بنات البحرين ... الشرطه النسائيه ..!!

Noor1979;10494764:
مرحبا بنات شخباركم عساكم بخير ..

للاسف والسبب غير معروف .. ان اوراق التقارير حق الفحوصات للحين ما تحركت ولا توقعت مادري شنو ينطرون.... تخرج الدفعه الحاليه او شنو بالضبط مادري ..

قالو لي بيشوفون الخميس ان شاء الله لو صار اي شي يديد بيقولون لي .. والموضوع للحين يتابعونه...


والله يسهل الامور...

هلا ام جنى ..
انشالله خير لا تحاتين ..
يمكن لان صارت بعض التغيرات ما كانت في الحسبان ..
عشان جذي تأجلت الاوراق ..
انشالله هالتأخير يكون من صالحج وصالح كل وحده تستاهل ..
وننتظر الخبر يوم الخميس ... :)

نوارة بيتنا;10494873:
عندي سؤال انا طولي 150 بس شهادتي جامعيه لو قدمت حق ضابطه بياخذوني او لا ؟
ارجوا الرد في اسرع وقت ممكن يا خواتي
والله يوفقكم ان شاء الله

150 !!!

تدرين حبيبتي ما ودي احبطج ..
بس حبيت اقولج ان ما بوافقون على الطووول ..
اهم حتى 154 ما يبووون ويقولون قصيره ..

وانشالله اذا لج نصيب بتاخذينه ..
بس الطووول كلش قصير ..
والله اعلم

Noor1979;10486452:
مرحبا خواتي

والله الجديد .. انا سالت اختي الؤلؤه السوداء ..

وقالت الاتي ان الدفعه بتتأخر تخرجها شهر .. وان بيوزعونهم لكن بتمون ينادونهم عشان ميدان ورياضه..

مادري هل يعني ما بينادونا الا لمن يتخرجون .. هل بندش شهر 11 او بيصير تغيير ..ماندري

اتمنى توصلني اخبار بسرعه عشان ما احاتي..

الله يوفق الجميع ..

ايمي بشرينا عن اختج .. عساها بخير

ام جنى

صح كلامج أم جنى أنا بعد سئلت بنت جيرانا وقالت نفس الكلام وما يندرى بعد
بس الله كريم وأن شاء الله كلكم تتوظفون

بنات انا وحده اشتغل وخلاص ما بفكر في الداخليه اذا صار اوكي ما صار بعد اوكي ..

لان صار شي الاسبوع الي طاف وحسيته ظلم .. (الشرطي المقتول) واظن تعرفون قصته !! نقط نقط ... ... ...

واحس ما ابي هالوظيفه بتم على وظيفتي احسن لي..

الله كريم يا اختي ..

الي صار يا حبوبه .. هو شي الله كاتبه .. ومنيته ..حبوبه..

يعني هو وظيفته فيها مخاطر مثل اي وظيفه ثانيه ..

يعني خذي مثال .. الممرضه الاجنبيه الي اختطفوها واعتدو عليها .. هل وظيفتها خطر .. اكيد لا....بس كان الله كاتب عليها جذي ..

الله كريم ان شاء الله والله ينولج الي في بالج ..مس ديور

وبالتوفيق للجميع

ام جنى

Ms Dior;10498154:
بنات انا وحده اشتغل وخلاص ما بفكر في الداخليه اذا صار اوكي ما صار بعد اوكي ..

لان صار شي الاسبوع الي طاف وحسيته ظلم .. (الشرطي المقتول) واظن تعرفون قصته !! نقط نقط ... ... ...

واحس ما ابي هالوظيفه بتم على وظيفتي احسن لي..

حبيبتي .. خليني اقولج شغله ..
الشرطي اللي مات ( الله يرحمه ويرحم جميع موتانا المؤمنين والمؤمنات .. ) حسب الكلام اللي سمعته ان مات واهو يأدي وظيفته .. الا اهيا حماية الوطن ..
تدرين شنو منزلته عند رب العالمين ... مع الشهداء .. واهيا من اعلى مراتب الجنه ..
جمعنا الله وياهم يا رب ..

