مشتراياتى للعناية بالبشرة بالصور و الاسعار و الاماكن ( ملف متجدد)

ربنا يخليكى يا قمر

بصى حبيبى

بالنسبة لموضوع الغسول بصى انا بشرتى مختلطة مش دهنية اوك

و احسن حاجة بجد ماشية معايا هى صابونة دوف البيضة ب 5 جنية

بصى انا من زمان اوىىىىىىىىىى

كنت قرات فى كذا مكان ان المفروض الوحدة مش تدفع فلوس كتير فى حاجة مش هتعد على بشرتها او شعرها وقت طويل فاهمنى

يعنى دايما بدل الحاجة دى بتتغسل و مش بتتعدى دقائق يبقى مش تدفعىفيها فلوس كتير

لكن مثلا لو بتختارى كريم ليل اختارى كويس اوى و من ماركة نضيفة و مش تسترخسى فى فلوس فاهمنى لان دى هيفضل على بشرتك اقل حاجة 8 ساعات

دى نقطة
نقطة تانية: مش عارفة لية كل البنات فاكريين انهم لو جابول غسول فظيع مشكلة الحبوب دى هتروح خالص ( انا مش شايفة كة خالص بمعنى الى بشرتة دهنية هتفضل دهنية و الى جافة هتفضل جافة بس احنا بنحاول نعمل بالنس و نوصلها تبقى بشرة عادية بس بشرتك دهنية هتفضل تطلع حبوب بس اكيد لما تهتمى بيها صح مش هتطلع جامد او هيبقى قليل اوى

يعنى انا قصدى مش مشكلة البشرة الدهنية و الحبوب فى غسل الوش يعنى انا اعرف واللة ناس بيغسلوا وشهم بطريقة مش طبيعية اصلا و نضاف جدا بس برضوا تلاقى وشهم فى الاخر فى حبوب اد كدة فا الموضوع مش لى علاقة اوى بالنضافة الزيادة

نقطة تانية بقى مهمة جدا : بصى معظم للاسف المنظفات الى للبشرة الدهنية بتبقى جامدة جدا بتجرد البشرة من الزيوت الطبيعية الى فيها و بتنشف الوش جامد اوى ( و دى كارثة اصلا ) لان لما الوش بيتجرد من زيوتة الطبيعية بتبتدى البشرة تدافع عن نفسها و تفرز زيوت اكتر من الاول

فا بصى اختصارا و علشان مش تخافى و لا حاجة المهم التنظيف المعتدل بغسول معتدل بس يعنى كفاية جدا جدا 3 مات فى اليوم ب حاجة معتدلة ( انا ماشى معايا صابونة دوف البيضة كويس اوى بتنضف وشى كويس و برضوا فى الاخر مش بيبقى جاف و لا حاجة )

بس بصى يا قمرة برضوا لو انتى عايزة حاجة تانية

جربى نتروجينا Deep Clean الغسول دى كان كويس برضوا

و عموما لما تطلع حبوب ممكن تحطى عليها محلول اسمة Dalacin T

انا دى برضوا للاسف مش مشى معايا اى بس مشى مع ناس كتير اوى فا جربى بس بليز اسئلى الصيديلى او دكتور افضل

و نورتنى واللة

بصى يا حبيبة قلبى انا حطيت سعرة و هو واضح فى الصورة عموما هو ب 197 بس بيعد وقت طويل اوى قريب من سنتان مثلا و هو اهم حاجة بالنسبة ليها انة مش بيعملا حساسية خالص فى بشرتها و هو يعتبر خفيف عادى بس مش عامل زى كريم اساس انا جبتلها النوع دى لان اختى بشرتها فظيعة حساسة موت و بس

حبيبتى انا كل حاجة قايلة سعرها

و هو فى و فى ولو عايزة تعرفى حاجة اسئلينى برضوا اى خدمة

موضوع حلو ومفيد يعطيك العافية

كريم بايودرما اللي لحب الشباب أنا عندي نفسه مع الغسول الكريم ينحط على الحبة فقط

مرسى يا حبيبتى

ربنا يخيلكى يا رب

بس انا مش فهمت انتى قصدك اى كريم لان فى كذا نوع و لو تقدرى تحطى صورتة يا ريت

و مرسى يا حبيبتى

شرفنى مرورك(f)

مرحبا مرة ثانية :)

صورت لك الكريم مع الغسول اللي عندي :) والصيدلي قال لي الكريم ينحط على الحبة فقط

تفضلي الصورة ياجميلة

يا حبيبتى ربنا يخليكى بجد على سرعة ردك :)

و التصوير هايل بجد(y)(y)

بس عايزة اقولك انا كنت بستخدم الكريم دى ى اول الصفحات هتلاقى

بس محدش قالى انة يتحط بس عل الحبوب

انا اعتقد انة كريم للوش كلة عادى

بس عموما انا مش ناسبنى خالص للاسف و طلعلى حبوب فى اماكن مش كان بيطلع فيها اصلا فعشان كدة مش هشترى تانى

و الغسول دى حلو ظريف يعنى انا كان عندى زمان بس بصراحة بستحرم اوى ادفع فلوس فى اى cleanser انا صابونة دوف البيضة ماشية معايا كويس اوى

مرسى اوى بجد على تعبك

ربنا يخليكى ليا يا قمر(f)(f)

مرسى يا حبيبى

بصى جربى بتاع دينا الجارم اسمة هير لوس سولوشن

Hair Loss Solution

و انا كنت بجيبة ب 25 و تقريبا دلوقتى 35 بس اصبرى على الاقل شهر

بس هو هايل بجد و طول شعرى جدا

ليسيون دينا الجارم من المركز بتاعها

لكن لوسيون التوم من اى صيديلة عادى هو معروف اوى اصلا