خطيبى شتمنى وبفكر جديا فى الأنفصال وجوازى خلال شهر

حبيبتي الرجال في مرحلة التجهيزات للعرس بكون كثثثثثثثثير عصبي ومعظم البنات بيشتكو من ها الشي وانت زدتي شعللتي فيه العصبية بكلامك هو في ها الظروف ما حيقدر يفهمك ولا حيعتبرو زلة لسان عشان كدة لازم اتصالحيه وتحاولي اتهديه بكلمات حلوة وبلاش ادخلي اهلك في هالمشاكل لان الاهل عندهم نظرة اخرى للموضوع وهم ما بحولو اهدو بالعكس بقلولو الله معك فحاولي انك تعتذريلو ويا ريت تبعتيلو مسج حلو وبالتوفيق

بصى يا دودى

استهدى بالله كدا الاسول واستغفرى ربنا كتير


بصى هنعتبر ان هو فى حاله ضغط نفسى وعصبى لو كان طلع منك كلام بالغلط فانتى اعتذرتى تمام هو بقا محتاج وقفه بجد لغلطه دا عشان لو عدت بسهوله هيتمدا تمام

انتى خلى من جواكى انك هتحليها ان شاء الله بس قدامه صعبيها عليه بس مش توصلى لدرجه لغى الحجز

ان شاء الله تتجوزوا بس اتكلمى معاه كدا بهدوء ان ايه الى يصح وايه الى لا

اهم شئ ومذكور فى القرأن الكريم الموده والرحمه وطبعا الاحترام عشان تكون اسره سعيده ان شاء الله

هو يعتذر لك وازعلى شويتين وخلاص ويوعدك بعدم التكرار وبس وان شاء الله خير

غريبة جدا اية طريقة الكلام الغريبة دى جزمة اية ومش متربية اية؟؟؟؟؟؟
انتى اة غلطتى واستفزتية بس اعتذرتى وخلصت
اية بئة لزمة الكلام دة
انا راير انك مش تكلمية شوية ولازم يا حبيبتى يعر ف انة غلط وغلطة جامدة دانتى لسة على البر وبيشتمك بالطريقة دة لما تتجوزى بئة هيعمل اية هيضربك ولا اية
وانا رايىء ان اللى مامتك عملتة دة طبعا صح واقل واجب معاة
وان شاء الله يعرف غلطة وتعدى على الف خير

زين سويتي فية لازم يحترمك
ولدج على ما ربيتية وزوجك على ما عودتية
لازم تعودينة يحترمك

cherry..;8879647:
انتى كده بنت تماااااااام ..



صحححححححححح جداااااااااااا ..


عايزة اقول حاجه يابنات .. مش دايما الاعتذار من البنت الراجل بيقدره وبيفكر فيه كأنه حنية وطيبة وجدعة ورقى اخلاقى منها ... احيان كتير بيفسروه انه ضعف ... وانه لو عدتيها هيكررها تانى وتالت وييجى يعتذر على جمب .. ولو الاهانات دلوقتى بينك وبينه بكرة ميعملش حساب لحد ولا لحاجة ويهين اكتر ومحدش يقدر يكلمه ..هتكونى مراته وفى بيته ...


لازم يعرف ويتأكد انك فى بيت ابوكى محترمة وامك وابوكى شخصياااا ميقدروش ولا عمرهم هانوكى لازم يعرف انك كنتى عايشة فى بيت اهلك ملكة ... غاليه... مقامك عاااااااااااالى وكل طلباتك اوامر..

ومش مبرر انك غلطتى انه يعمل كل دا ويتنرفذ ويشتم ... زى ما البنات هنا بيطلبوا منك انك تعذريه وسامحيه طب ليه هو ميتعودش لو غلطتى يكلمك بالذوق يقولك انه مينفعش اللى قولتيه دا ويزعل ياستى ويخاصمك بس ميستعملش اسلوب الاهانة .. لو بدأ بانك هتعيشى جزمة وهربيكى من قبل الجواز (اللى هى مرحله انه بيتمنالها الرضا ترضا وبيكون ملاك) هيعمل ايه لما تكونوا تحت سقف واحد ...


