سكوووتي بيذبحني =(

الله يعينك أختي ويسخره لك...
يعني بصراحة ماشاء الله عليك واااايد هادية وكتومة ........وانا وياك أن لازم الزوجة قد ماتقدر تكتم وتداري اسرارها مع زوجها وهاي انا عندي مبدأ من زمان ، بس بشرط انها تكون قااادرة بنفسها على الأقل تناقش ، تحل ...يعني تكون شخصيتها قوووووية ، بس انت حبيبتي اولا وايد صغييييرة وثانيا: هاااااادية جدا .....ثالثا زوجك شغلاته مو بسيطة ، يعني افلام اباحية ، وشرب ، وكلام نت ، يعني كل صفة فيه مشكلة بروحها ،وفوق هاي موراضي عنك ويتكلم عنك عند اهله !!!!!!!!!!!!
احس هني خلاص لازم تتخلين عن كتمانك وهدؤؤؤؤؤؤؤؤك ، اما انك تحاورينه واذا ما تقدرين دخلي شخص واحد فقط من الي تثقين في عقله يعني مو لازم كل العايلتين يدرون لا ، كفاية شخص واحد من صوبك او صوبه ، والله يفرج عنك اختي ، بصراحة واجد متألمة لحالك موعشان صفات زوجك لا لان في وااايد مثل زوجك ، بس لانك ياعمري ماتقدرين تدافعين حتى لو بكلمة قدامه ... لازم حبيبتي تغيرين من حالك والله يهديه يارب ........

الله يكون في عونج حبوبه


السكوووت مب الحـــل

لاحول ولاقوة الابالله العلي العظيم ...والله هذا الرجل مصيبة وابتلااااء عظيم من الله كل مصايب الدنياعنده ...واللي زاده سكوتك لاتسكتين لاااااااااااااااااااااااا للسكوت ..كلمي اهلك اخوانك ..او هيئة إصلاح ذات البين عندكم فالبلد ..الوضع خطييييييييييييير فانتبهي لنفسك ...

حبيبتي لا تسكتين نااقشيه تفاهمي معه كيف بيكون مستقبل ابنك ونفسيته والاب بهالوضعية ساليه ايش الي ناقصك انصحيه عند المعاصي ..

.miss lonely.;8764124:
وواخواني يدرووون عنه بس مايدرون اني ادرري
عادي عندهم شباب يغطون على بعض

اختي دام وصلت لـ الشرب << من الكبائر

شلون تسكتين...!!!

شلون تأمنين عليه حبيبتي انا لو منج ما اسكت ع الأقل ادخل

اهلي لأنه انسان مب مسؤول وبدل مايقارنج مع غيرج

يحاول يعدل فـ نفسه عشان يرتاح

والله يوفقج يالغلا وييسر امورج و قلبي معاج

وان شاء الله ربي يفك ضيقج

لاتسكتين وكلمي اهلك واهله
بكره راح يتمادى اعرف وحده مثلك من ليلة العرس
زوجها قام يشرب حشيش ولاتكلمت ولاقالت شئ
لمن طاح في المخدرات اكثر...........نصيحه قولي لاهلك لا يرمون الغلط عليكي
انك ماتكلمتي واذا قالو لك ليه ماتكلمتي من اول قولي كنت احاول اصلحه
بس انا اشوف انه يتكلم علي عند اهله ويذم بتصرفاتي
ورجال بداله رجال حتى الشيخ بيخلي ولدك معاك لانه يشرب خمر
صلي الاستخاره وتوكلي على الله وقولي الي عندك
لاتخافين منه الرجال بس يهدد بس مايقدر يسوي شئ
الله يوفق الجميع وينصرهم على الرجاجيل الظالمين
امين ...............

الله يفرج همك يالغلااا
ويريح قلبك وييسر امرك يااااارب

الله يهدي ريلج ويسخره لج , بس ما ينفع تسكتين أكثر من جيه ! شو تنتطرينه يسوي !

