تجمع بنات مصر فى ركن العناية بالشعر الجزء (6)

Didem;8914487:
لو دهنتي شعرك بزيت على اعتبار انه زي كريم التصفيف كده
شعرك هيقصف جامد اوي
ده غير انه حتى من اقل نقطه هيبقى ملزق وشكله بيئه:ss::ss: كانك حطه فيه فازلين

خالص ولا كانى حاطة زيت اصلا ولا كانى اعرفه شعرى كانه معمول استشوار لان السيرم بيديله شكل حلو والزيت نقطه بالظبط بحطها على ايدى وبمسح شعرى من فوق لتحت انا مكنتش بعمل كده علشان احتفظ بشكله بس قولت مرة اجرب لقيته كويس ومش مدهنن خالص.

miro 14;8914613:
خالص ولا كانى حاطة زيت اصلا ولا كانى اعرفه شعرى كانه معمول استشوار لان السيرم بيديله شكل حلو والزيت نقطه بالظبط بحطها على ايدى وبمسح شعرى من فوق لتحت انا مكنتش بعمل كده علشان احتفظ بشكله بس قولت مرة اجرب لقيته كويس ومش مدهنن خالص.

لا ياقمر:)
الكلام كان لنونه مش ليكي
وانا لما بحط نقطه زيت على شعري شعري بيدهنن وبيبقى شكله ملزق كده ومقرف فقلت اقلها احسن..واطراف شعري قصفت بسرعه رهيبه جدا عن مابدهنه بالكريم

اللى شعرها متشابك و عايزاه يبقى حرير تدخل بسرعه - منتديات عروس

يابنات هي الحنه تتحط كام ساعه علي الشعر
وكمان كنت عايزه اسال علي حاجه
شعري ناشف علي طول يعني بيحتاج دهان زيت كل يوم بردو بحس ان عطشان مفيش حل وكمان ايه الزيت ال ببعالج اتساقط

miro 14;8914211:
انا تقريبا رديت عليكى قبل كده
المهم اهلا بيكى بصى شعرى زى شعرك وكان فى حاجات بتقف منن قدام كده
بس الحمد لله حليت مشكلتى ومفيش احلى من شعرى دلوقتى اختى بتفتكرنى عاملاه استشوار
اول حاجة هاتى مجموعه زيوت كويسه(خروع -سمسم-لوز-خردل-جرجير -صبار-حبة البركة) او شوفى عطار كويس يعملك تركيبة انا عملت واحدة كويسه اوى وطولتلى شعرى فى وقت قصير واعملى حمام زيت مرتين فى الاسبوع
ثانيا اغسليه بنبات الأس هاتى كوباية ميه واغليها على النار وحطى معلقه أس هتلاقيه عند العطار وصفيه واغسلى بمايته على فكرة قريت انه بيطول الشعر كمان
واغسلى شعرك بشامبو كويس وياريت ميكونش فيه مواد كيميائية انا بستعمل بيبى جونسون قالى عليه العطار:D واستعملى حمام كريم كويس
بالنسبة للنعومة انا بستعمل سيرم تحفه بيخلى شعرى حرير ونسيت البيبى ليس خلاص
اللى شعرها متشابك و عايزاه يبقى حرير تدخل بسرعه - منتديات عروس
كمان فى زيت اكتر من رائع بستعمل منه نقطة بس بينعم اوى زيت المرو وزيت برهان املا حاجة جميله للنعومه اوى
يارب اكون افدك

ربنا يخليكى والله مش عارفة اقولك ايه طبعا افدتينى جدا وان شاء الله اجرب الحاجات دى واقولك النتيجة بس يارب الاقيهم عندى بس

b0nb0n;8908042:
كان فى بنوتة قالت انها جربت امبولات ايفا بالبانثينول

أنا يا قمر أنا اللي جربتها وعملت عنها موضوع ايه سؤالك بقى

Warde;8908403:
يعنى ياساندى ، حسيتى بكده برده مع إستخدمك للليسيون ؟
قصدى حسيتى أن (ليسيون إيفا) خفف شعرك شويه ولا إيه؟