بسسسسسسسس ارجع واقولك الخلاصة انك برده الموقف دا يمكن يعلمه انك مش بتيجى بالاهانة وانه لازم يحترم نفسه ويحترمك وقوليله انا هكون تحت رجليك خدامة بس تكون انت راجل محترم معايا حامينى وبتحترمنى ..
فيه حد رد عليكى ووقال هاتيه البيت يكلم اهلك وخلى طرف تلات زى عمك او خالك يهدى الامور .... صدقينى خليه يعرف انك وراكى اهل جامدين وشداد يوم ما هيقولك كلمة هيردوهاله عشرة وعشرين .. اللى يجننن انك غلطتى قام هو غلط وانتى اعتذرتى وهو مش عايز ..!!!!

بس ممكن انصحك نصيحه .. اقفى مع نفسك وقفة شديدة يمكن تكونى عملتى معاه قبل كده كذا حركة او قولتى كام كلمة يضايقوا وهو شايل منك وماصدق وانفجر .. احنا برده بنقول اللى لينا واللى علينا .. راجعى نفسك وشوفى اسلوبك معاه ..

ومتروحيش تعتذرىىىى انتى اعتذرتى مرة وهو زاد فيها .. سيبيه بييجى هو يعتذر بس عامليه باحترام وحسسيه بغلطه .. وربنا يهديلكوا الاحوال يارب ..ومتخليش الشيطان يشعلل الامور اكتر ... اكتفى بانك تعرفيه غلطته ..

اسمحيلى اختلف معاكى بعض الشئ والاختلاف فى الرأى لا يفسد للود قضيه :D

انت بتقولى (مش دايما الاعتذار من البنت الراجل بيقدره وبيفكر فيه كأنه حنية وطيبة وجدعة ورقى اخلاقى منها ) انا موافقاكى بس لو فيه احترام من الاول بينهم وهو عارف هيتجوز مين واخلاقها ايه وعارف طباعها وشخصيتها عمره ما هيفكر كده لو هو انسان مثقف وواعى وعارف يعنى ايه جواز وميثاق غليييييييييظ مش هيفكر كده ابدا هيعرف انها بتعمل كده عشان تحافظ على بيتها وعلى حياتها وعلى استقرارها

برضه فيه جمله كمان بتقولى فيها (ليه هو ميتعودش لو غلطتى يكلمك بالذوق يقولك انه مينفعش اللى قولتيه دا ويزعل ياستى ويخاصمك بس ميستعملش اسلوب الاهانة) انا معاكى ان الاهانه اسلوب مش كويس تماما وممكن يتعصب ويتنرفز بس من غير ما يجرخ ولا يهين بس مهما كان ده بنى ادم مش ملاك لو مشى طول عمره على الصراط المستقيم لازم هيخرج عنه مره ولا اتنين وهو فى الحاله دى خرج عن شعوره لان هى هانته فى رجولته لما تقوله كلمه معناها رأيك وموافقتك او رفضك مش مهم تبقى هى كده بتلغى شخصيته بتلغى كيانه معاها
ومتنسوش ان ربنا ادى للراجل القوامه الراجل راجل يا جماعه والست ست مهما علملنا ومهما قولنا مفيش حاجه هتغير الراجل ولا طباعه
طيب انا عايزاكم تحطوا نفسكم مكانه وخلوا ان هو خطيبك او جوزك هو اللى قال الكلمه الى عامله المشكله دى وقال انا هعمل اللى عايزه سواء وافقتى ولا لا
كام واحده فيكم هتتصرف بحكمه وعقل وهتحط اعصابها فى تلاجه وتقوله وماله يا حبيبى اعمل اللى انت عايزه؟؟؟؟؟؟؟ مع فارق الطباع يعنى لو 50% هيعملوا كده نسبة الرجال هتكون 10% ان مكنش اقل

