مساعدة في الكيك

لو كنتي بالكويت جان دليتج على محلات رووووعه

بس مادري يمكن عندكم بالبحرين

BREAD TALK (رووووعه شوي عليه احاول انزل صورة كيكة ولدي بعيد ميلاده وكلها على طلبي يعني اي شي تبينه يسوونه لج )
CHACLATE ( عنده كيك على ايس كريم خطييير )
CACK IT AWAY ( هذا يديد توه فاتح عندنا بس عجيييييب )

وفيه وااايد بس عاديين مثل لابجيت وسابليه

اي صح الخباز عنده شغلات حلووووة بس غالي مادري على شنووو كله كيك

لووووول وااايد اسووولف اعذريني

ان شاء افدتج وبنات البحرين ما يقصروون

هلا اختي حبيت اقترح عليك اقراح ليش ماتسوين الكيكه بنفسك ترى تكون المفاجئه مره حلوه وزوجك راح ينبسط اكثر واذا حبيت هذا موضوعي لذكرى ميلاد زوجي ممكن تستفيدين منه وفي الصفحه الثانيه في طريقه الكيكه انشاء الله اكون افدتك واي استفسار انا حاضره عيوني.اتفضلي موضوعي
شوفوا ابداعاتي في يوم ميلاد زوجي الله لايحرمني منه ‏

هلا فيج عسولة قلبه مشكورة ماقصرتي فديتج
بس للأسف انا في البحرين
بس بعد كلج ذوق

هلا فيج اختي toom 2008 فكرتج حلوة بس انا دايما اسوي له كيك في البيت زوجي يحب الحلويات وايد علشان جذي ودي اخذ له شي غير فديتج وبعد بسوي طريقتج بس عقب عيدميلاده لأنه من النوع اللي يزعل فأخاف يقول لي ماتبين تشترين لي ههههههههه

هلا حبيبتي حلم السعادة مشكورة وماقصرتي ليلوز دايم ناخذ منه
وبعد خذت من الرتز ومن الخليج خاطري أغير يعني شي غير عن كل مره

أم حسام أول مره أسمع عنها ياريت أحد يفيدني وين مكانها

انا عندي اقتراح لك وان شاء الله يعجبك

ليه ماتعملين له كيك صغير (ميني كب كيك) بعدد سنوات عمره يعني مثلا 28 كيكه او 30

وتعملين ديككور حلو للكيكات

مثل كذا




وتصفينها في صينيه حلوه <<<منها حركة حلو وجديده ومنها الباقي ارسليه لاهلك :wink:

هلا اختي . تقدرين تاخذين من لاشوكلا او سعد الدين الكيك مالهم لذيذ .. انا عيد ميلاد خطيبي يوم السبت ومحتاره بعد من اي مكان اخذ الكيك

انا اعرف رقم ام حسام..
هي بيتها في سار.. وهي وزوجها يشتغل شيف في فندق.
وتسوي لج اي شكل تبينه.. وعندها البوم بالاشياء الجاهزة عندها..
انا سويت كيكة عرسي من عندها..
الطعم... روووووووووووووووعة وما ينوصف..


ممكن تروحين ليلوز..
يسوي لج اي شكل تبين.. وباي لون وباي نكهة..
بس اسعاره شوي فوق.. والمخبز في العدلية و يسكرون بدري الساعة 7


لا شوكلاه.. عندهم بعد نماذج مو هينة..
شي ابتكاري غريب وش مالوف..
وايد عندهم اشياء .. ساليهم عن الالبوم..
او اذا تحبين ابتكري فكرتج وهمة بيسوونها.

insana بس اثار فضولي الرابط..
ولما دخلت عليه طلع ما يشتغل..
بس سمحي لي اعدله..
http://go.3roos.com/bTx28mSIZIc

