تجمع بنات مصر فى ركن العناية بالشعر الجزء (6)

ميرسى يامريم و رورو
كنت عايزة اعرف انهى نوع فيهم اللى بيساعد على طول الشعر اكتر
كمان صناعته؟؟ولو جيبته من مكان زى ماركاتو او سبينيس يبقى مضمون ولا مضروب؟؟

اه طبعا سيبنس مش مضروب

انا عندي فراغات في شعر من قدام من الحجاب وخفيف اوي بس الوراه تقيل وكويس ممكن استعمل الامبولات على القدام بس؟ واي بنت تعرف حاجه عن الكرياتين تقلي عشان ناويه اعملنو قبل الجواز وعلى فكره يا بنات كريم باراوت تحفه تحفه تحفه بطري الشعر جدا ومش بيدهننو انا كنت بجيبو من الكويت ولما خلص جبتو من محل في سيتي مول في حاجات مستورده بس ب 35 جنيه

دى تقريبا الشامبوهات اللى عليها عروض فى سبينس بفكر اجيب حاجة منها
ايه الاحلى فيهم مع العلم انى عندى قشرة فى شعرى:(
والشامبوهات اما بتبقى ليها عروض وسعرها ينزل بتفضل بنفس الجودة
ولا بتبقى مية بصابون:D
انا عندى فراكتوز دلوقتى بس العروض بتجننى فقولت اشترى حاجة واركنها ولا بلاش؟؟

nona_koky2000;9084424:
ميرسى يامريم و رورو
كنت عايزة اعرف انهى نوع فيهم اللى بيساعد على طول الشعر اكتر
كمان صناعته؟؟ولو جيبته من مكان زى ماركاتو او سبينيس يبقى مضمون ولا مضروب؟؟

صناعته البرازيل يا قمر وأنا جبته من رويال هاوس وكان حلو وشكلله مش مضروب خالص
وأنا اللي استخدمته التوم وكان حلو وفي كمان شكروا في اللي بزيت الحية

sandybell2;9086063:
صناعته البرازيل يا قمر وأنا جبته من رويال هاوس وكان حلو وشكلله مش مضروب خالص
وأنا اللي استخدمته التوم وكان حلو وفي كمان شكروا في اللي بزيت الحية

تسلمى ياجميلة ان شاء الله اجربه سمعت كمان ان فيه بالفواكه
ياريت كمان حد يفيدنى فى حكاية الشامبوهات اللى حطيت صورتها

يا بنات ارجوكم حد يقول لى فين القى زيت الحرير بتاع بيو سيلك
او اسمه سيروم بيو سيلك بجد مش لقيته خالص
حد يساعدنى الله يخليكو

يا بنااااات ايه رايكو في الكلاااام ده؟؟؟
الطريقة :::تكبيس الشعر
1-بعد ما تخلصي غسل شعرك ضعي عليه فازلين و ركزي على الاطراف ثم ضعي كريم فاتيكا على باقي الشعر
2- مشطي شعرك في داخل الحمام في البخار حتى تحصلي على شعر رطب و ناعم و لامع
3-قسمي شعرك لاربع اقسام كل قسم قسميه لاربع اقسام
5- الان الاربع اقسام اللي اعملتيهم امسكي قسم منهم و وضعي عليه زيت زيتون (مسحة بسيطة) و لفيه
**طريقة اللف:امسكي القسم من طرفه بايدك و بعدين باستخدام اليد الثانية لفيه على اصبعك و ضعي بكلتين من الدبابيس السوداء كل بكلة باتجاه معاكس للثانية علشان تثبت كويس
6-اعملي هيك مع باقي الاقسام يعني لفيهم و ثبتيهم ببكل سوداء دبابيس
7-البسي طاقية صوف و نامي وحمام الهنا .....ٌصدي سشوار الهنا
8-استيقظي في الصباح الباكر و فكي شعرك و كانه مسشور تماما و ضعي عليه بضع نقاط من زيت نونو
و تمتعي بشعر ناعم و فارد و سايح و لماع و براق و مجانا
من غير كوافير
و م غير غلبة السشوار كلها

cool gogo;9086763:
يا بنات ارجوكم حد يقول لى فين القى زيت الحرير بتاع بيو سيلك
او اسمه سيروم بيو سيلك بجد مش لقيته خالص
حد يساعدنى الله يخليكو