على فكره انا كلامى ده كله واللى كان قبله مبنى على كلمه قالتها صاحبة المشكله ان دى اول مره تحصل واول مره يقول الكلام ده لكن لو هو متنعود على كده من الاول اعتقد هيكو ن فيه كلام تانى خالص

يا رب خير طمنينا عليكى يا ترى عملتى اية يا دودو

انا بصراحة مش فاهمة ليه اغلب البنات مطلعين ان عصبية الخطيب عادي و مبررة طيب ده اتنرفز منها اول ما قالتلو الكلمة وبعدين قفل و رجع في كذا مكالمة غلط تاني انا اعرف ان العصبية المبررة انو بغلط في اول مكالمة و بعدبن على الأقل يعيد التفكير و يرجع يفكر بعقله و قلبه على تاني مكالمة او حتى تالت مكالمة
اه صحيح هي غلطت بس اعتذرت و كمان كانت كلمة عارضة مش حاجة متعودة عليها عمال على بطال يبقى ايه لازمة كل ده
بس هو في سؤال انتي بتحبيه بجد ولا عريس عاجبك عشان اجابة السؤال ده مهمة جدااااااااااا

بصي اول ماقريت كلامك كنت هقولك كلمتك غلسه حتى لو بهزار لن الرجاله بتتلكك على كرامتها ورجولتها والكلام العبيط دا

لكن مع احترامي خطيبك هو الي قلبل الادب ولاقصى درجة واوعي تقبلي الاسلوب دا ابداااااااا اه نتخانق اه نزعق ممكن يغلط بكلمة ومع اعتذار منه ملح نعديها ويبقى فاهم نه غلط لكن كلامه فظيع وايه جزمة اما من اولها كده امال بعد الجواز هيعمل فيكي ايه وصدقيني الرجاله بتتمكن اكتر بعد الجواز

بصي من البداية فهميه ان الاسلوب دا مينفعش معاكي والاحترام لازم يكون متبادل والعصبية حاجه وقلة الادب حاجه وانك محترمة ومتربية مليون مرة ومش مستنية تربيته

بس اعتب عليكي انك حكيتي لمامتك لان كده الموضوع كبر ولو انتي وخطيبك تصالحتوا مامتك مش هتنسى الي قاله حاول قد ماتقدري متشكيش لحد من هلك خاااااااااااااااالص الا لو لاقدر الله الموضوع كبير اوي او انتي ناوية تفركشية

الي اقدر اقولهولك انتي استفزتيه في الاول ودا غلط منك لكن هو رد فعله اوفر جدااااااااااااااااااااااااااا وميتقبلش وصدقيني خافظي على منظرك وكرامتك من الاول ولو اعتذر وحسيتي منه بصدق يبقى ربنا يكماكم بخير

حبيبتي
كل وححده من البنات الي ايدوا اسلوبك ماراح يفيدوكي
لو انفسخت خطوبتك
وصدقيني راح تندمي اشد الندم على تزمتك وعنادك
هو اتصل وحاول يتكلم ولا كأنه سوى حاجه لانه شاريكي
لكن انتي بينتي له انك بايعه ((نسيتي كل الشهور والايام الحلوه وتعبه علشان خاطرك بكلمة وحده طلعت منه بلحضة غضب))
وين كيد النساء والذكاء
هالايام البنت بالقوه تقدر تحصل عريس وجاهز للزواج بالذات في مصر
وانتي جالسه تخربي بيتك بأيدك؟؟
عفى الله عما سلف وحاولي تتمسكي بخطيبك اكثر
والله يوفقك يارب
تحياتي

أنتي غلطتي لكن....هو كبر السالفة يعني كان ممكن يرد عليكي بكلام مؤدب مو جزمة ومو عارفة شو...لكن حبيبتي توصل للطلاق اكيد لا حاولي تهدي و هو يهدى واكيد كل شي حيتصلح

