طبعا أنا اول مره أكتب لكم مشكلتي ،، ولولا ثقتي بالعرايس ماكتبتها
بدايه أحب اقولكم أن كانت عندي صديقه تكبرني بـ 11 سنه مطلقه وعندها بنتين ولظروفها الأجتماعيه ( أمها مريضه وأبوها متزوج من وحده ثانيه ومسكنها وياهم بالبيت ) كنت أعطف عليها وكنت عادتها مثل أختي والله أني ماكنت أقصر عنها بشي بالمره بس للأسف أهي كانت تغار مني بدرجه فضيعه وماأكتشفت هالشي إلا متأخر كانت حقوده بمعنى الكلمه دخلتها بيتنا وعديتها وحده من خواتي تاكل وتشرب معانا ولكن للأسف كانت تطلع من بيتنا وتتكلم علي بأبشع الكلام وكان لما يوصلني الكلام ماأصدقه ( طبعا هالسالفه صار لها 6 سنوات ولكن مازالت مأثره فيني ) المهم بديت أكتشف أن البنت مو بس معاي حقوده مع الكل لدرجه أن بنت جيرانهم تقدم لها واحد وعطاها فلوس عشان تشتري الشبكه وفعلا البنت مسكينه شرتها ولكن صديقتي أو اللي كانت صديقتي قالت بالحرف الواحد إذا تم هالزواج هذا ويهي ،، وفعلا بعد فتره سمعنا أن الزواج تفركش بس أنا نسيت هالكلام اللي قالته وقلت قسمه ونصيب ،، لحد ماأعرفت ان في واحد متقدم لي والله والله لو تسمعون الكلام اللي قالته عني أنصدمت وقلت معقوله ويوم واجهتها طبعا أنكرت وقعدت تصرخ وماأدري ايش طبعا أسلوب الهروب وسكرت الموضوع وقمت أتحذر منها بعد فتره جاتني اعز صديقه لها وقالت لي يافلانه حرام أنج تكونين مع هالأنسانه ماتدرين شنو تقول عنج وهالمره واجهتها مع صديقتها وطبعا أهي أنكرت وصديقتها قالت لها إلا قلتي ،، ومن بعدها بديت أبتعد عنها ولكن ماسلمت من كلامها والله يابنات أن كلام يعور القلب قمت أراجع نفسي شنو سويت حق هالأنسانه عشان تتكلم علي بهذي الطريقه واللي خلها تلبسني ثيابي مقلوبه وطبعا أنا مو من طبعي الأنتقام ووكلت أمري لرب العالمين مع أنها حاولت انها ترجع العلاقه ولكن انا سديت بابها ،،،
أدري طولت عليكم ولكن أنا اليوم سويت شي وأحس أن ضميري مأنبني ومومرتاحه من اللي سويته وأهو أني يوم عرفت أنها مريضه ومكسره ومنومه بالمستشفى وصار لها الحين شهر أتصلت سألت عنها ،، سؤالي يابنات هل أنا غلطانه لأني والدتي زعلت مني ؟؟
الشي الثاني ماأدري شنو اللي دفعني أني أتصل لها ؟؟
طبعا أنا اللي كتبته مختصر المشكله عشان تعرفون هل اللي سويته صح او غلط وتعطوني رايكم ؟؟؟؟
طبعا أنا اللي كتبته مختصر المشكله عشان تعرفون هل اللي سويته صح او غلط وتعطوني رايكم ؟؟؟؟
وتسلموون ياحبايب قلبي
