سؤال للي راحت النادي؟؟

بنات وين التفاعل معقوله ما احد راح للنادي 5 قرأو الموضوع و لا وحده ردت:confused:

بصى حبيبتى اول حاجه لازم تلبسى شىء بيعرق مثل الصوف او اى شىء يعرق ولو عايزه جزء هوا اللى يخس مثلا لو انتى مليانه من تحت البسى اللبس اللى بيعرق من تحت و فوق البسى شىء عادى و العكس و ممكن تلفى على الجزء المراد تخسيسه اكياس بلاستيك علشان بتعرق جامد

تانى حاجه مش محتاجه فراشه تكفى بتاعة النادى

تالت شىء الماء خذى زجاجه ماء بس لا تشربى اثناء التمارين اشربى لما تخلصى بنص ساعه

بالنسبه لابنك الله يحفظه و يخلهولك اشتريله شويه حلويات مثل الشبسى و الحاجات اللى الاطفال بيحبوها علشان ينشغل بيها و ممكن تخدى كم لعبه بسيطه ليه

والاحسن انك تلبسى اللبس بتاع النادى داخله يعنى تكونى لبسه لبس خروج عادى و تلبسى لبس الرياضه فى النادى و لو انتى بتتمشى للنادى يستحسن تلبسى اللبس تحت الهدوم بس طبعا يكون الهدوم واسعه علشان ميبانش يعنى مثلا عبايه

هوا ده اللى انا كنت بعمله و اى سؤال انا فى الخدمه

هلا حبيبتي ... هو يعتمد عالجم اللي انتي تسيريله شو بالظبط بيوفرلج ...
1-عموما البسي لبس مريح .. أنا دايما ألبس أشيا قطنية خفيفة.. وشورتات ومن هالاشيا.. انتي شوفي شو اللبس اللي ترتاحين فيه ... مب يضغط عليج!! .. طبعا جوتي الرياضة (حاولي يكون مريح) والدلاغ (أكيد طبعا تعرفين هالشي) ..

2-واشتريلج الحمالات اللي تكون حق الرياضة.. عشان تثبت الصدر.. وفي حالة الجري صدرج ما بيعورج .. أنا أنصحج تاخذين يا ماركة NIKE أو Addidas.. أنا لاحظت وايد بنات يغفلون عن هالنقطة ومايلبسون حمالات الرياضة.. ترى ما تلبسين تحتها الحمالات العادية ..

3-خذي معاج فوطة صغيرة في حال انه الجم ما يوفر فوط .عشان تمشين العرق.. وممكن ماي .. بس يفضل يكون فاتر ولا تكثرين لأنه ممكن يسويلج ثقل أو حتى لوعة.. واذا حابة تشلين موبايلج وياج في الجم.. ممكن تاخذين حزام حق الموبايل ..لأني ياما نسيت موبايلي في الجم .. وممكن تاخذيلج آي بود عسب تتسمعين اشيا حلوة ومفيدة .. يعني يشغلج ويحمسج عالرياضة..

4-واذا حابة تاخذيلج دووش في الجم ومب في البيت .. طبعا خذيلج .. ملابس ..نعال تطلعين بيه.. ونعال تلبسينه في الحمام عشان ما تتزحلقين .. شامبو وصابون وليفة .. وزيت حق ترطيب الجسم.. وأنا أفضل ماسك للشعر... ما انصحج تستخدمين الشامبو و الصابون اللي يكون محطوط في الجم .. غالبا يكون Low Quality ومب زين .. ولا تنسين مزيل العرق .. وفوطة عشان تنشفين جسمج .. (يعني تحتاجين فوطتين) .. بس انا اعتقد انه كل النوادي يعطون فوط ..

5-وبخصوص شعرج.. سويه ربطيه "ذيل حصان" أو لفيه بطريقة أوكي .. عشان ماييلس يتبطل كل ساعة ويبهدلج

6-وبخصوص الحضانة.. انتي شوفي شو من الانشطة بيوفرون ... واحتياطا خذي العاب ودفاتر تلوين وممكن مكعبات للتركيب عشان ينشغل وما يصيح.. انا ضد الاخت "samer Saad.. في موضوع الشيبس وهالاكل المضر .. ماله داعي تكونين متناقضة .. يايه النادي عشان تضعفين وتعطيج ولدج اكل مضر وبيمتنه!! .. اذا حابه تاخذين سناك.. خذيله شي صحي... فواكه .. او بسكوت فيه نسبة الالياف عاليه والسكريات قليلة .. وممكن عصير فريش ...

