ابيض واسود

عادي يااحبيبتي وغالباً الجميلة تتزوج رجل قليل الجمال ..

هلا أختي الغالية،أنا متزوجة من رجل أسمر مو أسود لأن أبوه أسود و أمه بيضة حيييييل، فهو وأخواته طلعوا سمرلون جميل على فكرة!! بس الشعر اللي خشن ،المهم عن علاقتنا في عيون الناس و المجتمع بصفة عامة فهي و لله الحمد فوق من أي شكليات أو فرق في اللون و على فكرة إحنا من المغرب، يعني عندنا مناطق سكانها لونهم غمق شوي بيرحلو لمناطق أخرى و يتزاوجون فيها سواء بنساء أو رجال من نفس اللون أو غيره و كده، بس قبل لا أنتهي أختي إحنا قبل أي اعتبار للون للبلد ...إنسان

و الله أنا شفت هالشي منتشر حالياً

لأن مقاييس الجمال و الذوق العام تغيرت و حتى النظرة

أو يمكن إن هالشخصين يكونون متفاهمين و في رابط بينهم

و أنا من ذوات البشرة السمراء

فإذا ع الجمال

فالجمال ما يخصه ف اللون لأن في ناس سمر و ناس غامجين مثل ما تقولون

بس ملامحهم حلوة يعني مملوحين

و في ناس بيض و ملامحهم مب شرط تكون حلوة أو مملوحين

بالنسبة للرياييل فالريال مب بشكله ولا لونه ولا بيزاته ولا جبيلته

الريال بمروؤته و أخلاقه و معانيه

و الناس أذواق في بيض يحبون السمر أو ههه الخوال مثل ما يقولون

و في سمر يحبون البيض

و في بيض يحبون البيض و في سمر يحبون السمر

و ف النهاية قالها رسولنا الكريم لا فرق على عربي أو عجمي أو أبيض على أسود إلا بالتقوى

و أتمنى إني ما غلطت ف الحديث المهم المعنى واصل

و شكراً ع الطرح

اختي انا اشوف هذا الزواج يرجع لقناعه الشخصيه اذا كانوا مقتنعين ببعض ما راح يكون فيه عائق واهم شي التوفيق بينهم والاستقرار بس بصراحه انا عمري ما صادفت هذا النوع من الزواج بمجتمعنا لكن اشوفه عادي,,,

هلا اختي
عادي واهم شي كل واحد راضي ومقتنع في الثاني

الشكل واللون ماهو اهم شي في العلاقة .......اهم شي الانجذاب والتوافق و اشتعال شرارة الحب يبن الطرفين .... اللون ماهو مقياس للشخص انا عن نفسي احب السمر وانا فاتحة نوع ما والحمدالله زوجي اسمر مني .... هو الدارج في المجتمع الجميلة تتزوج واحد اقل منها قي الجمال .... بس حولي كم اشخاص الزوجين جميلين ماشاء الله وحالة وحدة الزوج احلى منها .... وعايشين اجمل ما يكون عادي نحنا اللي بنحكم عليهم هم كيف عايشين بس هم ما فكروا انو اشكالهم كيف مين احلى من التاني ....
مادام الانجذاب موجود فمافي اي مشاكل من ناحية اللون والعمر والشكل

مشكورة على الموضوع الحلو

بالنسبه لي انا ونظرتي لشريكين مختلفين في اللون هي كالتالي.. اذا الطرفين متفاهمين.. عادي.. بس في تقاليد عائلتي هذا شيء مستحيييييييييييل وعيب وممنوع .....الخ.. انا عارفه ان الرسول قال( اذا جاءكم من ترضون دينه وخلقه) ماقال لونه.. بس وش نسوي بالعادات هذي والتقاليد.. ونوعا ما انا أخذت جزء من هذي العقليه اللي ربيت عليها انا واخواتي واخواني.. فالان لو اقيس الموضوع على بنتي او ولدي.. مارح اسمح لهم يتزوجوا باسود او سوداء. مو عشان احس انهم ناقصين او شي.. لا والله .. ان في منهم اجاويد وطيبين وانا كان عندي صديقه سودا عسل ماشالله .. الله يذكرها بالخير.. بس رح اعارضهم لاني ابيلهم الافضل ولاني مابي جماعتنا يقطون عليهم كلام جارح..ولا تنسين ان العرق الاسود قوي جدا.. يعني حتى لو واحد فيهم ابيض لازم العيال يطلعوا اغلبهم للاسود..الا السود عالعين والراس.. مؤذن الرسول كان اسود.. وهذا شرف مابعده شرف.. اتمنى ماحد يزعل من كلامي.. بس الموضوع للنقاش الجاد مو للمجامله.. وعلى فكره اغلب السود يفضلون الزواج بالسود.. كل واحد انسب له يتزوج من عرقه.. لتشابه الطباع والميول.. شكرا على الطرح اختي...

