قلتله انا عايزة روج احمر غامق اعد يدورلي بعدين جابلي نوع كده مش عارفة ماركته ايه قالي ب 30 ج قلتله لالا انا عايزاه مش غالي يعني لأن استخدامه محدود وبالصدفه بيطلع جلوسات والاقي دا بينهم



لونة جميل مووووت نفس الصورة اللي كنت حطاها وسألتكم عليها وسعره تافه ب 2.5 وطعمة فراولة اسم الماركة max flower رقمه 01 ( مش 10 لا 01)

ودا لونه على ايدي بس في الحقيقه اغمق شوية من الصورة وعلى الشفايف حلو بجد



لقيت عنده كريم اساس اولاي طبعا هو تقليد بس ملمسه خفيف أوي والوانه تناسب القمحاويات اللي زيي وسعره رخيص ب 10 ج ودي صورته



جبت كمان فرش للشادوهات و مناديل ايزي كير بتاعة المكياج




ومانكير ..
أول واحد لونه روز فاتح بيدي الوان الطيف من ماركة كلارا ب 5 جنية
التاني لونه قمر الدين بس غامق وفيه لمعة حلوة بردو من ماركة كلارا ب 5 جنية
التالت دا لونه دهبي من بينكي زون ب 5 جنية بردو
الاخير دا أحمر من ماركة ليدي ب 2 جنية



أخيرا روحت اشتريت شنطه وسابوه جمال أوي من محطة الرمل :D
وبالنسبة للهدوم واضح كده ان الصيف السنة دي هيكون في موف كتير لأن المحلات حاطه موفات

معلش طولت عليكم بس حبيت انقلكم الخروجه اللي استغرقت 3 ساعات تقريبا من الألف للياء :o

أنوش بسم الله ماشاء الله الشادوهات وهم وشكلها حلو اوى ربنا يهنيكي بيهم

انتى منين بقي اوعى تكونى مش من القاهرة

اصلي كنت عاوزة اقولك جبتيهم منين :(

coffeerose;9085871:


انوش حلوين حاجتك ماشاء الله
والشنطة روووووووووووعة

انتي الاروع ياقمر (f)(f)(f):D

M!ss Sheko;9086649:
أنوش بسم الله ماشاء الله الشادوهات وهم وشكلها حلو اوى ربنا يهنيكي بيهم

انتى منين بقي اوعى تكونى مش من القاهرة

اصلي كنت عاوزة اقولك جبتيهم منين :(

ميس شيكو معلش بئه انا من اسكندرية
بس واثقه انك هتلاقي الحجات دي عندك في القاهره
دي حجات مش غالية ومتوفرة انا كنت بقول كده بردو على الشادو اللي سارة كانت حطاه لكن لما نزلت ودخلت المحلات لقيت الحجات دي موجوده عادي

وعموما يا قمر لو عوزتي حاجه من اسكندرية انا تحت أمرك قوليلي وابعتلك اللي عاوزاه

يارب يخليكي ميرسي لذوثك يا قمر

قوليلي يا تووكي :)

انا عندي علبه كريمي وحلوة بصراحة بس انا بحب تدرجات الالوان مع بعضها والعلب دي اسهل فالتعامل اعتقد يعني

يابنات انا اشتريت الميك اب ده انهارده من عند سنتر سمير ويليم المنتجات من لونا قولولى رايكم

بودرة وجة مضغوطة


السعر: 36.00 جنيه


السعر: 30 جنيه انا دايما بشتريها كانت فى عرض مع اي لاينر وقلم كحل كانت 50 بس بجد تحفة


قلم ظل الجفون البودرة

السعر: 14.00 جنيه واشتريت اتنين ابيض وازرق


أحمر شفاه


السعر: 20جنيه واشتريت 6 الوان مختلفة بجد قولولى رايكم اللى جرب اي حاجة من دول

انوش حاجتك رقيقه جدا ما شاء الله تتهنى بيهم

عاوزه اعرف ميك اب فلومار فين غير كايرو مول لو حد شافه فى جنينه مول يقولى فين

كوكى نوتى;9086347:
ماشاء الله يا انوش الحاجات حلوه اوى وخصوصا الايشادو محدش يا جماعه شاف الايشادو د عندنا فى القاهرة يا بنات انا عايزه اجيب علبه ايشادو كبيرة وتكون كريمى محدش يعرف نوع كويس ويكون فى حدودكام

انتي الاحلي وان شاءالله البنوتات من القاهره يساعدوكي
بس الانواع كتير على فكرة والاسعار رخيصه من رأيي انزلي بنفسك وهتلاقي حجات حلوة(f) (y)

الحب هو الحياة;9086623:

شوشو العسل مبروك مشترياكت كلها بصى حطى مشترياتك كلها فى الموضوع ده واحذفى معلش الشنطة والسابو انتى عارفة الموضوع ده بيحب يتقفل كتير لازم نقول افتح ياسمسم كذا مرة ههههه
http://www.3roos.com/forums/t435917.html

