امي وابوي والحمل

ما فيها أي شيء فيه حد بهاالدنيا ما يريد عيال:ss:، أختي قنعيها قبل لا تكبر براس ابوكي و يتزوج!!! و خليكم من كلام الناس، ترى في قوم و العياذ بالله ما يعجبهم العجب و كل شيء عندهم عيب:mad:، و هم العيب راكبهم من ساسهم لراسهم.
الله يبعدهم عنا

عااادي يا بنوتة مافيها شيء .. أنا لما كنت أدرس بالمدرسة في السعودية كان معايا بنفس الفصل بنت و عمتها بيدرسوا معاي.. و مرة بنت كانت معايا بسادس ابتدائي و ماأعرف كيف بس جابتلي خالها ..و تخيلي كان عنده كم سنة؟؟؟؟كان تقريبا 5 سنوات...يعني عاادي يا بنتي..ترضي والدك أحسن و كمان عشان مايكونش ذنب عليها ...و ربنا يسعدكم جميعا..و سيبك من الناس .. اليوم يتكلموا عليها .. بكرة حيعملوا زيها ..

زوجة خالي ماشاء الله لاقوة الا بالله عندها تسعه وعمرها 45 وعندها بنتها وولدها كانو بيتزوجون في نفس الليله وسبحان الله قبل زواجهم بشهر هي والده وجايبه احلى زيود بالدنيا...وحضرت زواج لعياله ...وخالي يبيها تحمل بعد..الله يرزق امك وتحمل ..الموضوع جدا عادي وماعليها من كلام الناس...تتعالج وتحمل افضل من انه زوجها يفكر يتزوج عليها بعيد الشر عنها..الله يخليها لكم....

عادي حبيبتي

انا ام ريلي توها يايبة بنوتة وعمرها 40

واخو ريلي عنده ولدين


مافيها شي

kolilha tastachir tabib awalan wtsawi laha tahalil w fouhous
law ok téhmél mafiha chay
allah iwakkom

عادي حبيبتي وش بيصير اذل حملت كلام الناس لايهمها ورضاء الناس غايه لاتدرك صدقيني لو تزوج ابوك ودرو الناس انه يبي عيال برضه بيلومون امك يعني كذا كذا الناس مايخلو حد بحاله وما اشوف فيها فشله عاااااااااااااااااااااااااااااااااااااااااااااااااااااااااااااااااااااادي جدآ

السلام عليكم ورحمة الله وبركاته

حبيبتي ما فيها شي بالعكس امج بعدها صغيرة انا اختي توها والده وعمرها 39 سنة
وزوجها يبي منها بعد اولاد واولادها الاكبر 19 سنة يعني شاب وعندها الحين 5 اولاد

وتدرين ان عمتي (اخت والدي) حضرت عرس بنتها (الثالثة بعد ولدين)وهي كملت اربعين الولادة والحين بنتها وبنت بنتها تقريبا نفس العمر ومقربات لبعض .
طالما ابوك يرغب بالانجاب واذا ما في اي اثار سلبية تاثر على صحته ليش لا
وانشاء الله يخليكم لبعض .........

هههه.. انا يوم عمري شهرين بس .. اخوي تزوج.. والحين انا وعيال اخوي الكبار اصدقاء بسن وحده تقريبا.. مابينا الا سنه و سنتين.. مافيها شي حبيتي.. مو فشيله ولا شي.. و 39 باقي صغيره..

والله بعدها صغيرة
وبعدين الناس لا يعجبهم العجب ولا الصيام ف رجب

رضا الناس غاية لا تدرك أمك مازالت صغيرة وعادي ترضي زوجها أحسن لها وعادي تقدر تروح الطبيبة مادرى أحد

عادى حبيبتى ما فيها شي
وامج بعدها صغيره من قال كبيره

الله يعطيها العافيه وتجيب غير هالخمسه دام ابوج يبي ومقتدر فعادى خل تجيب

وما عليها من كلام الناس توها بعز شبابها

وعادى يوم زواج رفيجتى امها كانت حامل ؟؟ وش فيها

محد تكلم ولا غيره

امك لسى توها شباب مابعد دخلة ولا الاربعين انا اقول خليها تحمل وترضي ابوك مو الناس لو ابوك تزوج على امك لاسمح اللة الناس ماراح يرضوها الا بيبتلو ينشرو الخبر واللة يدبر اللي فية الخيرة المباركة .......

