مهري مايكفي :,(

مراوي;8907357:
انا اللي اعرفه ان حجز الصال و حجز التصوير على المعرس مو على العروس

يدوب تكفي اغراض العروس مو بعد تدفعها حق تصوير و صاله

قولي لهم يعطونكم مبلغ زياده 900 ماتسوي شي

انتي خطوبه عدل؟؟

المهر هذا حق تجهيزك في الزواج مو في حفله الخطوبه شنو يبون يخطبون ببلاش يعني !!!!

في مبلغ يعطونه العروس حق تجهز لخطوبتها غير عن المهر و الطايح جم عطوك

لاتقولين لي ماعطوك شي و قاعده تجهزين من مهر زواجك ترى بقتلك <<<<< انقهرت من اهل المعرس

انا اختي امس متصله اخت المعرس بعد ماطلعت نتايج الفحص اوكي تبي تجيب مبلغ و بس يعني تبي تمشينا بأي مبلغ و السلام و يفكرون عمرهم

قلت لها لا خل لمن ترجع الوالده من السفر تجون حق المواساه ونتفق على المبلغ يعني عالاقل عالاقل يبي لها بالراحه 700 دينار هذا اذا مابتسوي شي عدل و طبعا اكيد بتزيد عليه من عندها

وطبعا الصاله و التصوير عليه

قوي عينك ترى اهل الممعرس ماينعطون ويه <<<< الله يعيني اذا بعرس ولدي ههههههه

زواااج مو خطوبه

مرااحب اختي 900 دينا يعني 9000 الف درهم صح

خذي فستان حلو وناعم ويناااسبك وتسريحه وحنا ومنها مكسياااج


ثياب لا تكثري لان وزنك طبيعي رااح يتغير حتى لو ما اكلتي هرمونات راح تتغير عندك

كمان لو تاخذي يعني 3 عطور عربيه و3 فرنسيه

مكيااج لاتكثري كثير خذي شي بسيط وناعم

نعالا تكرمين نفس شي

ولو عندك شغلاته ثياب او نعال تكرمين او شنطه لسه جديده او لبس اي ملابس لبستيها مره وحده

عادي خذيها ويياااج تنفعج مع طلعااات كا فيها شي والله

وربي يتمم لج يااارب ع خير

مراوي;8907434:
من قال كل شي عليك :mad:
قسم بالله عصبت من كلمتهم يبون يخطبون ببلاش

عطيني تلفونهم خل ازفهم ماعندهم سالفه

حبابه انتي لانك صغيره 17 سنه ماتفهمين حق هالامور جم عطوك هم اساسا حق تجهيز ( مو المهر ) ؟

يمكن اقدر اساعدك شوي

هههههههههه فديتج

الطايح حطيته كامل للصاله

والمهر شريت باقي منه بس 900 دينار

لأني حجزت الصالون منه وشريت جلابيه من معرض الخريف وعطر من فيسز

إحم إحم;8907215:
خيووو هذيان أناا مابي أصور في الصاله لأان خطيبي يقول يستحي قدام الناس هههه

ومابصور فيديو

بس أبي أصور في الاستيديو

بكم يعني يصير ؟

خيتو ..,

إنتي إذا حفلة خطوبة .. فالمفروض كل شي على حساب المعرس

بس إذا إنتي حفلة زواج .. كل شي على حسابج وتاخذينه من مهرج والطايح

وهاي المتعارف عليه !,

*
*

900 دينار

باقي علي الاستيديو ماحجزته

خيتو حجزي لج سكوب عرض بو 180 دينار ( تصوير 80 صورة + فيديو )

والتوزيعات + الدفتر

وحدة معانا في المنتدى سمها " أم حمود "

شغلها روعة وراقي جداً

ما بيكلفج وايد يمكن ما يزيد عن الخمسين دينار

على حسب عدد توزيعاتج و صنفها

وقولي لها ميزانيتي هاللون وبتساعدج بشي يناسب الميزانية

الباقي للصالون

شيلي 100 للصالون .. المتبقي 50 + 50 الإضافيات

الفستان + الباقه

أستآجري فستان أو سوي لج أول لبسة ما بيكلفج أكثر من 250 دينار إلا لين كنتي ناوية على فستان غالي

ولو بتاخذين إيجار ممكن تلاقين من 100 إلى 180 دينار

والباقة لا تحطينا لها أزيد من 35 دينار وحتى أقل تقدرين تسوين !..