خلاص يا قمرايه شلتهم :D

M!ss Sheko;9086744:
يارب يخليكي ميرسي لذوثك يا قمر

قوليلي يا تووكي :)

انا عندي علبه كريمي وحلوة بصراحة بس انا بحب تدرجات الالوان مع بعضها والعلب دي اسهل فالتعامل اعتقد يعني

اوكي تووكي (f):D

انوش جبتى الميكب دا منين ياقمر:)

روكا2010;9086814:
يابنات انا اشتريت الميك اب ده انهارده من عند سنتر سمير ويليم المنتجات من لونا قولولى رايكم

بودرة وجة مضغوطة


السعر: 36.00 جنيه


السعر: 30 جنيه انا دايما بشتريها كانت فى عرض مع اي لاينر وقلم كحل كانت 50 بس بجد تحفة


قلم ظل الجفون البودرة

السعر: 14.00 جنيه واشتريت اتنين ابيض وازرق


أحمر شفاه


السعر: 20جنيه واشتريت 6 الوان مختلفة بجد قولولى رايكم اللى جرب اي حاجة من دول

شكلها جميل ماشاءالله
مبروكين عليكي ويارب تتهني بيهم
لكن انا عمري ما استخدمتهم
ياريت تقوليلنا حلوة ولا ايه؟
احكيلنا تجربتك بالتفصيل

coffeerose;9086873:
اولا مبروك عليكي حاجتك ياجميل
بس للاسف كان نفسي افيدك
ده انا كنت حقولك اخبارهم ايه معاكي اصل انا وماركة لونا مش اصحاب خالص
مش عارفة ليه
لو حلوين قوليلنا يمكن نصطلح انا والماركة

الله يبارك فيك ياقمر بصى انا استعمل الماسكرا واي لاينر بجد تحفة مابستعملش غيرهم

salad;9086904:
انوش حاجتك رقيقه جدا ما شاء الله تتهنى بيهم

عاوزه اعرف ميك اب فلومار فين غير كايرو مول لو حد شافه فى جنينه مول يقولى فين

تسلمي حبيبتي كلك ذوق (f)

m@hy;9086934:
انوش جبتى الميكب دا منين ياقمر:)

بوصي هتروحي لشارع فرنسا اللي فيه محلات الدهب
هتمشي على الرصيف الشمال
هتلاقي جواهرجي كده اخد ناصيه شارع جانبي بيودي على الزنقة الجواهرجي دا اسمه فؤاد
ادخلي الشارع دا امشي شويه نونو هتلاقي محلين لازقين في بعض بتوع مكياج سيبك من أول واحد التاني بئه دا اللي جبت منه
اتمنى أكون قدرت اشرحلك العنوان مظبوط ولو مش واضح قوليلي (f)

coffeerose;9086805:
تقريبا هو المحل اللي اقصده لما قلت لسارة عليه
بس انا عمري مابصيت على اسمه خخخخخخخخخ


بنات في قلم للعين اللي هو ص57
اللي يزيل التجاعيد الولى والخطوط الرفيعةحد اتهور قبل كدة وجربه
والا حتجربوه فيا؟؟؟

لا يا قمر اوعي ده بتاع سن 30 فما فوق مش لسنك خالص
ده لو انتي اقل كده:cool:
قوليلي سنك كام عشان في سيرم كده

coffeerose;9086873:
اولا مبروك عليكي حاجتك ياجميل
بس للاسف كان نفسي افيدك
ده انا كنت حقولك اخبارهم ايه معاكي اصل انا وماركة لونا مش اصحاب خالص
مش عارفة ليه
لو حلوين قوليلنا يمكن نصطلح انا والماركة

اسمة اية المحل يا انوش؟
العالمية؟؟؟

بنات هو انا ممكن احط كريم أساس بس مش فوقية اي بودر؟

m@hy;9087152:
اسمة اية المحل يا انوش؟
العالمية؟؟؟

والله ياماهي انا مش بركز في الاسماء دي خاااالص
انا بشتري منه بقالي 3 سنين ويمكن أكتر ولا عمري فكرت اعرف اسم المحل :)

nona_koky2000;9083875:
انا عاجبنى ماسك الطماطم والبرتقال جدااا

نفسي اجرب ماسك الطماطم هو انهى الاحلا الطماطم ولا البرتقال

أنوش;9084915:
هااي يا حبايبي
وحشتوني والله :15::o

رورو انا سألتلك على البلاشر الوردي والوانه وطلع فعلا زي ما قلتلك افتح لون هو اللي انا جيباه رقمه 1
وسألت عن الشادوهات ومش لقيت من الماركة دي شادو

وكمان سألتلك يا سارة على الفلومار لكن تقريبا مش بتنزل في اسكندرية أو لو نزلت هتكون في محلات كبيرة لان سألت كذا واحد وقالي لا مش موجوده

