katkooota_7aboooba;9083455:
والله بحبه وبحبه اوى بس انتى عارفة يعنى ايه والدتك بتقارنك باخواتك وعرسانهم هو نفسه يجبلى الدنيا بين ايديا والله بس احنا داخلين على جواز وامى مش قادرة تفهم كده انا تعبت من كتر ما بسمع وكبر واعمل نفسى مش اخده بالى وانا عارفة ظروفة ومقدراها بس الناس مش قادرة تفهم ولا حتى امى
katkooota_7aboooba;9082044:
صوت العيون انا حاسة بيكى والله لانى بمر بنفس ظروفك حاسه انه حاطط ايده فى الميه الباردة وكل ما اكلمة يقولى لسة بدرى
علي خطي الحبيب;9083108:
خطيبك يا مورو شكله سلبي اووي والسلبية دي مش كووويسة في الاول هتعملكم مشااكل كتيير هو راي ايه في اللي اخوه ومامته بيعملوه
kasndra;9083362:
وانا كمان بحبك اوووي يا بنبونه ربنا يفرجها علينا يارب
مورو تماسكي يا حبيبتي ونفضي لأهله خااااااااااااااالص اذا كانو مدخلين دلوقت صدقيني بعد كده كل واحد في حاله وفين وفين على ما تشوفيهم الا لو هتسكني بيت عيله:ss:
لكن لو شقتك بعيد بجد استحملي الفترة دي عشان فيها احتكاك بعد كده اقفلي عليكي انتي وجوزك ولا حد يعرف عنكو حاجه
استهدي بالله واوعي تسيبي خطيبك الواحده مش بالساهل تتعود على حد تاني حاولي تغير ي منه براحه وهدوء وربنا يسعدك يا حبيبتي
لوووووتس ركزي في هدفك انتي وبس سيبي الناس الناس دول بيتكلموا في كل الاحوال والله انا مش عايزة اقولك انا بعاني ازاي ومحدش يشوفني الا ها في حاجه طب قربتي واللي يشوفلي عريس واللي واللي كأني مش لاقيه مع اني في الحقيقه مش مشكلتي اني يجي اي حد لاء انا بدور على حاجه معينه نفسي تكون في شريك حياتي بس مين يفهم
عموما انا مش هقولك انتي لسه صغيرة لاء متحطيش دي في دماغك لان سنك مناسب لخطوبه على ما تجهزي وكده يبقى تمام انا عندي 23 وحاسه بقرف عشان برده السن بيضايق وبيخليكي تفكيرك يتذبذب زمان وانا 20 كنت برفض بقلب جامد ولا بفكر في سن والكلام ده دلوقت بتقطع واقول يا خسارة لو كان مناسب بس معلش ده كله نصيب وربنا يسعدنا
على طريق العرس;9083476:
من كلامك فهمت انهم بيعملوا كده خايفين على زعلك انت صح؟؟؟؟؟؟؟؟
فهميهم ان الكلام ده مش فارق معاكى وان كل واحده بتاخد نصيبها مش اكتر منها
وبعدين حكاية المواسم والكلام ده محدش بيدقق عليها دلوقتى خالص
وفيه ناس اصلا بتعتبرها بدعه وحرام
وربنا معاكى
مورو انا للاسف مش قادره اقولك حل لانى معرفش ظروفكم مع بعض ايه ومعرفش عن حياتكم حاجه
بس لفت نظرى فى كلامك جملة (وكل الناس حساها بتقر عليا ميعرفوش الى انا فيه سبحان الله) وفعلا عندك حق فيها
لو كل واحد ساب التانى فى حاله ويحمد ربنا على اللى هو فيه مكنتش هتبقى فيه حاجه وحشه فى الدنيا لكن محدش راحم نفسه
بياخدوا بالظواهر وبس
ربنا يرحمنا منهم يااااااااااااااارب
b0nb0n;9107670:مورو يا حبيبتى اكيد خطيبك بيحبك بس انتوا لسة فى اول علاقة هتعد سنين بإذن الله أكيد هو متلخبط زك ومش عارف يتصرف هدية وبينيلة انة مش لازم يختار يا بينك يا بينهم لا بينيلة ان اى قرار هو هياخدة انتى جنبة ومسنداة ومتفهمة دوافعة متحطيهوش فى حيرة دايما لكن فى اوقات الرواقة خودية بالسياسة والدلع ربنا معاكى