دلوعةحناني;8881958:
حبيبتي
كل وححده من البنات الي ايدوا اسلوبك ماراح يفيدوكي
لو انفسخت خطوبتك
وصدقيني راح تندمي اشد الندم على تزمتك وعنادك
هو اتصل وحاول يتكلم ولا كأنه سوى حاجه لانه شاريكي
لكن انتي بينتي له انك بايعه ((نسيتي كل الشهور والايام الحلوه وتعبه علشان خاطرك بكلمة وحده طلعت منه بلحضة غضب))
وين كيد النساء والذكاء
هالايام البنت بالقوه تقدر تحصل عريس وجاهز للزواج بالذات في مصر
وانتي جالسه تخربي بيتك بأيدك؟؟
عفى الله عما سلف وحاولي تتمسكي بخطيبك اكثر
والله يوفقك يارب
تحياتي

والله كلامك عين العقل .... لكن البنات الله يهديهم شعللوها بدل ما يهدوها

بصراحة يا بنتي.. مشكلتك محيراني أويي.. و من ساعة ما قريتها و انا عمالة أتخيل نفسي مكانك و أتخيل انا ممكن أعمل ايه و أحلها ازاي.. بس أكتر تعليق عجبني .. هو كلام (على طريق العرس )جزاها الله خيرا.. مع التأكيد انه ما يعملش كدا تاني.. انا بجد ما جربتش خطيبي لو غلطت فيه غصب عني ممكن يحصل ايه او يقول ايه.. بس كمان مش عارفة لو حصلت حاجة زي كدا حعمل ايه بس الحاجة الوحيدة اللي متأكددة منها هي اني مش حبيع خطيبي بسهولة كدا.. لاني اللي اعرفه عن شخصية الراجل انك لو لستخدمتي أسلوب الذكاء و المسكنة حتلاقيه هو من نفسه مستحيل يزعلك و مش حيقدر يكلمك كدا تاني و حتصعبي عليه ... و بدل ما يستقوى عليكي حتكوني نقطة ضعف في حياته .. و مش حيهون عليه يهينك أبدا .. كمان لازم تفهميه ان كرامتك من كرامته وو مماينفعش يهينك كدا و يهين كرامتك كدا لانها من كرامته برده..
كل اللي بتمناهولك انه يسخره ليكي و يهديهولك ...بس عايزاكي تفكري كويس كدا .. لو كانت المشكلة دي حصلت معاكي بعد الجواز .. بنفس الطريقة كنتي حتعملي ايه؟؟؟حتروحي لمامتك و تشكيلها؟؟حتكبري الموضوع معاه و تتمادوا و تغلطوا أكتر؟؟حتقوليله نسيب بعض أحسن وكل شيء قسمة و نصيب؟؟؟تخيلي نفسك في الموقف نفسه بعد الجواز و شوفي كنتي حتتصرفي ازاي ساعتها .. (مش بسهولة تهدمي بيتك .. مش عشان مفيش فرص جواز لان ده رزق و نصيب مكتوب ..و لا عشان منظرك ادام الناس و كلام الناس ...لأ علشان فعلا فعلا فعلا .. بعد الجواااز ساعات الواحد فعلا بيواجه مشاكل و اسلوب ما كانش على البال بس لازم يتصرف فيها بحكمة لان وقتها في أولاد و في عشرة و في حب...انت قلتي بلسانك ان دي أول مرة ... و هو بجد تمادى في الشتايم و في طولة اللسان .. بس خليكي أحسن منه و احرجيه بزوقك و أخلاقك .. و ده بانك زي البنات ما قالوا وقت العصبية صمممت.. و العتاب يكون بهدوء و باختيار الكلمات الذكية المناسبة وقت ما يهدى ...وقتها و لا حيعرف يمسك عليكي ربع غلطة.. و لا يتلكك..و حيضطر انه مش حيقدر يعاملك غير بأحسن طريقة ..لانك أحرجتيه بزوقك و أخلاقك.و طبعا شوية زعل و خصام و لما حد يراضي التاني لازم الطرف التاني يرضى و بهدوء كدا تفهميه انه بلاش الاسلوب ده تاني يعني أهون عليك تشتمني و تهينني كدا؟؟ترضاها على مراتك حبيبتك؟؟انا بوعدك اني حتغير و مش حقول كدا تاني عشان انا بحبك و بحترمك .. و مسامحاك عشان واثقة انك مش حتعمل كدا تاني عشان متأكدة انك بتحبني.(_ماعتقدش انه ممكن يرجع يشتمك تاني بعد كدا على شرط تلتزموا بوعودكم)..ربنا يهديلكوا الحال و ييسر الأمور .. ضروري تكونوا شاريين بعض بجد.. انا عارفة ان كل واحد كرامته نقحت عليه .. عشان كدا لازم تتفقوا ان كرامتك من كرامتي و اتفقوا ان مهما حصل ..وقت الخناقة لو واحد فيكم متعصب التاني لازم يكون يهادي.. لو واحد شد التاني يرخي..