وشوفت علبة الشادوهات بتاعة ميادة كتيييييرة في السوق اسمها العلبة المروحة موجوده في كل محلات الزنقة الواحده ب 10 جنية جميلة وحلوة لكن الوانها مختلفة يعني مش مديين اللون حقة الازرق لون واحد الاخضر لون واحد وكده وانا كنت عايزة التدرجات بتاعة الالوان

بالنسبة للشادو الموف اللي جابته سارة انا لقيته بردو ونفس الماركة بس كان مختلف ان الباليت فيها لونين مش 3 وياريت اللونين متناسقين لأ دا مثلا واحده فيها اخضر وبني وواحده فيها ازرق سماوي وبمبي وانا مكونتش عايزة كده انا كنت عايزة كل لون في باليت لوحده ومعاه تدرجاته

المهم روحت عالمحل اللي بجيب منه وقلتله عايزة شادو كريمي حلو ويكون اللون معاه كل تدرجاته لقيته جابلي علبه كده كبيرة بيقولي خدي دا على ضمانتي ولو مش عجبك رجعهولي تاني

سميت بسم الله واخدت واحد منهم وبجد اتوهمت والصور هي اللي هتتكلم









شكل العلبة من برا



الواقع يا بنات احلى مليون مرة والله الالوان هتنطق وملمسها ناعم زي القطيفه وكريمي موووت لما رجعت البيت حطيت منه بيتفرد بسهولة جدااا ومش بيبهدل تحت العين مكان ما بحطه انا جبت ال 3 علب دول كان فيه كمان درجات الاسود يعني اسود ورمادي غامق ورمادي فاتح وابيض وكان عنده منها بردو تدرجات البني للدهبي وووووووووهمممم (y)(y)(y)

بقوله بكام قالي ب 6.5 اخدتهم وانا طايرة من الفرح :D

بعدين قلتله انا عايزة روج احمر غامق اعد يدورلي بعدين جابلي نوع كده مش عارفة ماركته ايه قالي ب 30 ج قلتله لالا انا عايزاه مش غالي يعني لأن استخدامه محدود وبالصدفه بيطلع جلوسات والاقي دا بينهم



لونة جميل مووووت نفس الصورة اللي كنت حطاها وسألتكم عليها وسعره تافه ب 2.5 وطعمة فراولة اسم الماركة max flower رقمه 01 ( مش 10 لا 01)

ودا لونه على ايدي بس في الحقيقه اغمق شوية من الصورة وعلى الشفايف حلو بجد



لقيت عنده كريم اساس اولاي طبعا هو تقليد بس ملمسه خفيف أوي والوانه تناسب القمحاويات اللي زيي وسعره رخيص ب 10 ج ودي صورته



جبت كمان فرش للشادوهات و مناديل ايزي كير بتاعة المكياج




ومانكير ..
أول واحد لونه روز فاتح بيدي الوان الطيف من ماركة كلارا ب 5 جنية
التاني لونه قمر الدين بس غامق وفيه لمعة حلوة بردو من ماركة كلارا ب 5 جنية
التالت دا لونه دهبي من بينكي زون ب 5 جنية بردو
الاخير دا أحمر من ماركة ليدي ب 2 جنية



أخيرا روحت اشتريت شنطه وسابوه جمال أوي من محطة الرمل :D
وبالنسبة للهدوم واضح كده ان الصيف السنة دي هيكون في موف كتير لأن المحلات حاطه موفات

معلش طولت عليكم بس حبيت انقلكم الخروجه اللي استغرقت 3 ساعات تقريبا من الألف للياء :o

حاجتك جميله ماشاء الله والايشدوا تحفه عجبنى اوى

roro cat;9085790:
يا مرك يا مهجه ما بلاش السيره دي ماشي ماشي يارب خطيبك يقرف منها هو كمان:confused:
بس عندك محلات ما شاء الله فيها حاجات حلوه وسعرها روعه هنا بتطلع عيني هههههههههه بس مش زي اصاله:tongue: على ما اجيب حاجه

ليه يارورو ما عندنا برضه محلات كتير عارفه انا سكنه في منطقه شعبيه فيها محلات كتير جدا
من مكياج ولبس و محلات اكسسورات وتقدرى تفصلي في الحاجه

ميااده2006;9087402:
نفسي اجرب ماسك الطماطم هو انهى الاحلا الطماطم ولا البرتقال

حاجتك جميله ماشاء الله والايشدوا تحفه عجبنى اوى



ليه يارورو ما عندنا برضه محلات كتير عارفه انا سكنه في منطقه شعبيه فيها محلات كتير جدا
من مكياج ولبس و محلات اكسسورات وتقدرى تفصلي في الحاجه

لا يا ميادة والله انا عبيطه خالص اماكن معينه بس اللي بعرفها بس مع ذلك احيانا بعرف محلات مش كتير بيعرفها بس الميكب بالذات بحتار فيه وبخاف