صور منتجاتى الخاصه بلعنايه بلبشره كله بلصور+شرح طرق عنايتى ببشرتى

رابعا :منتجات العنايه بلجسم والفم:
كريم جلوسليد
اتعلمى اعملى لوشن للجسم من الجلوسليد بجد دى طرقتى ومستحيل احط لوشن على جسمى او كريم للجسم لانى بخاف ومبطمنش ليهم
هنخلط الجلوسليد مع زيت اللوز واعصري عليهم ليمون وتستخدم للجسم بعد كل حمام وللرجل وللايد ومش هتحتاجى لكريم للرجل ولا الايد ولا لوشن وبتعمل على توحيد لون الجسم وتفتيحه وزيت اللوز معروف انه يشيل البقع ويفتح الاماكن الغامقه وركبي افتحت عليها كتير واتشال برضه الغمقان اليه في اصابع الرجل


زيت اللوز المستخدم




زيت عطرى من عند العطار
وموجود عند اى عطار تروحى تقوليله عايزه زيت يعطر الجسم بعد الحمام ويدهن على الجسم بيرطب وينعم
وريحته فواكه بتبقي قلبه الحمام كله بجد جميل جدا واحسن من اللوشن كمان بتفضل في جسمى بعد الحمام المغربي واى حته امشي فيها في البيت ريحت جسمى تفوح في المكان





الليفه المغربيه وانا ذكرت قبل كده موضوع ليا بتاع لحمام المغربي
وفي طريقه استخدامها واهم شئ الليفه تستخدم في فرك الجسم بعد شطفه من الصابون لان لو الصابون جه على الليفه مش هينزل الخيوط الرماديه من الجسم



صابونه كلين اند كلير
بستعملها بدل الصابون المغربي وبستعملها للوش احيانا
وبعد ما اغسل بيها جسمى اشطفه بلمايه الدافيه وافرك بليفه المغربيه بس الجسم ميكونش فيه ولا نقطه صابون وممكن البديل ليها صابونه ديتول حلوه وبتشيل الحبوب في الجسم والوش



قطعه مسك عنبرى
من عند العطار وببشره واحط تحت الابط بعد الحمام وبعد ما ادهن الزيت العطرى على جسمى وبجد مبستعملش اى مزيلات للعرق نهائي لانها ضاره بلصحه




شور جيل من ماى واى
واحد اسمه ليالى الانس والتانى اسمه عبير الزهور البريه الاتنين جمال جدا من حيث ريحتهم والنعومه



ديتول
بعد غسل الجسم اخر شطفه للجسم احط شويه ديتول عشان
يعقم ويطهر جسمى



غسول سيتيال للمنطقه الحساسه
جميل جدا وانسي الالتهابات معاه انا بستعمله كل يومين تلاته كده بليل قبل النوم
وبحطه شويه صغيره قد معلقه الشاى الصغيره اوى في ماء التشطيف وبحطه بمقدار كوبيتين مايه صغيرين واشطف بيهم وبعد كده اشطفه بماء دافئ ولازم تتنشف المنطقه



منظفات الفم والاسنان:
غسول للاسنان بي فريش
ومطهر ومعطر وبيدى ريحه حلوه ويشيل كل الروائح الكريهه قبل النوم بعد معجون الاسنان



بودره ايفا
كويسه للاسنان وبتبيضها ودى بلمنثينول
وكمان مش مضره



ده معجنون اسنان فلورو للاطفال بلبان
بستعمله لانه خالى من الماده الضره بلصحه صوديوم لوريث سلفات اليه في معجين الاسنان وهى اليه بتسبب الرغوه


جيل للايد كان عرض نازل من لونا بتوزع شنط فيها عينات من المنتجات
بس الجيل رحته تحفه كانك حطه برفن في ايدك



مرطب للشفايف من ايفون
اسمه ايفون كير حلو برضه وعجبنى


يارب يكون عجبكم موضوعى لوشيفين انه يستاهل التقيم قيمونى عليه بجد تعبت جدا في الصور وتنزيلها واليه يعجبها موضوعى تدعيلها ان ربنا ييسر حال خطيبى ويرده من غربته ونتجوز