الريال وصل للشرب تعرفين شو يعني شرب يعني ممكن في وقت من الاوقات يكون معاج بلا عقل وحزته ما تستبعدين اي شي عنه اي شي وانتي فاهمة وعارفه شو الوضع الحين

انا اشوف انج تتخذ موقف حازم ولاتتنازلين عن حقج

الله يفرج همج فديتج ^^

اختي اذا ماتقدرين تكلمية اكتبي رساله على ورقه ....

وقليله انا احبك وتحملتك وايد وحاولت اصلح حالك وكتمت فى قلبي لاقلت حق اهلي ولا اهلك لو غيري والله ماسكتت من اول يوم واعذارك ماتقنعني ولا تقنعك انته يالس تضحك على نفسك وعلي ولاتقول انتي والبنت مايضركم شى نحن اسره وحده وكل واحد فينا يكمل الثاني ...انته اسات لنفسك ولزوجتك والبنتك والدينك والسمعتك والخ ولا شكرت ربك على النعمة ....انا سويت اللي علي بس ماتجاوبت معي ..اذا انته ماحسيت بالغلط وصلحته محد يقدر يساعدك ..اصلح نفسك بنفسك ..انا عندي بنتي امانه وهدية من الله ولازم احافظ عليهاا اذا حسيت بالغلط ونويت تتوب لله وتوبة مابعدها معصية تعال مجلس بيتنا وبنتفاهم ..حطي الورقه فى درج وسكري عليها وطلبي منه تروحي بيت اهلج يومين تغيير جو ..اول ماتوصلي بيت اهلج طرشي مسج حبيبي اذا رجعت البيت فيه ورقه فى الدرج الفلاني وقراها ضروري ..وخلي هذا اخر مسج..ولا تردي عليه ولا مسج ولا اتصالات..اذا شاف انك ماتردي عليه بيحس انه السالفة جد وبيخاف من العواقب وبيظن انك مب ناوية ترجعين البيت الا اذا اعلن التوبة

.miss lonely.;8763456:

السلام عليكم

بدخل بمشكلتي على طووول
انا عمري 21 سنه
متزوجه وعندي بيبي الله يحفظه لي ويخليه
انا حدي هاااااديه وكتومه وفي حالي
انا الحييين متضااااايقه ونفسيتي والله تعبااانه
خلاص وصلت لدررجه اني لو الانتحار حلال كنت بنتحررر وافتك
المشكله هي ان زوووجي دااايماً يقااارني بأي وحده يشوفها
يعني بخوااتي وببنات خالته وزوجات اخوانه مع ان هم كلهم اعمارهم بالثلاثين وفوق وانا توني بالعشرين يعني احس اكيييد هم خبرتهم اكبببر
ودايم يقولي اني ماانفع في شي ولا اعرف شي وشوفي فلانه وشوفي فلانه
ومن يشوف وحده يقول لو هذي زوجتي كنت انا مرتااااح اكيد
وانا سكت ولا اقول شي !!!!:confused:
وغير هذا يشووف افلام اباحيه بالنت وقدامي بعد :confused:ولما اقوله حرررام وليش تشوفهم يقووول عادي كل الشباب يشوووفون وانا مااقصد شي بس هاذي ايميلات توصلني واشوفها
وبعد يكلم بنات في النت واقولها لاتكلمهم وليش تكلمهم يقول هذول صديقاتي بس مابينا شي عاادي !! :confused:ويقولوي اهم شي اني احبج انتي وهم صديقاااات بس
وبعد اسسسسسسكت ولا اقول شي
وبعد من فتره اكتشفت انه يشرب ولما قلت له حررررام ومب زين وليش قالي عااادي وانا اشرب بس في المناسبات واصلاً الشرب مايضر ولايأثر
والله مااااني عارفه شسوووي
وكل شي يسووويه عاااادي قدامي ولا يفتكر فيني :confused:
وعلى كل هذا يجوني خواتي يقولون لي انه يشتكي مني عند اهله ووحده من خواته تقول لأختي ويسألوني هو شلون معاج وانا مااقدر اقولهم شي اقولهم هو اووكي وكل شي فيه زين
واسكت ومااقوله شي ولا اقوله ليش يقول حق اهله جذي :(

بليييز اللي تدخل حتى لو ماتبي ترد ع الاقل تدعي لي دعوه حلوه في قلبها (f)

