دبحت روحي بالدارسين(القرفة) مو راضي ينزل الجنين

بقايا فجر,, انا مستغربة ليش بيحطون لج طلق صناعي؟؟
اذا لج بس ثمانية أسابيع يعني للحين حجمه صغير

ويعطون بس حبوب عشان ينزل,,>>>هذا اللي سمعته

حبيبتي هذولا اغبياء اللي خلوك تطلعين للبيت لازم تنويم ويعطونك تحاميل طلق .. لين ينزل لان خطر مو على رحمك على حياتك يا حبيبتي والدارسين مايسوي شي ..
الله يكون بعونك يارب العالمين ويهون عليك يارب

تذكريني بنفسي في حملي الأول نفس وضعج بالضبط كان الجنين ما فيه نبض وأنا صرت أشرب دارسين وأمشي كثير علشان ينزل بروحه بس ما نابني غير ألم الظهر اللي يذبح في الأخير استسلمت ورحت المستشفى حطوا لي تحاميل (الطلق الصناعي) وبعد ما نزل كامل فسووني عملية تنظيف وكنت مثلج 8 أسابيع والحمدلله ربي عوضني بحملي الثاني

أختي اصبري يومين بعد وإذا ما صار شي توكلي على الله وروحي المستشفى طبعاً هو في ألم بس ما يخالف تحملي باجر بتجربين ألم الولادة إن شاء الله :)

الله يعوضك ويصبر قلبك والنصيه بجمل الجنين ومات ليه تنتظرين روحي المستشفى البقى براسك ولا تتعبين حالك صحتك بدنيا

خيو بقايا شخبااارش اليوم ان شاء الله احسن وان شاء الله الحين قمتين بالسلامه وتكونين بخير وصحه وعافيه واذا الله لا يقوله بعدش روحي المستشفى حتى تطمنين على صحتش وقولي لهم انش تعبانه وموقادره عشان على الاقل يرقدونش ويتابعون حالتش لان لو عليهم ما يبون ينومون احد عندهم لان كله زحمه عليهم وكل كلامهم مافي سرير واني عارفه هالشيئ لاني مريت فيه لما رحت اولد عندهم قالو ليي ولاده بس مافي سرير واضطريت انتظر على الكرسي اتالم واني ساكته لين يشوفون ليي سرير والحمدلله عدت على خير والله يقومش بالسلامه وتجين الينا بصحه وعافيه وتحملي بصحتش والله يكون بعونش

انتي شو يالسه تسوين في عمرج الله يهديج..

سيري مستشفى عدل و بيعطونج موعد حق عملية تنظيف .. ونفس اليوم بتطلعين بس العملية بسيطة نص ساعه و المسا بتطلعين ان شالله ..

انتي تتحرين الاجهاض سهل؟ بتطلع عيونج يوم البيبي بيطلع لأنه متعلق في احشائج ومب موعد ولاده يعني هو ما يبا يطلع! ولا تنسين انج بكر يعني المكان اللي بينزل منه عزج الله ضيق ومب مهيأ حق خروج الكتل اللي بتطلع منه.. تبين تشوفين الجنين يطيح جدام عيونج؟ هيئة انسان بس صغير؟ بتتحملين هالمنظر؟ كيف بتنسينه عقب وبتتجاوزين الصدمه...


والله اللي شفته يوم عقيت ما اتمناه اشوفه لا في عدو ولا صديق..


يقولون عندنا فالامارات ربا مرتين ولا عقه وحده..

يعني ولادتين ولا مره وحده انج تعقين من صعوبة الموضوع جسديا ونفسيا...

الله يهديج بس.. ذكرتيني باشيا كنت ابا انساها

انا مثلك مات بالاسبوع الثامن ولا نزل واتعبت معدتي بالاعشاب والدارسين وعشبة المدينه وتعب نفسي وفي النهااااااااايه بعد هذا كله!!!رحت المستشفى عطوني طلق (تحاميل)ولانزل واخير شي قالو تنظييييف
علشان كذا لاتتعبي نفسك روحي المستشفى والله يكتب ماافيه الخير

حبيبتي المثبت هو السبب الجنين ثابت عندك فلازم المستشفى ينزلونه والله يعوضك يارب

مفتون;8923599:
انتي شو يالسه تسوين في عمرج الله يهديج..

سيري مستشفى عدل و بيعطونج موعد حق عملية تنظيف .. ونفس اليوم بتطلعين بس العملية بسيطة نص ساعه و المسا بتطلعين ان شالله ..

انتي تتحرين الاجهاض سهل؟ بتطلع عيونج يوم البيبي بيطلع لأنه متعلق في احشائج ومب موعد ولاده يعني هو ما يبا يطلع! ولا تنسين انج بكر يعني المكان اللي بينزل منه عزج الله ضيق ومب مهيأ حق خروج الكتل اللي بتطلع منه.. تبين تشوفين الجنين يطيح جدام عيونج؟ هيئة انسان بس صغير؟ بتتحملين هالمنظر؟ كيف بتنسينه عقب وبتتجاوزين الصدمه...