فى سيتي ستارز قدام محل تكبير بتاع الهدوم هتلاقي كشك صغير بيبع منتجات CHI هتلاقي البيوسيلك عنده وهو ب70 جنيه

marmarena;9086964:
يا بنااااات ايه رايكو في الكلاااام ده؟؟؟
الطريقة :::تكبيس الشعر

بصي ياقمر انا رديت على صاحبه الموضوع قلتلها ايه

Didem;9082521:
فازلين وبعده كريم فاتيكا وبعده زيت زيتون
ايه كل ده؟؟؟؟؟؟؟؟؟؟؟؟؟
شعري كده هيبقى ملزق جدا حتى لو مسحات صغيره
ده الفزلين من اقل حاجه بيهدي الشعر جدا وبيلزقه
حاجه وحده بس من دول تبقى كفايه

انا مش عارفه بجد بعد كل البلاوي دي منظر الشعر ممكن يبقى عامل ازاي

ده كده شعرنا هبقى ملزق يا ديدم زي بتوع الميكروباصااااات هههههههههههه...وازاي نحط الفازلين على الشعر مش هو للبشره بس؟؟؟؟؟

[quote=Didem;9087071]فى سيتي ستارز قدام محل تكبير بتاع الهدوم هتلاقي كشك صغير بيبع منتجات CHI هتلاقي البيوسيلك عنده وهو ب70 جنيه


والله دايما عسوله يا ديدام شكرا على ردك
ممكن تقولوى الاماكن دى فين يا بنات وفروعها
ماركتو
اولاد عليوة
بى تك
سبينس

بنات بليز انا فرحي قرب وشعري عالطول هايش وضايع

عاوزة اعمل فرد او كيراتين او اي حاجه تخليه مفرود على الأقل اول كام شهر علشان مانخضش الناس

وكمان بصراحه مافياش نفس اعمل شعري كل شويه

يا ديديم عوزه اسالك على حاجه....انا عندي بيبي ليس قديمه ماما جيبهالي من الكويت من حوالي 5 سنين وشغاله بيها هي حوالي 270v.. السؤال بقى هل هي كده كويسه ولا ضعفه والجديده اقوى؟؟؟؟

حبة كريز;9087134:
بنات بليز انا فرحي قرب وشعري عالطول هايش وضايع

عاوزة اعمل فرد او كيراتين او اي حاجه تخليه مفرود على الأقل اول كام شهر علشان مانخضش الناس

وكمان بصراحه مافياش نفس اعمل شعري كل شويه

نفس السؤال:D....بصي يا قمر انا سكنه في فيصل وفي وحده كوافيره قلتلي عن فرد الكرياتين ومدحت فيه جدااااا وقلتلي هعملهولك ب 800 جنيه بس انا عوزه اتاكد وخيفه يوقع شعر:ss::ss::ss:...وكمان اعلانو موجود في الوسيط وكلمتهم قلي الزجاجه لتر ب750 جنيه وتديها للكوافير يعملهولك

cool gogo;9086763:
يا بنات ارجوكم حد يقول لى فين القى زيت الحرير بتاع بيو سيلك
او اسمه سيروم بيو سيلك بجد مش لقيته خالص
حد يساعدنى الله يخليكو

دورى عليه فى سيتى ستارز فى اكشاك بيع منتجات chi
البنات اللى جابوه قالوا كده

cool gogo;9087121:
[quote=Didem;9087071]فى سيتي ستارز قدام محل تكبير بتاع الهدوم هتلاقي كشك صغير بيبع منتجات CHI هتلاقي البيوسيلك عنده وهو ب70 جنيه


والله دايما عسوله يا ديدام شكرا على ردك
ممكن تقولوى الاماكن دى فين يا بنات وفروعها
ماركتو
اولاد عليوة
بى تك
سبينس