نصيحة : اذا النادي اللي انتي بتسيريله فيه غرفة بخار .. ممكن تسويلج حمام مغربي وحمام زيت لشعرج بعد الرياضة.. جيه مرة اسبوعيا.. أنا اسوي هالشي كل اسبوع :)

أتمنى اني ما نسيت شي ... وأتمنى تكونين استفدتي.. اذا تذكرت شي بعد .. بتكون لي رجعة ان شاء الله :)

بخصوص الفرشة ماله داعي انج تشلين وياج وحدة .. استخدمي الموجودة في النادي

اهلا اهلا بـ(Samer saad)
الله يعطيك العافيه ما قصرتي و اعطيتيني فكره كانت غايبه عن بالي من حكايه اللبس انا كنت ناويه البس لبس خفيف.. اذا في افكار ثانيه انا منتظره..

ومشكوره ياقلبي يعطيك العافيه..
الحين حأخذا ورقه وقلم واسجل الأفكار الحلوه يسلمموووووو:D

هلابـ(Lady_bird18)
يعطيك العافيه على هالافكار والمقترحات الزينه بخصوص الفرشه انا لما شفت الزحمه بالنادي خفت انه مايكفي ...
و بخصوص الملابس الداخليه ينفع اخذ قطنيه الان المحلات الى قلتي عنها الرجاليه موجوده بكثره اما النسائيه لا..
اما على حمام البخار\السونا موجود وحا اسوي زي ما قلتي كل اسبوع
و انا نسيت اقولكم عمر طفلي عمره 11 شهر علشان كذا انا ما ادري ايش اخذا معاي
و مشكوره مره ثانيه واذا في فكره او اقتراح انا منتظره على نار
عموما النادي تمام ومتطور الى بروح له فيه مكان مخصص لصاله الحديد انا ابغى استشيركم في هالشىء ..
على الحضانه بعطيكم صوره عامه عنها فيها تليفزيون و رسوم متحركه وفيها لعاب والاطفال مش كثير مره يعني
وفيها اسره لو الطفل بينام وبس
عموما النادي الى الان ماادري ايش يوفر خدمات بعد بس بعد اسبوع من الحين اروح و استكشف:wink: الان النادي مره كبير وشكر

العفو حبيبتي .. بس اذا حاسة انه المكان وايد زحمة وما بتحصليلج فرشة ..ممكن تاخذين ليش لا.. بس انتي شوفي كيف أول يومين وبعدين بتعرفين اذا تحتايين فعلا والا لا ..خصوصا لأني لاحظت من خلال سيراتي للنادي... انه واااايدين اللي يتجنبون تمارين الفرشة.. أو يسوون 5 دقايق ويتعبون.. فأعتقد اذا الوضع في النادي نفس الشي.. فاعتقد بتحصليلج فرشة تتمرنين عليها
وبخصوص الحمالات.. ترى في NIKE أو Addidasقسم خاص حق الحريم .. ترى ماعندهم محل بكبره حق الحريم .. انتي سيري قسم الملابس الرياضية للحريم .. واطلبي حمالات الرياضة.. مستحيييييييييييل مايكون عندهم .. وقوليلهم عن قياسج >> أنا أفضل انج تجربينهم هناك وتشوفين اذا تنفعلج والا لا .. انا يوم جربت الحمالات في المحل .. يلست انقز في غرفة القياسات عسب أشوف صدري بيعورني والا لا :21_133:
وبخصوص ولدج .. خذيله بامبرز .. حليب.. وغيارات .. صراحة ما عندي عيال عسب أفيدج.. بس اعتقد انه بعده صغير على انه يشوف التيلفزون!! ... فأتمنى البنات يقدرون يفيدونج في هالنقطة

هلابـ(Lady_bird18)
مشكره مره ثانية.. اما على حمالات الرياضه لقيت في محل ينقال عليه (يو ماك )ما ادري عرفتيه او لا بس ليقيت عنده الي ابيه شكرا
ياليت باقي العضوات يشاركونا الموضوع الانه مهم ويقلولنا عن تجربتهم في اختيار الملابس وايش الوحده تاخذ معاها علشان ما نكثر اغراض و احنا رايحين للجم :o