انا خلاص طفشت وفاض بي

مراوي;8877358:
انا عانيت من هالمشكله و بظل اعاني منهها

مانقول كل الزبونات جذي ولكن نسبه كبيره تجي مثل ماقلتي

على بالهم ان التاجره عندها وقت وااايد او انها اذا غيرت رايها ماراح يأثر

لا حبيباتي يأثر و نص لان التاجره تظل تتابع سجل الطلبات ماتدري من اللي اكيد من اللي مو اكيد

و ترجع تكلم كل وحده و متى ذي ترد و هذي ترد

انا مشكلتي مع بنات الديره بخصوص بيع العطور لاني اقول مايسوى عليهم اخليهم يطلعون مرتين

مره يسلموني الفلوس و مره يستلمون عطورهم خلها مره وحده اريح لهم

و اتفاجأ بعد ما اشتري لها العطور على حسابي انها تبتدي تتعذر اليوم ماقدر

أو بكره في المكان الفلاني و يكون بأخر الدنيا ( مع اني معطتهم من البدايه انه في المكان الفلاني)

او ماعندي احد يوصلني أو انا في الدوام أو معزومه <<< شوفو كلها اعذار جتني ما قاعده اتبلى

و اخرتها تقولي بشوف متى يناسبني و بكلمك ولا عاد تتصل و تطيح العطورات في حظي

يعني ربحي بس قاعده اضيعه على طلبيات غير جاده

لكن شقول بس

Oriana;8877927:
الأمر لله.. أول مرة كان محدد كل شي.. اللي بتدفع بتلاقي واللي ما بتدفع ما بتلاقي لأني ما بطلب وما بيكون عندي شي والحمد لله نجحت الطلبية بس تعبت من المعاتب اللي كلهم يبون وكأني مسوية جرم أني ما انتظرتهم!!

المرة اللي بعدها جبت نفس اللي كانوا طالبينه وعدد بسيط على عدد اللي طالبينه وطيحوه في جبدي بحركاتهم! وحاطة لهم مدة أسبوع للدفع.. لكن اكتشفت ان اسبوع وايد.. بخليها 3 أيام بس مثل ما قلتي طفوف!

القهر ان تجي تحلف وتتوسل حتى انا يكسرون خاطري ويحسسوني ان صج يبون وعقب يطلع ما يبون
طيب يوم انتي ما تبين ومو جادة تحلفين وتسوين لي افلام وتتوسلين وبعدين ماكو!!

في وحدة الله يسامحها ويا ريت تشوف الرد لأنها ضرتني

طلبت طلبية قبل لا توصلني.. كانت تراسلني كل يوم وتتوسلني اني اطلب من الموديلات اللي عاجبتها ومحددة لي العدد وكل شي! وانا سويت طلبيتي على اساس اني حاسبتنها في مجموعة هي محددتنها وحاطة في بالي ان اول ما توصلني هي بتاخذهم!

وصلت وكل يوم مراسلات واشرح لها طريقة التحويل وهي مصبرتني وكل يوم تقول لي شغلة على التحويل.. ومو عارفة شلون تحول ومادري شنو! والقهر أن اللي حاجزتهم يجوني زباين يبونهم وادز لها اقول لها جاييني زباين إلى الطلبية اللي باسمج إذا ما كنتي جادة ببيعها
تقول لي لا واللي يسلمج أنا ابيها وبدز لج الفلوس!

بكمل شهر ألحين ولا دزت الفلوس! وكل ما اراسلها قامت ما ترد علي! وطبعاً خلص الشتا! ومحد يبي جاكيتات ألحين!

وحتى لو بعرضهم السنة الجاية ما بينباعون لأن يبون بضاعة جديدة!

يعني هاللي عطلتني ما تفكر؟ وما يأنبها ضميرها!!
شهر كامل وانا على تواصل وياها وكل يوم رسايل ويوم خلص البرد قامت تحقر
ضيعت الزباين اللي كانوا طالبين جاكيتاتهم ومستعدين يدفعون مباشرة على حساب انها حاجزتنها لنفسها!

ما أقول إلا


المشتكى لله

أورفليم;8881443:
وانا بعد اعاني

وكله كوم ولما تجي تحلفك بالله انك ماتبيعين الاغراض اللي حجزتهم لأحد

وانتظر

وانتظر

وانتظر

ورسايل

وياليت ترد او تعتذر

الله المستعان

الله يرزقنا جميعا