بصى انا ماروحتش حاجة فيهم بس اعرف الى حد ما اماكنهم
بى تك ليه فروع كتير اللى اعرفهم فى التعاون وفى نصر الدين
ولاد عيلوة رورو قالته كتير لو شافتك بتسألى تانى هتجرى وراكى ههههههههههههههه
هو فى نصر الدين برضه فى برج الاطباء تقريبا
سبينس فى سيتى ستارز
ماركاتو فى عباس العقاد

marmarena;9085154:
انا عندي فراغات في شعر من قدام من الحجاب وخفيف اوي بس الوراه تقيل وكويس ممكن استعمل الامبولات على القدام بس؟ واي بنت تعرف حاجه عن الكرياتين تقلي عشان ناويه اعملنو قبل الجواز وعلى فكره يا بنات كريم باراوت تحفه تحفه تحفه بطري الشعر جدا ومش بيدهننو انا كنت بجيبو من الكويت ولما خلص جبتو من محل في سيتي مول في حاجات مستورده بس ب 35 جنيه

قصدك سيتي المول اللي قصاد مستشفي الهرم
والدور الكام واسم المحل ايه وبيبيع ايه تاني؟

nona_koky2000;9087502:
[quote=cool gogo;9087121]
بصى انا ماروحتش حاجة فيهم بس اعرف الى حد ما اماكنهم
بى تك ليه فروع كتير اللى اعرفهم فى التعاون وفى نصر الدين
ولاد عيلوة رورو قالته كتير لو شافتك بتسألى تانى هتجرى وراكى ههههههههههههههه
هو فى نصر الدين برضه فى برج الاطباء تقريبا
سبينس فى سيتى ستارز
ماركاتو فى عباس العقاد

شكرا يا قمر انا قيمتك لردك لى(f)
ومعلش اصلى ما تبعتش رد رورو
طيب يا جماعة مفيش فرع لسبينس فى وسط البلد

hoba555;9087507:
قصدك سيتي المول اللي قصاد مستشفي الهرم
والدور الكام واسم المحل ايه وبيبيع ايه تاني؟

ايوة ستي مول القدام المستشفى الدور التاني في محل على اليمين انا والله مش فكره اسمو بس هو بتاع مكياجات وبرفانات وكريمات كلها مارككككات ومستورده وفي نص المحل كده في استاندات بتاعت الميك اب

marmarena;9087101:
ده كده شعرنا هبقى ملزق يا ديدم زي بتوع الميكروباصااااات هههههههههههه...وازاي نحط الفازلين على الشعر مش هو للبشره بس؟؟؟؟؟

لا ينفع للشعر بس فى حالات معينه
انا صحبتى شعرها جاف جدااااااااااا
مفيش ولا كريم نفع معاها ولا حتى البالمرز
الحاجه الوحيده اللى شعرها مشربهاش هو الفازلين الطبي

ممكن تقولوى الاماكن دى فين يا بنات وفروعها
ماركتو
اولاد عليوة
بى تك
سبينس

*ماركاتو فى مدينه نصر فى العقاد مول قدام ناصيه عباس العقاد
*اولاد عليوه فى حد هنا قال انه فى الجيزه تقريبا او الهرم ....معرفش
*بي تك ليه مليون فرع انتى عاوزه انهى واحد اقرب لبيتك؟
*سبينس فى سيتي ستارز فى مدينه نصر وملوش فروع تانيه لا هو ولا ماركاتو

marmarena;9087141:
يا ديديم عوزه اسالك على حاجه....انا عندي بيبي ليس قديمه ماما جيبهالي من الكويت من حوالي 5 سنين وشغاله بيها هي حوالي 270v.. السؤال بقى هل هي كده كويسه ولا ضعفه والجديده اقوى؟؟؟؟

والله ياقمر انا مش فاهمه بالظبط
اصل المكاوي مش بتتقاس بالفولت
بتتقاس جودتها من حرارتها
يعنى بتاعتى اعلى حراره فيها 230
ودي حاجه كويسه
شوفي بتاعتك درجه حرارتها كام
وحتى لو قليله
مادام كويسه معاكي مش تغيريها