أنا قصدي ان الأنبولات وقعت شعري جامد بس اللوسيون لأ ، بس برده اللوسيون ولا تقله ولا حاجه
فأنا قصدي ان الحاجات الطبيعيه مضمونه مش ممكن توقع الشعر أو تضره أما الكيماويات ممكن يبقى أثرها وقتي وبعد كده يروح أثرها

miko85;8919671:
يابنات هي الحنه تتحط كام ساعه علي الشعر
وكمان كنت عايزه اسال علي حاجه
شعري ناشف علي طول يعني بيحتاج دهان زيت كل يوم بردو بحس ان عطشان مفيش حل وكمان ايه الزيت ال ببعالج اتساقط

هي بتتحط أربع أو خمس ساعات على حسب مقدرتك لا تطولي عن كده ولا تقصري المده عن كده لإنك لو حطيتيها أكتر من 5 ساعات هتنشف وتبقى صعبه تطلع من الشعر ولو أقل من 4 مش بتاخدي فايدتها
وبالنسبه للنشفان زيت جوز الهند الطبيعي لو دهنتي بيه شعرك هينعمه جدا ويتقله ويطوله وكمان في موضوع للأخت ديدم عن كريمات العنايه بالشعر
شوفيه http://www.3roos.com/forums/t415907.html
ايفا بالعسل ومينك بينعموا الشعر جدا

[quote=sandybell2;892123



هي بتتحط أربع أو خمس ساعات على حسب مقدرتك لا تطولي عن كده ولا تقصري المده عن كده لإنك لو حطيتيها أكتر من 5 ساعات هتنشف وتبقى صعبه تطلع من الشعر ولو أقل من 4 مش بتاخدي فايدتها
[/quote
بس انا يا ساندي بعمل حنه من حوالي 5 سنين كنت خدت الوصفه بتاعتها من واحد في سيناء بيعالج بالاعشاب والعطاره وكده وقالي ان الحنه بعد ما تعجنيها لازم تسيبيها 12 ساعه تتفاعل او تتخمر حاجه كده ولما تتحط علي الشعر لازم تسيبيها من 8 ل 12 ساعه مش اقل ومش اكتر وشعري مش بينشف ولا حاجه بالعكس ما شاء الله ناعم جدا وطري وشكله صحي اوي الحمد لله

يا بنات بليز عاوزه اسال علي حاجه سمعتها . سمعت اننا لازم نغير كل حاجه بنستعملها لشعرنا كل 3 شهور ولو مش عملنا كده ومش غيرنا الشعر مش بيستفيد وبتحصله اضرار كتير بس الحقيقه الست مش قالت اضرار زي ايه تفتكروا الكلام ده حقيقي ؟ انا مش بحب اغير اي حاجه لو حد متاكد من المعلومه دي يقولي علشان اغير وخلاص اصل انا بخاف علي شعري موووووووووووووت

sandybell2;8921239:
أنا يا قمر أنا اللي جربتها وعملت عنها موضوع ايه سؤالك بقى

بنات حد جرب كريم بارشوت هو حلو ولآ اصلى عاوزة اجيبه وخايفه يطلع مش حلو

[/quote
بس انا يا ساندي بعمل حنه من حوالي 5 سنين كنت خدت الوصفه بتاعتها من واحد في سيناء بيعالج بالاعشاب والعطاره وكده وقالي ان الحنه بعد ما تعجنيها لازم تسيبيها 12 ساعه تتفاعل او تتخمر حاجه كده ولما تتحط علي الشعر لازم تسيبيها من 8 ل 12 ساعه مش اقل ومش اكتر وشعري مش بينشف ولا حاجه بالعكس ما شاء الله ناعم جدا وطري وشكله صحي اوي الحمد لله [/quote]

طيب يا قمر انتى بتعمليها ازاى يعنى بتضيف عليها ايه

dreams_313;8922746:
[quote=sandybell2;892123



هي بتتحط أربع أو خمس ساعات على حسب مقدرتك لا تطولي عن كده ولا تقصري المده عن كده لإنك لو حطيتيها أكتر من 5 ساعات هتنشف وتبقى صعبه تطلع من الشعر ولو أقل من 4 مش بتاخدي فايدتها
[/quote
بس انا يا ساندي بعمل حنه من حوالي 5 سنين كنت خدت الوصفه بتاعتها من واحد في سيناء بيعالج بالاعشاب والعطاره وكده وقالي ان الحنه بعد ما تعجنيها لازم تسيبيها 12 ساعه تتفاعل او تتخمر حاجه كده ولما تتحط علي الشعر لازم تسيبيها من 8 ل 12 ساعه مش اقل ومش اكتر وشعري مش بينشف ولا حاجه بالعكس ما شاء الله ناعم جدا وطري وشكله صحي اوي الحمد لله

