تجمع خاص بالحوامل البكر ((أول حمل لكِ تفضلي معنا)) الجزاء 16

مفتون;8892113:
مراحب يا بنات ..

شخباركم؟ ..


كلمة وداع .. الصراحة ويمكن رايي يزعلج .. موضوع الصلاة عندي انا شخصيا وايد كبير.. يعني انا لو اعرف انه زوجي ما يصلي لو مهما كانت صفاته حلوة عمري ما كنت بتزوجه ..

انتي فكري فيها اذا امه وابوه و دراسته و حياته كلها ما خلته يصلي .. انتي بتغيرينه الحين؟

وخصوصا انه ما يتقبل كلامج .. لأنه في ناس اذا قلتيلهم يصلون .. بس هم يتكاسلون.. لكن اذا كان يتضايق من النصيحة هذا معناته انه صلته في رب العالمين ضعيفه... وهاي مشكله اساسية بتأثر على اشيا وايد في شخصيته بعدين....


اما اذا كنتي تحبينه وايد و تحسين انه عندج القدرة على تغييره .. حاولي بإنج تغيرين الاسلوب.. اذا كان يتضايق من النصيحة الصريحة فتجنبيها ...


هل هو من النوع اللي يخاف من الله؟ لأنه تارك الصلاة عقوبته كبيره .. اصلا حتى المفروض ما يدفن في مقابر المسلمين تخيلي كيف الموضوع كبير....

بس تعرفين .. مثل ما قالتلج احب الحب.. انتي ادعي ربج انه يحبب زوجج فالصلاة .. وانا ببحث لج شوية عن الاساليب الحلوة فالاقناع في هالموضوع وان شالله ما يصير خاطرج الا طيب :)