الإكسسورات أو الذهب

الإكسسورات لا تكثرين منهم أبد

بس أخذي لج طقم إلي بتلبسينه للحفلة

والذهب الحين مب وايد بنات إلي يلبسون ذهب

أشتري خفايف مثلاً ( معاضد & خاتم & تراجي & حرف .. إلخ ) لا تاخذين شي فوق مقدرتج

نقول خلي بس 200 دينار للذهب وإنتي ما بتقدرين تاخذين أشياءات وايد بعد

الثياب والمكياج والعطوووور

حطي في بالج حبوبة إن الحين كل شي موضة

شي تشترينه بعد شهر راحت موضته أو طلع شي أجدد منه

أشتري أشياء بسيطة جداً وعادية

عطورات لا تاخذين لج أزيد من 3 أو 4 .. ثياب خذي بيجامات النوم وكم بدلة للطلعة شوية ثياب للبيت

ومكياج خذي الأساسيات إلي تحطينهم لج دوم أو ما عندج

حطي بس 200 دينار .. وحاسبي لكل شي تشترينه وللأسعار

/
\

عزيزتي ..,

لو أقتصدتي في كل شي

صدقيني بتشترين كل شي من خلال هال900 دينار

لا تضغطين على نفسج وخلج ريلاكس

وخلي الوالد يساعدج بشوياات

*
*

موفقة

تسلمين حلم العذارى

وشكراً بنات ع المرور

ما قصروا البنات بس ما حبيت اطلع بدون ما ارد

إحم إحم;8907019:


باقي علي الاستيديو ماحجزته

الاستيديو تقولين ما تبين فيديو , والمعرس ما بيدخل فصوري في الاستيديو 50 صورة

خلنا نقوول 100 دينار ,, ظلت 800

والتوزيعات + الدفتر

التوزيعات خلي ليها 40 دينار , اخذي علب صغااار وغلفيهم بتوور بو خمس ربيات من ديفيا او اشكااال والشرايط والورد خذي من الانواار بربيتين وسويهم برووحش

بيظل 760

الباقي للصالون

الباقي للصالون 100 دينار صح ؟ يعني ظلت ويااانه 660

الفستان + الباقه

الفستان اخذي لش اجاار ب 150

بتظل 510

الإكسسورات أو الذهب

بما انش عرووس , بتحتاجين لذهب اكيد وبما انه ميزانتيش محدووده اكتفي بذهب خفييف خاتم ناعم ينلبس كل وقت وسلسه خفيفه او سويره ناعمة او معضضين ينلبسون كل وقت , حطي ميزانية 350

بتظل 160 دينار

الثياب والمكياج والعطوووور

العطور خذي بس واااحد عربي وواحد فرنسي . لانه بتملين منهم بسرعه وبتشترين غيرهم اكيد عقب الزواااج . فخلي ميزانية 30 دينار

ظلت 130

اشتري لش ثيااب بانطلونات جينز وتوبات بس لا تاخذين واااجد لانه بيتغير جسمش اكيد فخلي ميزانيه 100 دينار


وظلت ويااانه 30 دينار ,, :wink: نسيت الباقه فخلي لها 30 دينار

وبجي خلص المهر وخلصتين اغراضش الاسااااسية بسعر مناسب , اهم شي لا تتعدين الميزانيه عقب التقسيم ولا تستخدمين فلوس التقسييم الثاني عشان ما تختل الميززانية




وبس

حبيبتي اذا زواج صح كل شي عليج تشترينه وتحجزينه من المهر والطايح الي يعطونج اياه ,,

الا اذا كان هو منه لنفسه يتكرم ويساعدج بشوي ..

