امهات البحرين ... ممكن شوي تدخلون؟!

ام بتول2007 12-02-2009 13 رد 1,571 مشاهدة
ا
سلام عليكم ورحمة الله وبركاته

امهات البحرين احتاج مساعدتكم

عندي بنت من مواليد شهر 2 وهي توها مكملة سنتين
و أحس انها عندها قابلية انها تتعلم وانا علمتها العد من 1 الى 5 والاشكال الهندسية واسماء الحيوانات
وودي اعلمها اشياء أكثر
يعني هي تمسك القلم وتشخبط بس ماني معلمتها الكتابة إلاّ بعد 6 شهور لمن تكمل سنتين ونص

واحتاج منكم تدلوني على اماكن يبيعون فيه كتب نفس ملوت الروضة
كتب رياضيات وعربي وانجليزي لمستوى اول
مادري وين ممكن احصل هالكتب لأني كلش ماطلع من البيت!!!

لا تستغربون مني او تقولون لي نطري لين ماتدخل الروضة لأنها مواليد شهر 2 وبتروح منها سنة واحسها ذكية وودي اني افيدها من غير مااضغط عليها او اكرها بالدراسة
وغير هذا ماحب اعتمد عالروضة مع اني راح ادخلها الروضة بعد سنتين بس ماراح اتكل عليهم بشي

فياريت انكم تدلون على اماكن تبيع كتب حلوة ومفيدة للأطفال

وسامحوني عالاطالة :21_186: عورت راسكم :sm215:
ر
شوفي المكتبه الوطنيه عندها اشكال والوان

واذا تبين انجليزي في مكتبه جاشنمال وتويز ار اس منزل مجموعه حلوه ومذركير بعد
*
عندش الماكتب خيوووو
ومثل ماقالت ام رمي اشكال والوان عندهم
وحق كل الاعماار
اني رحت المكتبة الوطنية عندها اشياء كثيرة
بس اني عبادي تو الناس علية اخذ لة بس الصور وال يمكتاوب علهيا عبااارات لانة
توه :) صغير
ا
مشكورين خواتي :)

بروح اشوف ان شاء الله
ه
لا يا اختي ما هي صغيرة على التعليم لانها عندها قابلية بنت خالتي نفس مواليد بنتش بس هي شهر 7 يعني الحين تقريبا سنه ونص وعندها قابلية تتعلم واني شغاله عليها بس الاشياء الموجود حواليها يعني بدون كتب بس تحب تشخبط في الدفتر وتسوي اشياء عشوائية تعرف الى رقم 5 وتميز بينه لما تركب الدرج او تنزل تعد والالوان بعد بس مب كلها بس الالوان المميزة واللي تلفت النظر وبسرعه تحفظ واذا تقولين كلمة غريبة عليها على طول تعرف متى تقولها
المهم على تخليها واصلي واشتري ليها صور ملونه لمجموعات كثيرة
آ
أنصحش تاخذين اليها سبورة وتعلمينها بنفسك افضل من الكتب واخذي الهيا بطاقات تعليمية وممكن تصنعينها بنفسك وهيه عبارة عن الالوان وتعلمينها مسميات الاشياء المختلفة والله يوفقها ويهيديها ويخليها اليش
م
ما شاء الله عليها


مثل ما قالوا البنات .. المكتبات تحصلين وتويز ار اص وجاشنمال وفيرجن ومذركير في سيتي سنتر عند مركز التعليم المبكر .. وتحصلين بعد في فخر البحرين والانوار ههههههههههه


ولدي الكبير مسكين ما اهتميت وايد معاه بهالسوالف خصوصا لاني كنت طالبة لكنه كان يعرف اشياء وايد بهالعمر والحين ولدي الصغير عمره سنتين وشهرين وما شاء الله يحط باله عدل معانا لما ادرس اخوه او لما اخوه يردد الاشياء اللي يتعلمها بالروضة والحين يعرف بدايات الحروف العربية والانجليزية مع مثال لكل حرف ويعرف يعد بالعربي من 1 - 10 ويعد بالانجلش بعد من 1 - 10 لكن بشوية مساعدة ويتعلم الالوان وان كان يخربط احيانا ويعرف الحيوانات بالعربي وبعضهم عربي وانجلش هذا غير الادعية والسور القرآنية والاناشيد بالعربي والانجلش احسه اللهم صل على محمد وال محمد يحط باله وايد ولما اقعد ادرس اخوه يقعد معانا ويلقط له كم شي ..

