تجهيزات قمرات مصر ...الجزء 118 يارب نتجوز بقه

heba 017;8813554:

:21_181:السلام عليكم

يا بنات وحشتووووووووووونى اوووى انا بقيت بعيده عنكو بس والله بقيتو بتوحشوونى اوووى عايزة اسلم على كل صحاابى هنا مشميارو وكوبايه مايه ومشمش روميو ربنا يرزقهم بالزريه الصالحه يارب يوجوبو توءم مرة واحده
طمنت والبت روووزى وغاده وصوت العيون وكريزى اناناس ودودى كات و جوجو وبسكووته وسالى حبيبتى وكيتى كيتى وتووكى وفلاور ورشرورش يارب تجوزى احلى طيااار يارب :1_8:
انا اسفه لو نسيت حد بجد سامحوونى
:21_112:واليكم التقرير:21_112:
اولا انا بلف مع بنت خالتى اليومين دوول عشان يا حبيبتى فرحها قربوهيا ملهاش اخوات بنات خااصل وخالتى مش بتقدر تنزل وكده بصو بقى اولا يا بنات المنصووووورة فيه شويه تحف عند وجدى جلال وفيه محل على المشايه بتاع لانجرى جنب فابلوووس تحفففففففففه بصو بجد السييييل حلو اووى فى الانجرى هيا اشترت قميص الدخله ب 450 مشفتش زيه بجد من المحل اللى جنب فابلووس بالضبط بالضبط جنب محل فانتازيا بتاع الفساتين السواريه ادام قاعه الماسيه
ثانيا بقى وانا استفدت منه جامد اشتريت شويه حجات من فابلووووووس اسعار ايه ده وهميه والله بجد اتشريت بدى شكلله عسووول مووت اووى ب 45.25 بعد السيل جبت من نفس قماشته موديلين
وجبت منه سويت شيرت ب 48.35 لونه كحلى راااائع بجد
وجبت منه بنطولنين سبورتنج عشان الجيم وبيبقو مريحين اووى وقطن الواحد ب 25.50 والاتنين رصاصى اللووون هههه :D
وبنت خالتى اشترت منه هدووم حلوة اووى شتوى عشان الشتا الجاى لما تجوز وكده وعنده حجات كتيير زى الستايل بتاع لميس فى مسلسل سنوات الضياع جابت منه فيست لميس كانت لبسه زيه بالضبط قبل السيل 175 بعد السيل جبناه ب 105 بس حلو اوووى

ايه تااانى اه طبعا روحت معاها فى حوار هديه الفلانتين فخطيبها لسه مغير العربييييه فجابتله مصحف خشب فى منتهى الشياكه ومطعم من برا بالفضه والنجااس ومئكسد حلو اووى حجمه حلو يعنى يتحط فى العربيه من ورا
وجابتله عليه فيها البرفيوم والاسبراى والافتر شيف نوعه 212 sexy man ده جاامد اووى وظبطنااهم واى استفسار عن اى محل هدايا او اى حاجه داخل المنصووورة انا معاكم

كانت معكم هبه من امام شاشه الكمبيوتر داخل غرفه نومها بالمنصورة :D

pascotta;8811682:

ماشاء الله تجنن بتعيطي ليه يا مجرمه انتي دي شيك جدا ربنا يهنيه بيها
انا بقا عايزه سوال الشيكولاته ال عليها كلام دي من فين وبكام انا بدور على حاجه زيها من فتره يلا اعترفي؟؟؟

ميرسي يا قمر ربنا يخليكي، بصي الشيكولاتة جبتها من محل هدايا وكده في ارض الجولف قدام مطعم روستري لو عارفاه، المحل اسمه wow وعنده حاجات حلوة اوي والواحدة كانت ب 2.5 وفيه اختيارات كتير منها.

[QUOTE=bocy.cate;8812568]
ماشاء الله هديه جميله اوى اوى والدبدوب عسسسسسل خالص اصل انا كمان بموووت ف عالم سمسم والدباديب دى :wink:

ربنا يهنيكى ويسعدك دايما

mashimaro16;8813773:
عودون احمممممد يا هوبه
عامله ايه ا يجميله
مبروك لبنت خالتك


حد يعرف ماركه كيرا بتاعت تليفزيونات حلوه ولا اى كلام ولا ايه البلد المصنعه ليها؟

CuTie KaTkOoTa;8813874:
[quote=pascotta;8811682]

