بنات البحرين ممكن ؟؟

~نور~ 20-02-2009 10 رد 1,211 مشاهدة
~
مسأاء الخير بنات ،،
اشلونكم وشخباركم ،،
حبايبي عندي استفسار اصغير ، وين اقدر احصل على لوازم الحمام المغربي ؟ اقصد المجموعة كاملة والاسعار ، والي جربت افضل شي ،، ممكن اتقولون لي على المحلات ،،
ومشكورين الغلا يعطيكم الف الف عافية ،،



ق
روحي حق الحواي و تحصلين ان شاءالله

بس الليفه مالتهم ماحبها انا احب قفاز بدي شوب

بس كل الاغراض عند الحواي طين مغربي و حنه بيضه و صابونة غار و غيرهم

الاسعار ماعرف بل ضبط بس شي بسيط ترا

انا احط وياه سكراب المشمش تحصلينه في الصيدليات او السوبرماركت

بالتوفييييييييق
V

السلام عليكم ..

مثل ما قالت اختي قطوة بحرينية

لكن تأكدي ان تلقين ليفه نوعياتها زينة
ن
كلشي عند الحواي
C
مثل ما ذكروا ..

تحصلين كل شي في الحواي ..

و الأسعار كلش تحت, يعني الصابون المغربي يمكن العود يطلع عليج ب دينارين و نص ما ذكر

بس مو أكثر .. و الباقي على 5 ربيات او دينار.

بس الليفه اخذي لج وحده زينه..

تحصلين في البودي شوب او حتى ساعات في الصالونات يبيعونهم

انه عندي ليفه عطوني إياها الصالون يوم سويت عندهم حمام مغربي

و هالحجي من 4 سنين! و للحين عندي إياها ما استغني عنها..لا اختربت و لاشي

=)
~
قطوة بحرينية ،، فانيلا ،،نورة ،، كامارو غيرل فديتكم حبايبي
مشكورين الغلا ،، وما قصرتو ،،
انزين شنو آخذ من عنده بالضبط ؟؟ الحنة والطين وصابونة الغار بس ؟ والليفة بآخذها من الصالون
وازيد عليه المقشر : آنه استخدم st,ives حق الويه روعة بس ما جربته على جسمي ،،
M
حبيبتي عندج بعد محل آفاق يكون بشارع الخدمات عندهم فرع وفي الحجيات يم مطعم كرامي بعد عندهم فرع ثاني
~
تسلمين الغالية كمام الامل يعطيج العافية ،،
بس ما رديتو علي شنو اشتري بالضبط ( كل شي يعني ) عشان مابي انسى شي؟ !!
ناطرتكم الغلا ،،
m
صابون مغربي في صبايا
~
وينكم يا بنات البحرين ؟؟؟
~
آنه زعلت خلاص ) :
X