dreams بصي يا أختي أنا بجيب حنه أسواني ولما بحطها أكتر من خمس ساعات بتحجر في الشعر ومش بترضى تطلع الا لما أغسل شعري كتير
أما حنه خمس خمسات لما كنت بحطها كانت مبتحجرش ولا حاجه بس أنا حاسه ان الحنه الأسواني دي أحلى وأفيد

b0nb0n;8923123:

حسيتى بأية شعرك غمق ولا اية انا مش عايزة شعرى يغمق بس فى تلات شعريات بيض محيرينى تلاتة بالظبط بس هتجنن منهم استعملة ولا اية رايك وهما بينشفوا الشعر وكام امبولة وبكام معلش طولت عليكى:o

بصي يا قمر هي فعلا غمقت شعري جدا وحسيت انها حلوة
بس هي فعلا بتنشف شويه مش قوي يعني
وهي العلبه 6 أنبولات وممكن تشتري بالأنبوله من الصيدليه
شوفي الموضوع أهه وكانت ساعتها ب 9 جنيه تقريبا مش فاكره قوي http://www.3roos.com/forums/t388435.html

ياااااااااا بقالي كتير مجيتش هنا

ساندي انا جربت الأملج للأسف نشف شعري
تانى مرة حطيت اللى فاض منه على زبادى برضه نشفه بس مش اوى


الحمد لله يا بنات انا شعري بقى احسن من الأول بفضل الله
يعنى التقصيف قل والتساقط شوية بس لسه
حتى الشعرة نفسها بقت اقوي ومفرودة
بس للأسف لسه هايش

وعلشان مش يهيش بعمله ضفيرة
بس حاسه انه شعري اخد عليها وبقى مقسوم
البنات اللى شعرها بيهيش بيسرحوه ايه
غير الكحكه لأنها بتعجز الشعر
وغير الصفيرة


ديدم

انا جبت لوسيون الو بانثين ب8
والشامبو برضه مكتوب عليه 9 بس الراجل مجبش الباقي :D
لسه مش حاسه بفرق اوى لانى مكملتش اسبوع
بس هما حلوين وريحتهم مش وحشة ابداً

وحشتيني جدا جدا بقى على فكرة يعنى :(

نسيت اسألكوا صحيح

كريم كازانوفا بتاعى خلص عايزة اجيب نوع تانى
بس يكون سعره معقول يعنى الميزانية مخرمة كالعادة :D
كنتوا قولتوا على كريم ايفا بالعسل ده للشعر ؟؟؟
ولا اكرر بتاعى ده وخلاص ؟

cico;8924288:
نسيت اسألكوا صحيح

كريم كازانوفا بتاعى خلص عايزة اجيب نوع تانى
بس يكون سعره معقول يعنى الميزانية مخرمة كالعادة :D
كنتوا قولتوا على كريم ايفا بالعسل ده للشعر ؟؟؟
ولا اكرر بتاعى ده وخلاص ؟

cico لو عملتي الأملج زي الطريقة بتاعتي مع زيت جوز الهند مش هينشفه خالص وانا مقلتش انك تحطيه مع زبادي يا قمر
الموضوع هنا http://www.3roos.com/forums/t403047.html

بالنسبه لكريم الشعر في مينك رخيص قوي اللي قالت عليه ديدم ولولو وكمان في ايفا بالعسل الصغير قوي ب 3 ونص تقربا حلويين وبينعموا الشعر جامد
أنا عجبني ايفا بالعسل أكتر

