هل تحبين طفلك وهو يحبك ...!!!

حبيبه رائد 16-02-2009 13 رد 1,721 مشاهدة
ح
السلام عليكم ورحمه الله

شلونكم امهات عروس وشلون عيالك عساكم بخير وصحه..

حبايبي امهات ....

لي بنت عمرها 11 شهر ... احبها اكيد وهي تحبني اكيد ...
بس احيانا احس ان العلاقه بينا مو عاطفيه كفايه او يمكن ماعطيها حنان كفايه ولا حب..!!!

مادري ليش احس كذا ....

مثلا اذا طاحت على الارض واجي احملها وابوسها ولا ياحبيبي ولالا خلاص .. ماتحط راسها علىصدري وتبكي .. لا تبكي وماترضى تحط راسها على صدر ولاتناظر فيني ...!!!

لما تنام تقعد ترضع وهي تشمخ يدي وتعصر صدري بقووة (هنا اللي احس يمكن هي محتاجه لي او انا مقصره)..
لما نكون متجمعين في مكان تلعب وتسرح وتمرح ولا كاني موجوده ماتجيني وتضمني او تبكي تباني اذا بكت ..
لما اروح مكان عنها واجي اخذها بحب وشووووق وهي عاااااااااااااااااادي جدا يعني لو اغيب شهر ماكو مشاعر ..ههههههههههههههههههههههههه

مادري يمكن عانها صغيره لسه ؟؟؟؟ بس ولد اختي العكس ...
ليش هي كذا ... انا مقصره بشي ولا هذه شخصيتها والامر طبيعي ...:ss:

تحياتي للجميع واتمنى تردون علي للي عندها معلومه... نوقطه
B
عااااااااااااااااااااااااااااااادي جدا و لا تحطي في بالك انتي خليكي مستمرة معاها في الحنان و العطاء الطفل في السن ده عايز يعمل شخصيه لنفسه بقه بدون قيود و لا مراقبة و اللي هي بتعمله وقت الرضاعة عادي زياد برضه كان بيعمله و هي فترة و بعد كده حتشوفيها عادي و ربي يحفظها
ح
صدق ... شسوي ام جديده واهلوس ساعات ... تعرفين الاطفال مختلفين في اطفال لصقه بالام ...
تسلمين حبوبه والله يخلي عيالنا ويحفظهم...

نوقطه
B
لاتخافي بعدها صغيرة لو ماعطتك اهتما وهي عمرها 2 او 3 هني نقدر نقول فيه مشكله

بس دلليها ودوم احضنيها وفيه حاجة قديمة كانوا امهاتنا يسووها لنا واحنا صغار وللحين احنا نسويها لاطفالنا

تفتحي ايدينك وتقولي لها احضينه وتضميها بتلاقيها لما تتعود بتاخذها مثل اللعبة وبتجي لك ركض ههههه

الله يخليها لك ان شاء الله
ا
هههههههههه..

حلو الموضوع..!
واحسه في وقته لانه انا بعد ولدي جذي..
وبعض الاحيان وجودي وعدمه واحد ..!
بس الحين لما اغيب..
واروح مثلا الحمام ..مكرم السامع .. تلقينه يصيح يبغاني..!
بس حلو انو مو متعلق ووايد..!
بس احنا مافي شي يرضينا..
لو تعلقو فينا نقول كل لصقه ..!
ولوصارو عادي نهوجس ونخاف..
بس الاكيد انو الاطفال شخصيات..
وفي الا عاددي وحباب وكل شي عنده عادي..!
ربي يحميهم ويخليهم يارب..!
ن
والله نفس اللي احس فيه........
*
ههههه ساعات اني افكر جذي
اقول اني مقصرة في حناني لة
على انه اذا يصيح يسوي مثل ولدك مايبناني احملة لانة معصب مو لناة مايحبني
بس اذا في مكان غريب وصاااح طبعا على طول يجي لي
واذا اغيب عنه بعد يشتاق لي
بس انتي حاول تلعبين معاه اكثر وتمزحين معاه
ان شاء الله مايكون فيه شي لاتوسوسين:)
ر
حبيبتي لاتهوسي ولاشيء بنتك ترضع من الرضاعه