اذا جاءكم من ترضون دينه وخلقه فزوجوه مو لونه؟؟

شفايدة الاثنين نفس اللون ومشاكل ماتكمل اهم شي التفاهم

انا عن نفسي لو حبيت اسود بيتزوجه خخخخخخخ
يعجبوني الشباب السود او الغامقين ماادري ليه مع ان خطيبي ابيض احمر
وانا بعد بيضه.
بس يعجبني الرجل الاسود احسه فيه رجوله اكثر وفحوله زايده.وغالبا عندهم قوة بنيه
وطول وعرض واجسام رهيبه .
ولكن ما صادف ان شفت بيضه متزوجه اسود او سوده متزوجه ابيض نهائيا .
يمكن برا في اوروبا حصل هالشئ لكن عندنا لا .
لأن هم طبقه معينه وما يختلطون فينا .
والله اعلم
تحياتي

احس عااااادي اهم شي الاخلاق

بالنسبة لي مافيها شي اذا كانوا متفاهمين ومتفقين ويحبون بعض اللون مو مشكله
بس اذا زواج تقليدي وتقدم لي شخص بهاللون ماراح اوافق عليه لأن عاداتنا وتقاليدنا
ماتسمح ويمكن مانتفق وما اتقبله بالمستقبل ..

وكان عندي صديقه اخوها ابيض حييييييل وتزوج وحده لون بشرتها اسووود من بعد علاقة حب
والحين عايشين وعندهم اطفال الوانهم حنطيه بس اهل الزوج شوي مو متقبلين زوجته ..

وبالنهاية كل شي قسمة ونصيب والتوفيق من الله

والله اجوف الزواج مب بالألوان الزواج بالأخلاق بالدين ... والزواج عن قناعه في بنات بيض مايرضون بالأسمر وفي شباب سمر مايرضون بالبيضه والعكس ... ياما ياما جفت مثل هالزواج وخاصة في عايلتنا والحمد الله حياتهم مافي أحسن منها والله اتمم عليهم ..

اشكر كل من اعطت جزء من وقتها الثمين للرد ع موضوعي

شطرا مرة تانية ويعطيكم العافية

يعطيك العافية ع طرح الموضوع
اتوقع هذا النوع من الزواج يعتمد على عادات وتقاليد الاسرة وتقبل المرأة للزوااج من رجل اسود
(أنا احس صعب اتقبل شخص اسود مو تكبر بس نفسيا صعب علي وومكن السوداء صعب عليها
الزواج من ابيض)
هذا رأي

شكراً علي الردود حبايبى

هوة الجواز بالشكل

عمر ما كان الجواز الصح بالشكل ابداااااااااا
ياما ناس شكلها حلو لكن ماتطيقيش تقعدى معاهم اكثر من دقائق والعكس صحيح


وبعدين من ترتدون دينة فازوجوة

اما من ناحية الرضا والقبول فلازم يكون دايما فى رضا وقبول فى اى جواز ودة الى بيجيب الانسجام والتوافق والصحبة الحلوة


وبعدين دى اذواق الجواز الى يعجبك ممكن مايعجبش غيرك

وعندن فى المصرى بنقول
مافيش مخدة بتشيل 2 حلوين لازم واحد حلو والثانى


يلا ربنا يستر على كل بنات المسلمين
امين يا رب العالمين

يوووووووووووه

انا من السعوديه وكثييييير شفت بيض يتزوجون بسود وحياتهم جدا عاديه ومافيها اختلاف

احس الوحده لما تتزوج خلاص تتعود على زوجها وتحبه اصلا اللون ماتلاحظه اسود ولا اخضر بيكون قمر بعيونها

وانا اقولك الوقت الحين كل شي بالدنياء جايز
يعني مانستبعد اي شي يصير بالدنياء

عاااادي وش فيها؟؟ انا اعرف كثيررر...
انا و اخواني كلنا حنطيين لأن امي بييييضة لدرجة الأحمرار وابوي اسود..وما شاءالله صارلهم 30 سنة زواج...
اخوي بعد هو مو اسود بس حنطاوي و زوجته بيضة مرة ما فيها شي!

اسمحولي بس الناس اللي يعارضوا افكارهم رجعية!
حتى في امريكا الناس صاروا ما يفكرون بهالطريقة..والمسلمين بعدهم على هالأفكار!:ss: