أنا الشوق;8829849:
شوفي حبيبتي
راتب زوجج وايد زين واذا مب مكفيكم وانتو 3 كيف اذا زادو العيال او اكبر ولدج وزادت مصاريفه
المهم، انتي الحين ان شالله بتخلصين دراستج وبتفتكون من قسط الدراسه وان شالله راح تتوظفين اذا تبين يعني خخخخ وبيعتدل الحال
وانا لو مكانج الفيزا احط عليها X واقصها نصين، لان اول شي الفوايد تتجمع عليكم كلما تأخرتوا في الدفع ومع الوقت بتصيرون تدفعون الى الابد وتحسون ان الفلوس تطير على ولا شي
والبلوى الكبيره اذا كانت ربوية بعد
وهذا تخصصي وانا عارفه سستم البنوك وكيف يغرونكم ويقصون عليكم ويستفيدون من وراكم الملايين(6)
الجوال ممكن تستعملين المدفوع الاجر وايد احسن
او تحطين Limit اللي هو حد اقصى للمكالمات، مادري اذا انتي عندكم هالخدمه ولا لا وتحددين المبلغ يكون 200 ريال لا اكثر
انا عني شريحتي مدفوعة الاجر ومتى ما ابي اشحنها وعندي ثاني بفاتوره كنت مضطره آخذه بس ماستعمله ابدا الا اذا آخر الشهر وعندي مكالمات ضروريه فيعني الفاتوره ماتتعدى ال50 ريال والتعبئه بعد ماتوصل ال100 ريال :o
اممم النت احنا عندنا وايد ارخص منكم وفي متوفر ب100 بعد
بس اذا ال400 ماتقدرين تقللينها فهاذي مانقدر نسوي فيها شي،، اما اذا عندكم عروض ثانيه فخذوا الارخص
وبعد جوفي شنو الشي اللي دوم تسوونه ويكلفكم فلوس وممكن تستغنون عنه؟؟ مثلا عشا برا او ثيابكم تغسلونها في المغسله او دايما تشترون غدا جاهز
فكري هال20 ريال مثلا اللي حق الغدا او العشا لو جمعتيها لطول الشهر جم بتطلع ؟؟؟
او كوب القهوه اللي ب15 ريال كل يووم، طول الشهر جم بيطلع؟؟؟
او غدا زوجج في الشغل او فطوره بدل مايشتري انتي تسوين له في البيت
هاذي امثله فقط
وانا من خلال تجربتي<<< قامت تتفلسف
شفت ان اغلب الفلوس والمصاريف تروح على الأكل :ss: والله خساره ربع راتبي يطير على اكل
وكلما اطلع لازم اشتري لي عصير آيسكريم عشا غدا
فالحين صرت آكل على طول من البيت أصح وأوفر (y) وأدلع نفسي بين كل فتره والثانيه
وآخر شي غلططط ان الواحد ياخذ قرض عشان اسهم (n) المفروض اللي يحط فلوسه في الاسهم تكون فلوسه زايده ومش معتمد عليها، عشان اذا خسرها مايتحسف ولا يتضرر
يعني مع الاوضاع الحين اتوقع زوجك خسر استثماره :ss: بس قاعد يدفع اقساط وهالفلوس ممكن تستغلونها في شي ثاني
وبسس هذا اللي عندي الحين
وتبين احسن طريقه انج من بداية الشهر اول ماتقبضون الراتب تخططون كل ريال وين بيروح وتحددون ميزانية وماتتعدونها ابدا لو شنو يصير
وتخصصون مبلغ للتوفير ماتلمسونه ابدا
الا في حالة الحياة والموت :(
واذا ماتقدرون توفرون اشتركوا في جمعيه على الاقل بتلتزمون في الدفع
وحطي في بالج اذا الشي ماشتريته الحين اقدر اشتريه الشهر الياي
وصدقيني لو مشيتي على هالشي طول عمرج بيظل الراتب معاكم لآخر الشهر (y)
اييه صج شرايج اصلح مستشار مالي ولا لا؟؟ :bigsmile:
موفقين يا بنات واشكرك يالغاليه وعن نفسي امر بازمه ماليه مع الاقتصاد العالمي :D
الحمدلله رب العالمين على كل حال
اله يسر امركم ويطرح البرك بلرااااااااااتب
أعرف عائلة من أب وأم و3 أطفال و دخلهم 3000 ريال؟؟؟
الله يرزقهم من واسع فضله و جميع المسلمين
اللي أعرفه اجار الشقة بس 1300 يعني يعيشو الشهر ب 1700 ريال
لكن المهم البركة و محاولة عدم الاسراف
و صدمني تقرير في التلفزيون عن أن معدل صرف الفرد السعودي على وسائل الاتصال "لا المواصلات" يعني الجوال و قلك اكسسواراته 1000 ريال في الشهر
لا حول ولا قوة الا بالله
و عن تجربتي قررت أن أقلل مصاريفي و أبدأ بتغيير الجوال من عام الى شحن و تقليل الاتصالات الهاتفية الا للضرورة لأنه شهريا الفواتير كل مالها بتعلى
الأكل و الكوفي من البيت الا نادرا
الملابس و الاكسسوارات بس وقت التخفيضات(؛
الاقتصاد في استخدام الكهرباء والماء
والله يعين
.
.. أمــ عــلــيــ ..
عروس ماسية
21-09-2010 | 10:33 PM
ماشاءالله .. تبارك الله
راتب زوجك زين مررررررة .. !!!
بس انتم ما عرفتوا تقسموه زين على مصروفيتكم الشهرية .. !!!!
يعني لو تحاولون تنظمون وضعكم شوي .. وتكنسلون اللي ماله داعي .. وتقتصدون .. وتحرصون على الصدقة لو بالقليل علشان تحسون ببركة الراتب حتى لو ما كفاكم .. !!!!
طيب ليش ما تحاولون تشوفون لكم شي تستثمرون فيه .. أو .. تجمعون لكم كم قرش .. تشترون فيه بيت أو أي شي تستفيدون منه مع مرور السنين ..
أنا ما أعرف شلون أقسم الراتب .. بس نصيحة مني و عن تجربة طلعي كل شهر صدقة عشان تتبارك الفلوس حتى لو بالقليل مثلاً دينار أو 5دينار
زوجي راتبه زين بس انا وياه متعودين على الصرف واايد و على اشياء مالها داعي .. و الحمدلله في بعض الأشياء ما تكون من راتبه مثل مصاريف دراستي و دراسته و الشقة كلهم على عمي ( ابو زوجي ) ..
بس بعد أبي أقسم الراتب و أنظمه و مو عارفة شلووون
الله يغنينا مدري اشقول وش اخلي