طب ممكن اعرف منج اذا كنتي تعرفين جم اسعار الكيك اللي تسويه..؟

اختي سلام فكرتج جدا جدا حلوة وعجبتني وايد وافكر اني اسويها بس برسل الباقي نصه لأهله ونصه لأهلي
علشان امه تقول اني طيبه وما أكل شي عنها:tongue:

اختي دايموند21 انا كان خاطري في شي جديد لأن زوجي من النوع اللي يحب الكيك والسويت فسعد الدين ولاشوكولا وليلوز دايم ناخذ منهم حتى لو مافي مناسبة وأشكر مرورج تسلمين حبيبتي

أختي محتارة شسميه مشكورة وماقصرتي على الافادة

اختي انسانه مشكورة وماقصرتي بس الرابط مايفتح فلوتكرمتي تعطينا الرقم

مرحبا خواتي

الرابط هو نفسه اللي ذكرته لكم من قبل

http://go.3roos.com/xTJQjqHG0nK


وهو يفتح معاي عادي .. بالنسبه حق الاخت اللي سألتني عن أسعار الكيك، تقريبا اسعاره مثل اسعار ليلوز بس الفرق الوحيد انها تاخذ السعر بعدد الاشخاص و مش بالكيلو. كذلك السعر يختلف تبعا للتصميم.. يعني اذا كان التصميم صعب ويحتاج حق ثلاثي ابعاد فالسعر يكون اغلى.

يعني مثلا .. انا اخترت هذه الكيكه حق بنتي (هي مسويتها حق عائله)



ويكون حق 20 سخص السعر كان 45 دينار بحريني

ومثل ما قلت من قبل السعر كان عشان الشخصيات كانت كلها ثلاثي الابعاد

ويصير تعطونها اي ديزاين تبونه و هي تصممه لكم ع طول ....

ع الفكره، هي بريطانيه بس انا سألتها عن المكونات اللي تستخدمهم في الكيك واذا كانوا حلال او لا .. جاوبتني انه كل اللي تستخدمه حلال.

هي حاليا في اجازه خارج البحرين، راح ترجع بعد اسبوع تقريبا

واي استفسار انا حاضره

تقبلوا تحياتي .. انسانه

اختي انسانه انا دخلت على الموقع والصراحة وايد عجبني ان شاء الله في مناسبة ثانية بجربه وجزاج الله خير

انا سويت عند ام حسام بصراحة عندها ديزاينات وايد حلوة وكيكها حلو واسعارها جدا جدا مناسبة تقبلي تحياتي فديتج

هلا اختي نعش الحب..
يعني عجبج اقتراحي بخصوص ام حسام..؟؟
انزين عاد لا تنسين تصورين لنا الكيكة اللي اخترتيها وتشاركينا قطعة منها..
بالعافية عليكم..

السلام عليكم

حبيت أفيدكم ببعض تجاربي مع الكيك
آنه دائما أتعامل مع ليلوز وبصراحة الكيك عنده لذيييييذ حدددده بجميع انواعه
خذيت مرة كيك المانجو والكيوي وكانت الكيكة مغمورة بعصير الكيوي الطبيعي الأخضر
وشكله وطعمهااا وااااااااو يجنن

والمرات الثانية خذيت كيكة الجوكليت ألي محشوة بالفستق الأخضر بس ما اعرف شنو اسمها بصراحة وكان طعمها رهيب بعد وبصراحهم سعرهم مو وايد مقارنة بجودة الكيكة وطعمها ...

سمعت عن كيك من حسام يمدحون فيه وايد وخذيت رقمها وبصراحة سويت عندها فروت كيك بس للأمانة ما عجبتني ولا حسيت فيها شي مميز بالعكس حسيت الكيكة مو فريش وطعمها كاسترد ! ليش ما ادري
والمشكلة اني انحرجت مع العائلة لأن الطعم كان كلش مو خوش مع ان الكل يمدح في كيكها بس ما ادري ليش حظي صار معاها جذي !!

صار خاطري اجرب المخبز الكوري من كثر ما تمدحون فيه ..
وين صاير بالضبط المخبز الكوري ؟؟