شنو بسووون لو صرتوا في هالموقف

كلمي الطفل بكل هداوة قوليله خلها عندنا عشان اذا ييت مرة ثانية تلعب من ولدي فيها بس اهم شي الطريقة تكون حلوة عشان ما يزعلون اهله منج

فعلا احراج خاصة اذا كانت لعبة تعليميه ومو رخيصه او قصص لانه الطفل الي بياخذها واهلة ما بيحسون بقيمتها لان مو اهم الي شارينها ويمكن يكسرونها ويخربون القصص بكل سهولة

والله سالفه ممله
بس بقولج ممكن تسوين نفس ماقالت اختي امنيات
واذا مانفع وجهي كلام للطفل بس المقصود الاهل
قولي له حبيبي هاللعبه صديقك(اللي هو ولدي) وايد يحبها والا كان عطيتك اياها
فالاهل بيفهمون ..
انا مااحب الناس اللي جذي عيب يعني

شوفي انا صارت معي هالحركة من فترة يعني كانت فطاميتوها صغيرة ربيعتي كانت اشرية لها لعبة تعليمة لعمرها لما كانت اشهر مثل لعبة دائرية فيها اصوات وأضواء بس كانت حلوة بصراحة وكانت فطامي تلفت انتباها وللأسف ما كنت موجودة فصار هالشي انا ساكنة عند اهلي فما عندي مكان حق الالعاب خاصة ولما رديت من الدوام عرفت السالفة ان واحد من الاهل صغير كان عند امه في بيتنا ويصرخ على اللعبة وأمه ولا على بالها فأخذها انزين ردوها بعدين لكن ابدا ياخذوا وما يردوا فمن يومها تعلمت لما يزورونا ناس وعندهم اطفال اعمل حسابي ما أخلي لهم غير الألعاب العادية المطاطية والي تكون قديمة وشي بسيط أما اذا زارونا فجأة أسكر الباب أقصد باب صالتي عشان ما حد يدخل ويتعبث بالألعاب لان العابها دوم في جناحنا وفي باب بيني وبين صالة أهلي وهالباب ما ينفتح الا بصعوبة باب زجاجي بس صعب فتحه وبصراحة اذا شفت اي صغير يبكي ويسوي هالحركة ويبا ياخذ اي لعبة أرد عليه وأقوله لا ما يصير ناخذ العاب غيرنا بعدين فطامي بتبكي وبتزعل منك عاد في من الامهات تفهم وفي منهم ما يفهموا او يطنشوا فعلمت فطامي ما تخلي حد ياخذ اغراضها تروح وتاخذها عنهم بالغصب لأني لو سكتي ممكن تتكرر أكثر من مرة الحين ارتحت ماحد يقدر ياخذ من العابها بصراحة حرام نشتري اللعبة بالغلا وحد غير عيالنا ياخذها وهي جديدة حرام بس انتي جربي واتكلمي وعلمي عيالج ان ماحد ياخذ اعغراضهم بس علميهم بنفس الوقت يلعبوا بالالعاب مع الاطفال عادي عشان ما يحطوا في بالهم ما يخلوا حد يلعب بالعابهم

ام عبادي الله يعينك على هالنووع من الناس !

انا صار لي 3 مرات هالموقف ، ومن أكثر من وحدة .. !

عاد تعرفين بعدها لما تفكر تجي عندي ضيفة و معاها اطفال آخذ سلة الالعاب كلها و اخليها بغرفة النوم .. لأن ولدي صار ما يحب الاطفال يلمسون الالعاب المفضلة عنده و تصير المذبحة ! بالاضافة الى الالعاب الحلوة اللي انأخذت منه المسكين و لا عاد شافها !

بس لما اتفاجأ بزيارة من غير مااعرف انها راح تجي ، تبدأ الحرب على الالعاب !



بالنهاية يعني لو كانو ضيوفك من النوع اللي ياخذون موعد باتصال او غيره ، انقلي الالعاب لغرفة ثانية و خلي شي بسيط .. !