عيون وليد;8880821:
ماشاء الله تبارك الله خمسه كفايه وش يبي فريق كوره خخخخخخخخخخخخ امزح معاكم ابي الطف الجو

عيون وليد;8880821:

والله الحمل والولاده ياخذ من صحة الوحده وامك الله يحفظها جايبه لبوك خمسه في عين العدو تحاول تقنعه ولو ماقتنع خلاص الله يكون بعونها تجيب السادس بس اخاف بعد السادس يقول بعد ابي

الله يكون بعونها ويعطيها الصحه والعافيه ويهدي الوالد ويخليكم لبعض

أختي وش تقولين عني امي عمرها 45 وهي وأبوي ببغون الإنجاب
وحنا 6 بنات بعضناموظفات ولم نتزوج والباقي اولاد وكل يوم مشكلة بسبب الحمل وأنا وخواتي رافضين الفكرة
فشله وكلام الناس اللي مايرحم والدكاتره يقولون خلاص لانه فيها الضفط والسكر ومافيه فايدة
والله إني كرهت الزواج والحمل منهم الله يهديهم بس

امك صغيرة حبيبتي ومن حقها هي ووالدك انهم ينجبون وحراااااااااااااااام اصلا في الدين تحديد النسل هذا كيف وهمه ودهم ينجبون !!!


انا اقول كلام الناس ما ينفع ولا يفيد ربنا حلل للرجل يعدد الزوجات علشان ينجب خليه ينجب من زوجته احسن ما يطلع برا مع كل الاحترام لوالدك ولكن في رجال يفكرون هيك



واذا حد فتح فمه وتكلم ممكن ببساطة يردوا عليهم بالرد التقليدي ( حملنا بالغلط :) )




وربنا ما يحرم احد

حبيبتي .... اذا هم متفاهمين عادي ..ز بس الافضل انها تستشير الطبيبة ... سبحان الله لاني اعرف انه الحمل بعد سن 35 اشوي يكون صعب يعني المتاعب موجوده في كل فترة في الحمل بس كل ما الوحده اشوي كبرت احس تزيد المتاعب ... عل العموم مو عيب ولا هو حرام الله ايسر عليها ان شاء الله ... انتي عل الاقل امج بعدها ما وصلت الاربعين وتفكر في الحمل ... فما بالج ناس وصلوا ما شاء الله فوق 44 سنه تقريبا وربت من 3 شهور وغير هذا ما شاء الله عندها 11 قبل ... الحياه حلوة ^___^ لا وما شاء الله يوم يو يخطبون بنتها اترييوا الام تخلص الاربعين عشان اييون يخطبون البنت وبالفعل البنت تزوجت وربت وبعدها بكم شهر الام بعد ربت .... الله المستعان ... وربي ايسر عل الجميع ويكتب لنا الذرية الصالحه امييييين ^____^

مثل ما خبروك الاعضاء الي قبل
امك مازالت صغيرة وماتعدة ال 40 عام
خلها تجيب لها طفل صغير اذا الوالد له خاطر
امهاتنا كانوا يولدون مع خواتي الكبار في نفس السنة
بالعكس كان شي رهيب وعجيب

امج صغيره
بالعكس خلها تحمل الله يوفقها ويسعدها ويتمم لها على خير يارب

الصراحه انا مع امج.. فشيله ان بنتها بتعرس و لا لو كانوا اصغار جان اشوه ..حاولوا تقنعونه ان 5 عدد زين و الحمدلله

عاااااااااااااااااااااادي جدا ماماتج بعدها صغيره... و عندكم بس 5 ... ما شاء الله امهاتنا يابووو 10 و فوق .. من دام فيها هبه على الحمال تحمل ليش لا.. و تخل كلام الناس ورا ظهرها..