والله ما دري كيف سكتي على هالشي احس إن مب امبينكم تفاهم عسب جي هو ماخذ راحته ويسوي كل شي جدامج .... بس اتمنى تاخذين موقف لهالشي وحاولي تكلمينه باللين مب بعصبية لان الريال اذا كلمتيه بعصبية بتمادى اكثر .. والله يفرج عنج ان شاء الله وييسر امورج ويهدي ريلجز

اختي تحلاقي عمرج ترى اللي يشرب مرده يضرب يعني بيي يوم صدقيني لو تميتي ساكته بيضربج ضرب و بيكسر عظامج و لا هو حاس و حتى لو صحى من سكرته شو الفايدة ايده بتتعود على الضرب ..حبيبتي ما يصير تسكتين و خاصه ان عندج طفل مب زين يعيش بهالوضع

لازم يبقي ليكي شخصيه معاه الرجاله متحبش الست اللي مالهاش شخصيه يعني مش كل حاجه اوك حتي لو مش مقتنعه طلعي اللي جواكي اي استنكار لتصرفه فهميه انك بتضايقي من كده بلاش السلبيه يمكن عشان سنك صغير بس حاولي تناقشيه في كل تصرفاته وربنا يوفقك يارب

تدرين هو ليش تمادى معاك عشان سكوتك هذا

ايش السلبيه هذي

انتي ماغلطي بشي ... هو الي تصرفاته كلها غلط بغلط وحرام في حرام

روحي كلمي اهلك عشان يعرف ان وراك اهل .... لا وبعد يروح يتشكى عند اهله

لا انتي غلطانه بسكوتك هذا راح تدمرين

بعد له عين يتكلم

الله يعينك على ما ابتلااك

ان شاء الله استفدتي من البناات

ربنا يفرج همك حبيبتى ... انتى قلتى ان كل اللى يقارنهم بيكى سنهم فى الثلاثين و ما فوق ... خلاص حاولى توصلى للسن و الخبرة دى عن طريق القراءة و الثقافة ... تعلمى اكثر ... تعلمى كل شيء .. و لا اقصد مدارس و جامعات ...لااااااااا اقصد فى الحياة ... حاولى ان تجيدى كل شيء .. و بالنسبة لافلام الاباحية اللى يشوفها زوجك و البنات متقوليش بالصراحة كده انك عارفة ... لان الرجال لما بتعرف ان زوجاتهم عارفين بيشوفوا اكتر و بيكون عادى الموضوع بالنسبة لهم ... انما تجاهليه و اهتمى انتى بنفسك اكتر و بعقلك و لا تحاولى ان تبدى امامه انك تعرفى كل شيء اجعليه يتفاجئ بك ... الموضوع هياخذ فترة من الوقت .. و لكن اصبرى و لك الاجر وربنا يسخرلك زوجك و يوفقك.

الغاليه لا تسكتين عنه

خبري حد كبير من الريايل من اهلج ولا اهله خل يكلمونه

مب حاله هاى دامها وصلت للشرب لا تسكتين عنه

ابد مب حاسب لح حساب ولا حاط لج اعتبار ما عليج منه

سوى الى يرضي ربج وخبري حد كبير من الاهل يتفاهم معاه

اهوا مب ياهل عشان يسوى هالاشيا وما يفهم دامه تزوج يعنى ريال وشكبره وفاهم كل شي

ولدج بيكبر وابوه جي؟؟ ترا الولد يطلع عالابوو دامه ولدج توه صغير لا تخلينه يكبر مع ابو جي الحقى كل شي قبل فوات الاوان

والله يصلح امرج ويهدى ريلج

امييييييين

هذي كله حرام في حقج

انتي توج صغيرة على الهم والشقى

لاتكتمين وتكلمي صارحيه بكل شي اذا جافج ساكتة بيلعب وبيسوي قد مايب ولاتنسين ان عندج ياهل

ع الاقل كلمي اهلج عشان يكلمونه ولازم يعرف ان وراج ناس تنسدين عليهم في مثل هالمواقف

وربي يوفقج ان شاءالله ويبعد عنج الهم ويصلح زوجج

دعواتي لج من قلب