ربنا يخليكوا يا بنات، اتفضلوا الحاجة والله متغلاش عليكم :wink:
فعلا طقم الملاية ده عاجبني جداااااااا، بصوا بقي انا كمان لسه مفرشتش العفش بس كنت عايزة الحق التخفيضات فجبت المتر وقعدت ساعة تقريبا بدون مبالغة بقيس وبحسب بدقة فظيعة وبالكسور كمان حتي بابا وخطيبي كانوا عملاين يضحكوا عليا وخطيبي كان كأنه الصبي اللي شغال معايا بينفذ اللي اقوله عليه وبس وانا الدماغ المفكر، المهم وحسبت الصالون مساحته اد ايه والسفرة بأجزاءها وكده وكتبت المساحة الفعلية لكل مكان علي حدة وبعدين المساحة اللي هايبقي السجادة بس وطبعا المشايات امرها سهل في الطرقة، لكن بقي اوض النوم والليفينج دول اللي مقدرتش خالص اني اعمل حسابهم مقدما عشان دول رستهم بتبقي في نص الاوضة وفيها حاجات كتير مش زي الريسيبشن فأجلتهم شوية.
وكمان لما روحت لقيت المقاسات كلها بتبقي ستاندرد معروف ومش علي حسب مزاجي بس لو العملية مأزمة معايا اوي وعايزة الحاجة بالظبط، البياع بتاع كاربت مثلا قاللي ممكن اقصهالك واظبطها بالمللي لو حبيتي وممكن تفرشيها وتشوفي في البيت ولو معجبتكيش تعالي بدليها وهاتي الصغيرة بس الفروض مش كبيرة اوي عن اللي في دماغي فتتظبط ان شاء الله لأني استحرمت اقطع منها حتي لو رسمتها مش هتبوظ، وبتاعة السفرة دي مودرن وبتاعة الصالون كلاسيك وعلي فكرة الإضاءة مش مبيناها، اللون اللي في الدواير ده دهبي دهبي والشغل البيج اللي جوا بارز شوية واغمق درجة من الأرضية الاوف وايت بجد تحفة علي الحقيقة، بصي يا ماشيمارو دي كانت 2 في 2.85 واسمها هانا من النساجون وعليها خصم 15 % يعني كانت ب 730 وبقت ب 683

سراب.سراب;8812690:
[GLOW="FF0000"] اولا انتوا واحشتونى اوىىىىىىىىىى و كنت عايزة ابارك لكل البنات اللى استلمت عفشها و اللى حددت موعد خطوبة او جواز لانى مش لاحقة اكتب بنوته بنوته و ربنا يتمم بخير للجميع و الف الف مبروك
[FRAME="11 70"]
ياسوسوووووووووووو و يا بنات اخيرا اكتبونى فى القايمة يوم 28-2 كتب الكتاب ان شاء الله و قريبا هاقولكم موعد الزفاف و هو فى شهر اربعة ان شاء الله بس لسه اليوم بالظبط و ناوية يكون فى دار الدفاع قاعة الباسنت باذن الله يلا بسرعة بقى
[/FRAME][/GLOW]عشان المخالفة بقى :_
فين المراكب اللى كنتوا بتقولوا عليها دى لبعد كتب الكتاب و اسعارها ايه؟

heba 017;8813991:
[quote=CuTie KaTkOoTa;8813874]

بصى يا قمر بجد الله اكبربسم الله مشاء الله الهديه بتاعتك تجنن وكمان هديته ليكى حلوة ربنا يارب يخليكو لبعض ويكرمكو يارب

بصى بقى ممكن عنوان المكان اللى جبتى منه السجاد بعد ازنك يا كتكووته وعاجبنى اووى اللحاف مشاء الله

لوما;8805044:
بصي ياجبيبتي بالنسبة للاكل في حاجات بتفيض وحاجات لا يعني مثلا الفاكهة اللي كانت

موجودة فمفيش ناس كتير رحوا ناحيتها واتبقي منه كتير بس بسم الله ماشاء الله كانوا

شغالين علي الخرفان خرفوين خلصوا بلمح البصر وبالنسبة للديك الرومي اتبقي نصه

والحلويات اتبقي منها كمية كويسة ومتخافيش الاكل بيفيض ويقضي وده كمان بيعتمد ع الناس

رايحين عشان ياكلوا وبس ولا ايه يعني انا معرفتش اكل كويس بالرغم كنت نويا اكل اااااااااكل

هههههههههه رحت عشان اخد ام علي ملقتش غير شويا صغيرين بالنسبة للاكل اللي جربته

انا مش عايزة اقلقك عشان انا مجربتش كل حاجة بس بصراحة اللحمة والفراخ كان طعمهم

وحش ومش سخن بس اختي جربت طبق بالجمبري قالت عليه تحفة والرز كان حلو فانتي

ركزي ع موضوع الفراخ واللحمة عشان دول اللي بيبقي طعمهم وحش بس باقي الاكل

وخصوصا الحلويات(y)


اما الدجي فكان حلو اوي بس مشتغلش كتير عشان هي كانت جايبة 2 مغنين من برا بس

الاغاني اللي اشتغلت قبل المغنين مايجوا كانت حلوة اوي والحلو كمان انهم اثناء مالناس

