استقبالات الولادة

نبي حركااااااااااااااااااااااااااااااااااااااااااااااااات

اي شدعوه يا بنات والله جنه محد هااامه الموضوع

وايد مبالغ في حركات المستشفي عنبوة

اختي الدانة..
انا رحت شفت اغراض بيت الحوامل..
وايد شغلهم ناعم ومرتب الصراحة..
وسعرهم حلو بعد..
وصاحبة المحل وايد خدومة وتساعد بالاقتراحات..


انزين في وين السديم..
خل نروح نلقي نظرة على شغلهم..



اي صج، امس كنت مارة في سوق واقف وشفت محل فارنا..
هل هو نفسه فرع لفارنا اللي في بوكوارة..
في احد راح شاف شغلهم..؟؟

هلا حبيبتي محتاره اش اسميه .... بالنسبة للسديم سمعت ان يم الكازينو بس صراحة ماقط رحت بس اعرف وحده من اهلنا في قطر مسويه عنده واختي قالت ان كان حلوو ....
بالنسبة لفارنا مادري ماقط سمعت عنهم بوكوراه سمعت وشفت شغل سيكرت ...


الحين الواحد يتعب يعني صراحة تونا مخلصين من هيلة العرس واحس تجهيز الولادة صارت نفس العرس.. يعني يبي لنا وايد اشياء ... يعني دورة راس وحوسه... الواحد مايعرف من وين يبتدي...

kawkawii


يعطيج العافيه حبيبتي انتي وكل البنااااااااااااات


وربي لايحرمج من الذريه الصالحه

وتفرحين وتفرحينا بخبر حمالج قريب ان شالله

اي حبيت اعرف وين احلى المحلات اللي يسوون


جلابيات استقبال للولاده

مراااحب (f)
في وين بيت الحوامل؟
انا شفت مره تجهيز وايدناعم وفكرت وسالت وانشالله اقدر اسويه هو بسيط عباره عن قوس على راس سرير الام مكون من ورد صناعي فيه اضاءت اصغيره ويمكن نستخدمه في البيت وفرش الوانه ناعمه مع الوسادات لسرير والوسادات انوزعهم على كراسي الغرفه

هلا حبيبتي ... بيت الحوامل في مدينة عيسى مقابل السوق الشعبي ...

ومشكوره على تفاعلج ويانا ...

روعه الموضوع عجبني ,,

ومعاج حق kawkawii , مادري ليش بعض النآس يموتون على الدفاشه ,,

تلقين ملحف الأم وفراش البيبي وشراشف الطاولات كلها شلش و شك و اشياء تبط العين

احس حتى الأم ماترتاح في رقدتهآ بسبب هالفراش , والألوان الغامقه تزيد من كآبه الأم والضيوف , خخخ

انا باقي على ولادتي 3 شهور انشالله , وناوية اسوي الغرفة بسيطه وناعمه ,,

خذت لي ملحف نااااااعم من Zara Home لونه بنفسجي هاااادي ومعاه كوشنز حرير, درجات البنفسجي و الفوشي ,

طالع يجنن راقي وخذت من نفس المحل قطعتين زل صغاااار بيج فيهم كم ورده لونهم وردي وبنفسجي ,

ناعمين حدهم , باحذفهم عالارض على جانبين السرير , مالي نية اسوي توزيعآت , احسهآ موضه قديمه

بس متوهقه بمفارش الطاولات والقمصان نوم ,, ابي شي ستايل راقي و مودرن ,, !!

اللي تعرف محل يفصل قمصآن نوم راقيه ب قطر , بليز تفيدني , جزاكم الله خير ,,

وانشالله احاول اصور المفرش والزل اللي عندي اذا قدرت ,,

في قطر عندج انا وطفلي في مجمع تشويس في السد من ورى
عندج كذا وحده تسوي في البيت عندي ارقامهم
عندج داليدا يجيب شغلات راااااااااااااااقيه بس مب وايد .. ولما يجيب يطيرون بسرعه !!!
لمسات نيره في شارع الاتحاد
في سوق الجبر في كم محل مثل "بياع الحلوين" عنده شغلات حلوه !!!!
بانتين مقابل سوق الجبر عنده :)

امممممممممممم هاي الي اعرفهم

..

تسلمييييييييين فديتج ,,

وانشالله احاول ادور عليهم كلهم ,,

بيت الحوامل في مدينة عيسى من بعد المطافىء.. والبلدية..
في صفة المحلات اللي تجي بعد المدرسة..
بالضبط يصير يم كفتيريا منال..
شغلهم خوش شغل.. وناعم.. واسعارهم مناسبة للكل..
ويسووون اللي تبونه حسب الطلب بالضبط..

روعة ما شاء الله

حلوووووووو ماشاء الله يبعطيك العافيه

يالله بنات همتكم تراني متابعة الموضوع

يالله عاد يا بناااااااااااااااات همتكم معاااناااا شدعوه يعني ... محد عنده افكار ولا صور ولا اي شي يفيدنا ....

kawaki ما شالله ذوقج راقي، انا اتفق معاك تزيين الباب والغرفة والتوزيعات كلش صارت مالت اول حتى الصواني والاكواب اللي عليها تلبيس وشك وخرابيط مووو حلوة، حلاة الشي سيمبل ورااااقي مثل راي الاخت اللي خذت مفرش من زارا هوم احس فكرتها بسيطة وشغل فخامة مو بس حشو شلش وشك وفصوص وكرستالات، المشكلة ان فيه فئة عندها كلما دفعت اكثر يعني ارقى بالعكس ساعات تكلفين وتطلعين المكان مثل ياثوم كله ماروني ووين ما تلفين اشياء حجمها يحجب الرؤية من كبرها والله لا الام ولا الياهل يرتاحون نفسياً..
انا باذن الله مقررة يكون كل شي اوف وايد حتى الورد في الفازات مع تدخيل بسيييط للبيبي بلو او الاخضر الفاتح مابي شي يعور العين ولا يكتم على نفسي مو ناقصة اكتئاب..

حتى قمصان النفاس تراها ولادة موب زواج، يعني موب ذولي اللي شك وذيل ودانتيل شكبره، حلاة الشي في بساطته لان البيبي ملاك الله يحفظه ..

صح كلامش بنية زينة
وثانيا المفروض الناس يخفون عن هالسوالف شوي
صار الواحد اذا ما سوى اللي يعجبهم أكلوه أكال واذا سوى اللي يعجبهم انكتم على نفسه
أصلا عن العيون والحسد وحده توها طالعة من حياة وموت وتتلبس وتتعدل وهالاشياء كلها مو زين
ما أقول ما تسوين شي .. بس سوي شي بإعتدال
انا بصراحه افكر في اشياء بسيطة
حتى البيجامات راح اشتري لي البيجامات الل تيجي معاها روب قطني مو ساتان وشلش وهالسوالف
بس الالوان الباستيل الناعمة مو دفاشة المارون وهالسوالف

انا بعد اقول كل ماكان الشي ابسط كان احلى ... يعني انا افكر اني اسوي اللون الأبيض ... ويمكن اخذ لي كفر من زارا هوم ولا دبنهامز يعني شي حده بسيط ... وبحط لي جم باقة ورد ... ومن هالسوالف ...

يعني احين لازم نعرف محلات التوزيعات الراقية ... وشنو لازم نحط حق الضيافة ... وبعد شي جانزين الي عندها صور باقات وبيبان المستشفى تحط لنا عشان ناخذ افكار