ولدي الكبير كان يشرب الرضاعه ولايقبل حتى يجلس في حضني ويشرب الرضاعه


دوم يبغى الارض وينام على سريره من صغره وعمره اشهر امكن من سته اشهر

مايبغى ينام في حضني وكنت مثلك اهوس لكن هوكده لما كبر عرفته حنون وحباب ويخاف علي وعلى اخواته


لكن مايحب يعتمد على احد ومن كثر الحنه


بنتي صارت لزقه ماتفارقني كملت السنه وفوق وماتنام الا على رجلي وتلعب وترجع في حضني وتبوس ليل


ونهار حتى ساعات اصرخ ازهق منها تبوس رجلي راسي ايدي ولاتفارقني


يعني اختي لاتكبري الموضوع واخديه عادي وهي تحبك لكن اجتماعيه تندمج مع الاخرين بسرعه

وشكلك ماتلعبي معاها باستمرار فمن تشوف الاخرين والاطفال تحس انها بطلع طاقاتها في اللعب
ر
لا تخافي يمكن هذا سن الانطلاق عندها

اني اولادي لزقة مو مرتاحة صاروا يناموا بعد ما فطمتهم وهم ما سكين ايدي

طبعا كبروا شوي لو اطلع نص ساعة يركضوا لي كانهم ما شافوني سنة

طبعا يصير صعب تطلعي او تسافري بدونم لو تتسوقي

يعني وضع بنتك اريح بتكون اجتماعية وما تخالف تتركيها وتقضي اشغالك
ج
اختي الوضع عادي
اني بنتي ادا رحت بيت اهلي خلاص مااشوفها على طول تلعب مع الاطفال
او اتروح الى خالاتها اني قليل اخدها
لكن في البيت من اطلع عنها قامت اتصيح
م
الله يخليها لج يارب..

جوفي مافي أكثر من ولدي لزقة فيني ويموت علي.. بس أبدا ماعنده مشاعر حنونة.. يعني من صغره عمره مايه من نفسه وباسني أو لمني.. وحتى الكل مستغرب منه شلون هالولد مايبوس بالمرة لا على الخد ولا مكان ثاني... يعني لما أنزله المدرسة الصبح الكل يبوس أمه ويحضنها الا هو وإذا بيتكرم يطالع يمين يسار ويشوف محد يطالعنا وبعدين يبوسني...نفس التعامل مع أبوه ولا مرة باسه ... يعني حسب الطبع وبنتك صغيرة إن شاء الله مع الأيام بتكبر وبيتغير طبعها وبتجوفينها في الداخلة والطالعة تبوسج وتلمج...
*
هو يعتمد على طبيعة الطفل .. غير ان ولدك لسه صغير ..

ولدي لما كان صغير كمان ما تفرق معاه لو موجودة او لا .. بس الان لما صار سنتين ونص تقريبا

صار يلاحظ وجودي ويستغرب غيابي وبعض الاحيان اشوف ان حنون ويحبني وبعض الاحيان ما يريدني خصوصا وقت اللعب مع ابوه بالكرة ووقت ما يكون بيعمل شي بحبه ..

فعادي لا تقلقي مزاج الاطفال متقلب مش ثابت
ا
الامر عادي جدا ويفرق من طفل لاخر ابني الاول لصقة فيي بشكل ماتتصوريه والثاني احسه متعلق في ابوه اكثر مني بس مافي مفر منهم مايبغوا غيرنا اني وابوهم احيانا ودك ترتاحي شوي ومايمدي ربي يحفظ الجميع
ج
عادي حبيبتي الأطفال يختلفون آنه عندي بنتين وحده كانت عادي اي احد ياخذها ماتقول لا
والحين اجتماعيه ودايماً تلعب من خالاتها وبنات خيلانها يعني في بيت اهلي ماتدري عني
والثانيه لصصصصصصصصصصصصصصصقه وبصراحه كلش وضعها مب مريح على طول لازقه فيني
ماترضى احد ياخذها حتى لو اخواني ماعدا ابوها اللي ماتقول شي عنه يعني ما ارتاح الا في
شقتي لأن ابوها يكون موجود وياخذها ساعات عني بس طول ما اهيا معاي مشكله متعلقه
فيني بزياااااده والله يعين ..
X