المهم دايما كلميها وكرري عليها .. بالنسبة للكتابة مسكينه تو الناس بعدها الصغيرة خليها بس تلون منها تتعلم الالوان اكثر ومنها تتدرب على مسك الاقلام << انا ولدي حده يكتب رقم 1 هههههههههههههههههههههه

وفي برامج اطفال تعليمية في التلفزيون حلوة وانا عيالي وايد يستفيدون منها ..



الله يخلي بنوتتج ويبلغج فيها :wink:
م
شوفي انا ولدي مواليد شهر 5 يعني بعد 3 شهور بيكمل الثلاث و انا لاحظته ماشاء الله من عمره سنتين كان يقبل التعلم
كان يعرف الالوان بالانجليزي اللهم صل على محمد و آل محمد علمته الارقام لحد العشره عربي و انجليزي و يعرف الحين يتكلم بعض المفردات بالانجليزي و يفهم عليي شبغي منه اذا كلمته بالاجليزي

هذا كله ماعلمته اياه عن طريق كتب أو دفاتر لان لاحق على سالفه الكتب و الدفاتر في هالمرحله احسن تعلمين الياهل عن طريق اللعب
يعني تشترين لها سيارات او شغلات مال بنات ( انا لان ولد اتكلم بصيغه المذكر :) ) و تقولين لها وين السياره لون الاحمر red ? شوي شوي بتتعلم

انا هذي كانت طريقتي في تعليم ولدي اعطيه الكلمة و الرقم و الحرف بالعربي و بالانجليزي
م
السلام عليكم.. نصيحة روحي رامز و اشتري كل الي تبيه وسعر ممتاز او محلات بو ريالين او خمس دوائر عندهم شغلات حلوة .. مثلا رامز فيه الحروف المضيئة الي تضوي
م
السلام عليكم..الاخوات ما قصروا.. بس انا اقترح عليك تشتري حاليا من المحلات العادية لانها ما تفهم لاهمية الكتاب وممكن تقطعها.. انا مثلش شريت لبنتي من رامز فيه شغلات حلوه وتحصلين بعد في محلات خمس نجوم وهالاماكن.. واذ تبيها تستفيد اكثر اشتري لها لعبة من ماذركير تبع شركة نيو بوي ممتازة تعلم الكلمات بالصوت والصورة وفيها قلم . من جد عجيبة.. وسعرها حلو 12.5 دينار ..وربي يسر امرك
ل
نفس مال قالوا خواتي روحي رامز تشكيلة كبيرة جدا من الكتب واسعارها رهيبة ... وتقدرين تستخدمينه في تعليم البنوتة


رحت رامز واخذت العاب خشبية ومعداد ومكعبات بها الارقام والاحرف انجليزية ,,,, الالعاب لا تفوت وحتى الكتب ....
س
سلام عليكم خيوا في كتب تحصلين في القرطاسية والسوبرماركت مثل الانوارو رامز في واجد مال روضة
ع
حبيبتي ام بتول

والله بنتك كبر بنتي بالظظظظظظظبط .. انا بنتي بعد مواليد شهر 2

وما شاء الله نفس الشي

تححححب تتعلم والحين حافظه الارقام الى رقم 8

وشريت لها الكتب التعليميه وتعرف معظم الصور اللي تشوفها ..

وسـالفة ان تروح عليها المدرسه حرااااام انا افكر فيها من الحين

لااازم نحاول ما تضيع عليهم سنه :( .. افكر اسجلها في خاصه وبعدين انقلها الى الوزاره في صف الثاني

وبالنسبه للكتب من وين شريتهم .. شريت لها من كل مكان حتى من محل بو ربيتين شريت لها منــه !

ومثل ما قالت وحده البنات .. رامز فيه اشياء حلووه بعد ..

وتحياتي
ا
مشكورين خواتي على الافكار الحلوة والعجيبة وان شاء الله ناوية اطبقها كلها

فعلا افدتوني وكلمة شكرا بحقكم شوية :)
X