بتاكل بيشغلوا اغاني لفيروز هادية اوي ومريحة كدة وان شاء الله فرحك يكون مرتب وحلو ويكون

زي مانتي عايزه واحسن كمان وانا هعد ادعيلك كدة ياعسل عشان انتي بجد تستاهلي ياقمر

معلش انا طولت عليكي :)

صوت العيون;8808135:
السلام عليكم ورحمه الله وبركاته


الحمد لله اشتريت اوضه النوم واوضه الاطفال هفرجكم الصور


دى اوضه الاطفال ان شاء الله



ودى الحمد لله اوضه النوم



على فكره بحب الاستيل جدا
قولوليى بقا رأيكم ان شاء الله وكمان افكار لدهانات الحوائط بس بلاش اسبونش وحيطه وحيطه لا لون واحد وكدا ان شاء الله

وادعوا لحمايا عشان هيعمل عمليه بكره ان شاء الله

sos0o0;8814030:
لولولوووووووووووووووووووووووووووووي يالف نهار ابيض ياام محمد :21_112: فرحتييني ياسوسووووووو نمبر 2 والللللللللللللله // مش عارفه يعني المفروض دلوقتي انا اعمل ازغرط :bleh: ولا اقوم ارقص :groupwave: بس الأحلى من ده كلي اني غبيه لا بعرف ازغرط ولا ارقص ههههههه بس والله انا انبسط اوي اوي اووووووووووي // وعقبال يارب كل البنات في المنتدى يتجوزو ويجيبو درزن عيال لحد مايطلعو عنيكم :21_103:

ويااااارب يسهلك ياحبيبة مادو بشقققققققققققققه كدا لقطه تجيلك هديه من السما :yahoo:

وانتي ياهبه ياحبيبة قلبي يرزقك ياااااااااااااااااااااااااااااااااااااااارب بواحد عسل وسكر ومرنجلسيه كدا زيك والله يابنتي انا حسه كدا انه ربنا هيعوضك الف وخمسمية الف مره بس استني انتي بس وقولي سوسو قالت :JUMP: وهكون برضو انا اول من يزغرطلك ان شاءلله هكون وقتها بأ اتعلمت الزغاريط مخصوص عشان خاطر عنيكي ياعسل //

وسؤال بأ يطرح نفسسسسسسسه يابنات .. حد راح سيتي ستارز قريب ولقى حاجه حلوه وسعرها كدا في الحنين يعني ملابس خروج وفسح وكلام من ده /// لحسن دول اسعارهم ضاربه اوي عشان انا ناويه انزل بعد بكرا وهتسوق التسوق الاخير تقريبا فأي وحده شافت اي حاجه حلوه في سيتي ستارز تقلي عليها والمحل اللي جابت منه ايه

أميره فتحى;8814582:
يا بنات انا الحمد لله ربنا وفقنى وإشتريت قماش الستاير واتفقت على التفصيل خلاص الحمد لله ونصيحتى ليكوا بقى القماش اشترروه من الوكالللللللللللللللله لأنى بجد بعد لف ودوخه اشتريت من الوكاله وروحت الأول الوكاله وبعد كده الأزهر وبعد كده ماردينى وقصر بيان وبرنت شوب ولاحظت إن ماردينى وقصربيان الموديلات الموجوده هناك هى هى الموجوده فى الوكاله بالظبط مع إختلاف الأسعار ونفس الموديلات بالظبط يمكن كمان فى الوكاله فى اشكال اكتر بكتييييييييييير وبالنسبه لبرنت شوب كل القماش الموجود فيه اقطان بسسسسسسسسسسسس وكله مودرن يعنى تنفع اكتر فرش انتريهات مش ستاير خاللللللص والأزهر حلو برده بس التشكيله فى الوكاله اكتر بكتير وانا رحت عند محل اسمه بيت الشعب (فى الوكاله ) عنده كل الموديلات الموجوده فى باقى المحلات وفصلت عنده المتر ب 7ج بعد 8 بعد فصال مرير بس انا صحبتى فصلت عنده وقالتلى شغله بجد حلو مووووووت وهستلمهم بعد اسبوع ان شاء الله وعملت القماش ايه بقى ؟؟؟؟؟؟؟؟عملت الريسبشن ستاره ببرقع لأنه كلاسيك وده بجد عصب عنى علشان انا مش بحب البرقع ده خالص بس كان لازم يبقى فيه تغيير لونها زيتى غامق لأن اللأنتريه بيج والسجاده كمان بيج فقولت اغمق بالستاره والقماش نوعه كوريشه علشان انا مش بحب القماش التفتاه ده خالللللللللص معملتش منه اى حاجه فى الشقه علشان بحس القماش ده ناشف اوى ومش طريه كده وعملت اللنوم ستاره واحده خفيفه حرير وعملت الليفنج قماش فوال ( شيفون ) نبيتى فى بيج وعملت الأطفال بيج فى بنى وفيها فيونكايه كده بيج شكلها حلو اوى ومعلشوا طولت عليكوا بس كنت عاوزه اساعدكوا واديكوا ملخص خبرتى فى هذا المجال لنه بجد اكتر حاجه دوختنى فى توضيب الشقه كلها ولو عجبتكوا مشاركتى ادعولى

