مثلما عارفين اني بعدني جالسة اثث بيتي
فبحثت في موقع فندي وعجبني بعض الاشياء وعرفت اني بحصلهم بالامارات وزوجي راح عشان يشتريهم :wink:
فقلت اعرض عليكم بعض الصور الي ناوية اشتريها ويمكن تستفيدوا انتوا بعد
اولا عجبني هالسجادة وقلت بحطهل لصالتي الفوق اي صالتنا العائلية واخترت هاللون لان حاطة مرجوحة بهذا اللون والديكورات حطتيها هندية يعنى مخدات وسوالف فوشي مع اخضر وبنفسجي فاعتقد البني بيرز الجمال اكثر
واللون السجاد غامق احتياطا اذا طاح شي عليه ما يبين خخخ :wink:
وهاي اخترته لغرفتي بس الشرشف الابيض بيكون تركواز
يعنى تركواز مع بني لان غرفتي تركواز مع بيج والاثاث مهوقني اي بني غامق
وهاي طبعا اخترته لغرفة الضيوف وغرفة الضيوف ابيض في ابيض فاعتقد اي لون يناسب عليها بس اخترت الفندي باللوجو لاني حسيته اكشخ
واخيرا هاي بعد لغرفة الضيوف وبحطها على القنفة الموجودة بالغرفة لانها مناسبة
واخيرا عجبني هالسجادة بعد بس ماقررت اذا اشتريه ولا لا
لاني ماعرف وين احطه
اتمنى عجبكم ذوقي ويسعدني ارائكم
والي عندها اي راي او ذوق احلى عني تتفضل بابداء الراي ء
وطبعا انتظر تقيمكم الرائع كالعادة ودعواتكم (f)