الكلمه الي قلتيها قويييييييييييييييييييييه

اذا ماكانت على زوجك فيها قويه في حق امك >>قلتي انك قولتي لها الي سار قولتي لها انا قولت على فكرة يا حبيبى انا مش هودى الحاجات الشخصية دلوقتى وافقتو او ماوفقتوش انت ومامتى.


لاتقولي بحرص مابخون >>>مو انتي اول وحده تودي جهازها ولا اخر وحده وحتى لو شافت اشيائك مافيها شي ايش راح تعمل فيها يعني!!!!!!!!!!!!!!!!!!!!

احنا عندنا وقت ماتودي البنت حاجاتها اهلها خالتها وعمتها وحريم عمانها وحيرم خيلانها واهل زوجها

يرتبو لها اشيائها

لازم تنتبهي لكلامك زوجك ماراح يعصب على الفاضي انتي ترضي يقولك وافقتي او ماوقفتي حتى لو اعتذرتي ترى الكلام يجرح

وانتي عارفه انو زوجك عصبي يعني لازم تتفادي عصبيته عشان ماتسمعي كلام مو حلووو

ومو كل شوي تفتحي المشكله وتجلسي تتكلمي فيها عشان لاتكبر المشكله مو اتصل يراضيكي ورجع طبيعي في كلامه ليش تجلسي تعيدي وتزيدي في الموضوع اذا فضلتي كدا نهايتك تجلسي في بيت اهلك صدقيني

اهلك امكن يعدولك ويمشولك ويسامحو ويدلعوكي ومايزعلوكي ويعملو الي تبغيه حتى لو مو موافقين بسسسسسسسسسسسسسسسسس الزوج غيييييييييييييييير



طبيعي قبل الفرح تسير مشاكل زي كدا بس لو تبغي تحافضي على زواجك لازم تعرفي كيف تتصرفي فيها وتكسبي زوجك وتخليه يحبك اكثر مو تخليه يزعل منك وتكبر المشكله بدل ماتنتهي

امكن لو جاكي واتفاهمتي معاه كان رضي يخليكي تعملي الي تبغيه بدون زعل وعصبيه

أنا مع الأخوات اللى قالوااااااااااااا..............أنتوا الاتنين غلطانين إنت غلطى لما حسستيه إن كلامه مش هايمشى وإن كلامك هايمشى غصب عنه والرجالة عادة مايستحملوش الحتة دى بس هو غلطان قوى بشتمك لأن عادة طباع الراجل بعد الزواج بتبان فى المواقف اللى زى دى وعايزة أسألك سؤال هو باباكى موجود لأنه لو موجود لازم الموضوع يتناقش فى وجوده علشان كل واحد منكم يعرف حدوده مع التانى وعلشان يعرف إنك مش رمية يهينك وما تلاقيش حد يقف له وإن كان والدك مش موجود يبقى عمك أوخالك أو أخوكى الكبير المهم يقف له راجل ماينفعش مامتك لأنه هيستهون بيها وبعدين أنا مش مع البنات إنك تعديها وتعتذرى له لأنى شايفاكم لسه مش مستعدين للجواز بالشكل ده مادام مش عارفين تتعاملوا باحترام أكتر بينكم أنصحك نصيحة من أخت تتمنى ليكى السعادة إنك تأجلى فكرة الإنفصال دى شوية وبرده تأجلوا معاد الفرح شوية لحد ماتتأكدوا إنكم قادرين تتعاملوا مع بعض بأسلوب أرقى من كده وإن ماتغيرش سلوكه معاكى وسلوكك معاه أنصحك بفض الخطبة حتى لو كنتوا فرشتوا الشقة ده ساعتها يكون أهون من إنك ترجعى بيت أهلك حاملة لقب مطلقة وطفل على كتفك وربنا يوفقك لما فيه الخير لك وأنصحك أولا وأخيرا بصلاة الإستخارة وداومى عليها لغاية ماتشوفى الأمور هاتمشى إزاى بينك وبين خطيبك وربنا يصلح حالك