وكل واحد مكتوب عليه شلوون بيموت .. وفي وين .. وفي اي سااعه ...
وققدر الله وما شاء فعل ..

احنا ما ندري شنو اللي صار بالضبط . . . ومن المظلوم ومن الظالم .. كل شي عند رب العالمين ..

وما تجب على الميت الا الرحمه ..

انتي .. وانا .. والبنات كلهم .. خاطرنا في عسكريه .. وانا اكثر شي احبه في العسكريه .. هو اخلاصي للوطن .. مادري.. احس الوفى في دمي .. وودي اووفي ..
واذا المووت بييني من الشغل .. فأانا اول وحده اتشرف فيه .. وفي استقباله .. ودي اموت شهيده .. لان الشهيد عند الناس ميت .. لكن عند رب العالمين حيا يرزق ..

لقول الله عز وجل
فَرِحِينَ بِمَا آتَاهُمُ اللّهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُواْ بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ }

( ولا تحسبن الذين قتلوا في سبيل الله أمواتا بل أحياء عند ربهم يرزقون )

صدق الله العظيم

منهو اي شرطي اللي مات:rolleyes:

shying Girl;10500447:
منهو اي شرطي اللي مات:rolleyes:

اللي احترق في الجيب ..,,,,
القضيه اللي صارت من قبل .. تقريبا سنه او اقل ..
وبناءا على كلام المحكمه ان مافي اي ادلة تثبت قتل الشرطي بتعمد .. اصدروا قرار الافراج عن المتهمين .. ببراءه ..
احنا ما نبي اندش سياسه .. لان الكثير من المؤيد والمعارض لهذا القرار ..
كلنا بنموت .. سوى شئنا ام ابينا ..
والله أعلم ..

مبروووووك اختي ايمي الجكر الحمدالله ع سلامه اختج
يتربى في عزكم ....عقباااال ماتشووفونه عرييييييييييس
الله يجعله من الذرية الصالحه ويكوون ان شاء الله بار في والدينه:)

مبروك ايمي ولادة اختج يتربى في عزكم ان شاء الله

يعطيج العافيه
والله انا بعد مقدمه ولا احد ناداني ولا شي
واذا تقدرين تساعديني والله تكسبين اجر
ويعطيج الف عافيه

هالوظايف مو لينا (n)

shying Girl;10504066:

اي صح ذكرتها السالفه الله يرحمه ويرحم امة محمد

وي طلعهم براءه:rolleyes: الريال راح من جيس اهله ويقولون قتل مو متعمد

حسبي الله عليهم يلاقونه في عيالهم أرواح الناس صارت لعبه:ss:

الوفاق ظهرت شهاده ان المتوفي مات قبل الحريق ب6 اشهر
والطبيب الشرعي قال انه ما مات محترق
سبب الموت ارتطام بالارض

انزين ... يوم مات من الارتطام بالارض .. من الي طيحه ... ( طيحه ربي ) ولا تحنقل وطاح ... سبحان الله يوم الي يبون يكحلونها .. ويغطونها تطلع الاسباب والشهادات ..

مابي اتكلم في الموااضيع هذي لان اتنرفز ..

لان في ناس محبوسين 3 مرات بسبب التخريب ... وطالعين بمكرمه ... وبعد يخربون .. لانهم ضامنين المكرمه ..والخروج..

والوظايف هذي ليش مب لنا ... انا وحده كنت شرطيه .. وفنشت .. وبرجع ان شاء الله


شنو يعني مب لنا .. الكل ماخذ نصيب من الشرطه ....وكلهم دشوا هذي رزق.. والي يوزعه رب العالمين مب الانسان .. ولو الواحد سعى بيده وريوله .. واسنانه .. وهي مب له .. ..خلاص مب له

واذا التوفيق من رب العالمين .. تمشي بتساهيل وبدون توقيف.. وكل تأخيره فيها خيره.. وان شاء الله اذا مب الكل على الاقل الاغلبيه يكونون داشين...

