DodyCat;8843894:
بنات انا عندى مشكلة دلوقتى خطيبى عايزنى أودى حاجتى الشقه وهو قاعد فى الشقه حاليا وكمان أخته معاه عشان هو أصلا مش من القاهرة ومش عندهم مكان تانى فى مصر
المهم انا مش عايزة أودى الحاجات الشخصيه ولا رفايع المطبخ غير فى أخر وقت فى يوم الفرش مثلا
مش حابه ان حد يتفرج على حاجتى قبل الفرش انا غلط ولا ايه ؟؟ قولولى أعمل ايه
انتي مش غلط ولا حاجه وده حقك وقوليله ان انتي هتودي حاجتك مع بعضها مره واحده لما تكملي ال ناقصك علشان مش تروحي وتيجي كل شويه وبراحتك خااااااااالص
CuTie KaTkOoTa;8844273:
ربنا يخليكي يا قمراية، باب الشقة هركبله اللي هو الفانوس ده بس خايفة يتسرق كله مخوفني من كده، والبلكونة اللي هو زي لمبة الجاز بتاعة زمان دي، وبالنسبة للشقة بقي ادعولي النقاش يخلص النهاردة فعلا، لأنه مفروض كان يبقي اخر يوم امبارح بس علي حظه المية كانت قاطعة طول الوقت فكانت معطلاه وانا صورتلكم اجزاء من الشقة بس مش كله بيبقي واضح عشان الإضاءة خفيفة مش بتبي الألوان صح، والتقليمة اللي كنت قلتلكم عليها في السفرة، كنت بره يومها ورجعت لقيته مغير في الترتيب اللي اتفقنا عليه قبل كده فطبعا اتضايقت جدا لأنه مينفعش يتغير خلاص، هو حلو بس حساه بقي فرح شوية وخايفة لما يتركب النجف يبقي فرح العمدة حقيقي، بس هو شيك اوي وجديد بس خلي اللون النبيتي قليل اوي في التقليمة وخلي الدهبي والسيمون هو اللي اكتر.
ماشاء الله الله اكبر الالوان جميله والشغل نضيف قوليلي اسم ال اشتغلك انا تقريبا اخدت منك الرقم هو ده الولد ولالا؟؟
سويزااا;8844539:
منين اجيب تل جليتر علشان طرحة الفرح؟
انتي عايزه طرح انا شفتها بتتباع في وسط البلد الوان كتير جدا ب 5 وب 10 الكبيره شويه
rola_86;8844949:
بنات اليكم اخر الاخبار اختكو اللي شبكتها يوم الجمعه وشها ناطر حبوب بشكل فظيع اللي حبوب حمرا اوي دي عمرها ماجتلي قبل كده وعامله راس كده وشكلها صعب اوووووووووووووي
مش عارفه اعمل ايه وعندي دور برد صعب اوي اللي هو مخليني نايمه سطيحه في السرير مش حاساه بحاجه الحمد لله علي كل شيء ومتخانقه مع امي دي الجديده بقي وعلي سبب تافهه اخر حاجه بس هي بقي كبرت المووضوع وانا عاندت قدامها
ندخل بقي علي التجهيز
اشتريت الفستان لونه دهبي اوكسيديه من مالبي اللي في عباس ب 715 نازل سيمبل اوي قماشته ستان بس في شويه تطريز في النص في فضي خفيف وتركواز ودهبي بس شكله جميل اوي هانزلكو الصور ان شاء الله لما البسه
اشتريت بدي كارينا سواريه دهبي
جبت الطرح الاساسيه دهبي واتنين تركواز واحده تل جليتر والتانيه تل عادي وجبت واحده فضي
حجزت عند سميه الشاعر اللي في الطيران وشفت شغل ليها عجبني وروحت عملت بروفه عملتي لفه جميله اوي وشافت وشي بالحبوب قالتلي هاتعملي تنظيف بخار هاتشيله معرفش بقي هاتلعب في الحبوب ولا ايه تسيب اثر اسيبها يعني تشتغل ولا بلاش
السؤال بقي يابنات احنا هانعمل عشاء للضيوف نحط حلو ايه جاتوه وبيبسي كانز ولا ايه بالظبط مش متخيله الشكل؟؟؟؟؟؟؟
تاني حاجه المخده بتاعه الدبل الهي يكرمكو ويعمر بيوتكو اجيبها منين خلااااااااااااااااااااص
مش قادره اعملها فعلا وعاوزه اشتري في الانجاز منين الهي اللي تجاوب عليا تدخل الجنه يارب
كان في حاجه عاوزه ااقولها بس نسيتها :sm215::sm215:
اااااااااااااااااه افتكرت عاوزه اعمل تنظيف مش تبيض لاسناني بياخد وقت اد ايه وبكام وكده وحد عمله يعرف يديني تفاصيل احسن المرض هدني وقع شعري وصفر اسناني وبقيت حالتي نيله
الهي اللي يردو عليا يخشو الجنه امين يارب
اولا الف سلامه عليكي يا قمر معلش دب عييييييييييييين
ثانيا مبروك عليكي الفستان ويارب تبقى احلى عروسه
ثالثا التنضيف ال بالبخار عادي بيفتح المسام وينضف الشوائب كلها
وحاولي تدهني اي كريم او مرهم انتي بيوتك علشان ينشف الحبوب ويقلل الالتهاب
وممكن بقا تفاصيا عن الماكيره دي يا قمر
dandona we bas;8845038:
بنات عايزة اسألكو البورسلين و لا السيراميك و ايه عيوب و مميزات كل حاجة منهم بالله عليكو تجاوبوني
البورسلين احسن لانه لو اتجرح بتلاقي الطبقات ال بعديه موجوده لكن السراميك طبقه واحده بس الرسمه وبعد كده اسمنت وهو حلو للريسبشن وبسسس لانه غالي
حبيبه مادو;8845945:
هو متر السيراميك العادى الحلو للسفره والريبشن والحمام والمطبخ بكام ؟؟؟
انا كنت جايبه من كام شهر من كيلوباترا فرز اول حاجات قبل الخصم الريسبشن كان 68 المتر و70 و 73 للمطبخ والحمام بعد الخصم الاسعار بقت 45و 50 في الحدود دي
rola_86;8846299:
=
ممكن حد يقولي احمرار الحبوب نخفيه ازاي
اي مرهم انتي بيوتك يا قمر تيراميسين حلو اوي
cherry..;8846954:
يابنات انا عايزة اغسل البيجامات واللبس البيتى واكوية واطبقه كويس واحط فيه معطر امى بتقولى لاااا اغسليه فى بيتك لازم حماتك واهل جوزك يشوفوه بالورقه كده فى دولابك وبقنعها وهى مش راضية ... اعمل ايييييييه ,, المشكلة انى فيه حاجات بجيبها من الاستاند كده مش بكيسها يعنى 100 ايد مسكتها والتراب وبتاع ...اعمل ايه ..رأيكوا ايه
بصي الحاجه ال انتي حاسه ان هي متبهدله اوي اغسليها وبلاش تكوي حاجه دلوقتي وانتي بتودي حاجتك اعملي يوم كامل للهدوم واكوي براحتك وعلقي او طبقى علشان لما تيجي تلبسيها تبقى جاهزه لكن من دلوقتي هتتبهدل على ماتوديها اما الحاجه الباقيه ال هي مش متبهدله خليها في ورقتها علشان تريحي ماما
dew.dew;8848558:
يابنات
dew.dew;8848558:
انا اعرف كوافيره حلوه قوى وشاطره جدا فى مدينه نصر حتى المحل نظيف جدا وحلو قريب من السراج مول
شغلها حلو وبتعمل سويت للجسم كله و مسكات ماركات وكده وبرامج للعرايس
انا قولت اقولكم عليها اللى عايزه نمرتها تقولى
واى استفسارانا فى الخدمه
سؤال هى بيجامه العريس دى لازم اجبها؟؟؟؟؟؟
طب لو هو مش بيحب الستان فى نوع تانىغيره؟؟؟؟؟؟
ممكن تفاصيل عن الكوافيره دي يا قمر
ومش شرط ستان بس لازم تجبيبها وممكن تجيبي تريننج شيك كده وقيم
*عروس حبيبى*;8853489:
بنات هو ينفع البرنس الرجالى يبقى هدية عيد ميلاد؟وللا ده اخده معايا وانا بفرش؟ايه رأيكم؟
كمان متعرفوش اماكن اشترى منها بدى تل طبقتين؟؟؟؟؟؟؟؟؟
وكنت عاوزة اخد رأيكم فى حاجه كمان معلش
انا هعمل حنه فى بيت بابا قبل الفرح بيومين كده مش ليلة الفرح عشان ظروف كده
فمش هكون عملت سويت لسه
انا كنت ناويه البس بدى سواريه على جيب شيفون تحت الركبه علطول بس دلوقتى مش ينفع عشان السويت
يبقى وحش لو لبست بنطلون ستان مع البدى السواريه ده فى الحنه؟؟؟؟؟
منتظره ارائكم يااحلى بنااااااااااات
وليه مش هتكوني عملتي السويت هو انتي ناويه تعملي السويت قبل الفرح بيوم
اوعي تعملي كده ده مجهود وبتتعب الجسم لازم قبل الفرح بيومين تكوني عاملاها علشان جسمك يهدى من الالتهابات والحبوب والاحمراااااار يا قمر
والبرنس طبعا تخديه معاكي لما تفرشي مش هينفع هديه عيد ميلاد
والبادي الاحسن تفصليه ياقمر
mnne;8853745:
بنات ايه احسن الغلايات بليييييييييييييييييييز؟
وبكام
والاقي طقم عشا عشرين قطعه بورسلين فاسكندريه فيييييييييييييييييييييييييييييييييين؟
رويال كيتشين ليه فرع في اسكندريه ووقت السيل الطقم يجنن 30 قطعه بورسلين الماني ب 300 او 400 بعد الخصم
CuTie KaTkOoTa;8853930:
دول يا بنات تكملة الحاجات اللي كنت جبتها بس مكنتش صورتها لسه، ونسيت اقولكم كمان اني جبت خدديتين فوربد 900 جرام الواحدة ب 30 من عمر افندي وكنت اول مرة اعرف ان فيه اوزان مختلفة.
ماشاء الله الحاجه تجنن وانتي اصلا زوقك حلو اوي تتهني بيه يا قمر بس ممكن الاسعار وخاصه النبيتي ده ومن فين؟؟
بنات انا بقا عايزه اسالكم انا هستلم الشقه من حماتي الاسبوع ال جاي ان شاء الله المهم بقا انا هعمل ان شاء الله سيراميك ريسبشن والمطبخ والحمام عايزه اسال ابتدي الاول ب ايه التكسير وبعدين اشوف الكهربا ولا السباكه ولا ايه ؟؟ مع العلم الشقه كل ده كان معمول فيها بس انا عايزه اظبط شويه حاجات قولولي بقا ابدا ب ايه قبل التكسير وبعد؟؟