البنات وايد فادوج وقسموا معاج المهر و ال 900 بتكفيج وبتشترين كل شي ابها بعد بس اهم شي مثل ما قالو لج انج حاولي تقتصدي بكل شي واذا قدرتي انج تسوي التوزيعات والدفتر بنفسج توفرين عليج بعد الفلوس الي بتدفعيها حق الي بسوي التوزيعات ,,

والثياب والعطور والمكياج لا تكثري منها اخذي شي بسييييييييط والي يكفيج حق اول شهر او شهرين من الزواج لانه بعدين كلما بتطلعين مع الريل بتشوفين شي بيشتري لج ..

بس ترى وايد صغيرة انتي على الزواج توج 17 !!

الله يوفقج وييسر لج امورج ..

اي صح انتي ليش تصرفين من مهرج حق العرس هاذي من واجب المعرس بس يمكن انتو متفقين فما ادري عنكم اذا من غير مصاريف المسرح والاستوديو والصالة 900 يكفون بس مع مصاريف العرس اطلبي من اهلج او زوجج يساعدونج

900
- 100 (مكياج وشعر)
=

800
- 35 (الحنة)
=

765
- 65 (باديكير ومانيكير + حمام مغربي + فيشل + تعديل الشعر )

=
700
- 300 (كحد أقصى للفستان اجار او تقصيل)

=
400
-30 ( باقة كشخة)

350
- 100 (اكسسوار سوارفسكي كشوخي حق العرس)

250
هاذا المبلغ تخصصينه احتي حق العطورات المكياج قمصان النوم
وحق جلابية كشخة اذا كان يكفي المبلغ جلابيتين بتلقين في السعودية
كشخصة واسعار مناسبة (30 و 40) دينار حق الجلابية

انا تقريبا جذيه وزعت مهري بس كان 1000 دينار غير شامل مصاريف حفلة العرس
والحمدلله كفى وزاد وعليج بالعافية

مبروك والله يسهلج ان شاء الله
انا ماعندي فكره عن هالموضوع
والأخوات ماقصرو

مشكووورين حبيبااتي

ومرت خالي ماقصرت قالت اعطيني ثلاثين دينار بس وبسوي لج الدفتر والتوزيعات

يعني اخذت بس سعر الأغراض الي بتاخذها واقل بعد

:)

والعطور رحت فيسز خديت عطر فالنتينو روك أن روز ورحت أجمل خديت عطر وصال .. وأحس بس خلاص ماباخذ غيرهم

وخديت جلابية من معرض الخريف وباخذ وحده غيرها من مكان غير وبس بكتفي بثنتين

والمكياج فيه محل صوب بيت أبوي العود عندهم اكسسوارات ومكياج وهالأشيا كلمت المره قالت ليي اقدر اساعدج واسوي لج صندوق فيه مكياج وبخور وكل شي تبين وان شاء الله براعيج في السعر لكن مارضت تقول لي السعر .. أخاف يطلع ليي غالي واايد

أحد منكم جرب يسوي جدي صندوق وفيه كل شي ؟ .. وبجم طلع عليج ؟

بنت سالمين;8908862:


بس ترى وايد صغيرة انتي على الزواج توج 17 !!

الله يوفقج وييسر لج امورج ..

ههههههههه

انخطبت عمري 15 :D

إحنا عادي عندنا :tongue:

ويوفقج حبيبتي

إحم إحم;8909709:
مشكووورين حبيبااتي

ومرت خالي ماقصرت قالت اعطيني ثلاثين دينار بس وبسوي لج الدفتر والتوزيعات

يعني اخذت بس سعر الأغراض الي بتاخذها واقل بعد

:)

والعطور رحت فيسز خديت عطر فالنتينو روك أن روز ورحت أجمل خديت عطر وصال .. وأحس بس خلاص ماباخذ غيرهم