miro 14;8914211:
انا تقريبا رديت عليكى قبل كده
المهم اهلا بيكى بصى شعرى زى شعرك وكان فى حاجات بتقف منن قدام كده
بس الحمد لله حليت مشكلتى ومفيش احلى من شعرى دلوقتى اختى بتفتكرنى عاملاه استشوار
اول حاجة هاتى مجموعه زيوت كويسه(خروع -سمسم-لوز-خردل-جرجير -صبار-حبة البركة) او شوفى عطار كويس يعملك تركيبة انا عملت واحدة كويسه اوى وطولتلى شعرى فى وقت قصير واعملى حمام زيت مرتين فى الاسبوع
ثانيا اغسليه بنبات الأس هاتى كوباية ميه واغليها على النار وحطى معلقه أس هتلاقيه عند العطار وصفيه واغسلى بمايته على فكرة قريت انه بيطول الشعر كمان
واغسلى شعرك بشامبو كويس وياريت ميكونش فيه مواد كيميائية انا بستعمل بيبى جونسون قالى عليه العطار:D واستعملى حمام كريم كويس
بالنسبة للنعومة انا بستعمل سيرم تحفه بيخلى شعرى حرير ونسيت البيبى ليس خلاص
اللى شعرها متشابك و عايزاه يبقى حرير تدخل بسرعه - منتديات عروس
كمان فى زيت اكتر من رائع بستعمل منه نقطة بس بينعم اوى زيت المرو وزيت برهان املا حاجة جميله للنعومه اوى
يارب اكون افدك

مش عارفه أقيمك ياخسااااره ، بس بجد نور الله طريقك ورزقك باللى نفسك فيه :)

ممكن توضحلى بس يعنى إيه العطار يعمل تركيبه ؟ يعنى بتقوليله مشكله شعرك وهو يضيف من نفسه زيوت ولا المفروض إحنا اللى نشترى الزيوت ونضيفها على بعضها؟؟
وضحيلى النقطه ديه :)

وبتتعملى مع عطار إيه ؟

Didem;8914487:
لو دهنتي شعرك بزيت على اعتبار انه زي كريم التصفيف كده
شعرك هيقصف جامد اوي
ده غير انه حتى من اقل نقطه هيبقى ملزق وشكله بيئه:ss::ss: كانك حطه فيه فازلين

بصى أنا بحط دلوقتى بعد الشاور ، أنشف شعرى الأول وبعدين بحط زيت فاتيكا بالصبار ، يعنى لحد لما أشترى كريم تصفيف ، بس حساه حلو ، بحط نقطتين كده مش أكتر ، وشعرى مش بيلزق ولا حاجه ..
على فكره حسيته أحلى من اللى بالزيتون..

يابنات الحنة دى بتألون الشعر ولا لاء بتعمل ايه يعنى؟؟؟؟؟

Didem;8914487:
لو دهنتي شعرك بزيت على اعتبار انه زي كريم التصفيف كده
شعرك هيقصف جامد اوي
ده غير انه حتى من اقل نقطه هيبقى ملزق وشكله بيئه:ss::ss: كانك حطه فيه فازلين

امال استعمله ازاى:(

كشف تقرير لاتحاد المستهلكين العضويين الأميركي من أكبر جماعات حماية المستهلك وجماعات البيئة، عن وجود 24 سلعة أميركية مسرطنة تتداول في أسواق الدول الخليجية والعربية.
وأوضح التقرير، الذي اعتمد على نتائج التحليلات المعملية لعدد من أشهر الماركات الأميركية العالمية في مجال أغذية الأطفال، والشامبوهات، ومستحضرات التجميل، ومنتجات العناية الشخصية، أن العينات التي شملتها التحليلات أثبتت وجود مادة «ديوكسان 1.4» المسببة للسرطان بنسب تصل إلى خمسة أضعاف النسبة المسموح بها من قبل هيئة الأغذية والأدوية الأميركية.

وشملت قائمة المنتجات الأميركية ماركات شهيرة مثل: «جونسون آند جونسون»، و«هيلو كيتي»، و«جاربر»، و«هيجليز»، و«سكوبي دو»، و«كليرول»، و«أوليه»، و«سيسم ستريت».


وقال المتحدث باسم التحالف، ديفيد ستنمان، «الماركات التي تم تحليلها تمثل رأس جبل الجليد الطافي، ونتائج التحليلات تشير إلى أننا نغرق أنفسنا وأطفالنا في السموم».


واتهم الشركات بالكذب، ووضع بيانات مضللة على المنتجات تؤكد أنها عضوية وطبيعية رغم احتوائها على مواد كيمائية سامة».

وأضاف «الشركات تستغل الثغرات الموجودة في التشريعات الأميركية التي لا تلزم الشركات بالحصول على موافقة هيئة الأغذية والأدوية الأميركية، أو حتى الإشارة إلى وجود مادة «الديوكسين» ضمن المكونات».

