تجمع بنات مصر فى ركن العناية بالشعر الجزء (6)

omneya88;9024570:
[quote=roro cat;9014717]بصي حبيبتي كده نوعيه شعرك زي شعري لما بياخد على حاجه بيفقد مفعولها انتي دايما غيري في الشامبو وحمام الكريم وبدلي مره زيت مره كريم هتلاقي شعرك بيتقبل عشان ميفقدش المفعول وغيري في الماركه نفسها كمان مش نفس النوع هتلاقي
شعرك حيوي وجميل

مرسى ياقمر على ردك عليا بس ممكن تقولى لى على انواع الزيوت والكريمات الى نفعت معاكى لانى انا شعرى بيتعب من التجارب الكتير ممكن يا قمر

بصي انا بغير على طول عشان كده بحس شعري منتعش على طول جربي كل حاجه ولما تخلص جربي غيرها ودهان لبره الشعر بعد الغسيل مجربتش صراحه عشان مش بدهن شعري
جربت حمام كريم بوناويل ولوريس كارتيه جرنيه وكلهم كانوا تمام بس اول ما العلبه خلاص بتخلص بغير عشان بحس خلاص على الاواخر بيفقد مفعوله

طب يا بنات اعمل حمام زيت ازاى ؟؟واية نوع الزيوت الى استعملها فية ؟وهل بينشف لشعر عشان انا سمعت ان الزيوت بتنشف الشعر؟

وانا كمان الله يخليكم حابه اعرف كيف استخدم حمام الكريم زى فاشكول طريقته زى الزيوت والا غير افيدونا افادكم الله

moon_eyes;9025919:
طب يا بنات اعمل حمام زيت ازاى ؟؟واية نوع الزيوت الى استعملها فية ؟وهل بينشف لشعر عشان انا سمعت ان الزيوت بتنشف الشعر؟

قبل ماتاخدي الشور بتاعك بساعتين
لو هاتستحمى الساعه 6 قومى الساعه 4
هاتى طبق صغير وحطى فيه اللى تحبيه من الزيوت
مجموعه زيوت او زيت واحد على حسب نوع شعرك
وحطى اطراف صوابعك العشره فى الطبق وابتدى دلكى فروه راسك (لو تحبى تدفى الزيت الاول يبقى اوك بس اوعى تدفى زيت املا ابدا)

ولما تخلصى تدليك كويس لمده 5 دقايق مثلا ابتدى حطى من الزيت نفسه على شعرك وادهنيه كويس عشان يطري
عملى شعرك ضفيره وارفعيها ببنسه والبسى كاب بلاستيك واقعدى ساعتين وبعد كده خلاص خدى الشاور واغسلى شعرك
بالهنا والشفا :D
على فكره دي طريقتى فى حمام الزيت دايما وجابت معايا نتيجه مرتحالها الحمد لله ولا بقى فوطه سخنه ولا وجع دماغ

ليار;9026127:
وانا كمان الله يخليكم حابه اعرف كيف استخدم حمام الكريم زى فاشكول طريقته زى الزيوت والا غير افيدونا افادكم الله

ولو انى مابطيقش فاشكول ده لانه بيعمل تساقط رهييب
بس هو حمام كريم مش حمام زيت
الفاشكول يتحط على شعرك بس مش عالفروه وده وانتى بتاخدى الشاور مثلا ولازم يكون شعرك لسه مغسول بالشامبو
يعنى تغسلى شعرك بالشامبو وتحطى الفاشكول على شعرررررررررك بسسس من بره كده مش عالفروه نهائي وتسيبيه 5 دقايق مثلا على بال ماتغسلى بقيه جسمك وبعدها تشطفيه
بس نصيحه مني ابعدي عن فاشكول خالص