katkooota_7aboooba;9081925:
اسمحولى اشارك معاكم انا مش عارفة ابدأ منين والله بس انا فعلا اتخنقت اوى نفسى اتكلم مع اننا 6 اخوات بنات بس مش بعرف اتكلم (تخيلوا) انا عندى 23 سنة ومكتوب كتابى على انسان كويس الحمد لله بس بصراحة فى فارق فى مستوى التعليم انا اخصائية تخاطب وهو دبلوم وكمان اكبر منى ب11 سنة ولو قلتوا طيب وافقتى ليه هقولكم اهلى هما الى وافقوا لان اخواتى كلهم كانوا مخطوبين الاكبر والاصغر منى وكانوا متخيلين انى زعلانة انا كمان مرفضتش بس صليت استخارة وسبحان الله الموضوع مشى بسرعة جدا اتقدملى وبعد اسبوعين اتكتب كتابى(لانى منتقبه) وفى شهر 5 الزفاف المشكلة بقى ان اهلى كانوا بيحبوه جدا (كانوا) بس دلوقتى الحال اتغير لانة مش بيجيب مواسم ومش بيخرجنى كتير لانه انطوائى شويتين فمش بيحب يخرج عارفين ايه وجهه نظرهم انك هتزعلى ان خطاب اخواتك بيجيبوا وهو لا عارفين المصيبة لما يكون فى البيت بنات مخطوبة والمقارنة بينهم حاجة تخنق بجد
اسفة انى طولت اوى بس نفسى اطلع الى جوايا
صوت العيون;9081994:
السلام عليكم ورحمه الله وبركاته
انا مضايقه جدااااااااااا سبحان الله
جوايا زعل فظيع يارب ارحمنى
دلوقتى فى مشكله ومش اى مشكله بين اهل خطيبى واهلى
المشكله بقا الحقيقه ان خطيبى لا بيحل ولا بيربط وانا ابتديت احس انى اخرى هسيبه استغفر الله بجد كل لما اكلمه يقولى ماشى طيب ماشى طيب
مش بحسه بيدافع عنى ولا عاوزنا ننجز ونفرح مش بيفرق معاه مضايقه ولا لا والشئ دا معصبنى جداااااااااا
مش عارفه اعلم ايه
كمان حماتى حسبى الله ونعم الوكيل فيها حطه راسها براسى وبتعاندنى مش عارفه ايه دا تخلف بجد
زهقت واخوه غيار وشكلى هسيبه بسبب اخوه
والمشكله انى لو حسيت بس انه بيدافع عنى وبيحرك هبقا عليه لكن انا حسه انه مش فارقه معايا من بروده اعمل ايه يارب ساعدنى يارب
وكل الناس حساها بتقر عليا ميعرفوش الى انا فيه سبحان الله
زهقت والله تعبانه فاض بيا بجد زهقققققققققققت
يارب ارحمنى يارب
sa7ar-22;9241959:
ممكن اتكلم معاكو مع انى شايفة ان مفيش حد بيدخل هنا خااااااااااااالص انا لسه شايفة الموضوع ده دلوقتى
المهم انا 22 سنة ولسه بدرس بس خالاتى عمالين يزنو عليا انتى كبرتى انتى لازم تتخطبى على الاقل ومحسسنى انى كبرت وعنست وعايزين يدبسونى فى اى حد هو انا بصراحة نفسى اتجوز اوى ومضايقة علشان كل قرايبى متجوزين واصغر منى او قدى بس بابا رافض اى حاجة لحد ما اخلص
انا بصراحد كلامكو بيعجبنى اوى وعارفة انكو هتنتقضونى بس ممكن تقولولى انا بحب واحد هو قدى فى السن والحمد لله كويس ومش زى اى حد وناوى على خير ان شاء الله بس انا لازم استناه بعد ما نخلص فترة طبعا لحد ما يقف على رجله شوية وانا خايفة مووووووووووووووووووت السنين تجرى بيا واستناه واستحمله وفى الاخر يتقدملى ويترفض ولا حاجة بجد انا مرعوبة منكونش لبعض واحنا عايزين بعض اوى خايفة منكونش من نصيب بعض