وأشار إلى أنه في الوقت الذي تنفق فيه الشركات الأميركية مليارات الدولارات على الدعاية والتسويق، فإنها ترفض أن تنفق فلس واحد على إزالة السموم من منتجاتها.


وأوضح أن الوقت قد حان لوضع لترتيب الوضع وتحميل الشركات مسؤولية أفعالها.


وتصنّف وكالة الحماية البيئة الأميركية مادة ال«ديوكسان»، وهي مادة مشتقة من البترول ضمن قائمة تضم 65 مادة مسرطنة محظورة تسبب سرطان الجلد، والكبد، وتجويف الأنف، وتؤدي إلى تدمير الجهاز العصبي والشلاعب الهوائية، وتشوهات الأجنّة.


تزايد الإصابات وقال استشاري الأورام وطب الأطفال بمستشفى دبي، الدكتور عبدالرحمن الجسمي، إن «هيئة الأغذية والأدوية الأميركية تصنّف مادة ال«ديوكسان» على أنها مادة مسرطنة إذا زادت على النسب المسموح بها»، ومطالباً البلديات بسحب هذه السلع من الأسواق فورا إذا أثبتت التحليلات أن نسبة ال«ديوكسان» الموجودة فيها تتجاوز الحدود المسموح بها، وأضاف أن ال«ديوكسان» تتسبب في سرطان الجلد، وتجويف الأنف، وسرطان الكبد.

=وأوضح أن خطورة المادة تنبع من أنها يمكن أن تستنشق أو تدخل الجسم عن طريق الهضم أو التلامس المباشر مع الجلد أو من خلال تلوث مياه الشرب بها.

وأشار إلى أن إحصاءات منظمة الصحة العالمية تشير إلى أن نسبة الإصابة بأمراض السرطان في الدول النامية، ومن بينها دول الخليج، ارتفعت خلال السنوات الخمس الماضية من 120 لكل 100 ألف من السكان إلى 140 لكل 100 ألف من السكان، في الوقت الذي انخفضت فيه معدلات الإصابة في الولايات المتحدة والدول الأوروبية من 360 الى 420 ولكل 100 ألف من السكان على التوالي بعد عام 2000 بسبب الإجراءات التي طبقت للسيطرة على المواد المسرطنة في مستحضرات التجميل، ووقف التدخين.

ولفت إلى أن عدد حالات الإصابة بالسرطان التي أدخلت إلى مستشفى دبي ارتفع من 2195 حالة عام 2004 إلى 2879 حالة عام 2006، وفقا لدليل الإحصاء السنوي الصادر عن دائرة الصحة والخدمات الطبية بدبي، وارتفعت أعداد المواطنين المصابين بالسرطان من 471 مصاباً عام 2004 إلى 747 عام 2006 بنسبة تقترب من 40% خلال عامين فقط.


مختبرات نوعية
وطالب رئيس جمعية حماية المستهلك محمد موسى النعيمي بوجود صندوق حكومي لدعم الامكانات الفنية والبشرية لجمعيات حماية حقوق المستهلك. وأرجع تسرب هذه المنتجات إلى الأسواق الخليجية والعربية إلى ضعف إمكانات تحليل السلع، خصوصا مستحضرات التجميل.
وأوضح أن «رد فعلنا في العالم العربي على السلع، سواء بالقبول أم الرفض يعتمد على المعلومات الواردة من الخارج بسبب ضعف ميزانيات جمعيات حماية المستهلك وافتقارها إلى الإمكانات الفنية، والكوادر البشرية المدربة».


وطالب النعيمي الجهات المسؤولة في الإمارات بسرعة الفصل في دقة المعلومات الخطيرة الواردة في تقرير اتحاد المستهلكين الأميركيين، والتحرك فوراً لسحبها من الأسواق، ووقف تداولها في حال ثبوت صحة الاتهامات الموجهة إليها، داعياً إلى «تلافي هذه الثغرات من خلال إقامة مختبرات نوعية متخصصة في كل إمارة، بحيث يتخصص كل منها في فئة معينة من المنتجات»، مشيراً إلى أن نسبة 98% من السلع في الأسواق مستوردة من الخارج.


وأكد أن الشركات الأجنبية تصدر سلعا إلى أسواق الدول العربية بمواصفات غير مسموح بتداولها في الدول التي تنتمي إليها هذه الشركات بحجة أن المواصفات في الدول العربية تسمح بذلك.