أخت ليار فعلا زي ما ديدم قالتلك كده متحطيش حمام الكريم على فروة راسك لإنه هيوقعه
وأنا أنصحك تجيبي لوريس حمام كريم والله رائع بينعم جدا الشعر

nona_koky2000;9001339:
حطى عليه (الكمية اللى هتستخدميها)معلقة عسل ممكن يطرى شوية

طيب اخفف العسل بشوية ماية واحطه على طول

sandybell2;9026722:
أخت ليار فعلا زي ما ديدم قالتلك كده متحطيش حمام الكريم على فروة راسك لإنه هيوقعه
وأنا أنصحك تجيبي لوريس حمام كريم والله رائع بينعم جدا الشعر

ممكن تحطي صورة لوريس ده؟

roro cat;9025432:
فين المحل اللي بيبيع الاسعار دي جمله اصلي بجيب كتير واكيد هتفرق معايا لو بالسعر ده ومتاءكده ان حاجته اصلي؟ ياريت العنوان والفون

بصى يا قمر هو هنا فى الموسكى ومضمون حاجته بس انت عارفها ان هنا دايما الحاجه بسعر الجمله انا كنت قريت من فتره انك تعرفى ظاظا اللى هنا لو تعرفيه انت سبيه وكملى بعده كانك رايجه على شارع الازهر واسالى على محل دبى ده جبت من عنده الشامبو وحمام الكريم وعنده حاجات كتير باسعار حلوه والحته ده كلها فيها محلات كتير وحلوه وكمان عارفه محل اوريجنيال اللى كانت بنوته معانا اسمها شيماء قالت عليه برضه هتلاقيه على نفس الصف بس ارجعى لوراء وبرضه ماشاء الله حاجته كتيررر بس مش اعرف اسعاره لانى بصيت عليه من بره ام التليفون فللاسف مش معايا ومعلش طولت عليكى ويارب تكونى فهمتى منى حاجه وعموما لو مش عرفتى ممكن نتقابل عند ظاظا واوديكى لو تحبى بجد اصل انا ساكنه قريب اوى منه واى خدمه اؤمرى

انا محتارة حمام الكريم بتاعى خلص اجيب لوريس بزيت الحية ولا فاتيكا؟

b0nb0n;9027283:
انا محتارة حمام الكريم بتاعى خلص اجيب لوريس بزيت الحية ولا فاتيكا؟

شعرك نوعو إيه
و بنات كتيرة شكرت في حمام كريم اسمو special
ماهي حاطة صورته فالمشتريات أخر صفحة شكلو جميل:D
بشتتك أكتر أنا ههههه :tongue::tongue:

دي صورته للي طلبته وأنا اللي عندي اللي بالتوم دا الابيض

looloo86;9027349:
شعرك نوعو إيه
و بنات كتيرة شكرت في حمام كريم اسمو special
ماهي حاطة صورته فالمشتريات أخر صفحة شكلو جميل:D
بشتتك أكتر أنا ههههه :tongue::tongue:

هههههههه فعلا شتتينى اكتر شعرى نوعة نوعة عادى جاى للدهنى يعنى مش دهنى اوى:D

b0nb0n;9027436:
هههههههه فعلا شتتينى اكتر شعرى نوعة نوعة عادى جاى للدهنى يعنى مش دهنى اوى:D

ممم :(يبقى مش هقدر أفيدك يمكن ساره نوع شعرها زيك أصل أنا شعري جاف

*حبيبة حبيبي*;8992003:
البنات الحلوااااااااااات وحشتووووووووووني مووووووووت
كده اغيب ومحدش يسأل عني
يلا سماح..
حبيبه مادو وميشمارو ودودي كات الف مبروك يا قمرات وربنا يتمم لكم علي خير يارب ويتمم لي انا كمان :)
جبت لكم تقرير جامد موت
نزلت اتفرجت ولفيت اليومين الي فاتوا وشوفت اجهزه كهربائيه وموبيليا وسجاجيد
كل يوم هنزلكوا حلقه من التقرير لحسن طويل اوي:)

الحلقه الاولي:
اجهزه كهربائيه

ماكينات نزع شعر حريمي


رونتا فرنساوي 500 و 480 و445
خط البكيني حلاقه تحت الابط نور مساج تشطف بالماء سرعتين