الاخوات كفوو ووفو

شيلي العاب طفلك الي ماتقدرين تفرطين فيها قبل ما يجون

رأيي من رأي الأمهات
الألعاب الغالية والتعليمية اعزليها عن مكان لعب الأطفال وخلي لهم بعض الألعاب البسيطة والرخيصة ...
مرة صار لي موقف خلاني أتبع هالسياسة .. أتذكر كنت طالعة مع ولدي وطبعا لما أروح وياه مكان آخذ معاي بعض الألعاب اللي يحبها ، فلما طلعت لعبته تذابحوا الأطفال عليها وكل واحد يبي يلعب فيها والمشكلة أنه كلهم كبار بعد، وولدي مسكين يصيح عليها ، المهم قدرت آخذها منهم بطريقة دبلوماسية وبعدين منها تعلمت أني آخذ معاي لما أطلع ألعاب بسيطة، ونفس الشي أكيد أطبقه لما أحد يجي يزورني

يسلمووو امهات على الردود الحلوة
وايد استفدت منهااا
لانة بصراحة مو سالفة اني انحرج منهم
بس اني انقهر من طبيعة هالنوع من الاهل يعني معقولة تعلمي ولدك او بنتك تاخذ لعبة غيرهااا
ابد مااحب ولدي يسوي جذي
وني قمت اسوي جذي
ااذ احد يجي فجاة اقعد ادعسهم في اي مكاان موقتا على مايمشون :)

فعلا هالموضوع يصير واااااجد

عن نفسي ماعندي زوار كثير في شقتي فما مريت بهالموقف مع بنتي

بس في بيت ابوي اختي الضغيرة مستحيل احد ياخذ من العابها اي شي تسوي مناحة وتروح تاخذها ولاتفتكر

وفعلا هالنوعية من الامهات الي مايكلمون عيالهم يبطون الجبد ودش تكفخين الام خخخخخخخ

السلام عليكم ورحمة الله وبركاته

صح والله عدل كلامج قهر ومب اي قهر الا فقعة مرارة وجبد بعد

في ناس تكتشفين من خلال تصرفاتهم وي عيالهم ان همه ما يستحون ع ويههم ومب بس ع سالفة الالعاب البعض يهالهم يكسرون في اغراضج ويطقون عيالج وكل شي ولا حتى يقولون لهم عيب ..... الحمد لله والشكر ربي

بس حلول الاخوات هوه نفس الكلام الي كنت بقوله لج ودام ان همه ما يستحون صيري انتي مثلهم لا تستحين عن الحق وقت الي بيطلعون باللعبة قولي لهم هذي هدية غالية علي من فلان او من علان او الياهل ما يعرف ينام بدونها وهيه لعبته المفضلة عساس يرجعونها لج ليش فاتحينها سبيل؟؟...


في أمان الله

انا كمان رايي الالعاب الغاليه تنعزل وتتغبى وقت جية الضيوف اللي كذا
مع اني اشوف ان انا مستحيل اخلي ولدي ياخذ لعبه من بره البيت ولاي احد حتى لو كانت لابن خالته وحتى لو كانت بريال واحد يعني رخيصه ولازم يعرف حقوقه واللي له واللي مو له

احسن طريقة والحل الانسب ان اشيل العاب طفلي وقت الي يزوروني ناس عشان لا اكون بهالموقف المحرج
ولا اشوف طفلي وطفل الناس يصيحون على اللعبة

بس المفروض الامهات مايخلون اولادهم ياخدون العاب الناس لان بالخير بيتعلمون على هالشي دايما كل مرة يروحون بيت بيسون هالشي بيحطون ببالهم مانطلع الا بلعبة من عندهم واليوم من يدري ياخد لعبة بكرة يتعلم ياخد اشياء ثانية

انه ولدي مرة فكر ياخد لعبة من بيت ناي زايرتهم رفضت انه ياخدها مع ان ام طفل ظلت تحن علي اخذيها ولدي مايلعب فيها ولايفتكر قلت لها لا اسفة وخليته يصيح لين سكت عشان لايتعلم واذا هالمرة وافقت كلل مرة بيسوي هالشي فاعلمه من البداية

الاطفال بطبيعتهم حريصين على اغراضهم ومايبون اي احد يلمسها والاول لما كان ولدي صغير وجوني ضيوف مااعرف اجلس معاهم شوي براحة والسبب ماما اخذ لعبتي ماما بكسرهاماما وصراخه وهوشة ةخصوصا اذا الطفل مسيطر على اللعبة ومايرضى يتركها فصرت اشيل الالعاب عشان اقعد في هدوء شوي واترك لهم الالعاب الكبار المرجيحة وتوابعها

بصراحة شي محرج انا صارلي نفس الشي
والحين رفعت كل الالعاب الي ما يلعب فيهم ولدي
وخليت حالة كم لعبة بس...

