مشكلتى كيس .........؟؟؟؟

السلام عليكم ورحمة الله وبركاته

بعد الحمد لله على كل حال . ادعو الله لى ولكل من فى حالتى واقل واسوا بالشفاء العاجل باذن الله
انا كنت عايزة اعرف منكم اذا كانت فى وحدة كان عندها كيس على المبيض قبل كدة واتعالجت منه لانى اكتشفت مؤخرا قدرا وليس عمدا بان عندى كيس على المبيض طوله 5 سم فى البداية شعرت بالم ورحت لدكتورة باطنة قالت لى اعمل اشعة على مناطق فى بطنى علشان نعرف سبب الالم وكانت المفاجاة الغير متوقعة:sad: طلع عندى كيس على المبيض الايمن وكبرت لى الموضوع جاااااااااااامد وخوفتنى منه
ماكدبتش خبر تانى يوم وبسرعة على دكتورة نسا وولادة والحمد لله طمنتنى شوية وقالت اننا ممكن نعالجه وادتنى مسكن وقالت اذا لم ينصرف خلال 15 يوم يكون لا قدر الله فى عملية:21_131::21_131::21_131: واه يا خوفى من ساعة ما سمعت الكلمة دى وانا مرعوبة لانى مش باحب حكاية العمليات والبنج والكلام دة كله ربنا ما يقدرش
بس مش عارفة من ساعة ما اخدت المسكن واسمه الفنتيرن وانا حاسة بالم اكتر من الاول مش عارفة دة طبيعى ولا ايه؟؟؟
ياريت وحدة تطمنى وتقولى هى عملت ايه . اه نسيت اقولكم ان نوع الكيس ovarianيعنى مش سيمبل
وهل له اكتر من 15 يوم علاج ولا ايه مش عارفة قلقانة خالص وخصوصا انى بنت ومش راضية اقول لحد حتى من اهلى علشان الموضوع ما يكبرش بس ماما عارفة وهى اللى راحت معايا للدكتورة بس انا حاااااااااااااااااااابة اطمن ربنا يطمنى ويشفينى ويعافينى وجميع المسلمين يارب
امانة عليكم تدعولى وتدعو لجميع بنات المسلمين ونساءهم ورجالهم بالشفاء الله يكرمكم