والله اللي شفته يوم عقيت ما اتمناه اشوفه لا في عدو ولا صديق..


يقولون عندنا فالامارات ربا مرتين ولا عقه وحده..

يعني ولادتين ولا مره وحده انج تعقين من صعوبة الموضوع جسديا ونفسيا...

الله يهديج بس.. ذكرتيني باشيا كنت ابا انساها

<<< هههههههههه برود ما اسوي شي :tongue: حمدلله ما احتجت تنظيف طاح الكيس بروحة افتكيت لا بارك الله فيها من ساعة يوم أحمل فيها استغفر الله سبيت روحي أف سبة وأنا أتألم و البيبي مو راضي ينزل اقول زوجي لا تقول لي بعد تبيني أحمل ..شوف هذا الحمل وهذي بلاويه..خلنا نرتاح سنة على الاقل ..انا صج في قلبي ابي بيبي بس من بعد هالتعب ما أبي الحين شي ابي أول أتخرج من الجامعة ان شاء الله

مفتون يعني شنو تعقين؟ يعني تجهضين قصدج :o
طيب شوري علي شسوي الحين وانا ساقطة ابي جسمي يتقوى و ألم ظهر يروح و انا عندي جامعة عطيني حل اذا عندج خبرة مشكورة

الحمدلله انش افتكيتن وما احتجتين لعملية تنظيف

هذلين مستشفى السلمانية مأساة حتى لو الواحد يشوفونه بموت بعيد الشر بعد مايفتكرون

من هالتجنيس اله ذابحينه به اكيد ماراح يكون في اسرة موجودة للمواطنين !!

ربي يعووض عليش بحمل ثابت وسليم ياااااارب العالمين

اللي اعرفه ان الطفل لم يموت في البطن المستشفى ينزلونه بنفهسهم واذا كنت تحتلجيل لتظيف يسوون لج؟

ياحبيبتى روحى للمستشفى لايجيك تسمم

خيو بقايا الف الحمدلله على السلااامه ورب العالمين ان شاء الله بعوضش وبفرح قلبش وقلب زوجش بالحمل السليم في المره الثانيه 00كنت واجد احاتيش وادعي اليش والحمدلله انش ما احتجتين لا لطلق ولا لتنظيف والحين ارتاحي اليش فتره عشان يقوى ظهرش وبعدها امترخي وحاولي تغيرين جو بعد الراحه عشان ترتاح نفسيتش لان اني تعبت نفسيتي كثييير بعد الولاده ووبعد ما طلعت من الاربعين رحت سوريا الحمدلله وغيرت جو بس من جيت الناس قامت تسالني هااا للحين ما حملتين ؟؟صاروا حتى اللي ما يسالون قامو يسالوني يالله شكثر تتعب النفسيه واني الحين من ولدت صار ليي تقريبا 8 شهور وللحين ظهري يالمني ولا ادري ليش من جذي اقولش تحملي بروحش لان وجع الظهر كلش كريه وان شاء الله تفتكين منه

حبيبتي بقايا فجر اني كنت احاتيش وتوقعت ان هم اللي سووش التنظيف ..لكن الحمدله



الحمدلله انج ما احتجي لتنظيف ولا للطلق الف الحمدلله على سلامتك ويالله اخذي لج فترة رااحة



على الأقل اربعة شهور وعقب الاربعين بالضبط بدي بالفولك اسيد وياااارب يعوضك بالحمل السليم الثابت ..




احلى ام والله حزنت عليج يوم قلتي انج ولدتي على الاسبوع 34 هي صعبة جدا شلون دريتي ان توفى اختفت الحركة ؟؟



و اكيد تعلقتي بالبيبيبس الحمدلله انج صابرة ومحتسبة وربي يعوضج بالذرية الصالحة قرييبا



انتي وبقايا فجر وكل من تتمنى طفل بين ذراعيها ..

بقايا..

الحمد لله على سلآمتك يالغلآ...والله يعوضك بالحمل السليم المعافى

ارتاحي الحين و لا تفكري بالموضوع خليها على الله وراح تشوفين كل خير

الله يرزقك و يرزق كل محرومة

الحمدلله على سلامتج حبيبتي.. وزين افتكيتي

اول شي خذي اجازة من الجامعة اسبوع عالاقل جسمج يرتاح والدم الفاسد كله يطلع

و كلي تمر خلي تغذيتج زينه .. وان شالله بتستوين بخير

للحين الدم يالس ينزل تمللت اووف

اشربي زعفران باماي وخلي يغلي وشوي سكر

توكلى على الله وروحى المستشفى وان شاء الله يعملولك اللى فيه الخير



[BLINK]
يارب ثبت حملى وقر عيونى برؤيته واجعله من حفظه كتابك الكريم وارزقنى برة
[/BLINK]