ودم الي مات في رقبه الي ذبحه .. وهي ما يات على دم هالشرطي الفقير .. لا تنسون الضابط الي مات بعد وانذبح .. وراح من جيس اهله ..

فرجاء.. لاحد يتطرق لمواضيع خارجه عن الموضوع الاساسي وهي التوظيف في الشرطه .. الي عنده معلومات متوفره يقدمها .. والي عنده استفسار يسأل.. والي عنده رغبه بالتقديم نخدمه بالطريقه والمساعده....

وغير هالشي ما نبي نتفرع.. لان الموضوع بينخذف واحنا ما نبي هالشي

تحياتي

ام جنى ..

UP
UP
UP

سلام عليكم
شخباركم
ممكن مساعده
شلون اقدم للشرطه وشنو الشروط وياريت تساعدوني شوي وتشرحون لي
وبكو شاكره لكم ام جنى اذا ماعليج امر ساعديني
ويصير اقدم اوراقي الحين او لا
ابيكم تساعدوني

Noor1979;10505885:
انزين ... يوم مات من الارتطام بالارض .. من الي طيحه ... ( طيحه ربي ) ولا تحنقل وطاح ... سبحان الله يوم الي يبون يكحلونها .. ويغطونها تطلع الاسباب والشهادات ..

مابي اتكلم في الموااضيع هذي لان اتنرفز ..

لان في ناس محبوسين 3 مرات بسبب التخريب ... وطالعين بمكرمه ... وبعد يخربون .. لانهم ضامنين المكرمه ..والخروج..

والوظايف هذي ليش مب لنا ... انا وحده كنت شرطيه .. وفنشت .. وبرجع ان شاء الله


شنو يعني مب لنا .. الكل ماخذ نصيب من الشرطه ....وكلهم دشوا هذي رزق.. والي يوزعه رب العالمين مب الانسان .. ولو الواحد سعى بيده وريوله .. واسنانه .. وهي مب له .. ..خلاص مب له

واذا التوفيق من رب العالمين .. تمشي بتساهيل وبدون توقيف.. وكل تأخيره فيها خيره.. وان شاء الله اذا مب الكل على الاقل الاغلبيه يكونون داشين...

ودم الي مات في رقبه الي ذبحه .. وهي ما يات على دم هالشرطي الفقير .. لا تنسون الضابط الي مات بعد وانذبح .. وراح من جيس اهله ..

فرجاء.. لاحد يتطرق لمواضيع خارجه عن الموضوع الاساسي وهي التوظيف في الشرطه .. الي عنده معلومات متوفره يقدمها .. والي عنده استفسار يسأل.. والي عنده رغبه بالتقديم نخدمه بالطريقه والمساعده....

وغير هالشي ما نبي نتفرع.. لان الموضوع بينخذف واحنا ما نبي هالشي

تحياتي

ام جنى ..

اخت ام جنى
قريتي هالجمله ؟؟

الوفاق ظهرت شهاده ان المتوفي مات قبل الحريق ب6 اشهر

ما اعتقد قريتيها !! أو يمكن مافهمتيها ؟
قبل الحريق اي قبل الحادثه :)

وفعلا ما ابي اغير مسار الموضوع ولا ابي ارد بالتفصيل على ردش ! :)

مانبي نفتح مواضيع سياسيه لانه بنعيز واحنا نحجي:ss:

ماعلينا في اي خبر عن الداخليه؟

بحرينيه وافتخر;10509039:
سلام عليكم
شخباركم
ممكن مساعده
شلون اقدم للشرطه وشنو الشروط وياريت تساعدوني شوي وتشرحون لي
وبكو شاكره لكم ام جنى اذا ماعليج امر ساعديني
ويصير اقدم اوراقي الحين او لا
ابيكم تساعدوني

اي سؤال ثاني انا حاضره .. اتمنى قدرت افيدج ولو شوووي