ثغرات من جانبه
قال الرئيس التنفيذي لشركة «الخليج للصناعات الدوائية»، عبدالرازق اليوسف، «إن المشكلة تنبع من عدم وجود مواصفات قياسية لهذه المنتجات التي تصنف على أنها مكملات غذائية، ومستحضرات تجميل، ويحصل المستوردون على الموافقة لإدخالها إلى الأسواق دون تسجيل أو تحليل لمكوناتها».


ورأى أن الشق الثاني من المشكلة يتمثل في عدم قيام الجهات المعنية ممثلة في جمعيات حماية المستهلك ووزارة الصحة بالرقابة على الأسواق في مرحلة ما بعد التسويق للتأكد من أن السلع الموجودة في السوق مطابقة فعلا للمواصفات المعتمدة.


واقترح إقامة صندوق لدعم جمعيات حماية المستهلك يمول من حصيلة الضرائب أو الجمارك حتى يمكن للجمعيات امتلاك القدرات الفنية، والكوادر البشرية التي تؤهلها للقيام بدورها.


ضعف الإمكانات
إلى ذلك دعت رئيسة مجموعة الإمارات للبيئة، حبيبة المرعشي، البلديات إلى «وقف تداول هذه السلع فورا عملاً بمبدأ الاحتياط والوقاية خير من العلاج».


وطالبت حبيبة كل من يشعر بأنه تعرّض لأضرار نتيجة استخدام المنتجات المذكورة بعدم السكوت على حقه والتقدم إلى الجهات الرسمية بشكوى لدفعها إلى التحرك.


وأكدت أن منطقة الخليج تعاني من عدم وجود آلية لمراقبة البضائع في منافذ الدخول، إضافة إلى الافتقار للموارد البشرية، ولكن مناقشة هذه القضية الحيوية أصبحت موسمية كلما وقعت كارثة.


وأضافت أن «الشركات الأجنبية تتعامل مع الدول العربية باعتبارها دولاً جاهلة صاحبة قوة شرائية هائلة، ولذلك تستحل لنفسها إغراق أسواقها بالسلع الفاسدة التي تمثل نفايات ما تنتجه هذه الشركات، ولا تستطيع أن تسوقه في بلدانها».


ورأت حبيبة أن جمعيات حماية المستهلك جمعيات اسمية وليست لها دور فعلي على الأرض، ولا تمتلك الكوادر أو الإمكانات الفنية للقيام بالتحاليل، مشيرة إلى أن المسؤولية الاجتماعية للمؤسسات ليس فقط بالتبرع، وإنما أيضا من خلال تقديم الخدمات التي يحتاج إليها المجتمع.


تعريف ال«ديوكسان»

أشارت موسوعة «وويكيبيديا» إلى أن مادة ال«ديوكسان 1.4» مادة مشتقة من البترول ومعروفة بالرمز الكيمائي C 4B8D2 وتستخدم في صناعة مستحضرات التجميل كمذيب سريع للمواد الصلبة وتعرف هذه العملية باسم «ايثواكسلاشن»، وهي مادة شفافة اللون في درجة حرارة وضغط الغرفة العادية.

وتستخدم ال«ديوكسان» بكثرة في الشامبوهات، ومزيلات العرق، ومعاجين الأسنان، وسائل غسيل الفم، إلا أنها تتسبب في إثارة الشلاعب الهوائية والعيون، وإلحاق أضرار شديدة بالجهاز العصبي، والكبد، والكلى، إذا استخدمت بنسب عالية، ويمكن أن تؤدي إلى الوفاة في حالة تسربها إلى خزانات المياه الجوفية بكميات كبيرة

cico;8924260:


ديدم

انا جبت لوسيون الو بانثين ب8
والشامبو برضه مكتوب عليه 9 بس الراجل مجبش الباقي :D
لسه مش حاسه بفرق اوى لانى مكملتش اسبوع
بس هما حلوين وريحتهم مش وحشة ابداً

وحشتيني جدا جدا بقى على فكرة يعنى :(

اللوسيون ده زى البلسم ولا بيستخدم ازاى
كمان الشامبو حلو بينضف الشعر ولا ايه وفى المادة اللى بتخليه يرغى اوى ده ولا لا
وكام مللى