وخديت جلابية من معرض الخريف وباخذ وحده غيرها من مكان غير وبس بكتفي بثنتين

والمكياج فيه محل صوب بيت أبوي العود عندهم اكسسوارات ومكياج وهالأشيا كلمت المره قالت ليي اقدر اساعدج واسوي لج صندوق فيه مكياج وبخور وكل شي تبين وان شاء الله براعيج في السعر لكن مارضت تقول لي السعر .. أخاف يطلع ليي غالي واايد

أحد منكم جرب يسوي جدي صندوق وفيه كل شي ؟ .. وبجم طلع عليج ؟

اخاف توهقج وتسوي لج شي غالي
احس انتي تختارين كل شي افضل
واذا تبين حق المكياج مساعده في اشيا اسعارها رخيصه وجودتها زينه ترى انا حاضره اكتب لج لسته
وبعد انتي تقدرين تقولين لها ميزانيج جم وهي تسوي لج على حسب الميزانيه

أنا الشوق;8909978:
اخاف توهقج وتسوي لج شي غالي
احس انتي تختارين كل شي افضل
واذا تبين حق المكياج مساعده في اشيا اسعارها رخيصه وجودتها زينه ترى انا حاضره اكتب لج لسته
وبعد انتي تقدرين تقولين لها ميزانيج جم وهي تسوي لج على حسب الميزانيه

إهي قالت ليي بخليج تختارين المكياج والبخور الي تبين أحطه لج في الصندوق وراح يكون كل شي بسرعه وياه الصندوق يعني مابزيدج من عندي

لكن مااعرف شنو أخليها تحط لي

اذا تقدرين تساعديني ساعديني :o

انزين انتي شنو تبين مكياج بالضبط؟؟
عندج الشدو في وايد ماركات حلوه
ماركة مكياج او مبروك اثنينهم واحد وعندهم شدو صاير مثل الالوان المائيه، جذي شكله

وفي ماركة ثانيه بعد اسمها ferraruci وبعد عندهم باليتات نفس الشكل وفي نوعية ثانيه شكلها جذي



بس كلهم حلوين وسعرهم 5 ينار فقط
فيهم وايد الوان وبيوفرون عليج وايد
وعندج بعد ماركات Just Gold و Classic و سلفر ليدي وقولدن ليدي، هاذلين كلهم حلوين حق ارواج وغلوسات وشدوهات

المسكارا والفاونديشن عندج ماكس فاكتور

والبلشرات تقدرين تاخذين من مكياجي علبه فيها 8 الوان ب16 دينار اعتقد
او بعد عندج من ماركة Just gold واللون الواحد بدينار ونص تقريبا

وبعد في لايف ستايل ماركة NYX هاذي انا احبها واايد حلوه وكل شي فيها رخيص،، اغلى شي البودرة ب10 بس مب شي خخخخ اللي ب6 واايد احلى وانا على طول استخدمها احلى من الماركات اللي اغلى
والباقي الغلوسات على دينارين والشدو اللون الواحد بدينار ونص وصبغ الاظافر بعد نفس الشي وعندهم بلشرات حلوه والارواج على دينار وشي جذي

مشكوورة حبيبتي

يوم أسألها شنو الماركه الي عندها ... ماتذكر شنو قالت

لكن قالت انها يايبتها من تركيا .. زين مكياج تركيا ؟؟

مادري ولا مره جربت مكياج تركي :think:
بس انتي لين رحتي جربي وان شالله يطلع شي حلو
عاد تيين تراوينا اياه :bigsmile:

أكييد بصوره لج

وبراويكم الصندوق شلون سوته لي ..

اختي لا تنسينطلعي صدقة ولو بسيطة من مهرشبتصير فيه بركة

هذيان;8910878:
اختي لا تنسينطلعي صدقة ولو بسيطة من مهرشبتصير فيه بركة

إن شاء الله

وبنات عمي قالوا ليي المهر دائماً تصير فيه بركه

واذا تحسينه بينقص ماتشوفينه الا كفى لكل شي إن شاء الله

لكن عندي سؤال على قدي هههه

أطلع صدقه يعني اروح أعطي فقير بيزات لو اودي لجمعيه خيريه لو شنوو ؟