باناسونيك 620
فيليبس 415
براون سيلك ابيل
في نوع نازل عليه عرض هي فيها 3 رؤوس واحد نزع والتاني حلاقه والتالت خط البكيني ب 400
موجوده في مركاتو في مدينه نصر في انواع تانيه 750 225 180


سيشوار ومكواه شعر
مكواه بيبي ليس الفوشيا 10 وظائف
مكواه وسشوار 275
بيبي ليس الحمرا 300
بيبي ليس الاورانج pro style due السعر 300
بيبي ليس الدهبي pro 230 السعر 385
بيبي ليس الدهبي pro 230 ionic titaniom السعر 410
بيبي ليس للشعر الكيرلي 235

سشوار باناسونيك بمخرجين للهوا eh5572 s السعر 430
سشوار روانتا 445
فيليبس 800 وات 250
براون ساتان هير spi2200 السعر 500
براون مجفف شعر 280


اتمني اكون افدتكو بأزن الله وانا والله وقفت كتير وتعبت عشان اكتبلكوا التقرير ده اتمني بس تدعولي ربنا يوسع رزق خطيبي ويرزقه بشغل في اليكس واكيد لو شايفين اني استاهل التقييم انتوا عارفين الباقي
يلا تصبحوا علي خير يا قمرات

يا بنات ده تقرير كانت بنوته جميله عملاه في التجهيزات اسمها هدير وموجوده فيه اسعار ابيبي لايس والسشورات
قلت اجيبلهلكم للافاده
المعرض اسمه اسواق عبد العزيز وللاسف هيا مش معاها التليفون بتاعه والعنوان في مدينه نصر في مكرم عبيد في ضهر النادي الاهلي

sandybell2;9027363:
دي صورته للي طلبته وأنا اللي عندي اللي بالتوم دا الابيض

ميرسي يا ساندي اووووي (f)

b0nb0n;9027436:
هههههههه فعلا شتتينى اكتر شعرى نوعة نوعة عادى جاى للدهنى يعنى مش دهنى اوى:D

أنا شعري زيك ولوريس بالتوم جربته وعجبني جدا جدا

mariam87;9028271:
ميرسي يا ساندي اووووي (f)

العفو حبيبتي

الف شكر ليكم يا بنات على مساعدتكم لى بس كريم لوريس احد يعرف فيه منه في السعوديه علشان اخلى اهلى يرسلونه لى

وانا اول مره اسمع احد ما يعجبه فاشكول والله احترت لانى اليوم كلمت اهى وقلت لهم ابعتوا لى فاشكول بالثوم

الله يخليكم ردوا على بسرعه

انا صحيح استعمل خلطات زيوت ومنا سبتنى كثير بس حاسه انى محتاجه حمامات كريم كمان علشان تطرى شعري وما ينعود شعري على الزيوت بس

sandybell2;9028341:
أنا شعري زيك ولوريس بالتوم جربته وعجبني جدا جدا

ميرسى يا ساندى

hoba555;9027590:
يا بنات ده تقرير كانت بنوته جميله عملاه في التجهيزات اسمها هدير وموجوده فيه اسعار ابيبي لايس والسشورات
قلت اجيبلهلكم للافاده
المعرض اسمه اسواق عبد العزيز وللاسف هيا مش معاها التليفون بتاعه والعنوان في مدينه نصر في مكرم عبيد في ضهر النادي الاهلي

بيبي ليس الحمرا ب300 جنيه بس؟؟؟زاي؟؟؟

بنات يعني ممكن احط حمام زيت على شعري وهو مش مغسول؟؟مش لازم الشعر يبقى نضيف؟؟?عشان الفروة تتشربه...

sandybell2;9026722:
أخت ليار فعلا زي ما ديدم قالتلك كده متحطيش حمام الكريم على فروة راسك لإنه هيوقعه
وأنا أنصحك تجيبي لوريس حمام كريم والله رائع بينعم جدا الشعر

بصي ممكن تقوليلي لوريس دا بكام وانا شعري جاف دا ينفعله