شعر طويل +وناعم تبغون السر

مساء الخير كيفكم ياعروسات
ببدأ بالموضوع على طول علشان ما اطول عليكم
بعد ماطلعت من النفاس وبعد الرضاعه تعرفون التساقط اللي يصير وصار شعري باهت من الصبغه زياده ويمشي مشي والاهم اني بصراحه صلعت من قدام وقالت لي وحده الله يجزها خير هالخلطه والحين لي سنه وانا استخدمها وما استغني عنها مع ان شعري صار يجنن منها وتلاحظين هالشي من اول استعمال
المقادير :
علية زبادي
ملعقه اكليل الجبل
فنجان زيت السمسم
الطريقه:
بسيطه جداااا
تطحنين اكليل الجبل وتاخذين منه ملعقة وتحطينها في فنجان مويه وبعد كذا تصفين المويه وتحطينه على الزبادي وتحطينزيت السمسم عليهم وبعدين تحطينها على شعرك وتحطين عليها كيس لمدة ساعه تقريبا وتتسبحين بعد كذا
بصراحه اللي محببني في هالخلطه انها ماتاخذ وقت طويل على الشعر يعني حتى لو بروح لمناسبه بالليل عادي احطها العصر قبل مااتسبح
بقولكم اللي قالت لي الخلطه قالت لي احط اكليل الجبل على شعري بدون مااتقعه بالمويه بس مشكلته يكون زي الحنا ما يطلع من الشعر الا بالمشط ففضلت اني انقعه واخذ مويته
هالخلطه مره حلوه لاحظت انها طولت شعري بشكل رهيب وقل التساقط كثير وصار يلمع
والتجربه خير برهان