مسائكم ورد جوري ..(رقص العروس)

هلا حبيبيتي احسه شي عادي و المفروض يكون طبيعي من حق العروس انها تفرح بهاليوم و بما ان اليوم يومها،،و في ناس يقولون لج المفروض تكون العروس رزينه وما ادري شنو اعتقد شي له وجهات نظر مختلفة و انتي لج حرية الراي

العروس لازم تكون رزينة و فيها حياء .. وهادئة

تسلم على المعازيم وتصور مع عريسها

لين طلع العريس من الصالة , و بدأت المعازيم تخف

تقدر تقوم ترقص مع أهلها وأصدقائها

وهذا إلي سويتها في حفلة خطوبتي

مب حلوة تدشين و سيده ترقصين ..,

بعدين على آخر الوقت لمن يمشي العريس و الناس تخف , قومي أستانسي مع أهلج وأصدقائج

وأعتقد من حق العروس ترقص وتسناتس

لكن!..

لكل شي حدوده

الثقل .. ثم الثقل

والله يختلف من ناس لناس....يعني على حسب العوايد عند الناس....بس انا حسب عوايدنا ....العروس ماترقص ....بس والله انبسط اذا تفرجت على عروس ترقص رقص خفيف بس اكيد ماأسويها ابدا"....

مشكوووووووووره ع الموضوع....

وين المشكل ياغالية ادا رقصت العروس يوم زفافها هي ليلة وحدة لفرحتها ولكن الرقص يكون كثير ثقيل مو رقص على وحدة ونص هههههههه الله يهنيك يا غالية ويفرحك

واااااااااااايد عرايس يرقصون بعرسهم


ماادري مااحب اللي ترقص


في رايي يقولون ان تبي تستعد

اشكركم ع تفاعلكم في الموضوووووووع

عادي جدا ومافيها شي اليوم يومها وهي نجمة الحفل وبالتوفيق لكل العرايس

وااااااااااااااو ارقص لا لا مستحيل
احسه عيب عندنا
الحين اهلي واهل زوجي رافضين انزف كيف ارقص لا لا مااتوقع حلو العروسه ترقص

يخافون علي من العين >>>>>>>>>> ملكه جمال واحنا ماندري خخخخخخخخخخخخخخخخخخخخخخ
عااد يوووووووووووووه

على حسب عاداتكم
احنا مثلا بالبحرين عادي ترقص العروس اخر العرس بس رقص خفيف مع اهلها وصديقاتها
بس اخر العرس بعد مايخفو المعازيم

احنا صعب عندنا عروس وترقصص ..ياخذون عنها فكرة ماتستحي او شي

:)

انا ما احب العروس ترقص

و أقول لهم من دحين لاحد يقومني ارقص بعرسي

بس دايماً الصديقات و الأهل يقوموا العروسة و لازم ترقص لو قوموها

بس مو حلو ابدا انها ترقص كثير , يعني بس مجاملة

في يوم ملكتي قومتني اخت خطيبي ارقص معاها , اكيد ما حقدر اردها :S

عادي جدا بس على حسب جرأه العروس
يعني بعرس اخوي رقص مع زوجته على اغنيه حق اليسا رقص سلو هادئ جدا كل القاعه يطالعون والله شي خلاني شوي واصيح شي مو طبيعي وماعلج من احد اذا زوجج راضي افرحي واستانسي كثر ما تحبين وبالتوفيق حبيبت قلبي

بصراحه راي من راي الاخت حلم العذارى

بنظري أشوف العروس حلاتها في حيائها وثقلها

يعني أنا عن نفسي لو شفت عرووس ترقص الصراحة بستانس لكن عني أنا مستحيل أسويها
أحب أكون ملكة يالسة وإذا قمت أرقص بكون نفسي نفس المعازيم يعني أحلى المعازيم يرقصون للعروس مب العروس ترقص للمعازيم ههههههه

رااي شخصيييي

ومشكوورة على طرح الموضوع

..انا بالنسبه ليا مرررررررررررررره عادي انا عروسه ولازم افرح وارقص وانبسط وكل شي في نفسي اسوي..
..انا في ملكتي رقصت مع عريسي ورقصت مع اهله ومع اهلي ومع صحباتي ومره عادي..
..كل واحد له وجهة نظر بس انا اشوف انو عادي لانو اليوم دا مره وحده في حياتي خليني انبسط قد مااقدر واسوي كل شي نفسي في..
..والقرار راجع ليكي..
..وعلى فكرة اي بنت تروح اي فرح وتشوف العروسه ترقص تنبسطت وتتمنى انها تكون زيها بالفرح بس طبعا رقص ناعم وكتكوت مو رقص اللي مررررررررررره عاد رقاصه..هههههههههههه
(^_^)