سويزااا;8814614:
انا خطوبتى اتحددت حطووووووووووونى فى الليستة يوم 26\2 انشاء الله وادعولى امانة عليكوا علشان فى حبة مشاكل كدة وانشاء الله تعدى وانشاء الله تعدى..

علشان المخالفة اجيب لون الشوز بتاع الخطوبة ايه الفستان روز هادى اوى مش فاقع والفرح فى قاعة نادى المحامين وعلى فكرة انا طويلة فا مش حينفع اجيب بكعب فاكنت بفكر فى الباليرينة ايه رايكوا؟؟؟؟؟؟؟؟؟

dandona we bas;8765604:
اقتباس المشاركة الأصلية بواسطة meshmesh_romio
ودول افكار لليلة الحنه اظن محدش فكرلها ففى فكره زى دى قبل كده استاهل دعوه كبيررررررررررررررره بان ربنا يرزقنى بنونو











بجد شوية افكار حلوةةةة اوي بس هوا ده بوفيه يعني و لا ده ايه اصلي الصراحة مش فاهمة اوي :o:o:o

ربنا يرزقك بأحلى نونو يا مشمش يا قمر و حاولت اقيمك و الله منفعش عشان لسه مقيماكي قريب



اقتباس المشاركة الأصلية بواسطة حبة كريز
ازيكم بنات

انا دخلت أطمنكم عليا

الحمدلله امبارح جبت فستان الخطوبه

لقيت فستان حلو في اتيليه اسمه نورهان في عباس العقاد

الفستان فيه عيب واحد بس....انه مليان تراس كتييييير على منطقه الصدر

هوا شكله حلو في اللبس ولونه جميل الحمدلله......قلت بقى مش مشكله التراس...ممكن يعجب الناس

وكمان رحت ميدان الجامع.....لكن الغريبه مالقتش حاجه حلوة هناااك

صحيح بنات سؤال

هوا التوينز لو لونه أبيض تبقى الدبله دهب ابيض برضه؟؟؟؟

اصلي لفيت على دبله دهب ابيض ومالقتش غير واحدة عند داماس وشكلها تقليديه جدا

صحاب المحلات قالولي انه الدبله بتكون دهب اصفر عادي وعليها التوينز ابيض .....لكن ماعجبنيش

ايه رأيكم؟؟؟؟؟؟؟؟


بصي يا قمر هيا دي أذواق في ناس كتير فعلا بتجيب دبلة دهب و عليها توينز دهب ابيض بس انا عن نفسي محبتش كده الصراحة فجبت ادهب الصفر و التوينز دهب اصفر بردو بفصوص ألماز و جوزي فعلا كان محبذ الفكرة دي جدا لما جينا نختار و جربت كذا حاجة و شكلهم فعلا بيكون أحلى مع بعض و كله متوحد يا دهب اصفر يا دهب ابيض


عايزة أخد رأيكم في حاجة انا ان شاء لله هيكون الفرح في القاهرة في نادي شرطة الجزيرة عايزة اعرف انا هعد ليلتيين قبل ما اسافر لمكان شهر العسل اللي لسه معرفش فين بالظبط
عايزة اعرف بأه أأجر شقة مفروشة و لا اروح فندق الليتين دول و ياريت لو تقولولي شقق مفروشة تكون قريب من النادي يا قمرات و تكون بحدود كام او لو فنادق بردو هيكون النظام ازاي بالله عليكو حد يرد عليا و يعبرني بأه

عاشقة الرحمن دينا انتي كمان وحشتيني اختفيتي و مبقتش عارفة اكلمك و لا اطمن عليكي خاااااااااااااااالص كده يعني

روباز حبيبتي و لا يهمك المهم اني اطمنت عليكي و انك بخير

heba 017;8814631:

الف مبررررررررروك يا حبيبتى ربنا يبارلك فى حاجتك يارب وتتهنى بيها


قوليلى اسعار القمااش نفسه ايه وايه اخبار الاسعار فى الوكاله فى قماش التنجيد

heba 017;8814768:


بنات ده الفستان بتاعى اللى حضرت بيه خطووبه بنت عمى وكنت متقلقه وهو قطعتين يا بنات