تعرضت لمثل هالمواقف والمشكلة اني ما اقدر ارفع العابهم واشيلهم في مكان لانهم وااااااااااااااايد اشيل شنو واخلي شنو واللي ياخذون غالبا هم من اطفال الاهل اللي من يجون عندي الشقة يركضوووون على غرفة الالعاب يعني لو قفلت الغرفة مرة وحدة بيجون يقولون يبون يدخلونها .. وانأخذت العاب كثييييرة غير عن الهواش اللي يصير بين عيالي وبين الاطفال الزوار


اتذكر اكثر شي تأسفت عليه هم شغلتين .. مشاية ولدي ( اللي يتعلم عليها المشي بحيث انه يمسكها ويمشي ) هذه كانت عندي من ايام ولدي العود وبعدين استخدمتها لولدي الصغير وكان استخدامها قليل يعني بعدها جديدة ومو مستهلكة وولادي يحبون يلعبون في الالعاب اللي فيها ومرة بعد ما مشى ولدي الصغير كانت زايرتنا حماتي وهي ولدها اصغر من ولدي وكان موصل سنة و3 شهور وبعده ما مشى فقام زوجي واخذ ولد اخته وحاول يعلمه على المشاية وعجبته المشاية واااايد وقام كل يبي يمسكها ويمشي مع ان امه كانت تقول مشكلته انه يخاف يمشي لكنه عجبته المشاية ، المهم قمنا انا وزوجي وقلنا لها اخذيها عندكم وعلميه ع المشي عليها ( وانا كنت اقصد بعد ان بعد ما يتعلم المشي رجعيها ) وكنت اقول لها بعد ان اولادي للحين يحبونها ويلعبون بها وفعلا اخذتها هي وبعد 5 ايام بس كانت جاية في الويكند بيت عمي وولدها يمشي خلاص وقالت لهم سالفة المشاية وانا توقعتها بترجعها خلاص لكن الى يومكم هذا ما شفتها والسالفة صار لها يمكن 10 شهور :(

والشي الثاني مع نفس الطفل اللي هو ولد حماتي .. اهلي كانوا جايبين مجموعة كتيبات من برا البحرين وهي كتيبات تعليمية عربي وانجلش ارقام والوان وحروف وكل هالسوالف ورغم انهم كانوا عندي من زمان بس ولادي مادري ضيعوهم ومرة بالصدفة شافوا ولادي اثنين منهم وكل واحد مسك على كتيب وقعد يتعلم فيه حتى ان ولدي الصغير حسيته كان عاجبنه عدل وتعلم منه كم شغلة فعلا في يومين بس وبعدين كان زوجي رايح به بيت ابوه وولدي حامل هالكتيب معاه وبعدين رجع زوجي وترك ولدي هناك مع اخوه والجماعه وكانت حماتي موجوده بعد وعقب فترة ما اشوف الا مرجعين حمود جابته بت عمته وتقول ان ولد حماتي مسك في كتيب حمود وما رضا يتركه وقالت امه بتحمله معاهم الحين وبعدين بتشيله من عند ولدها لين نام وبترجعه مرة ثانية والسالفة يمكن صار لها شهرين او اكثر ولا شفته بعد :(:(


خسارة كان ولدي حابنه والكتيب طريقته حلوة واوراقه متينه يعني ما يتقطع حساااافة عليه والله ..

هالمواقف كلها صارت مع نفس الطفل تقريبا دايما ياخذ اشياء والعاب من عند اولادي لكن هذول اكثر غرضين متأسفة عليهم الصراحه(a)

انا ماقط مريت بهالمواقف لان ماعندي زوار وايد و حتى صديقاتي اللي عندهم عيال الحمدلله عيالهم مؤدبين

بس انا اقول لو الشي تكرر اكثر من مره يعني الام مو مستحيه خلاص انا ليش استحي اكيد برجع اللعبه بطريقه أو باخرى

الله يعينك
بس شوفي خليها طريقه دايم خوذيها في بالك

انا بنتي عندها العاب بالهبل
وماحب احد يجي وياخذها
بس انا اعتمد على طريقه ان ما اخلي كل الاعاب برا الغرفه كل يومين ثلاث اطلع لعبه او لعبتين تلعب فيهم
حتى لو جاء احد على غفله يكون سهل اني اخذ اللعبتين وارجعهم للغرفه
وبعدين اذاصار بس عندها لعبتين باليوم يصيرون غالين لكن اذا شافتهم كثيره يصير عندها لا مبالاة لان فيه غيرهم كثير
بكذا اذا جاء احد عندنا وشاف اللعبتين ماترضى احد ياخذهم لان مافي غيرهم

وهذا راي

اني صرت اخبيهم قبل بس فعلا موقف محرج من ناحيتي ما ارضى ولدي ياخد العاب غيره علشان مايتعلم
واللي يضايق اكثر في امهات يدققوا على الطفل اذا يعز لعبة وما رضى عليها يقولوا عنه بخيل ويصيروا يدموا في الطفل