الشيطان يكره الجمع بين اثنين بالحلال ويحب التفريق بين الزوجين خليكي اقوى منه ....واحيانا العين مفعولها مثل العمل والسحر وتسبب الاسباب لخلق المشاكل بين الزوجين بالذات لان عرسكم قرب ...الضغط العصبي والمادي يؤثر على الرجل كثيرا فلا تاخذي بكلام زوجك في لحظة غضب ...استعيذي من الشيطان الرجيم واصلحي حالك لان الغلط من الطرفين وشئ جميل ان تكون مبادرة الصلح منك ولك الاجر ان شاء الله

*عروس حبيبى*;8878413:
برده ياقمر انتوا مش هتهونوا على بعض

مهما حصل انا عارفه وقت العصبيه كل واحد مش بيكون مستحمل كلمة للتانى

بس مش عارفه ليه عندى احساس انك لما تشوفيه هتحسى بحنيييييين كبير ليه وهو كمان وهتتعاتبوا وهتعيطى(عندى احساس خيالى واسع شويه) وهترجعيلنا بأذن الله تقوليلنا خلاص اعتذرلى واتصافينا

ربنا يسمعنا عنك خير يا رب ابقى طمنينا عنك

وعلى فكرة تيكاتيكا ردها عسول اوى خدى بيه

ههههههههههه تقريبا ده اللى حصل

DodyCat;8884035:
ههههههههههه تقريبا ده اللى حصل

طب الحمد لله انكم اتصالحتم
ربنا يهديلك الحال

حبيبى ربنا يخليكو ليا انا رحت قابلتو وبصراحه لقيته شكلة تعبان جدا ومضايق موت هو عارف انى تعبانه
وأول ما شفنى أعتذرلى وقالى انا مش عارف انا قلت كده أزاى بس انت ليه حاكيتى لماما قلتله لما انت كلمتها أشتكتلها منى
هو يا بنات اللى راح أشتكى لماما الأول فأنا أضريت أحكيلها راح قالها ان انا بتطاول عليه فطبعا ماما جت سألتنى لأنى كنت منهاره جدا المهم انا قولتلو انا مكنتش انوقع الكلام ده منك انت بالذات قالى انتى مش باقيه عليا وبايعانى قلتله لأ انا مش بيعاك بس انا مقدرش أعيش مع أسلوب الشتيمة وعاتبنا بعض
ووعدنى انه عمره ماهيغلط فيا تانى وانه فعلا أعصابه تعبانه اليومين دول
المهم يا بنات أتصالحنا وروحنا حجزنا فستان الفرح أدعولى ربنا يبعد عنا الشيطان خشو التجهيزات بقى أقولكو تفاصيل الفستان هههه.

الحمدلله رب العالمين

ربي يسعدكم يا اختي ،،وتذكري ان الشيطان يحبب الفرقة ويكره الحب والتجمع بالخير..

عقبال الفرحة الكبيرة ونسمع انك انزفيتي لزوجك وتعيشوا حياة سعيدة وربي يفرحكم دوووووووووووووووووووووم

آمين ..