صوت العيون;9241969:
طيب ليه يا جميله متخليهوش يتقدملك حتى لو قرايه فاتحه ومنها هيبان كل شئ ان شاء الله
sa7ar-22;9241959:
ممكن اتكلم معاكو مع انى شايفة ان مفيش حد بيدخل هنا خااااااااااااالص انا لسه شايفة الموضوع ده دلوقتى
المهم انا 22 سنة ولسه بدرس بس خالاتى عمالين يزنو عليا انتى كبرتى انتى لازم تتخطبى على الاقل ومحسسنى انى كبرت وعنست وعايزين يدبسونى فى اى حد هو انا بصراحة نفسى اتجوز اوى ومضايقة علشان كل قرايبى متجوزين واصغر منى او قدى بس بابا رافض اى حاجة لحد ما اخلص
انا بصراحد كلامكو بيعجبنى اوى وعارفة انكو هتنتقضونى بس ممكن تقولولى انا بحب واحد هو قدى فى السن والحمد لله كويس ومش زى اى حد وناوى على خير ان شاء الله بس انا لازم استناه بعد ما نخلص فترة طبعا لحد ما يقف على رجله شوية وانا خايفة مووووووووووووووووووت السنين تجرى بيا واستناه واستحمله وفى الاخر يتقدملى ويترفض ولا حاجة بجد انا مرعوبة منكونش لبعض واحنا عايزين بعض اوى خايفة منكونش من نصيب بعض
omneya88;9242298:
انا عندى حكاية عن ان ربنا كبير وماحدش يعلم الغيب غيرة وان ربنا بيسبب الاسباب
فى بنت انا اعرفها كانت كل لام يجى ليها عريس بترفضة وهى مانت متكبرة شوية وممكن ترفضة لان مثلا ان شهادتها احسن من شهادتة بالرغم من انة يكون بيشتغل وبيكس كويس فضلت كدة فترة لحد ما جلها واحد ووافقت علية المهم انهم حبوا بعض وقبل الجواز بفترة قصيرة جلها ولعياذ بالله سرطان فى احد المبيضين يشاء ربنا ان اهلها يعرفوا بالصدفة وما قالوش ليها وقالو ليها نها داخلة تعمل عملية زايدة وقالو للولد بس هو ربنا يكرمة رفض تماما انة يسبها بالرغم من ان فى دكتورة ربنا يديها على قد ضميرها قالت لية سبها دى مش ممكن تخلف انت هتظلم نفسك معاها بس هوه رفض وتم الجواز الحمدلله ويشاء ربنا انها تحمل من اول جوازها وهى فرحانة وربنا يكرمها ويتم ليها على خير
sa7ar-22;9259797:
متشكرة اوى على ردودكم عليا بس مش ينفع دلوقتى خالص ان اى حد يدخل بيتنا اصلا بابا رافض الموضوع ده دلوقتى خالص بس هو على العموم قايل لاهله واهله موافقين لانهم عايزين يشوفولو واحدة علشان لما يخلص يعنى بس هو قالهم انا اخترت خلاص واول ان شاء الله ربنا يكرمنا ونخلص هيجى يتقدم بعد طبعا الجيش والشغل بس بصراحة يابنات فيه مشكلة كبيرة اوى انه مش عايش فى القاهرة هو من محافظة تانية وشقتو كمان هناك فى البيت بتاعهم وقالى انا الولد الكبير ومش ينفع امشى من البيت خالص علشان انا المسؤل عن البيت مع بابا ومش ينفه اعيش فى القاهرة هو كمان عايش فى قرية بس اهله مش فلاحين قريبين اوى من بيتنا وعيشتهم كويسة وانا كمان عارفة اخته هى صاحبتى وشايفة انهم ناس كويسة بس مش عارفة هيكون رد فعل بابا ايه وانا كمان خايفة اوى من فكرة انى اعيش بره القاهرة بس اللى مصبرنى انهم كعيلة كويسين انا الموضوع ده قالقنى اوى