كييفكم عرايس؟؟
من جم يوم كنت افكر شسوي حق العشا :icon9:
وعقب تفكير وتخطيط واستشارات قررت اني اسوي سباجيتي دجاج
وظليت اخلط واركب واضيف على كيفي وانه اقول الله يستر :21_131:
لكن ظلع طعمها عجييييييب والكل عجبته :z_clap:
فحبيت انزلها لكم عشان تجربونها تقولون لي رايكم فيها
المقادير
كيس سباجيتي- صدر دجاجة مقطع قطع صغيرة- بصل- بطاطس- جزر- فلفل أخضر- كوسا (كلهم مقطعين بالطول)- بقدونس مفروم- مشروم مقطع شرائح- 3ملاعق جبن- ملعقتين قيمر (قشطة)- ملعقة مايونيز- 3 ملاعق صلصة الترياكي(تقدرين تستبدلينها بصلصة الصويا)- بهارات حسب الرغبة.
الطريقة
نقلي البصل في زيت زيتون حتى يصير لونه ذهبي
بعدين نضيف عليه الدجاج ونغطيه حتى ينضج
بعد ما ينضج الدجاج نضيف البطاطس والجزر ونخليه يستوي على نار هادئة
اذا قرب ينضج البطاطس نضيف الفلفل الأخضر والكوسا والمشروم والبقدونس
وبعدين نضيف عليه البهارات
وبعدين نضيف صلصة الترياكي
بعد ما تنضج الخضار نضيف الجبن والقيمر والمايونيز
ونخلطه عدل ونغطيه ونتركه على نار هادئة لمدة ثلاث دقائق
وعقب ما نفتحه يصير بهالشكل
بعد ما نسلق المعكرونة ونشخلها نضيف لها خلطة الدجاج
ونخلطه مع بعض ونقدمه في صحن التقديم
وبالعااااااااااااافية
انتظر ردوودكم وتقييماتكم
اختكم... sweet16
